قاراقاشقا كەلدى تۆت ئەدىب ( كۆرۈشكە تېگىشلىك)

قايتماس

	قاراقاشقا كەلدى تۆت ئەدىب، خۇددى نۇرلۇق چولپاندەك يېنىپ. كەلسۇن دەيمىز ئۇلارنى يەنا، مەڭگۈ سولماس گۈللەرنى ئېلىپ. قاراقاش ناھىيىلىك پارتكوم، خەلق ھۆكۈمىتى ۋە ناھىيەلىك مائارىپ ئىدارىسىنىڭ ئالاھىدە تەكلىپىگە بىنائەن داڭلىق ئەدىب ۋە تەتقىقاتچىلىرىمىزدىن ئابدۇقادىر جالالىدىن، يالقۇن رۇزى، ئابلەھەت ئابدۇرېشىت بەرقى ۋە قۇربانجان ئابدۇقادىر قاتارلىق ئەزىز مېھمانلار 9-ئاينىڭ 26-كۈنى چارشەنبە چۈشتىن كېيىن دىيارىمىزغا مەخسۇس مائارىپ توغرىلىق لىكسىيە سۆزلەش ئۈچۈن كەلگەن ئىدى. بۇلارنىڭ ناھىيەمىزگە تەكلىپ بىلەن لېكسىيە سۆزلەش ئۈچۈن كېلىشى تۇنجى قېتىملىك ئىش بولۇپ، بۇ قاراقاش مەدەنىيەت-مائارىپ تارىخىدىكى تەسىرى ۋە خاتىرە ئەھمىيىتى زور بولغان ئالاھىدە پائالىيەت بولۇپ ھېسابلىنىدۇ. بۇلار كەلگەندىن كېيىن ئۆز ئارا گۇرپپىلارغا بۆلۈنۈپ، ۋاقىتنى كونتورل قىلىپ، قاراقاش ناھىيەسىنىڭ يېزا-قىشلاقلىرىدا ۋە ناھىيە ئىچىدە لىكسىيە سۆزلەش پائالىيىتى ئېلىپ باردى. تۈرلۈك تەييارلىق ئىشلارنى ناھىيەلىك مائارىپ ئىدارىسى ئورۇنلاشتۇرۇپ بەردى. لىكسىيە باشتىن-ئاخىرى ناھايىتى جانلىق، ياخشى داۋام قىلدى. لىكسىيە ئاڭلىغۇچىلار خۇددى بۆكىنى بىرسى ئېلىپ كەتسىمۇ سەزمىگۈدەك دەرىجىدە جىمجىت ئولتۇرۇپ، ئوتلۇق ھاياجان، قىزغىن كەيپىيات ئىچىدە لىكسىيە ئاڭلىدى.    قاراقاش ناھىيەلىك ئەدەبىيات-سەنئەتچىلەر بىرلەشمىسى 27-چىسلا كەچ سائەت 6:00 دە ئۇلارنى  كۈتۈۋېلىش ۋە دىدارىغا تەشنا بولىۋاتقان ئىلىم ئەھلىلىرىنى ئۇلار بىلەن ئۇچراشتۇرۇپ، پىكىر ئالماشتۇرۇش مەقسىتىدە ناھىيەلىك سەنئەت ئۆمىكىنىڭ يان تەرىپىدىكى غىزاخانىدا داستىخان تەييار قىلدى. داستىخان يىغىلغاندىن كېيىن  بۇ مۆھتەرەم زاتلار ئۆز ئارا دىدار-مۇلاقەتتە بولۇپ ئەركىن پىكىر، مۇلاھىزىدە بولدى ۋە خاتىرە سۈرەتكە چۈشتى. شۇنداق ئېيتىشقا بولىدۇكى، بۇ تۆت ئاقىلنىڭ ناھىيەمىزگە قەدىم تەشرىپ قىلىشى خۇددى قاغجىراۋاتقان يەرگە يامغۇر ياغقاندەك، چۆلدەرەۋاتقان باغۇ-بوستانغا سۇمرۇغ كەلگەندەك خاسىيەتلىك بىر ئىش. ناھىيەلىك ئەدەبىيات-سەنئەتچىلەر بىرلەشمىسىدىن نۇرمۇھەممەت تۇردىئەخمەت تۆۋەندە 27-چىسلا كەچ غىزاخانىدىن چىققاندىن كېيىن تارتىلغان سۈرەتلەر ۋە 29-چىسلا چۈشتىن كېيىن ناھىيەلىك تىياتىرخانىدا تارتىلغان سۈرەتلەر بىرگە يوللاندى. نەق مەيداندا ئېلىنغان ئۈن خاتىرىسى ئۇزاققا قالماي يوللىنىدۇ.

hokumran

	ئەدىپلەرنىڭ ناھىيە، يېزا-قىشلاقلارغا تەكلىپ قىلىنىپ، لېكسىيە سۆزلەشكە ئورۇنلاشتۇرۇلۇشى ناھايىتى ياخشى بىر باشلىنىش بوپتۇ. يازغۇچى، ئەدىپلەر خەلق ئارىسىغا قانچە چوڭقۇر چۆكسە ۋە سىرداشسا، خەلققە شۇنچە يېقىنلىشالايدۇ. شۇنداقلا  ھەقىقىي بىر خەلق يازغۇچىسى بولۇش ئۈچۈن شەرت ھازىرلىيالايدۇ. بۇ تـۆت ئەدىپنىڭ لېكسىيەسىنىڭ مەزمۇنىدىن خەۋىرىم بولمىسىمۇ بىراق ئۇلارنىڭ لېكىسىيەسىنىڭ شۇ شۇ سورۇندىكى كىشىلەرنىڭ روھى دۇنياسىدا مەلۇم سىلكىنىش ھاسىل قىلالايدىغانلىقىغا ئىشەنچىم كامىل. ھەر دەرىجىلىك پارتىيە، ھۆكۈمەت ئورگانلىرىنىڭ زىيالىي، ئەدىپلەرنى ئاساسىي قاتلامغا تەكلىپ قىلىش خىزمىتىنى تېخىمۇ كۆپرەك ئېلىپ بېرىشىنى، زىيالىي، ئەدىپلىرىمىزنىڭ ئىشخانا ئىچىگىلا بېكىنىۋالماي خەلق ئارىسىغا تېخىمۇ چوڭقۇر چۈكۈشىنى ئۈمىد قىلىمەن. ئاخىرىدا بۇ تۆت ئەدىپنىڭ تېنىگە سالامەتلىك، بارلىق ئىشلىرىنىڭ ئوڭۇشلۇق بولۇشىغا تىلەكداشمەن.

aa0998

	بۇلارنىڭ ھەمىسى داڭلىق ياغۇچېلاركەن ئۇنىڭ ئۇلارنىڭ ئارسىدا يالقۇن روزى ئەپەندىم باركەن، ئۆتكەندە مەن بۇلارنىڭ بىر كىتاپ بىر ئالەم دىگەن سۆھبىتىنى كۆرگەن ؟

دەرۋىش

	ياخشى باشلىنىش.

ihsan0903

	ئۇيۇمنىڭ ئالدىغا كەلسىمۇ خەۋەرسىز قاپتىمەن ئەمەسمۇ ؟  مائارىپ گۈللەنسۇن !

باياۋان

	ئەدىبلىرىمىزنىڭ پات-پات كېلىپ ئەقىل كۆزىمىزنى ئېچىپ قويۇشىنى ئۈمىد قىلىمەن .

TáwpéK0903

	ۋاي ئىسىت مەنمۇ ئاڭلىماي قاپتىمەنغۇ بىلگەن بولسام كىرەتتىم قارقاشقا ..بۇقىتىم لىكسىيەنىڭ رەسىملىرىنى يوللاپ ياخشى قىپسىز ، بولسا ئاۋازلىق قىىسمىنى تىزراق يوللىشىڭىزنى ئۇمۇت قىلمەن .

quwax

	ئۇلار ھازىرمۇ قارقاشتا بارمۇدۇ؟

ئاقيول

	ياخشى ئىشلار بوپتۇ،بىزنىڭ پوسكامغا كەلمەمسىلە؟

zohran1

	بۇ زىيالىلارنى قاراقاش ناھىيىسى تەكلىپ قىلىپ بەك خاسىيەتلىك ئىش قىپتۇ.بىزنىڭ غۇلجا ناھىيىسى قاچان تەكلىپ قىلار بۇلارنى؟بۇلارنىڭ لىكسىيەلىرىنىڭ ھەرقانداق كىشىنى ئويغا سىلىشىداگەپ يوق.مۈمكىن بولسا بىزنىڭ  ناھىيىگىمۇ كىلىپ مائارىپ ھەققىدىكى لىكسىيەرلىرىنى سۆزلەپ ناھىيمىزدىكى مائارىپ ساھەسىدىكى ئۆزىنىڭ تىخى كىملىكى ھەققىدىمۇ تۈزۈك ئويلىشىپ بولالمىغان بىرقىسىم «ئوقۇتقۇچى»لىرىمىزنىڭ ۋە شۇ خىلدىكى زىيالىلىرىمىزنىڭ ئۆزى ھەققىدە يەنە بىر ئويلىنىپ بىقىشغا تۈرتكە بولۇشنى بەكلا ئۈمىد قىلىمەن. راست ئۇلارنىڭ لىكسىيىسىنى ۋاقتىدا يوللاپ قويغايسىز تورغا.ھەممىمىز ئۇ نوتۇقتىن بەھر ئالايلى.مەن ئابدۇقادىر جالالىددىننى بۈگۈنكى ئۇيغۇرلارنىڭ ھايات «مەمتىلى ئەپەندى»سى دەپ قارايمەن.چۈنكى ئۇنىڭ قەلبىدىكى يىنىپ تۇرغان ئوت مەمتىلى ئەپەندىنىڭ يۈرىكىدىكى ئوتقا ئوخشاش بىردەكتۇر.