ئالىي مەكتەپ ئوقۇغۇچىلىرى شۇنچە دۆتمۇ ؟

mazmut911

	ئالىي مەكتەپ ئوقۇغۇچىلىرى شۇنچە دۆتمۇ ؟ ئالىي مەكتەپ پۈتتۈرگىنىمگە خىلى بولۇپ قاپتۇ ،  ئالىي مەكتەپ ھاياتىم بىلەن ھەقىقىي جەمئىيەتكە چىققاندىكى تۇيغۇ ۋە كىشىلىك مۇناسىۋەتلەرنىڭ ئاسمان زېمىن پەرق ئېتىدىغانلىقىنى مەكتەپ پۈتتۈرۈپ جەمئىيەتكە چىققاندا ھەقىقىي ھېس قىلدىم . ئالىي مەكتەپ ھاياتىمدا ئاتا ئانام ئەۋەتىپ بەرگەن ئازغىنە پۇلنى خەجلەپ ، ئانچە مۇنچە ئىشلەپ پۇل تېپىپ ئوقۇشنى تاماملىغان ئىدىم ، شۇ ئوقۇش ھاياتىمدا بىر قانچە كۇرسلاردا دەرس ئۆتۈپ ئىقتىسادىي جەھەتتىمۇ ئانچە بەك قىينالماي ئۆتكەن . شۇنداقلار كىشىلىك مۇناسىۋەت ۋە جەمئىيەت بىلەن بولغان مۇناسىۋەتلەرنى خىلىلا ھېس قىلغان . بىراق مانا ھازىر مەن ھەقىقىي جەمئىيەتنىڭ دەسلەپكى بوسۇغىسىغا يول قويغىنىمدا ، بۇ تۇرمۇشنىڭ قاتتىقچىلىقى ، كىشىلىك مۇناسىۋەتنىڭ مۇرەككەپلىكى ، ياخشىلىق بىلەن يامانلىق ، ھەق بىلەن ناھەق ، مەرد بىلەن نامەردلىك ،گىرەلىشىپ كەتكەن رەھىمسىز جەمئىيەتنىڭ قارا بورانلىرى مېنى خىلىلا ھالسىرىتىپ قويماقتا . ماڭا جەمئىيەتنىڭ ياخشى تەرىپىدىن يامان تەرەپلىرى بولۇپمۇ  ، كىشىلەرنىڭ لەۋزىگە ۋاپا قىلماسلىقى ،  بىر قىسىم كىشىلەرنىڭ ئۆز مەنپەئەتى ئۈچۈن ھەرقانداق بىر كەسكىن قارارنى چىقىرىش ،مەسئۇلىيەتسىزلىكى ،  پۇل ئۈچۈن تويماس نەپسى سالغان ھەرخىل كويلار ، ۋە ئويلار بەكرەك ئۇچرىماقتا . ئالىي مەكتەپ ھاياتىمدا گەرچە مەن تىرىشچان بولساممۇ بىراق ماڭا كېلىدىغان ئۇنچە چوڭ ئىقتىسادىي بىسىم يوق ئىدى ، پەقەت ئايدا نەچچە يۈز يۈەن بولسىلا مەن بىر ئايلىق ئوقۇش ھاياتىمنى ناھايىتى خاتىرجەم تۈگىتەلەيتىم ، سىرتتىن دەرس ئۆتۈپ ئىشلەپ تاپقان پۇللىرىمنى يىغىپ ئۆزۈمگە لازىملىق نەرسىلەرنى سېتىۋېلىشىمغا يىتەتتى .  بىراق ئوقۇش پۈتتۈرگەندىكى جەمئىيەت مەن ئالىي مەكتەپتە كۆرگەن دۇنيا بىلەن خىلىلا پەرقلىق ئىكەن . مەن ئالدىنقى قېتىم كىمدۇر بىرىنىڭ ، بىزنىڭ ئوقۇش پۈتتۈرگەن ئوقۇغۇچىلىرىمىز ھۆكۈمەت ئۈچۈن ئىشلەشنى بەك چوڭ بۈلىدۇ ، ئۇلار ئىمتىھان مەيدانىدا بىكار ، دېگىنىنى ئاڭلىدىم ، ئەينى ۋاقىتتا مەن راستىنىلا ئاشۇنداق دەپ بىلگەن  ئىدىم . بىراق قىنى بىزنىڭ ئۇيغۇر كارخانىچىلىرىمىز دىن قانچىسى ئاشۇلارنىڭ تۇرمۇشىغا كاپالەت بېرەلىدى ؟  قانچىسى ئۆزىنىڭ دېگىنىنى قىلىپ بېرەلىدى ؟ قانچىلىك كارخانىچى ئۆزىنىڭ قول ئاستىدىكى ياراملىق ئىقتىساد ئىگىلىرىگە ئۆز ئالدىغا تۈر ئېچىش پىلانى ۋە ئۆز ئالدىغا ئىگىلىك تىكلەش يولى تېپىپ بېرەلىدى  ؟ زادى قانچىلىك كارخانىچى بۇ ئىشلارنى قىلالىدى ؟   مانا بۇ ھەقىقىي رېئال جەمئىيەت ... 1.بىزنىڭ ئالىي مەكتەپنى پۈتتۈرگەن ئوقۇغۇچىلار بىر ئىش قىلالمامدۇ ياكى ، ئىش قىلاي دېسە تۈگىمەس توسۇقلار، ئىقتىسادىي بىسىم ئۇلارنىڭ ئالدىنى توسۇپ ئەمدى چىققان نوتىنى ئۇجۇقتۇرامدۇ ؟ 2.بىزنىڭ ئالىي مەكتەپ ئوقۇغۇچىلىرى دۆلەت مەمۇرى بولۇشقا ، ئالاھىدە شتاتلىق خادىم بولۇشقا   شۇنچە خۇشتارمۇ ؟ 3.ئالىي مەكتەپ ئوقۇغۇچىلىرى باشقىلارغا ياللىنىپ ئىشلەشكە خۇشتارمۇ ؟ ئەمەلىيەتتە ئالىي مەكتەپتە ئوقۇپ چىققان نۇرغۇن ياشلار ھەرگىز يۇقىرىقى ئىشلارغا خۇشتار ئەمەس . 1 سوئالغا كەلسەك ،  ھازىر  بىر ئىش قىلاي دېسە ئۆتەيدىغان رەسمىيەتنىڭ كۆپلۈكى ، رەسمىيەتنىڭ تىز سۈرئەتتە چىقماسلىق ، چىققان رەسمىيەتلەرنىڭ رەسمىيەت بەرگۈچىسىنىڭ ساندۇقلىرىدا ساقلىنىپ ئاز تولا پۇل تۆلىگەندىن كىيىن چىقىشى .  ئالدىن بېيىغان ياكى يول تاپقانلارنىڭ يىڭى چىققانلارغا يول قويماسلىقى ياكى ئۆزىنىڭ ئالدىغا ئۆتۈپ كېتىشىدىن ساقلىنىش ئۈچۈن ھەرخىل ئىقتىسادىي بىسىم ياكى تۈگىمەس قائىدىلەرنى چىقىرىپ  قىلىۋاتقان ئىشىغا نىسبەتەن دادىل تۈر ئاچالماسلىقى ، ئالىي مەكتەپنى پۈتتۈرۈپ ئۆز ئالدىغا ئىش قىلىش ئىستىكىدە بولۇۋاتقان ياكى ، ئىش قىلغانلارغا كەلتۈرىدىغان بىسىم . ئاددىيسى ئۆزۈمنى مىسال ئالغىنىمدا ، مەن تېخى يىڭىلا ئوقۇش پۈتتۈرۈپ ئۆز ئالدىمغا ئىش قىلىۋىدىم ،  تەرەپ - تەرەپتىن قىستاپ كەلگەن ئىقتىسادىي بىسىم مېنى ھازىر خىلىلا ھالسىرىتىپ قويماقتا ،  يىڭى باشلىغان ئىشتا ئاز تولا قوللاشنىڭ ئورنىغا ھەممە ئادەمنىڭ ، ئالىمەن ، يۇلىمەن ، بىرىسەن دەپ ئىقتىسادىي جەھەتتىن مېنى چارچىتىشى مىنىڭ ئەسلىدە قىلماقچى بولغان نۇرغۇن پىلانلىرىمنى كۆپۈككە ئايلاندۇرماقتا.... 2 سوئالغا كەلسەك :  ئالىي مەكتەپ ئوقۇغۇچىلىرىنىڭ زور كۆپ ساندىكىلەر بۇ ئىمتىھانلارغا خۇشتار بولۇپ كەتمەيدۇ ، بىراق ئاتا- ئانىلارنىڭ زورلىشى ، زور بىر قىسىم ئالىي مەكتەپ ئوقۇغۇچىلىرىنى مۇشۇ خىل ئىمتىھانلارغا قاتنىشىپ ۋاقىتنى ئىسراپ قىلىشقا كېتىپ بارىدۇ ، شۇنداقلار ، بىزنىڭ بىرقىسما كارخانىچىلارنىڭ خىزمەتچىلىرىگە بولغان تۈگىمەس ئۇششاق قائىدىلىرى ، جەرىمانىلىرى ، دەم ئىلىش ۋاقىت بەرمەسلىكى ، كارخانىلارغا بېرىپ ئىشلەش سالمىقىنى زور دەرىجىدە تۆۋەنلىتىۋەتتى . 3. ھېچ كىشى باشقىلارغا ياللىنىپ ئىشلەشكە مەجبۇر ئەمەس ھەتتاكى ، مەدىكارمۇ شۇ . شۇنداق بولغاندىكىن ، بىر زىيالىينىڭ بۇنداق بولۇشى تېخىمۇ مۇمكىن بولمايدۇ ، بىراق جەمىئەتتىكى ئىجتىمائىي ئالاقە ۋە ئىقتىسادىي ئالا ھەقىقىي  ئوقۇغان بىلەن ئوقۇمىغاننى ئايرىمايدىغان بىر كۆۋرۈك ھاسىل قىلغانلىقتىن ، نۇرغۇن ياشلىرىمىز ئىمتىھاندىن ئۆتكەن تەقدىردىمۇ ، ئاز تولا ئارقا ئىشىك قىلالماي ، چەت ياقىلارغا خىزمەتكە بۆلۈنۈش سەۋەبىدىن ، ئىشلىمەسلىكنى تاللاپ ، ئۆز كەسپى بىلەن ھېچ بىر مۇناسىۋەتسىز كەسىپلەر بىلەن شۇغۇللانماقتا ، ئەڭ ئاددىيسى ، بىر قانچە دوستلىرىم ، تاللا بازىرىدا ، ھەتتا ئاشخانىلاردا ئىشلەۋاتقانلارمۇ بار . دۆلەتنىڭ ئوقۇش پۈتتۈرگەنلەرگە ئوقۇغۇچىلار ئۆز ئالدىغا ئىگىلىك تىكلىسە بېرىدىغان ئۆسۈمسىز قەرزى بار ئىكەن ، بۇنى شىماللىق بىر قانچە دوستلىرىم ھەل قىلغان ئىدى ، بىراق  قەشقەردە مەن كىرمىگەن تۆشۈك قالمىدى زادى قىلالمىدىم ، باشقا دوستلىرىممۇ قىلالمىدى ، قانداق قىلىشى كېرەك ؟، باشقىلارنىڭ قولىدا ئىشلىمەي تەييار ناننى يەۋىرىشكە يۈز چىدىمايدۇ دە .... مانا مۇشۇ ئىشلار ھەقىقىي جەمئىيەت دېڭىزىدىن تامچە ،  كۈندىن - كۈنگە يامانلىشىۋاتقان ئىقتىسادى  ، ئىجتىمائىي ئالاقە ، يالغانچىلىق ، شەخسىيەتچىلىك ، يول قويماسلىق ، ھەدىدىن ئاشقان پۇل پەرەسلىك ، دەل بىزنىڭ يىڭى نوتىلارنىڭ نۇرغۇن چىقىش يوللىرىنى توسۇپ بىزنى شۇنداقلا ئالىي مەكتەپنى پۈتتۈرگەنلەرگە بولغان جەمئىيەتنىڭ ناچار كەيپىياتىنى ئېغىرلاشتۇرماقتا . ئاخىردا مەن شۇنى دېمەكچى ، ئالدىن يول تاپقانلار ، ئاز تولا پۇلى بارلار مۇمكىن بولسا ئۆز ئالدىغا ئىگىلىك تىكلەش يولىدا سەپەرگە ئاتلانغان ياشلارغا ئاز تولا يول قويساڭلار ۋە قوللىساڭلار ،  يولى بارلار يول ، كۈچى بارلار كۈچ چىقارسا ، بىز دىن بىر كارخانىچى ، بىر ئىگىلىك تىكلىگۈچى كۆپەيسە دېگەن ئۈمۈتتىمەن ... www.nurhan.biz

rahmansaykin

	دىگىنىڭز بەرھەق قېرىندىشىم . ھازىر ئالىي مەكتەپ ئوقۇغۇچىلىرى بەك تەس كۈندە قالدۇق . ئولتوسا-قوپسا خىزمەت غېمى . مەكتەپ پۈتتۈرۈپ نىمە ئىش قىلامەن دىگەندەك ئاخىرى چىقماس خىياللار .ئۇنىڭ ئۈستىگە بىزنىڭ «مىللى » دەپ گۇنايىمىز بار . نەگىلا باماڭ سىز ئۈسىدىغان تۇساق باشقىىلارنىڭكىدىن خېلىلا كۆپ .        تەخمىنەن بىرەر ئاي بۇرۇن ، مەن شاڭخەي ھەمكارلىق تەشكىلاتىدىن كەلگەن ئۆمەكنى كۈتىۋېلىشقا چىقتىم . ئۇلارنىڭ ئاساسلىق مەقسىتى شىنجاڭدىكى مائارىپ ، بۇ يەردىكى يەرلىك مىللەتلەرنىڭ ئىشقا ئۇرۇنلىشىش مەسلىسى دىگەندەك . روسىيە باشچىلىقىدىكى يەتتە -سەككىزچە دۆلەت ئۆمەك تەشكىللەپ كەپتىكەن .« يولداشلار » بۇنى ئۇلار كىلىشتىن بۇرۇن خېلى «ئەتراپلىق » ئۇرۇنلاشتۇرۇپ بولغانىدى . مىللي ئوقۇغۇچىلار توغۇرلۇق ئۇقۇش ، خىزمەت دىگەندەك گەپ چىقىپ قالسا مىنى جاۋاپ بىرىسەن دەپ قۇلۇمغا «تەييارلىقى پۈتكەن» بىر ۋاراقنى بەردى . بىر قۇر كۈرۈپ باقتىم . گەپلەر بەك تاتلىق . مىللىي باللارغا  مەكتەپتە تەربىلىنىشتىن تارتىپ خىزمەتكە ئۇرۇنلىشىشقىچە ھەممىدە ئېتىبار  بار . كارخانىلارمۇ مىللىي باللارنى تالىشىپ ئالىدۇ . مىللىي باللارنى كۆپ ئالغان كارخانىلارنىڭ يىللىق بېجى كەچۈرۈم قىلىنىدۇ ................................................. يەنە بىر تالاي  قۇرۇق گەپ .  ئىاخىرى مەن راۋان جاۋاپ بىرەلمەيدىكەنمەن دەپ ۋاراقنى باشقا بىر خەنزۇۋانغا بەردىم .  يىغىن باشلاندى . ئۇزاق ئۆتمەيلا روسىيە ياشلار بىرلەشمىسىنىڭ رەئىسى  نەق شۇ سۇئالنى سورىدى . (يىغىن روسچە ).  خەنزۇۋان قىز ناھايتى راۋان جاۋاپ بەردى . تەرجىمان قىينالمايلا تەرجىمە قىلدى .   يىغىندىن كىيىن مەكتەپ زىياپەت بەردى . باشلىنىش سۆزى ئاخىرلىشىپلا  مەكتەپ مۇدىرى  مەكتەپنى «يامان ئەمەس » ماختاپ قويدى . ناۋادا ئۇ گەپنى خارۋرارىد ئونۋىرىستىتىنىڭ بىرەر ئوقۇغۇچىسى ئاڭلىغان بولسا ئىككىلەنمەي قايتىپ كىلىپ بىزنىڭ مەكتەپنى تاللايتى . شۇنداق قىلىپ ئۆمەك كەتتى ، بىزنىڭ «خوشال » ھالىتىىزنى رەسىملەرگە تارتىپ ، دوكلاتلار  قىلىپ خاتىرلەپ  كەتتى . بىز يەنە شۇ كونا پەدە ، يەرشارىغا ئوخشاش ئۆز ئوقىمىزدا ئايلىنىۋەردۇق  .

hurmet

	بەكمۇ ئورۇنلۇق تىمىنى ئوتتۇرىغا قويۇپسىز،لىكىن مىنىڭچە تولۇق بولماپتۇ،مەن ئويلىغانلىرىمىنى تازا راۋان ئىپادىلەپ كىتەلمەيمەن،لىكىن بىر مىسال ئالاي،ئادەتتە پات-پات ئۇچۇر تورىغا چىقىپ خىزمەت ئۇچۇرلىرىنى كۆرۈپ تۇرىمەن،مىللى كارخانىچىلىرىمىزنىڭ ياكى ئۆز مىللىتىمىزدىن بولغان خىزمەتچى تەكلىپ قىلغۇچىلارنىڭ شەرت-تەلەپلىرىنى كۆرۈپ بەزىدە خورلۇق ھىس قىلىپ قالىمەن،مىسالەن‹‹بىزگە بىر نەپەر ئىشخانا خادىمى كىرەك،تولۇق كۇرس ياكى ئۇنىڭدىن يۇقىرى ئوقۇش تارىخى بولىشى كىرەك،خەنزۇتىلى سەۋىيەسى يۇقىرى بولىشى كىرەك،بىرنەچچە خىل تىل بىلگەنلەر ئالدىن ئويلۇشىلىدۇ،فوتوشوپ ۋە باشقا كومپىيوتۇر بىلىملىرىغا پىششىق بولىشى كىرەك، جاپاغا چىدايدىغان،مۇناسىۋەتكە ماھىر،ئۇزۇن مۇددەت ئىشلەيدىغان،شىركەت تاپشۇرغان ھەرخىل ۋەزىپىلەرنى بەجانىدىل ئورۇنلىيالايدىغان بولىشى كىرەك.شەرتكە ئۇيغۇن كەلمەيدىغانلار،جاپاغا چىدىمايدىغانلار بىزنى ئاۋارە قىلماڭ.مۇئاش 1000يۇەندىن 1500يۇئەنگىچە.پۇرسەت غەنىمەت!پۇرسەت كۈتۈپ ئولتاغانلارغا ئەمەس،تىرىشقانلارغا مەنسۇپ››تىخى بۇنىڭلىق بىلەن تۈگىمەيدۇ،ئۇ يەرگە بىرىپ ئىشقا چۈشكەندىن كىيىن خىزمەتچى ياللىغۇچى خۇددى ياللانغۇچى بىچارە سىتۇدىنتنىڭ رىسقىنى بىرىپ جەددى-جەمەتىنى بىقىۋاتقان كەيپىياتتا بولىدۇ.شۇنى سورىغۇم كىلىدۇ،مۇشۇنداق ئۇچۇرنى بىرىدىغانلار،ئىگىلىك تىكلىگەن كارخانىچىلار، ئۇيغۇر سىتۇدىنلارنى ‹ئۇنداقەي-مۇنداقەي›دەپكىتىدىكەنسىلەر،ھەتتا تىلۋىزىيەدىكى زىيارەتلەردىمۇ بەزى كارخانىچىلىرىمىزنىڭ ئالى مەكتەپ ئوقۇغۇچىلىرىمىزنى‹ئۇنى قىلالمايدۇيەي،بۇنى قىلالمايدۇيەي›دەپ زارلاپ بەرگەن كۆرۈنۈشلەرنىمۇ كۆرۈپ تۇردۇق.ئۇلار شۇنداق ھال تارتقاننىڭ ئورنىغا ئاۋال ئادەم ئىشلىتىشنى،ئىشلەتكەن ئادەمنى قانداق تۇتۇپ تۇرۇشنى،خىزمەتچىگە قانداق مۇئامىلە قىلىشنى ئىزدىنىپ باققانلار،يولداشلارنىڭ باشقۇرۇش ئۇسۇلى بىلەن ئۆزىنىڭىڭكىنى سىلىشتۇرۇپ باققانلار بامۇ؟.نىمىشقا ئۇيغۇر ئوقۇغۇچىلار ئۆز مىللىتىمىزدىن بولغان كارخانىچىلارغا قارىغاندا يولداشلارنىڭ كارخانا-شىركەتلىرىدە ئىشلەشنى بەكەرەك خالايدۇ؟يولداشلارنىڭ باشقۇرۇش ئۇسۇلىدا بىرە ئۈستۈنلۈك بارمۇ قانداق؟ئالى مەكتەپ ئوقۇغۇچىلىرى ‹پەس، نەچچە پۇللۇق مەدىكار› مۇ؟

سەۋېر

	يۇقۇردىكى ئىنكاسلىرنى كۆرۈپ چىقىپ بىزنىڭ ئاكاشلارنىڭ ئوقۇش پۈتتۈرۈپ بولۇپ نېمە ئۈچۈن شىنجاڭغا قايتىپ كەتمىگننى بىلگەندەك بولدۇم. مەن تونۇيدىغانلار ئىچىدە ،ئالىي مەكتەپنى پۈتتۈرۈپ مۇشۇ شەھەردە قېلىپ خىزمەت تاپقانلار كۆپ سالماقتا.ئالدىغا بەش-ئالتە يىل بولدى....نېمىشقا ئۇلار يولداشلارنىڭ شەھرىدە قىلىشنى تاللدى؟ئەجىبا ئۇلارنىڭ ئۆز يۇرتىغا قايتىقۇسى يوقمىدى؟! كۈرەش ئاكامنىڭ بېر تىل تەربىيلەش مەكتىپىدە ئىشلەۋاتقىنىغا تۆت يىل بولدى ،ئىۇنىڭ مۇنۇ سۆزلىرى ھېلھەم ئىسىمدە‹نەچچە يىل ئوقۇشۇمنى بېكار قىلىشنى خالىمايمەن› مەنمۇ تازا ئوبدان ئويلۇشىۋاتىمەن،قانداق قىلىشنى.

qukan

	خىزمەت تېپىش تەس .............بىراق بەزى شىركەتلەرنىڭ قاملاشمىغان تەلىپىمۇبار...مەسىلەن:بوي ئېگىزلىكى 1.80 يۇقىرى بۇلۇش كېرەك.........................

DARITYAMAN

	بۇ تىيما ئىنكاسلا راسلا بەك ياخشى يىزلىپتۇ ، ئەمىلىيەت ، جەميەت ، ھەممىسى تولۇق يىزلىپتۇ ، ھەممىڭلاغا ئاپرىن قەلمىڭلا ھارمىغاي ، ئۇلۇغ ئاللاھ ئىشلىرىڭلارنى ئوڭۇشلۇق قىلسۇن ،

رۇقىيەم

	مېنىڭمۇ ئالىي مەكتەپنى پۈتتۇرسەم ئۆزۈم ئىگىلىك تىكلەش پىلانىم بار. تېمىدىكى مەزمۇنلارنى كۆرۈپ قالغان 2 يىللىق ئوقۇش ھاياتىمنى تېخىمۇ ئەتراپلىق ئورۇنلاشتۇرۇش كېرەكلىكىنى بىلدىم . تېما ئىگىسىگە رەھمەت !     ئادەم قانچىكى ئۇلۇغ ئارزۇلارنى  رىىئاپقا چىقىرىش يولىدا شۇنچە جان تالاشسا ،ئۇنىڭ يۇلىقىدىغان قىىيقنچىلىقىمۇ  ھەرگىز ئاددىي بولمايدۇ .  بەل قويۋەتمەڭ ھەم قويۋەتمەيلى ! ئاللاھ بەندىگە بىر قىيىنچىلىق بىلەن كىيىنكى قەدەمدىكى بىر ئاسانلىقنى قوشكىزەك قىلىپ ياراتقان.  ئاللاھ ئىشلىرىڭىزنى ئاسان قىلسۇن !

ئەخمەد

	مەن سىزنىڭ بۇ تېمىڭىزنى كۆرۈپ ناھايىتى خۇرسەن بولدۇم. كىيىنكى ئىشلىرىڭىزنىڭ ئۇتۇقلۇق بولىشىنى ئاللاھدىن تىلەيمەن! سىزنىڭ ئۆسۈمسىز قەرز ئېلىش ئىشىڭىزغا كەلسەك قايسى ئورۇنلارنى ئىزدىگىنىڭىزنى بىلمەيمەن،بىراق قارىسام قەشقەردى ئوخشايسىز،قەشقەرنىڭ مۇلازىمەت مەركىزىگە بېرىپ ئىشىڭىزنى شۇيەردىن باشلاڭ،بىرىنچى قەۋەتتە ئىش بېجىرىش ئورنى بار.سىز ئۇلار تەلەپ قىلغان ماتىرياللارنىڭ ھەممىنى تەييار قىلىڭ،ئاندىن ئىشىڭىزنىڭ ئوڭۇشلۇق بولمىغىنىنى كۆرۈپ باقايلى،يەنە بولماي قالسا پىكىر تەلەپلىرىڭىز بولسا شۇيەرنىڭ مەسئۇلىنى ئىزدەپ بولغان ئەھۋالنى دەڭ،ئۇلار نېمە دەيدىكىن بىر كۆرۈپ باقايلى، ئىسپات بۇيىنچە ئىش قىلىشنى ئۇنۇتماڭ!

wissal@131

	ھەقىقەتەن ھازىر ئۇقۇغانلارنىڭ دەردى كۆپ بوپ قالدى باشلىق سۇراپ كەلسە« بالىلار ياخشى ئۇقىۋاتىدۇ خىزمەت ئىشىغا كەلسەك ئىشلىتىدىغانلار ئۈزى مەكتەپكە كىلىپ ئېلىپ كىتىۋاتىدۇ »دەپ بىر چاغ ماختايدۇ