يۈرەك يىغلايدۇ

uqkuni

	يۈرەك يىغلايدۇ (ئۇچقۇنى) چەكسىز كەتكەن قۇملۇقلار ئارا، ماڭغىنىمدا يۈرەك يىغلايدۇ. ئەجەپ جەسۇر توغراقلار ،قارا، باققىنىمدا يۈرەك يىغلايدۇ. قۇم باغرىدا ياتار ئەپسانە، ياق-ياق ياتار روھلار مەردانە. كىرورەنگە بولۇپ ھەيرانە، بارغىنىمدا يۈرەك يىغلايدۇ. تەڭرىتاغنىڭ قەددى پۈكۈلگەن، بۇلۇتلارغا جۇتتا مۈكۈنگەن. بۇ زىمىنغا قاراپ ئۆكۈنگەن، ئاسمىنىمغا يۈرەك يىغلايدۇ. ئىقىپ كەتكەن بەخىتكە ئاتاپ، ئاقار تارىم ئۆركەشلەر ياساپ. خىيالىمدا ئۆتمۈشكە قاراپ، ئاققىنىمدا يۈرەك يىغلايدۇ. قەشقەر ھېيتكاھ ،قايناق بازاردا، قەدىمىي ئۆي ئۇلۇغ مازاردا. يا ئىدىقۇت ئۇدۇن گۇجاندا، تۇرغىنىمدا يۈرەك يىغلايدۇ. باغلىرىمغا يۈرەك يىغلايدۇ، تاغلىرىمغا يۈرەك يىغلايدۇ. قۇم ئاستىدا كۆمۈلۈپ ياتقان، چاغلىرىمغا يۈرەك يىغلايدۇ. ئۇچقۇنى

bostanim

	بىزنىڭ يېغلىماي كىمنىڭ يۈرۈكى يېغلىسۇن،يۈرەكلەر پارە-پارە،كۆزلەردە قانلىق ياشلار دەريا بۇلۇپ ئېقىۋاتسا. ياخشى يېزىپسىز داۋاملىق تىرىشىڭ.

poyuz

	ھەممە نەرسىگە كۆزنىلا ئىشلىتىپ، قولنى( ئەقىلنى، غەيرەتنى، تەر تۆكۈشنى، تىرىشىشنى) ئىشلەتمىسەك، پەقەت شۇ كۆزلام ئىشلەپ  يىغلاپ ئۆتىمىز شۇ.

qirakpay

	....‹‹قۇم ئاستىغا كۆمۈلىپ ياتقان››بۇ زىمىننىڭ‹‹ئۇچقۇنى››نىڭ،پىغانلىق سادالىرىغا مىنىڭمۇ...يۈرىكىم يىغلايدۇ...ياخشى يېزىپسىز،سىزگە رەخمەت!..

uqmasot

	قاراپ قالدۇق بوران-چاپقۇنغا، ئۆچۈپ قالغان ئاشۇ  يالقۇنغا، سىڭىپ  كەتسە  قارا  تۇپراققا، قول دۇئادا، يۈرەك يىغلايدۇ. باغرىمىزمۇ ئاسمان گۈمبىزى، بۇلۇتلىرى  ئۇنىڭ   يۈرىكى، يامغۇر بولۇپ ئاققان  ياشلرى، ۋادەرىغا  يۈرەك يىغلايدۇ، تاغلار شاھىد،لىكىن سۈكۈتتە، ئىلى  ئاقار  تىنماي ئۈمۈتتە، تەبىئەت شۇ ،بەلكى كۆنۈكتە، ئاھ ھەسرىتا  يۈرەك يىغلايدۇ.

ardamay

	يۈرەك ئۈنسىز يىغلايدۇ شۇنداق، كۆز ياش بولۇپ تاشىدۇ پىغان. كۆز ئالدىمدا ياتقان رىئاللىق ئۆزگەرتىشكە يوقتۇر ھېچ دەرمان.

möljarli

	ئەسسالامۇ ئەلەيكۇم ! قەدىرلىك قېرىنداشلار، مېھىرلىك مۇنبەرداشلار ! ھەربىرىڭلارنىڭ ئىمان-ئېتىقادىغا كۈچ-قۇۋۋەت، ئەزىز تېنىڭلارغا سالامەتلىك، ئۆمرۈڭلارغا بەرىكەت، ئىشلىرىڭلارغا ئۇتۇق، ئائىلەڭلارغا خاتىرجەلىك يار بولسۇن، قەلبىڭلار ھەرزامان شاتلىققا چۈمسۇن !!! بۇ قىسمەتكە يۈرەك يىغلايدۇ، يۈرەك ئەمەس پەلەك يىغلايدۇ. مەزلۇملارنىڭ ئۇشبۇ نالىسىدىن، كۆكتە ھەتتا، مەلەك يىغلايدۇ !!!. بۇغدا ئاتا گىگانىت تۇرۇپ، تۈم جاھانغا شۇنداق قارايدۇ. كۆرەلمىگەچ تارىمدا شاۋقۇن، ئاھ «تەڭرىم» دەپ، كۆككە قارايدۇ!!!. سۈيۈملۈك قېرىنداشلار — مىنىڭ سىلەرگە ھەرزامان، قەلبىڭلارنى ئازراق بولسىمۇ لەرزىگە سالىدىغان، مەنىۋى ھۇزۇر-بەخىش ئىتىدىغان سوغا-سالاملارنى تەقدىم قۇلغۇم بار ئىدى. بىراق، شۇنچە سۈزۈك ئىشلەنگەن قەغەز يۈزىگە ھەسەل ھەرىسىدەك ئىخلاسى بىلەن يېپىشقان بۇ ئۆتكۈر قەلەمنىڭ مەزكۇر قەغەز يۈزۈدە راۋان يۈرەلمەسلىكى، نىمىگىدۇر بىرنەرسىلەرگە دۈچكېلىپ،  پوپلۇشۇپ، ئۆز قەتدىمىنى ئىختىيارى، سالماق رەۋىشتە داۋام ئېتەلمەسلىكى سەۋەپلىك، ھازىرچە سىلەرگە تەقدىم قىلىدىغان باشقا يېڭىلىقلىرىممۇ ۋاقىتلىك توختاپ قالدى. سەۋەپ، مىنىڭ ئېڭىمدا سىلىق-سىپايە، خوش-خوشامەتچىلىك ئىپادىسى ئەزەلدىن مەۋجۇت بولمىغان. شۇڭىلاشقا، قەلىمىم پۇتلاشقان يەردىن ئەگىپ-قېيىپ، سىلاپ-سىپاپ ئۈتۈشنى ئەسلا خالىمايمەن. ئۇچۇغراق قىلىپ ئېيىتسام ئۇ، مىنىڭ تەبىئىتىم ئەمەس !!!. مەقسەتكە كەلسەم : «قېرىنداشلارغا سالام» — مەۋزۇلۇق (ئەخلەتكە تاشلانغان) بۇ قىسقا يازمام ئارقىلىق بارچە ۋەتەنداشلىرىمغا ئازاپلىق يۈرەكتىن سەمىمى سالام يوللايمەن. كۈنىمىزدىكى «تارىخى قايغۇلۇق» بايرىمىڭلار بيۈك تەسەللى بىلەن ئۆتسۇن، ئەۋلاتلار بۇ بايرامنى مەڭگۈ ئۇنۇتمىسۇن !!!. ئاخىردا ھەربىرىڭلارنىڭ ھۇزۇرىغا تەقدىم قىلىدىغىنىم :  سۈيۈملۈك ئوغلانىمىز  «ئابدۇللاھ ئابدۇرەھىم» نىڭ ئورۇنلىشىدىكى  «ئاياغىمدا ئۇزاق يول» ناملىق ناخشا-فىلىمىنى تەقدىم قىلماقچىمەن...قۇبۇل قىلغايسىلەر !!!   (ناخشا-پىلىمىنى كىرگۈزەلمىدىم، بىلىغانلار تۇلۇقلاپ قۇيارسىلەر) ھۆرمەت بىلەن  —  مۆلجەرلى 2012-9-30

ap~qilam

	قەلەم تۇلپارىڭىز داۋاملىق چېپىپ تۇرسۇن

زۇلئاي

	سالام تورداشلار ! ما-مۇنبەر ئىچىمنى بەك سىقىۋەتتى ، قايسى تېمىغا كىرسەم تاقاق ! ياكى تەستىقلىمىغان ، ھازىر يازغان ئىنكاسنى بىردەم تۇرۇپ تاپقىىلى بولمىغان ، بۇ-باشقۇرغۇچىلار ئادەمنى نىمە چاغلاپ قالىدىغاندۇ ؟ بىكاغا تېما يوللاپ ئىنكاس يېزىپ يۈرۈيدىغانغا مۈرىمىزنىڭ ئۈستىدىكى خاشو كاللا بولمىسا يە ؟ مۇشۇ بىكا قالسىلا تەستىقلىنىپ بولغان تېمىلارنى ئەخلەت خانىغا تاشلايدىغان ،ياكى بىكا تۇرماي ئىنكاس ئۆچۈرۈپ ئوينايدىغان باشقۇرغىچىنىڭ .............. يادرو بومبىسى قويۇپ بەرسەم دەيمەن بۈگۈن ئىچىمنى بىر بوشىتىۋالاي ! مىسرانىم خەۋىرى : زۇلئاي مىسرانىم مۇنبىردە ئاڭلاتتى ! ئەڭ يىڭى خەۋەر ، ئاڭلاشلارغا قارىغاندا باشقۇرغۇچىلارنى بىردەم بىكار قالسىلا تېما ئۆچۈرۈپ ئوينايدۇ دەيدىۇ ؟ بايام تىخى مىنىڭ تېمام بىلەن باشقىلارنىڭ جەمى يەتتە تېمىنى ئۆچۈرۈپ ئەخلەت خانىغا تاشلاپ سىلەر ، سۈر ئەت دىگەن سىلەردە ۋەششى تىزكەن جۇمۇ ، قايىل بولماي تۇرالمىدىم غوجىلىرىم ، لىكىن ئاشۇ يەتتە تېمىنى 20مىنىۇتنىڭ ئىچىدە نىمىشقا ئۆچۈرۋەتكەنلىكىڭلارنى يېرىم كۈن ئويلاپمۇ چۈشىنەلمىدىم جۇما ! بولۇپمۇ مىنىڭ ، سىلەر ئەخلەت خانىغا تاشلىغان تېمامنى ئەجەپ ئىزدىنىش ، تەڭرىتاغ، باغداش تەستىلاپتىغۇ ؟ تېمامنى تەستىقلىمىغان باشقۇرغۇچى لاتا كۆزۈڭنى يوغان ئېچىپ تېمامنى ئوبدان ئوقۇپ باق ! بوپتۇ بايامقى يەتتە تېمىنىڭ كۆزۈم بىلەن كۆرگۈنۈمنى دەۋاتىمەن ھە ! بىرسى كۆچۈرۈلمە، يەنە بىرسىدە ئىملا خاتالىقى بار ، يەنە بىرسىنىڭ ئەخلاقىدا چاتاق بار ، يەنە بىرسىنىڭ ئىگىسى چاتاق دەيلى قالغانلىرىنىڭچۇ يىگىتلە ؟ تېمىلاغۇ مەيلى بىراق ئىنكاسلارنى نىمىشقا ئۆچۈرۋىتىسىلەر ، بېشىڭلارنى ئىچىڭلارغا تىقىۋېلىپ ئوسۇرقۇڭلارنى پۇراپ ئولتۇرىۋەرمەي باشقا مۇنبەرلەرگىمۇ قاراپ بىقىڭلار ! تور دۇنياسىدا تىخى ھىچقانداق مۇنبەردە نورمال ئىنكاسلارنى ئۆچۈرۋېتىدىغان ئىشلار يوق ، ھوقۇقنى ئەزا چەكلەشكە ، ئىنكاسلارنى ئۆچۈرۈشكە ئىشلىتىۋەرمەيلى ، مۇشۇ پاچى پۇرەت ئىنكاسنىمۇ ئىز قوغلاپ ئۆچۈرۈپ يۈرۈيدىغان باشقۇرغۇچىغا تۇرۇشلۇق ئورنىدىن ئازراقلا ، كىچىككىنە ھە ! ھوقۇق بىرىدىغان ئىش بولسا ئاللا كارامات ، ئۇ-چاغدا ئاشۇ خاشو كاللا غوجام ياكى خېنىم نىمە ئىشلارنى قىلىۋىتەر ھە ؟ بولدى خەيىر ئۆزۈمنى بېسىۋالاي ،    ئەگەر سىلەرگە خوش ياقمىغان ئىنكاسلارنى سىياسىلىقى كۈچلۈك ياكى تىللاشتىڭ دەپلا ئۆچۈرۋەتسەڭلار ئاقىۋېتى قانداق بۇلار ؟ خەنچە بۇلامدۇ ياكى ئۇيغۇرچە ، قازاقچە ، قىرغىزچە ، ئۆزبېكچە دىگەندەك پۈتۈن مۇنبەرلەر نۇرمال تەستىقلىۋاتقان ، نۇرغۇن ئىنكاسلار چۈشۈپ مۇنازىرە بۇلىۋاتقان تېمىلار ئەجەپ مىسرانىمدا قەتئى تەستىقلانمايدىكەن ، مۆجىزە يۈز بىرىپ بىرەسى تەستىقلىنىپ قالسا تاقاپ تەستىقلايدىكەنسىلەر ، ياكى تەستىقلاپ بولۇپ يەنە ئۆزۈڭلار بىردەمدە ئەخلەت خانىغا تاشلىۋېتىدىكەنسىلەر ! خوش ياقسا يەنە بىردەم تۇرۇپ ئەخلەت خانىدىن ئەپ چىقىپ قويىدىكەن سىلەر تىخى ... باشقا ھەرقانداق مۇنبەردە نۇرغۇن ئىنكاسلار چۈشۈپ مۇنازىرە بۇلىۋاتقان تېمىلارنى سىلەر تەستىقلىماپ سىلەر ياكى تاقاپسىلەر ؟  ئىشەنمىسەلار يوللاپ قوياي ! ئاشۇ مۇنبەرلەردىمۇ ، شۇنداق سېسىغ گەپلەرنى قىلىشىدىكەن ، سىياسىلىقى كۈشلۈك ئىنكاسلارمۇ قەتئى يوق ئەمەسكەن ئازراق بولسىمۇ ھىڭگىيىپ تۇردىكەن . ئەكسىنچە تېمىلارنى تاقاش ئۇلارنىڭ لۇغىتىدە مەۋجۇت ئەمەسكەن ھەم قەتئى تاقالمايدىكەن ، ئىنكاسلار ئۆچۈرۈلمەيدىكەن ، ئەزالارنىڭ چەكلىنىشى قەتئى مەۋجۇت ئەمەسكەن ،    يىڭىدىن تەخىتكە چىققان غوجام خانلىرىمنىڭ تۆھپىسىدە ، مىسرانىم زاۋانلىققا قاراپ يۈزلىنىۋاتامدۇ قانداق ؟ مۇنۇ ئىنكاسنى يېزىپ بولۇپ مىسرانىمنىڭ مۇنبەردە ئاتالمىش دىمۇكراتىيە بار دىگەن قانۇنىدىن شۇنى ھىس قىلدىمكى مەنمۇ چوقۇم ئۇزۇن ئۆمۈر كۆرەلمەيمەن ، مۇنبەرنىڭ بىر قىسىم ھوقۇقلىرىنى ئۆز چاڭگىلىغا كىرگىزىۋالغان بىر قىسىم( ماسۇن تەشكىلاتىنىڭ ) غالچىلىرى مىنى چوقۇم بوش قويىۋەتمەيدۇ ، ئىسىت-ئىسىت شۇ-تاپتا بۇرۇنقى مىسرانىمنىڭ سەلتەنەتلىك ۋاقىتلىرىنى ئەسلەپ قېلىۋاتىمەن ! ھۆمەت بىلەن ________زۇلئاي

kigiz