تېڭىرقاش

aNKARI

	تېڭىرقاش                                                     "نەسىر"       "1 مەن  تاھىر يولىنى ئىزلىمەك بولۇپ يولغا چىققان ئىدىم، لېكىن ماڭا زۆھرەدەك يۈرەك تېپىلمىدى، مەن تاپقان   زۆھرەلەرنىڭ يۈرىكى ئازاپتىن زىدە بولۇپ سوغۇقتىن ئۆز ئەكسىنى ۋە چوغدەك قىزىللىقىنى يوقۇتۇپ قويغان ئىدى !   ئاشىقنىڭ مۇڭلىرىغا جۆر  بولۇپ تاھىر يولىنى ئىزدەپ قەدىمىي يىپەك يولىدا تاپقان ئىدىم، لېكىن يولۇمنى يالغانچىلىق  ئالۋاستىسى بىلەن ئازاب كەلكۈنى تورىۋېلىپ ئۆتكۈزمىدى  ۋە:    _ تاھىر يولىنى ئىزلىمەك بولساڭ ئۇپۇق سىزىقىغا چىق، - دېدى. مەن  ئامالسىز ئازاب كەلكۈنلىرىدە ئېقىپ تەكلىماكان بارخانلىرىغا سىڭىپ كەتتىم  .   مۇنداق قىسمەتتىن خەۋەردار يۈرىكىم ئۆزىنى دوزاقنىڭ ئوتىغا ئېتىپ ئۆلۈۋالدى .                                                                  "2" بەخت  نۇرۇڭنى ئوغىرلاپ قاچقان قىز ئامەت قۇشۇڭنى ئېتىپ چۈشۈرەلەيدۇ. كۆزلىرىدە ئالدىغان قىز، سۆزلىرىدىمۇ ئالدىيالايدۇ!                                                            "3"   يىراققا  تارقالغان مۇڭ كۇيلەرنى ئاڭلىغىنىدا ئۆز ئەكسىڭگە دوستۇم، ئەمدى ئۇنداق يېشىل ھېكايىلەرنى يادلاپ يۈرمە، كەلمەسكە كەتكەن ئەسلىمىلەرنى ئەسلەپ، بەرگىلىرى توزۇپ  قۇرۇق شېخىلا قالغان گۈللەرنى ئىزلەپ ئاۋارە بولما، ئەمدى يۈرىكىڭنىڭ دەردىنى چۇشەنگەنلەرنى كۆزۈڭدىن سۆيگۈ ئۇچقۇنى ئىزلىگەنلەرنى تاپ ۋە مەڭگۈلۈك بەخىتكە چۆكۈپ كەت  .....                                                               "4"     بىر چاغلاردا ناخشىلار شۇنچىلىك ئەركىن ۋە شۇنچىلىك  شوخ  ئىدى،  بىز  ئويناپ   ھارمايتتۇق ئۇسۇلغا قانمايتۇق، لېكىن ھازىر ناخشىلارمۇ دەۋىرگە ماسلىشىپ كەتتىمۇ قانداق؟ ئاڭلىغان كىشىنى مۇڭغا چۆكتۈرىۋېتىدۇ  .   ناخشا   ئاڭلايسەن، ناخشا ئاڭلىغاندەك تۇيغۇ يوق، ھازىرقى ناخشىلار گويا ئاشىقنىڭ ھەسرىتى، مەشۇقنىڭ   نىداسى خۇددى دۇنيادىكى پۈتۈن كىشىلەر ئالدانغاندەك، پۈتۈن كىشىلەر  ھەسرەت چېكىۋاتقاندەك   .         بۇ  دۇنيا دەرتمەنلەر كەنتىگە ئايلىنىپ ئايلاندىمىكىن دەپ قالىمەن گاھىدا.                                                                                            _  ت  .ئەنقارى                       2012- يىل  6-ئاينىڭ 5-كۇنى

aNKARI

abuzar786

	رەھمەت.......تىرىشىڭ...!!!

kigiz

	رەھمەت

ardamay

	تۇرمۇشنىڭ ئەگرى توقاي داۋانلىرىدا تېڭىرقىمىغان كىم بار؟ئارزۇ ،ئۈمىد ،ۋە رىئاللىق ئوتۇرسىدا تەڭقىسلىقتا قالمىغان كىم بار؟دۇنيا مانا شۇ قىسمەتلەر بىلەن گۈزەل ۋە رەڭداردۇر