ياشلىرىم يېشىمدا ئاقار شاقىراپ

شورلۇق

	ياشلىرىم يېشىمدا ئاقار شاقىراپ كاككۇكلار ئۈنىدە سۆيگۈنىڭ دەردى، يۈرىكىم چۇچۇلا ھىجران ئوتىدا. ياشلىرىم يېشىمدا ئاقار شاقىراپ، ئاشىقنىڭ زارىغا تار ئىكەن دۇنيا. كاككۇكلار مۇڭلىرى تاڭدا سۈبھىدە، زەينەپنىڭ تىلىدا يىغلايدۇ ناخشا. كېكەچلەپ يۈرىدۇ ئۈمىد،ئارمىنىم، باياۋان –چۆللەردە، چىمەنلەر ئارا... بۇلبۇللار كۆزىدە ئاقار مىڭ دەريا، دولقۇنى ئوينايدۇ كىرپىكلىرىمدە. دەردلىرىم تاغلاردىن بوي تالىشىدۇ، شەبنەملەر ھازىدار گۈللەر بەرگىدە. ياشلىرىم يېشىدا يۇيار ئۆزىنى، سۇلارمۇ ئۆزىنى يۇيۇپ ئاقماقتا. يۈرەكلەر يىغلايدۇ تاڭغا ، سۈبھىگە، مىڭ دېدىم: دۇنياغا كەلمەيمىز قايتا.

شورلۇق

	قاراڭغۇ چېچىڭدەك قاراڭغۇ كېچە ئاشىقلىق قەلبىمدە گۈلدەك ئېچىلدى، ساداقەت ئېگىزلەپ تاغلار ياسىدى. كۈيۈكنىڭ سۈيىدە ئاقتىم قىرىق يىل، بىلىقى پات-پاتلا مېنى قاسىدى. ئارمانلار سۈپسۈزۈك بۇلاق سۈيىدەك، تەشۋىشلىك خىياللار ھەر تىنىق ھەمرا. كۆيمەكتە چاراسلاپ بىر تۇپ ھاياجان، يېشىللىق ھۈركىگەن چۆللەرگە قارا. يۇلغۇننىڭ تۈۋىدە چاڭقىغان كۆڭۈل، توغراقنىڭ تۈۋىدە چاكۇ-چاك يۈرەك. قەلبىمنى يىرتىدۇ ھەسرەت پىغانى، مۇھەببەت چۆلىگە تۆكىلەر چېچەك. كېزىمەن ھىجراننىڭ جاڭگاللىقىدا، قاراڭغۇ چېچىڭدەك قاراڭغۇ كېچە. سەرسان مەن كۆزۈڭنىڭ چوڭقۇرلىقىدا، ئاخىرقى تىك قىيا كۆيەر كۆكسۈڭدە.

MiRul

	مۇھەببەت ئادەمنى نېمە كويلارغا سالمايدۇ ھە...........

sayim

	ھەي ئىسىت.بۇشئىرنى  ئوقۇپ.تۇنجى.مۇھھەبىتىم.ئىسىمگە.كىپقالدى

sayim

	ھەجەپ ياخشى  يىزىپسىز

aa0998

	ھازىقى قېزلار بەك نامەرت بولۇپ كەتتى؟

ZUVAN~~DAR

	ھەي  ...   مۇھەببەت دىگەن زادى نىمۇدۇ   ؟؟

ZUVAN~~DAR

	دەرتمەن كەن ئۆزى ، ياش ئىكەن كۆزى . چىكىت پەشلەر جايىدا، ئۆتكۇركەن سۆزى.....

ئۆل

	ZUVAN~~DAR يوللىغان ۋاقتى  2012-9-29 05:25 PM ھەي  ...   مۇھەببەت دىگەن زادى نىمۇدۇ   ؟؟ نىمتى شۇ  بىر مەيدان سىرلىق ئويۇن ..بەزلىرى يېڭىدۇ بەزلىرى يىڭلدۇ ..

دەرۋىش

	ئۆل يوللىغان ۋاقتى  2012-9-29 07:02 PM نىمتى شۇ  بىر مەيدان سىرلىق ئويۇن ..بەزلىرى يېڭىدۇ بەز ... ئۇنداق بولسا سىز يەڭگەنمۇ، ئۇتتۇرغانمۇ؟