باشلىق سىزگە پىكرىم بار

gulbaxikar

	باشلىق سىزگە پىكرىم بار شۇ تاپتا نىمىشقىدۇر كۈڭلۈم شۇنچىلىك يېرىم، ئۆزەمنى قىلچە باسالمايۋاتىمەن، كەيپىياتىمنى تەڭشىيەلمەيۋاتىمەن، دىيىشكە تىگىشلىك گەپلەرنى گەرچە ئۆزىڭىزگە دەپ بولغان بولساممۇ بىراق بۇ يەردە يەنە بىر قېتىم تەپسىلى دىيىشكە مەجبور بۇلىۋاتىمەن، چۈنكى ئېغىزدا دىيىلگەن گەپلەرنىڭ ھەممىسى يادىڭىزدا تۇرۇشى ناتايىن، ئاللا خالىسا بىرەر سىز بىلەن تۇنۇشلۇقى بولغان كىشى كۆرۈپ يەتكۈزۈپ قويسىمۇ ھىساپ! گەپنى نەدىن باشلىسام بۇلار، يەنىلا باشتىن باشلاي... 2007 –يىلى 9- ئاينىڭ 7- كۈنىدىن باشلاپ‹‹ شىركىتىڭىزگە ››كىلىپ ئىشقا چۈشتۈم، گەرچە شىركەت ئىشخانىلىرى شۇنچە ئاددى يەنە كىلىپ مەھەللە ئىچىدە، سىرتتىن كەلگەن ئادەم مۇشۇ يەردە قانداقمۇ 5 يىل ئىشلىگەندۇ دىگۈدەك بولسىمۇ، ئۆز كەسپىمنى قىلالايدىغان خىزمەت پۇرسىتىگە ئىگە قىلغانلىقىڭىز ئۈچۈن تا ھازىرغىچە ئىشلەپ كىلىۋاتىمەن، تۇنجى كەلگەن كۈنۈم، مىنى سىزگە تۇنۇشتۇرغان بۇغالتىرلىق ئىش بىجىرىش ئورنىدىكى باش بۇغالتىر ئۇستازىم دىگەن مائاش 700 يۈەندىن تۆۋەن قىلىپ 600 يۈەن بېرەي، ئۈچ ئاي سىناق ئىشلەپ بىقىڭ، ياخشى ئىشلىسىڭىز يەنە قۇشۇپ بېرىمەن دىگەندە يەنىلا مۇشۇ كەسپىمنى دەپ قۇشۇلدۇم، ھەم تىزلا خىزمەتكە كىرىشىپ كەتتىم . دەسلەپ شىركەتنىڭ ئەھۋالى بىلەن تۇنۇشۇپ چىقتىم ، شىركىتىڭىز ئاساسلىق قىلىپ  قۇرۇق ئۈزۈمىنى پىششىقلاپ ئىشلەپ ئىچكىرى ئۆلكىلەرگە ۋە چەتئەللەرگە چىقىراتتىكەن، بىراق شۇنچە چوڭ سودا قىلىۋاتقان شىركەتتە بىرلا ئالى مەكتەپ پۈتتۈرگەن ھەم تەرجىمان ھەم مۇئاۋىن دىرىكتوردىن باشقا مەدەنىيەت سەۋىيىسى تۇلۇقسىزدىن يۇقۇرى بىرمۇ خادىم يوق ئىدى، سىزمۇ ھەم ساۋاتسىز، ئىمزايىڭىزنى ئارانلا يازاتتىڭىز، ئەمما كاللىڭىز بەك ئۇچۇق تىجارەتكە پىششىق ئىدىڭىز، كىچىك ئىنىڭىز سىزدىنمۇ ئۆتە ئەقىللىق سودىگەر ئىدى، ئەمما پۇل تىپىشنى بىلگەن بىلەن ھىساباتنى پەقەتلا ياخشى باشقۇرمايتىڭلار، قارىسام شىركەتكە خام ماتېريال كىرگۈزۈش جەريانىدا پەقەت  تالۇن ئىشلەتمەيدىكەنسىلەر، تىزىملايدىغان مۇقۇم خادىممۇ يوق ئۇنۇڭغا بۇنۇڭغا بىر دەپتەرنى تۇتقۇزۇپ خاتىرلىتىپ قۇيىدىكەنسىلەر، مەن كەلگەندىن كىيىن كۆزۈمگە چىلىققان بۇ ئىشقا قارىتا پىكىر بېرىپ، چۈشەندۈرۈپ ھىسابات قىلىشقا قۇلايلىق دەپ ئىنىڭزنى مىڭ مەشەققەتتە قايىل قىلىپ،  شىركەتنىڭ نامىدا تالون ھەم ئىش قەغىزى چىقارغۇزدۇم، مىنىڭ قىلىدىغان ئىشىم كاسسىرلىق بولغاچ ئەسلىي پۇل تۇتۇپلا ئولتارسام بۇلاتتى، ئەمما قىلىدىغان ئىشلار بەك كۆپ بولغاچ باشقا ئىشخانا ئىشلىرىنى قىلىدىغان ئادەم ئالغۇچە دەپ نۇرغۇن ئىشلارنى ئۆزلىكىمدىن قىلىپ بىلىپ بىلمەي ماڭا بۇ ئىشلار مەجبورىيەت بۇلۇپ قالدى، فاپىيۇ كىسىدىغان، ئۈزۈم ساتقانلارغا پۇل تارقىتىدىغان، ئۇ يەر بۇ يەرگە پۇل ئۇردىغان، پۇسۇلكا سالدىغان، ھەتتا بەزىدە سىزنىڭ شەخسىي پۇل سالىدىغان ئىشلىرىڭىز، ئاياللارنىڭ پارلىغان ئۆزۈمىنى جىڭلايدىغان دىگەندەك نۇرغۇن ئىشلار ماڭا يۈكلىنىپ قالغان ئىدى، ئۈچ ئاي دىگەن سىناق تۇشقاندا گەرچە ناھايىتى ياخشى ئىشلىدىڭىز دىگەن بولسىڭىزمۇ مائاش تۇغۇرلۇق گەپ قىلمىدىڭىز، مەنمۇ چىدىغاندىكىن يەنە بىر ئاي چىدىسام، 2008 - يىلى 1- ئايدىن باشلاپ گەپ قىلاي دەپ ئۆزەمچىلا تۆت ئاي قىلىۋەتتىم، يىل ئۆرۈلۈپ مائاشىمغا  200 يۈەن قۇشۇلدى، شۇنۇڭ بىلەن يەنە بىر يىل 800 يۈەندىن ئىشلەپ كەتتىم، بۇ جەرياندا ئىشخانىغا باشقا خادىملارمۇ قۇبۇل قىلىندى، بىراق نىمىشقىدۇ كەلگەنلەر ئانچە ئۇزۇن ئىشلىمەيلا تۇختاپ قالاتتى، ئەمما مەن بۇ شىركەتكە ئائىلەمدەك ھىس قىلىپ كۈنۈپ قالغان ئىدىم، مۇھىم ئىشىم چىقىپ قالمىسىلا شەنبە يەكشەنبىلەردىمۇ  دەم ئالماي دىگۈدەك ھەتتا ئىشتىن چۈشۈپ بولغانلاردىمۇ پۇل لازىم بولسا تىلفۇن قىلسىاڭلارلا كەچنى كەچ دىمەي كەلگەن يەرلىرىم خېلى كۆپ ئىدى. بۇ يەردىكى ئىشچىلارمۇ ئىشخانىدا ئىشلەيدىغان مەن بىر قىز بالا بولغاچ بەك ھۈرمەت قىلاتتى ھەم چوڭ كۆرەتتى، شۇڭىمۇ ئۇلارغىمۇ بەك مىھرىم چۈشۈپ كەتكەن ئىدى، ئىشلارمۇ شۇنچىلىك يۈرۈشۈپ كەتتى، پۇلنى شۇنچىلىك چىڭ تۇتاتتىم، باشلىق بولسىڭىزمۇ تەرتىپ بۇيىچە بولسۇن دەپ ھىساۋاتنى ئىنىق قىلىپ، قەيەرگە نىمە ئىشقا خەجلىگەن پۇل، نەدىن ئالغان پۇل دەپ سوراپ تۇراتتىم، پۇل ئالغاندا ھۈجەت يىزىپ بېرىپ پۇل ئىلىڭ دەپ كۆزىڭىزگە كىرىۋالاتتىم، سودىمۇ بەك ياخشى بولماقتا ئىدى،  شىركەت 2009- يىلىدىن باشلاپ ئۈزۈمنى پۈتۈنلەي چەتئەلگە چىقىرىشقا باشلىدۇق، ئوبۇرۇت تىز ئىشىپ، پايدا تىز كۆپەيدى، ئىككى يىل ئىچىدە شىركەتكە بىراقلا ئەڭ ئىسىل ماشىندىن ئىككى، ئادەتتىكىدىن ئىككى بولۇپ تۆت ماشىنا سېتىۋالدۇق، ھەم ئۈزۈمنىڭ رەڭ ئايرىيدىغان 100 تۈمەندىن ئۇشۇق ماشىنا كىرگۈزەپ، ئادەم كۈچىدىن بىراقلا ماشىنا كۈچىگە ئۆتتۇق، ئوبۇرۇت تېخىمۇ تىز بولدى، بەلكىم چۈشەنسىڭىز پۇلنى شۇنچىلىك چىڭ باشقۇرغاننىڭ ھىساباتنى پۇختا قىلغاننىڭ نەتىجىسى،  مائاشىممۇ ئىككى يىل جەريانىدا 200 يۈزدىن قۇشۇلۇپ 1000غا ،1200 يۈەنگە چىقتى، ئەمما بۇنۇڭغا قۇشۇلۇپ مىنىڭ ئىشىم يەنىمۇ جىقلىغىلى تۇردى، يەنى تاشقىي پىرىۋۇت پۇلىنى بانكىغا بېرىپ دوللار ھىساباتىمىزغا كىرگۈزۈپ ئاندىن خەلىق پۇلىغا ئايلاندۇرۇپ خەلق پۇلى ھىساباتىمىزغا ئەۋەتىدىغان رەسمىيەتلەرنىمۇ مەن بىجىرەتتىم ، ئىشقىلىپ ئۈچ بانكا ئۇتتۇرلىقىدا تۇختىماي دىگۈدەك چاپاتتىم، بەزىدە ھېرىپ ھالىمدىن كىتەي دەپ قالاتتىم، چاچلىرىمغا ئاستا – ئاستا كىرىۋاتقان ئاقلارنى كۆرسەم ئىچىم ئاچچىق بۇلاتتى، نىمە جاپا ماڭا بۇنچە قىلىپ ئىشلەپ دەپ ئويلايتىم يۇ، ئۈگۈنۈپ قالغان خۇيۇم بۇيىچە يەنىلا بېرىلىپ ئىشلەيتىم، ئەمما تۇرۇپ تۇرۇپلا ئىشنىڭ جىقلىقىدىن زېرىكىش ھىس قىلىپ قالاتتىم، بولۇپمۇ پۇل تۇتۇشتىن بەك بىزار بولغان ئىدىم، پۇل جىقلىغانچە قالايمىقان ھىساۋاتمۇ كۆپىيىدىكەن،  2009- يىلى يىل ئاخىرىدىغۇ دەيمەن، ئىشخانىغا ئاخىر شۇنداق ياخشى ھەم ئەستايىدىل ئىش قىلىدىغان كەسىپداش خانىمدىن بېرى كەلدى، بۇ خانىمنىمۇ مەن ئۇقۇشۇپ تىلفۇن قىلىپ كىلىشىگە سەۋەپ بولغان ئىدىم، مىنىڭ ئىشلىرىممۇ خېلى ئازلىغان ئىدى، ئۇخشاش مائاش ئىلىپ ئىشلەيتۇق، ئىشلارمۇ بارا – بارا تېخىمۇ ئىلگىرى باسقىلى تۇرغان ئىدى، ھەم تىزلا شەنبە يەكشەنبىلەردىمۇ دەم ئالىدىغان بولۇپ قالدۇق،  2010- يىلنىڭ ئاخىرىدا يەنە بىر خانىم ئالدۇق، بۇ خانىم مىنكاۋخەن ئىدى، ئۇ كىلىپ پۇل تۇتۇشنى ئۇنۇڭغا ئۆتكۈزۈپ بەردىم ، مەن ئەمدى خېلىلا يىنىكلەپ قالدىم، مائاشىمىزمۇ 1500 چىقىپ قالغان ئىدى، يەنە بىر خادىم جىقلىغاچقا ئىشلار تېخىمۇ تىز يۈرۈشۈپ مۇھىم ئىش چىقىپ قالمىسىلا ھەر شەنبە يەكشەنبە دەم ئالدىغان بولدۇق، دەم ئىلىشقا ئامراق بولۇپ قالغانلىقتىنمۇ ياكى بۇشاش بولدىمۇ قانداق، تۇرۇپ تۇرۇپ سەل  كىچىكىدىغان بولۇپ قالدىم، بۇنۇڭ بىلەن ئىشىمغا تەسىر يەتكۈزۈپ باقمىغان ئىدىم، تاپشۇرغان ھەم تاپشۇرمىغان قىلىشقا تىگىشلىك ئىشىمنى ئەستايىدىل ۋاقتىدا تۈگىتەتتىم، ئەمما تۇرۇپ تۇرۇپ  كىچىكىپ قالغاچقا  سىزدىن دەككە ئىشىتىدىغان بولۇپ قالدىم، سىز پەقەت چىرايلىق تەربىيە قىلىشنى ئۇقمايتىڭىز، ئادەتتە يىگىت بۇلاي دەپ قالغان بالىلىرىڭىزغىمۇ ئادەم بار يوق دىمەي ئازراقلا خاتا گەپ قىلىپ قويسا شۇنداق سەتلەيتىڭىز، كاللاڭنىڭ سۈيى بارما ، ئەددەتسىز دىۋەڭ چوڭ بولدى بۇ دەپ ئۇلارنى سىزنىڭ ئالدىڭىزدا يۈرەكلىك گەپ قىلىشتىنمۇ تارتىندىغان قىلىپ قۇياتتىڭىز، بەك ئاسان ئاچچىقلىناتتىڭىز، مەدىنىيەت سەۋىيىرىڭىز تۆۋەن بولغاچقىمۇ شىركەتتىكىلەرنى باشقۇرغاندىمۇ يىراقتىنلا ۋاقىراپ تۇرۇپ گەپ قىلاتتىڭىز، يىلدا بىرەر قىتىم خۇلاسە يىغىن ئىچىشنىمۇ ، ئىشچىلارنى قانداق رىغبەتلەندۈرۈشنىمۇ بىلمەيتىڭىز، ھە دىسە پۇل تاپساملا بولدى چىقىم ئاز بولسا دەيدىغاندەك بولۇپ قالدىڭىز، مىنىڭ سىزگە دەيدىغان يەنە بىر پىكرىم ئىنىلىرىڭىزغا بولغان  پەرىقلىق مۇئامىلە ئىدى، 4 -5 بالىنىڭ ئاتىسى بولۇپ قالغان، قولىڭىزغا قول پۇتىڭىزغا پۇت بولىۋاتقان ئىنىلىرىڭىزنىمۇ ئۇخشاش كۆرمەيتىڭىز، بىز بار يەردە چوڭ ئىنىڭىزنى بەك تولا سىلكىشلەيتىڭىز گىىپىنى قايرىپلا تۇراتتىڭىز، كىچىك ئىنىڭىز  بەك چاقچاقچى ھەم قىزغىن ئىش بىجىرىشكىمۇ ئۇستا گەپچى بولغاچ ئۇنى بەك چوڭ كۆرەتتىڭىز، ئەمما چوڭ ئىنىڭىزمۇ شۇنداق ئەستايىدىل قىلاتتى ئىشنى، بىراق سىز ئانچە ياقتۇرۇپ كەتمەيتىڭىز، تۆت بالىنىڭ ئاتىسى بولۇق قالغان ئادەمنى كىچىك بالىنى سىلكىشلىگەندەك سىلكىشلەپ گەپ قىلسىڭىزمۇ بىچارە چىداپ ئىشلەيتى، كىچىك ئىنىڭىز ئىسىل بومالارنى ھەيدەپ يۈرسە، چوڭى شۇنچە تەستە ئاران بىر ماشىنغا ئېرىشتى، ئادەمنىڭ كۈڭلى بەك نازۈك نەرسە، كۈڭۈل كۈڭۈلدىن سۇ ئىچەر دىگەننى نىمىشقا چۈشەنمەيسىز،  ئەڭ چوڭى بولغان سىز نىمىشقا بۇلارغا ئۇخشاش مۇئامىلە قىلمايسىز دەيمەن؟؟ بۇلارنى دىمىسەممۇ بۇلاتتى ئەمما بىلىپ قىلىشىڭىزنى ئۆمۈت قىلىمەن، كىچىك ئىنىڭىز قىزغىن بولغاچ  ئىشچىلارغا بەك كۈڭۈل بۈلەتتى، ئادەتتە بىزگىمۇ خېلى كۈڭۈل بۈلەتتى، بەزى بەزىدە ماڭا چاقچاق قىلىپ لايىقلارنى تاپاتتى، مەنمۇ ئۇنىڭ بىلەن چاقچاقلىشىپ قۇياتتىم، ئۇ دائىم  ‹بىشىڭىزنى ساقايتساق› بۇلاتتى دەپ چاقچاق قىلاتتى ، مەن دەسلەپ چاقچاق بولغاندىن كىيىن دەپ ئېغىر ئالماي ۋاي مىنىڭ بىشىم ساق سىز  ئەنسىرمىسىڭىزمۇ بولىدۇ دەپ ئۆتكۈزىۋەتسەم،كىيىن سىزمۇ كىچىكىپ قالغان ۋاقلىرىمدا، ئادەم بار يوق دىمەي ئاشۇنداق  بۇنى ئەرگە بېرىدىغان يەرگە كەلدى، ھە دىسە كىچىكىدىغان بولىۋالدى، دەپ چاقچاق قىلدىم دەپ دائىم دىگۈدەك شۇنداق دەيدىغان بولىۋالدىڭلار، خادىملار جىقلاپ قالغاچقىمۇ، ياكى  يىڭى قازاننىڭ ئىشى تاتلىقمۇ بىلمىدىم، مىنى سەل ‹ئۆگەي› كۆردىغان بولىۋالدىڭلار، مەن ئىش بىجىرگىلى كىتىپ سەل ئۇزاقتا كىلىپ قالساممۇ قاقشايدىغان، سەۋەبىنى دىسەممۇ خۇددى بىرى يالغان ئېيتىپ ئىش بىجىرمەي لاغايلاپ يۈرگەندەك ئىشەنمەي ئاچچىقلايدىغان بولدىڭلار، بورۇن شۇنچە ئەتىۋار ئىشلىگەچكىمۇ، بەزىدە ئادەم بار يوق دىمەي تەنقىد قىلغان ۋاقتىڭىزدا مىنىڭمۇ جۇدۇنۇم تۇتاتتى، ئىشىمغا تەسىر يەتكۈزمىدىمغۇ دەپ گەپ ياندۇرۇپ قۇياتتىم، بۇنداق ئىشلار كۆپەيگىلى تۇردى، 2011-يىلى 3- ئايدا بىر قېتىم قاتتىق تەگىشىپ قالدۇق، مەنمۇ تەڭ قاتتىق تۇرۇپ دىگۈدەكنىڭ ھەممىسىنى دەپ ئاچچىقىمدا بولدى ئىشلىمەيمەن دەپ يامانلاپ چىقىپ كەتتىم، گەرچە بىر نەچچە كۈندىن كىيىن چوڭ ئىنىڭىزنى كەينىمدىن ئەۋەتكەن بولسىڭىزمۇ، قەتئى كۆرۈشمەي قويدۇم ھەم قولۇمدىكى ئىشلارنىمۇ شۇ پىتى تاشلىۋەتتىم، بولماي بوغالتىرغا تىلفۇن قىلدۇرۇپسىز، ئۇ ئادەم ياشقا چوڭ بولغاچ ھەم ئۇستازىم بولغاچ ھەممە ئەھۋالنى دەپ ھىساباتنى ئۈزۋىتىپ ئاندىن قارار چىقىرىڭ، ھازىر شىركەتكە بېرىڭ دىدى، مەنمۇ ماقۇل بولۇپ باردىم، شۇنۇڭ بىلەن يەنە دەيدىغاننى دىيىشىپ يەنە تۇرۇپ قالدىم، مەن ئۆزەممۇ ھىسابات ئىشىدىن بەك زېرىككەن ئىدىم، شۇڭا بۇ قېتىم قولۇمدىكى ئىشلارنىڭ تەڭ يېرىمىنى يەنە بىر خانىمغا ئۆتكۈزۋەتتىم ، پەقەت دوللار ھىساباتىنى خەلىق پۇلىغا ئايلاندۇردىغان ئىشقىلا قاراشلىق بولۇپ قالدىم ، 7- ئاي مەزگىلىدە تۇيۇقسىز شىركەتتە پاجىئە يۈز بېرىپ ئىككى ئىشچى ھەم ئىككى ئىنىڭىزدىن ۋاقىتسىز ئايرىلىپ قالدۇق، بىشىڭىزغا كەلگەن بۇ قازاغا ھەممىمىز بەك ئىچىندۇق، ھەممىىز جان كۆيدۈرۈپ ئىشلەش ئىرادىسىگە كەلدۇق، ئەمما چوڭ ۋەقە بولغاچ  تۇختىماي ئۇ تەكشۈرۈش بۇ تەكشۈرۈشلەر سەۋەبىدىن، تۈزۈك سودا يوق، شۇنداقتىمۇ كۈندە كىلىپ كىتىپ قىلىشقا تىگىشلىك ئىشلارنى قىلىپ تۇردۇق، ھەش پەش دىگۈچە 2012 - يىلىمۇ كىرىپ كەلدى، ئىسىڭىزدە بارمۇ؟ شىركەتتە تۇرۇپ قالغىنىمدا  دىيىشكىنىم بۇيىچە پەقەت شۇ دوللار ئالماشتۇرۇش ئىشىغىلا قاراپ ئولتارسام بۇلاتتىغۇ؟بۇنۇڭغا سىزمۇ قۇشۇلغانغۇ؟ بىراق سىز  بۇيرىغان باشقا ئىشلارنىمۇ قىلىشقا باشلىدىم، شىركەتنىڭ بانكىدىن قەرز ئالدىغان ئىشلىرىغا ماتېريال يوللايدىغان ئىشلار، قەرىز پۇل چىقىپ بولغىچە بانكىنى تەمىنلەيدىغان ئۇچۇرلار ، يەنە تېخى كىنىشكىلەرنى شىڭيەن قىلىدىغان ئىشلارنىمۇ مەن قىلدىمغۇ دەيمەن، بۇ جەريانلاردا ھەممىمىزلا شىركەتكە، باشلىققا ئىش كەلدى ئەمدى بىشىنى ئاغرىتمايلى دەپ لام -جىم دىمەي ئىشلىدۇق، يەنە بىر دەسلەپ كەلگەن خانىمنىڭ ئىشى تېخىمۇ كۆپ ئىدى، تاشقى سودا ئىدارىسىدىن كىلىدىغان ياردەم پۇللارنى ھەل قىلىش ئىشلىرىغا يوللايدىغان، تەييار قىلىدىغان ماتېرياللارنى ئۇ تەل قىلاتتى، مەن ئىكىسپورتتىن قايتىدىغان پۇللارغا كىتىدىغان ماتېرياللارنى مەن تەييار قىلاتتىم، 2008 -2009- يىللىرى بىر ئوبدان يىللىق مۇكاپات تارقىتىپ ھەممىمىز خوش بولغان ئىدۇق، 2010 – يىل جىملا ئۆتتى، 2011- يىلى ئىش كەلدى دەپ بىزمۇ قەتئىيلا گەپ قىلمىدۇق ، ئەمما ئىكىسپورتتىن قايتقان باج كىرىم، تاشقى سودا ئىدارىسىنىڭ ياردەم كىرىم پۇللىرىدىن ئۈزۈلمەي كىلىپ تۇراتتى، بىز بەزىدە يىللىق مۇكاپات تارقاتسۇن دەپ باقايلىمۇ دەپ ئويلايتۇقيۇ، پەقەت ئېغىزىمىزدىن چىقارمايتتۇق.   مائاشلار ئۇ خانىمنىڭ 1700، قالغان ئىككىمىزنىڭ ئۇخشاشلا 1500 ئىدى، ھىلىقى تەگىشىشتىن كىيىن مۇشۇنداق ئىدى، مىنىڭغۇ پىكرىممۇ يوق ئىدى، بۇپتۇ كىم ئىشنى جىق قىلسا شۇ ئالسۇن مائاشنى دەپ، تا بۈگۈنگىچە پىكرىممۇ چىقمىغان،  ئەمما بۈگۈن شۇنچىلىك قۇرسۇغۇم كۆپتى، قاراپ تۇرۇپ يەنە مىنى ئۆگەيلىدىڭىز، ئەتىگەن تىلفۇن قىلغان ۋاقتىڭىزدا مەن يولدا دىيەندۇڭچى مىنىۋالغاچ تىلفۇن سۇمكامدا ئاڭلىماي قاپتىمەن، يەنە كىچىكىپ قاپتىمەن، ئەسلى بۈگۈن سۈپەت تەكشۈرۈشنىڭ خادىملىرى كىلەتتىكەن، مەن كەلسەم دەرھال سۈپەت تەكشۈرۈش تەجرىبىخانىسىنى تازلاڭ تەكشۈرۈش كىلىدۇ دىدىڭىز، ئۇ يەر بىر يىلغىچە ئىشلەتمىگەچكە شۇنچىلىك مەينەت ئىدى، قالايمىقان ئىشلەتمەيدىغان نەرسىلەرنى ئەكىرىپ قويغان ئىدى، مەن دەرھال تازلاشقا چۈشۈپ كەتتىم، ئاۋال ئەسكى تۈسكىلەرنى ئەچىقىۋىتىپ ئاندىن تام تۇرۇسلاردىكى تورلارنى ئىچكىرى تاشقىرى ئىككى ئىشخانىنى سۈپۈرۈپ بولدۇم ، شۇ ئۇتتۇرلۇقتا سىز مەيداندا ئۈزۈم ئەكەلگەن خېرىدارلار بىلەن پاراڭلىشىپ تۇرۇپ، يەنە بىر خانىم ئىشخانىسىدىن چىقىشىغا ئۇنۇڭغا مىنىڭ ئىسمىمنى ئاتاپ تۇرۇپ  دەپ قۇيۇڭ باشقا ئىشى بولمىغاندىكىن تەجرىبىخانىنى پاكىزە تازلىۋەتسۇن دەۋاتىسىز، مەيداندا تۇرۇپ ۋارقىرىغاندەك گەپ قىلسىڭىز مەن ئاڭلىماي قالاتتىممۇ، سىزنىڭ ئاشۇنداق ئادەم بار يەردە ئۆزىڭىزنى چوڭ كەلتۈرۈپ قول ئاستىڭىزدىكىلەرگە بۇيرۇق قىلىدىغان مىجەزىڭىزدىن جاق تويدۇم، ئۇ خانىممۇ مىنى تازلاۋاتىدىغۇ دەپ قۇيۇپ كىرىپ كەتتى، ئاچچىقىمدا مەنمۇ ئىشىمنى تاشلاپ ئۇنىڭ ئىشخانىسىغا كىرىپ، ۋاڭىلداپ تۇرۇپ نىمە دەيدۇ بۇ باشلىق مەن تازلىق قىلمىسامغۇ بىر گەپ تازلاپ تۇرساممۇ يەنە بىر نەرسە دەيدىغۇ دەپ بىر مۇنچە قاقشىۋىتىپ چىقىپ ئىشىمنى قىلىشقا باشلىدىم، تەجرىبىخانىدا سايمانلار بەك كۆپ ئىدى، تەجرىبىگە كىرەك بولىدىغان ھەر خىل چوڭ كىچىك پىروبىركا، ئىستاكانلار ھەم باشقا سايمانلارنى بىر باشتىن يۇيدىغاننى يۇيۇپ سۈرتىدىغاننى سۈرتۈپ يېرىمىغا كەلگەندە تەكشۈرۈشنىڭ كىلىپ قالدى، پەقەت ئىككىلا ئايال خەن قېرىنداش، ئۇلار ئاۋال چوڭ ئىشخانىدا ئولتارغاندا شۇنداق تىزلىك بىلەن تازلىدىم ، بىر چاغدا ئاشپەز ئايالنى ياردەملىشىشكە بۇيرۇپتىكەنسىز ئۇمۇ ياردەملەشتى، شۇنۇڭ بىلەن ئاخىر ئاز قالغاندا ئۇلارمۇ كىردى ھەم پاكىزە تازلاۋاتقىنىمىزنى كۆردى، مەن ئامال بار ئۇلارغا چۈشەنچە بېرىپ بىر يىل بولغان شىركەتتە ئىش چىققاندىن كىيىن تەجرىبىخانىنى ئىشلەتمىگىلى، بۈگۈن سىىلەرنى كىلىدۇ دەپ ئاڭلاپ تازلاۋاتىمىز دىدىم، ئۇلارمۇ باشقا گەپ قىلمىدى ھەم سودا قانداراق دەپ سوراپ قويدى، مەن ئۆتكەن يىللاردەك ئەمەس دىدىم، ئۇلارمۇ سودا يوق تەجرىبىخانىنى ئىشلەتمىگەچ، پەقەت ئۈچ خىل سايماننى تەكشۈرەپ ئۆلچەملىك ياكى ئۆلچەمسىز ئىكەنلىكىنى بىكىتىپلا بولدى قىلدى، ھەممىسى لاياقەتلىك بولدى، مەن ئۇلار تەكشۈرۈپ بولغىچە يىنىدا قاراپ تۇرۇپ لاياقەتلىك دىگەن ئىسپاتنامىنى ئىمزا قۇيۇپ بېرىپ بىر نۇسخا بېرىۋىدى كۈتۈرۈپ چىقىشىمغا مىنى چاقىرىپ قالدىڭىز، ھەم قانداق بولدى دەپ سورىدىڭىز، مەن لاياقەتلىك بولدى دىۋىدىم ئۇلارنى ئۇزۇتۇپ قۇيۇڭ دىدىڭىز، ئۇزۇتۇپ بۇلۇپ كىرسەم مائاشلارنى تەڭشەپسىز، 1700 يۈەن ئالدىغان ئىشنى كۆپ قىلىدىغان خانىمغا 300 يۈەن قۇشۇپسىز، مەن بىلەن ئۇخشاش 1500 يۈەن مائاش ئالدىغان   كىيىن كەلگەن خانىمغا 500 يۈەن ، ماڭا بولسا 200 يۈەن، نىمىشقا بۇنداق قىلىسىز؟ ماڭا بۇندىن كىيىن تەجرىبىخانىنىڭ ئىشىنىمۇ سىز قىلىسىز دەپ ئۈگۈنۈشلەرگە ئەۋەتكەن ئادەم نىمىشقا ماڭىمۇ ئۇخشاش قۇشۇپ بەرمەيسىز؟ تەجرىبىخانىنىڭ ئىشى شۇنچە ئاسانما؟ ئاچچىقىمدا سىزگە پىكرىم بار نىمىشقا ئۇخشاش كۆزدە قارىمايسىز، ئۇخشاش مائاش قۇشمايسىز دىسەم ئۆزىڭىزدىن ئىزدەڭ خاتالىقنى دىدىڭىز، مەندىنمۇ ئۆتكەن يەرلەر بار، ئەمما مائاش قۇشقىچە بولسىمۇ  مىنىڭ بەش يىل ئىشلىگەن يۈزۈم يۇقمۇ؟ بورۇنقى جان كۆيدۈرۈپ ئىشلىگەن يەرلىرىمنى ئويلاپ  بولسىمۇ ماۋۇلار ئۇخشاش خانىم تۇرسا پەرىقلىق قۇشۇپ بەرسەم ئانىڭ كۈڭلىگە كىلىپ قالۇر دىگەننى ئويلىمىدىڭىزمۇ؟ ئىككى خانىم چىقىدا بەك خىجىللىق ھىس قىلدۇق ، بىز گەپ قىلغۇچە سىز ئالدىراپلا سۆزلىشىپ كەتتىڭىز دەۋاتىدۇ، ئەمما مەن سۇقۇشۇپ ئەمەس پىكرىم بار دەپ گەپ قىلسام ئۇنى دەپ بۇنى دەپ ماڭا گۇنا ئارتقىلى تۇردىڭىز، ھەر شەنبە يەكشەنبە دەم ئېلىۋاتىسىز، ئىشىڭىز چىققاندا رۇخسەتمۇ سوراۋاتىسىز دائىم كىچىكىپ كىلىسىز دەپ، خوددى شەنبە يەكشەنبە مەنلا دەم ئىلىۋاتقاندەك خۇددى مەنلا رۇخسەت سوراۋاتقاندەك، باشقىلارمۇ دەم ئىلىۋاتىدىغۇ، رۇخسەت سوراۋاتىدىغۇ دىسەم مىنى ئىچى تار دىدىڭىز تېخى توۋا دەپ قالدىم، سىزچە مەن مائاشنىڭ ئاز بولۇپ قالغانلىقى ئۈچۈنلا شۇنداق ئېيتىشتىمما سىز بىلەن؟؟ پۇل شۇنچە چوڭ نەرسىما؟ ئەجىبا بۇرۇن ئىككى خانىم كەلمەستە شۇلار قىلغان ئىشلارنى كۆپىنچىسىنى ئۆزەم يالغۇز قىلىپمۇ شۇنچىلىك خۇشاللىق بىلەن ئاز مائاش بولسىمۇ قىلچە مائاش تۇغۇرلۇق ۋايسىماي قاقشىماي كۈڭۈللۈك ئىشلىگەن ئىدىمغۇ؟ شۇنچە يىل ئىشلەپ مەندىن كىيىن كەلگەن خانىملارچىمۇ مائاش ئالالمىسام، ئۇخشاش كۆزدە قارىماي قاراپ تۇرۇپ مىنىڭ كۈڭلۈمنى رەنجىتسىڭىز قانداق قىلاتتىم سىز بىلەن تاكاللاشماي، مەن ئەسلىمۇ ئېغىر بىسىق ئىدىم، بىراق ئاچچىقىم كەلگەندە پەقەتلا ئۆزەمنى تۇتالمايتىم، بۈگۈن ئاچچىقىمدا يەنە سىز بىلەن دىيىشتىم، تۇختاپ قالماقچىمۇ بولدۇم ، ئاخىرى يەنە چىداپ بىقىش قارارىغىمۇ كەلدىم ، چۈنكى مەن ئۇنداق تۇختىماي خىزمەت ئورنىنى ئالماشتۇرۇشنى پەقەتلا خالىمايتىم! بولمىسا نۇرغۇن ئورۇنلار باركەن مالىيە خادىمىغا ئېھتىياجلىق ھەم ماڭىمۇ ماس كىلىدىغان، مائاشى تۆۋەن بولسىمۇ كۈڭلۈم رەنجىمىسە، خۇشاللىق ئىزدەپ تۇرۇپ ئىشلىسەملا بەك رازى بۇلاتتىم! بارا- بارا بۇرۇنقى جان كۆيدۈرۈپ ئىشلەپ كەتكەن ۋاقىتلىرىم ئىسىمگە كىلىپ قالدى، كۈڭلۈم  بەك بەك يېرىم بولدى،  ئۆزەمنىڭ شۇنچىلىك ئەجىر سىڭدۈرۈپمۇ بۈگۈنگە كەلگەندە ئەتىۋالىنىشتىن خارلىنىشقا چۈشۈپ قىلىۋاتقىنىمغا پەقەتلا چىدىمىدىم، رەھمەتلىك ئىنىڭىز بولغان بولسىمۇ خېلى ئادەمنىڭ قەدرىنى قىلىپ قۇياتتى، ئىشلىگەننى بىلەتتى ! ئۇقۇغانلارنى خېلى ھۈرمەت  قىلاتتى، ئۇ بولسا ئىشلارمۇ شۇنچە تىز يۈرۈشەتتى، مانا ئىنىڭىزنىڭ يوقلىقى بىلىندى، ئويلىغانسىرى   چۈشتىن كىيىن قۇلۇم پەقەت ئىشقا بارماي بىر  تالاي گەپلىرىمنى پىكىر بايانىدا يېزىپ چىقتىم، ئىچىم خېلى بۇشاپ قالدى مانا، سىزگە دەيدىغان ئەڭ مۇھىم گىپىم پۇل ھەممىگە قادىر ئەمەس، پۇلنى تاپقانكەنسىز پۇلىڭىزنى خەجلەپ سەۋىيىرىڭىزنى ئۈستۈرۈڭ ، ھەر قانداق  ئورۇنغا سىزنىڭ ماتېرىيالىڭىزنى تۇشقازغۇچە شىركەتتىكى ئۈچ خانىم شۇنچىلىك خىجىللىق ھىس قىلىپ كىتىمىز ! ساۋاتسىزنى مەجبورىي قىلىپ تۇلۇق ئۇتتۇرا سەۋىيە قىلىپ يېزىپ قۇيىمىز! ئادەم ئىشلىتىشنى ياخشىراق ئۈگۈنۈڭ! قول ئاستىڭىزدىكىلەرگە پات پات ئەھۋالىنى سوراپ كۈيۈنۈپ تۇرۇڭ! پۇلىڭىز ھەر قانچە جىق بولسىمۇ سىزدە ئازراق بىلىم سەۋىيە بولمىسا  باشقىلارنىڭ  نەزىرىدىن چۈشۈپ كىتىسىز، تومپاي كۆرىنىسىز، قول ئاستىڭىزدىكىلەرنىڭ سىزنى ھەقىقى ھۈرمەتلىگۈسى كەلمەيدۇ!!! سىزدىن ھىيىقمايدۇ!! سىزدىن پەخىرلەنمەيدۇ!! مەن باشلىقىمنىڭ رادىل ئابلادەك بىلىملىك بولمىسىمۇ، تەربىيە كۆرگەن كۈيۈمچان، ئىقتىدارلىق، ئانچە مۇنچە بولسىمۇ بىلىملىك بولۇشىنى بەكمۇ خالايتىم!! شۇنداق باشلىقنىڭ قول ئاستىدا ئىشلەپ قىممەت ياراتسام پەخىرلىنەتتىم!! بۇ سۆزلىرىمنى ھامان بىر كۈنى كۆرىشىڭىزنى بەكمۇ تىلەيمەن! ئاچچىقلانسىڭىزمۇ ماڭا بەك بەك بەك ئۆچ بولۇپ كەتسىڭىزمۇ مەيلى!! ئاخىرىدا ھەسەن بەسرىنىڭ مۇنۇ ئەقلىيە سۆزى بىلەن سىزگە دىمەكچى بولغان پىكىر بايانىدىكى يۈرەك سۆزلىرىمنى ئاخىرلاشتۇراي! ‹‹ گۈزەل تەدبىر ۋە گۈزەل باشقۇرۇش يېرىم پايدىدۇر، ئۆز ئورنىدا ئىشلىتىلگەن ئازغىنە پۇل، ئىسراپ قىلىپ ئىشلىتىلگەن كۆپ پۇلغا قارىغاندا پايدىلىقتۇر.›› مەنبە: مەن  2012- يىلى 9- ئاينىڭ 28- كۈنى    ھازىر تامام!

yultuzi

	ئاللاھ ئىشلىرىڭىزنى ئاسان قىلسۇن ، سىزنىڭ بۇ سۆزلىرىڭىزنى ئاڭلاپ بىچارە ئانام يادىمغا كېلىپ قالدى ، بىچارە ئانام كىچىكىدە خەنزۇچە دەيدىغان نەرسىنى ئۆگەنمەي تۇرۇپ ھازىر تولۇقسىز 3.يىللىققا خەنزۇتىلى دەرسى بېرىدۇ ، بەزىدە كېچىدە كىتابقا بېشىپ قويۇپ ئۇخلاپ قالسا ئانامنىڭ ئېغىر ئەمما مېھرلىك گەۋدىسىنى يۆلەپ ئوران سېلىپ ياتقۇزۇپ قويىمەن . نېمىشقا بۇنچىۋالا ئۆزۈڭنى ئۇرۇپ كېتىسەن دېسەم : مەن بۇ مەكتەپتە ئىشلىگىلى 14يىلدىن ئاشتى ، مەن ئوقۇغۇچىنىڭ ئالدىدا يەرگە قاراپ باققان ئادەم ئەمەس ، قارا ... ئەتە مەكتەپكە بارسام بىرەر ئوقۇغۇچى مۇئەللىم بۇ نېمە دېگەن خەت دەپ سورىسا مەن دېيەلمىسەم قانداق يۈزۈمنى كۆتۈرۈپ يۈرىمەن دەپ 2500بەتلىك لۇغىتىنىڭ ئىچىگە كىرىپلا كېتىدۇ ، جاپا تارتمىسۇن دەپ مۇئەللىم ئېلكترونلۇق لۇغىتىنى ئېلىپ بەردىم ، يەنىلا ئىشلەتمىدى ... نېمانداق ئاسان تاپىدۇ بۇنىڭدا ، بۇنداق ئاسانلا ئىزدەپ تاپقان خەت ئادەمنىڭ يادىدا تۇرامدۇ دەپ يەنە شۇ گىگانت لۇغەتكە بېشىنى سالىدۇ . توۋا ... مۇشۇنداق خىزمىتىنى سۆيىدىغان كەسپ ئىگىلىرى خارلانسا بۇ جەمىئەت نېمە بولماقچى ، مەن ھېچنېمە قىلالمايمەن ، پەقەت سىزگە مۇنبەر يۈزىدە ھېسداشلىق قىلالايمەن خالاس ، ئاللاھ ئىشلىرىڭىزنى ئوڭۇشلۇق قىلغاي .

katran

	ھەجەپ ئىش ھە، چوڭ ئىش بولسۇن كىچىك ئىش بولسۇن ئادەم ئەجىر قىلغانغا، كۆيۈنگەنگە چۇشلۇق نەپكە ئېرىشەلمىسىمۇ ھۆرمەتكە ئېرىشسە ئادەمنىڭ كۆڭلى قانچىلىك مەمنۇن بولار ئىدى دەيمەن. بۇرۇن ئىشلىگەن يېرىمدىكى باشلىقىممۇ بەئەينى مۇشۇنداق ئىدى، كېچىلىرى ئىسمىنا قوشۇپ ئىشلىسەك كەچلىك تاماقنىمۇ ئېلىپ بەرمەيتتى، ئۆزىمىز چىقىپ يەپ كىرەيلى دىسەك مەن ئەكىلىپ بىرىمەن دەپ قويۇپ چىقىپ كەتسە سائەت 11 دىن ئاشقاندا پەيدا بولۇپ، كېچىكىپ قاپتىمەن يەيدىغان نەرسە قالماپتۇ دەيتتى. بىر چاغدا ئەتتىگەن سائەت 4 كىچە ئىشلىدۇق چۈشلۈك تاماق يىگەنچە، ئەتىسى كەچتە يەنە ئىشلەڭلار دەيدۇ، ئاچچىقىمدا تاماق يەپ بولۇپ ئاندىن ئىشلەيلى دىسەم بىر مۇنچە خىزمەتداشلىرىم ئارىسىدا قىز بالا تۇرۇپ نىمانچە قورساققا ئامراق سىز، ئوغۇل بالا جېنىدا گەپ قىلمىسا دەپ ھاقارەتلەپ چۈشتى، بوپتۇ، قورسىقى ئاچمايدىغانلار ئىشلىسۇن ئەمسە دەپ ئالدى كەينىمگە قارىماي چىقىپ كەتكەن ئىدىم. ئىشقىلىپ مۇشۇنداق مەدەنىيەتسىز كىشىلەرلا ئادەمنىڭ قەدرىگە يەتمەيدۇ جۇمۇ.

malman

	ما ئاداشنىڭ قىلغىنى ياخشى بولماپتۇ... پۇل تاپقاندا ھەممىنى ئالماشتۇرىدۇ ھە... بۇ شېركەت پىچاندا بولغان بولسا مەن بېرىپ سۆزلەپ قوياتتىمكەن... بۇ يولداشنىڭ بۇنداق قىلغىنى بەك خاتا بوپتۇ... بۇنداق مۇ تەڭسىزلىك بولامدۇ دەيمەن...

uzumtal

	ئۇزۇن بوپتكەن گۈلبەشكەر بىزلەر ئەسرارلاشمىغىلى ، بۈگۈن بۇ تىمىنىڭ ئاپتۇرى سىز ئىكەنلىگىنىمۇ بىلمەي قىزىقىپ ئاچسام، سىزنىڭ ئۆزىڭىز ئىشلەۋاتقان شىركەتنىڭ باشلىقىغا يازغان خىتىڭىز ئىكەن .     بىلىمەن ،باشلىقىڭىز ساۋاتسىز . ئۇ بۇ خەتلەرنى ھەرگىزمۇ ئوقۇيالمايدۇ. سىز بۇ خەتلەرنى يىزىش ئارقىلىق نەچچە يىلدىن بىرى ، شىركەت ئىچىدە باشلىقىڭىزنىڭ سىز بىلەن باشقىلار ئوتترۇسدا سىز بىلەن باشقىلارغا زور بولغان تەڭسىز پەرىقلىق مۇئامىلە قىلىش ھەركىتى ئارقىلىق  سىزنى چەتكە قىقىش تەسىردىن ، ئىددىيڭىزدە ھاسىل بولغان   ھەر خىل قوساق كۆپۇكلىرىدىن شەكىلەنگەن ئاچچىق چۇقانلارنى مۇنبەرگە تۆكۈش ئارقىلىق ئۆزىڭىزگە بىر خىل ئازادىلىك تىپىش بىلەن بىرگە ، سىزگە ئوخشاش باشلىقى ئۈچۈن سەمىمىي ، سەخسىيەتسىز ئىشلەۋاتقان زىيالىلارنىڭ ئىش بىشى بولغان كىشىلەرنىڭ ، خىزمەت ئورنىدا سىللەرنىڭ ياراتقان ماددىيۋە مەنىۋى قىممىتىڭلارنى تولۇق چۈشىنىش بىلەن بىرگە مۇشۇ ئەجىرلەرگە مۇناسىپ ھالدا سىللەرنىڭ ماددى-ۋە مەنىۋى تۇرمۇشۇڭلارنىمۇ مۇۋاپىق بولغان قىممەتلەر بىلەن رازى قىلىشى مەيلى سىزنىڭ شىركەتنىڭ باشلىقى بولسۇن ياكى ھەر كەسىپ ھەر ساھەدە يۈز تىپىش بىلەن بىرگە بەلگۈلۈك قىممەتتە پۇل تىپىۋاتقان خوجايىنلارنىڭ باش تارتىپ بولالمايدىغان مەجبۇريىتى بولۇش بىلەن بىرگە بۇ كىشىلەرنىڭ ئىنسانى قىممەت قارىشىنىڭ ھەر بىر بىر رۇجەكلىرىدە پۇلنىلا ئاساس قىلماستىن بەلكى ،يۇقۇرى بىلەن تۆۋەن ئوتتۇرسىدىكى پەرقتە شەخسىيەتسىز توغرا قاراش ۋە توغرا تەڭشەش ئىلىپ بىرىشنىمۇ ئاساس قىلىشنى ،تەۋسىيە قىلشنىمۇ نەزەدە تۇتۇپ كەڭ ئوقۇرمەنلەرگە سۇنغانلىقىڭىزنى چۈشىنىپ يەتتۇق .   گۈلبەشكەر ھىلھەممۇ سىزگە ئوخشاش ئاجىز بولغان زاتى ئەمەس ،راۋۋۇس بىر ئەرنىمۇ دات دىگۈزۋىتىدىغان ھەر ساھە ھەر كەسىپتىكى ئەقلى ئەمگەك قارىماققا ، ئازادە ئىشخاندا ئولتۇرۇپ  ، يىنىك ئىش بىجىرىش ئۇسۇلى ئارقىلىق ھاياتىنى ماددى ۋە مەنىۋى جەھەتتىن نورمال بولغان دەرىجىدە كاپالەتكە ئىگە قىلىشتىن ئىبارەت بۇ خىزمەت ، قارىماققا بەزىلەرنىڭ نەزىرىدە شۇنچىلىك ئاسان بولۇش بىلەن بىرگە ئاي توشقۇزۇپلا ھەق ئالىدىغان كەسىپتەك كۆرۇنىسىمۇ ،ماھىيەتتە بۇ ئەقلى ئەمگەك تاشقى سۈپەتلەرنى يەنى كىيىم-كىچەكلەرنى ، تىرىلەرنى كۆرىنەرلىك زەخمە قىلمىسمۇ ، بىراق كىشىنىڭ مىڭىسىنى  زور دەرىجىدە چارچىدىغان ئەقلى ئەمگەك ھىساپلىنىدۇ .      ھىلھەممۇ سىز شۇنچە تۆۋەن ئايلىق ئىش ھەققى بىلەن شۇنچە يىلدىن بىرى ئىشلەپ كەپسىز . ئاددىيسى سىز بىر ئايلىقىڭىز 1200 يۈۋەندىن ئىشلەۋاتقان 2008 -يىلى ئادەتتىكى بىر كىيىم-كىچەك ساتىدىغان دۇكاندا تەرجىمانلىق قىلدىغان خىزمەتچىنىڭ ئايلىق مائاشىمۇ 1000 يۈۋەندىن كەم ئەمەس ئىدى ،  2008 -يىلى شىنجاڭنىڭ بىيجڭدا تۇشلۇق قارماي ،شخەنزە ،تۇرپان ، بىڭتۇۋەن ،قەشقەر .....قاتارلىق ئىش بىجىرىش  ئورگانلىرىنىڭ رىستۇرنلىرىدا تاماق تىزىملايدىغان ئادەتتىكى بىر  قىزنىڭ ئايلىق ئىش ھەققى 2500 يۈۋەن بولۇپ ئايىلىق مۇكاپاتى بۇنىڭ سىرتىدا ئىدى ،بىر كۈنلۇك ئىشلەش ۋاقتى چۈشتىن بۇرۇن ئىككى سائەت ،چۈشتە تۆت سائەت دەم ئىلىش كەچتە تۆت سائەت ئىدى ،ياتاق ،تاماق ،مۇنچا ،تۇرمۇش بويۇملىرى قاتارلىقلار ئايلىق ئىش ھەققىنىڭ سىرتىدا ئىدى . مۇشۇ خىزمەتكىمۇ ئادەم تاپالماي . خەنزۇ تىلىنى ئانچە-مۇنچە بىلىدىغان قىزلارغا تاماق تىزىملىكىگە مۇناسىۋەتلىك خەنزۇچە خەتلەرنى ئۈگىتىپ ئىشلەتكەن ئىدى . سىز بىر بىلملىك زىيالى بۇنچىلىك ئىشلاردىن ئەلۋەتتە خەۋەردار  . بىراق سىزنىڭ كۆزلىگىنىڭىز نۇقۇل پۇللا ئەمەس بەلكى شۇ ئۇيغۇرلار ئاچقان شىركەتتە  ،ئۆزىڭىزنىڭ قىممىتىنى يارىتىشنى مەقسەت قىلغىنىڭىز يازمىڭىزدىن بىزلەرگە ئىنىقلا بولدى . ھىلھەممۇ سىز شۇ شىركەتتە شۇنچە يىلدىن بىرى ئىشلەپ نەچچە يىللىق ياشلىق باھارىڭىزنى ئازغىنە ئىش ھەققىگە سەرەپ ئىتىپ ، ئەڭ ئاخىردا شۇ شىركەتتىن ئىرىشكىنىڭىز  خۇشاللىق بىغىشلىماستىن بەلكى ئىچىنىشنىڭ ،خورلۇقنىڭ .....ئىزلىرى بوپتۇ .    بەلىكم سىز شۇنچە يىللاردىن بىرى ئىچىڭىزگە يىغىلىپ قالغان ئۇشبۇ پىكىرلىرىڭزنى خوجاينىڭىز بىلەن چىرايىلق دەرقەمدە ئولتۇرۇپ ئۆز-ئارا پىكىر ئالماشتۇرۇپ بىقىشنى شۇنچە ئارزۇمۇ قىلىپ باققانسىز . بىلىملىك كىشى بىلەن بىلىمسىز كىشىنىڭ ھەر بىر ئىشلىرىدا تۇتقان ئىشىمۇ زور دەرىجىدە پەرىقلىق بولىدۇ . بىلىمسىز كىشى بىلەن ھەر قانچە ئېسىل سۆھبەتلەرنى ئۆتكۈزۈپ بىقىڭ . ھامان كۆڭلىڭىزنىڭ بىر يەرلىرىدىن قوساق كۆپۇكىنىڭ ئاسارەتلىرى تازلانمايدۇ .بىلىم-مەرىپەت بىلەن قەلبىنى يورۇتمىغان ئادەم  كىشىلەرگە ھەر قانچە ئېسىىل تەسىر بەرسىمۇ ياكى شۇنچە ئالىجاناپ كۆرۇنسىمۇ ماھىيەتتە بۇنداق كىشىلەرنىڭ بىلمسىزلىك بىلەن ئەنئەنىۋى تەرتىپسىز ئۇسۇل بىلەن ئىش بىجىرىش ئۇسۇلى ،ئۆز دائىرسىدىكى  كىشىلەرنى ھامان بىر كۈلەردە بىزار قىلىپ قويدۇ .بىلىمسىز كىشىنىڭ ماھىيتى خۇددى ئىشكى يوق ئۆيگە ئوخشايدۇ . بۇ ئۆيگە قارىسىڭىز شۇنداق چىرايلىق ۋە كۆركەم بولسىمۇ ،بىراق ئىچىگە كىرىشتە ياكى ئىچىدىن چىقىشتا كىشىنى مەمنۇن قىلىدىغان بىرەر ئىشكى يوق بولغاچ، ھەر قاچان كىشى بۇ ئۆيگە كىرىشنى ياكى ئىچىدىن سىرىتىغا چىقىشقا تەرەدۇت قىلغاندا بىر مۇنچە ئاۋارچىلىقلارنى بىشىدىن ئۆكۈزۈشكە توغرا كىلىدۇ .   سىزگە يەنە بىر نۇقتىدىن بىردىغان پىكىرىم بولسا گۈلبەشكەر ، بەلىكم مەن خوجايىنىڭىزنى خاتا چۈشىنىپمۇ قالغاندىمەن . ئەگەر سىز خوجايىنىم بىلەن بۇ توغۇرسدا چىرايلىق دەرقەمدە پىكىر ئالماشتۇرسام چوقۇم خوجايىدىن ئۆزىنىڭ ئۈستەدە كىتىۋاتقان خاتالىقلارنى سەمىمىيلىك بىلەن تونۇپ ، بۇ مەسىلىگە قارىتا  ئۆزىنىڭ سىز قايىل بولغۇدەك كۆز-قارىشىنى ئوتتۇرغا قويدىغانلىقىنى ،بۇ ئارقىلىق خوجاينىڭىز بىلەن چوقۇم ئۆز ئارا كۆڭۇل ئازارى بولمىغان ئاساستا  ،بۇ نەچچە يىلدىن بىرى يىغىلىپ قالغان مەسىلىڭىزدە چوقۇم ئىككى تەرەپ مۇۋاپىق چۈشەنچىگە ئىگە بولۇشقا ئىشەنچىم بار دەپ قارىسىڭىز . خوجاينىڭىز بىلەن مۇۋاپىق بولغان بىر ۋاقىتا، مۇشۇ مەسىلە ئۈستىدە سۆھبەتلىشىپ بىقىڭ . ئەگەر بۇ ئىشتا كۆڭلىڭىز دىلغۇل بولۇپ ،مەسىلىنىڭ ياخشىلىنىشا تازا ئىشەنچىڭىز بولمىسا ،ئىككىلنىپ تۇرماي  ئۇ خوجايىنڭىزدىن ۋە ئۇنىڭ شىركىتىڭىزدىن ئۈمۈت كۈتمەڭ .     سىز ئۆزىڭىزگە ئىشىنىڭ ، سىز ھاياتىڭىزنى قايتىدىن بىر لاھىيلەپ شۇ بويۇنچە ئىش كۆرۇڭ ، سىز بۇندىن كىيىن بارلىق مەبلەغنى ئۆز تۇرمۇشىڭىزغا سىلىپ بىقىڭ ! -چوقۇم سىز نەتىجە قازىنىسىز . سىز نۇقۇل نورمال بولغان بىر ئائىلىگە ئىگە بولغاندا . ئىلگىركى شىركەتتە ئىشلەش جەرياندا ئىرىشكەن خۇشاللىقىڭزنىڭ ھەقىقى خۇشاللىق ئەمەسلكىنى ھىس قىلىسز .   كىشىگە، ھەقىقى چىن رىشتە ئۈستىگە قۇرۇلغان ئائىلىدىن كىلىدىغان خۇشاللىق ، نۇپۇزى يۇقىرى بولغان بىر شىركەتتە ئىشلەش جەرياندا ئىرىشكەن خۇشاللىقتىن مىڭ مەرتىبە ئارتۇقتۇر .

ablat45

	بۇ ناھايىتى ياخشى تىما بولۇپتۇ  ....بۇ مەلۇم جەھەتتىن ئالغاندا بىرقىسىم ئۇيغۇر كارخانىلىرىچىمىزنىڭ ھازىرقى ئەھۋالىنى ئەكىس ئەتتۇرۇپ بىرىپتۇ .... دىمىسىمۇ ئازراق پۇل تېپىۋېلىپلا كېرىلىىپ كىتىۋاتقان ، ماددى جەھەتتىكى بايلىقلار ئارقىلىقلا ئۈزىنىڭ بايلىقىنى كۆز-كۆز قىلىدىغان ، يىلدا بىرەر پارچە كىتاپ ئۇقۇپ كاللىسىغا مەبلەغ سېلىشنى ئويلاپ باقمايدىغان كارخانىچىلىرىمىز  بار .             گەرچە سىز تارتقان جاپالىرىڭىزغا چۇشلۇق  پۇلغا ئىرىشمىگەن بولسىڭىزمۇ ، سىز ئىرىشكەن خىزمەت تەجىربىسىنى بىر بايلىق دىيىشكە بولىدۇ . ھەر قانداق ئىشنىڭ ئىككى تەرىپى بولىدۇ . شۇڭا كۆڭلىڭىزگە ئېلىپ كەتمەڭ ، ئەكسىچە بۇ باشلىقىڭىزغا مەلۇم جەھەتتە رەھمەت ئېيتسىڭىز بولىدۇ . تاماخورلۇق قانچە كۈچەيسە ئۈمۈتسىزلىك شۇنچە كۈچىيىدۇ . سىزنىڭ يىڭى خىزمەت ئورنىڭىزدا مۇشۇ تەجىرىلىرىڭىزنى يەكۈنلەپ تېخىمۇ تىرىشىپ ئىشلىشىڭىزنى ئۈمۈت قىلىمەن !!!!

MiRul

	باشقىلارنىڭ قول ئاستىدا ئىشلىمەك نېمانداق مۈشكۈلدۇ....................

turpan0995

	مېنىڭچە ئۇ مائاش بەكلا تۇۋەن ھازىرقى ئىستىمال سەۋىيىسىگە سېلىشتۇرغاندا . ئۈستىدىكى تورداشلارمۇ خېلى ئورۇنلۇق تەكلىپ پىكىرلەرنى بېرىپتۇ . مەنچە بولسا ئامال بار باشقا بىر ياخشىراق ئىش ئورنى بولسا ‹مائاشى تۈۋەن بولسىمۇ › ئالمىشىپ بېقىڭ بەلكىم شۇ يەردىن ئۆزىڭىزگە خاس قەدىر قىممەتكە ياخشى بولغان خىزمەتكە ئېرىشىپ قېلىشىڭىز مۇمكىن. يەنە بىر تەرەپتىن ئويلىغاندا ئۇ شىركەتكە سىزنىڭ بەش يىللىق قان تەرىڭىز ئەجرىڭىز سىڭگەن ئىكەن شۇڭا سىزنىڭمۇ بىراقلا ئۇ يەردىن مىھرىڭىزنى ئۈزەلىشىڭىز ئانچە ئاسان ئەمەس دەپ قارايمەن . شۇڭا ‹ئۈزۈمتال › دىگەندەك ئوبدانراق پاراڭلڭشڭپ بېقىڭ بەلكىم پايدىسى بوپ قالا. ئاخىرىدا باشلىقىڭىزغا دەيدىغىنىم،‹سىز بىر شىركەتنى قۇرۇپ باشقۇرۋاتقان ئادەم بىر ئادەمنىڭ كۆڭلىنىڭ قانچىلىك مۇھىملىقىنى چۈشىنىسىز مىنىڭچە. سىزنىڭ مائاش تەڭشەشتە قىلغان ئۇ ئىشىڭىز زادى قاملاشماپتۇ، ئويلاپ بېقىڭە سىز بولسىڭىز قانداق ھېسياتتا بولارسىز؟ بۇ قىلغىنىڭىزنىڭ شىركىتىڭىزگە بولغان ياخشى تەسىرىدىن زىيانلىق تەسىرى كۆپرەك بولىدۇ مېنىڭچە. چۇنكى سىز بىر ئادمنىڭ ئىديەسىنى باشقۇرالمايسىز. بولدى مەن جىق گەپ قىلماي. بولسا ئۇ قىز بىلەن ئايرىم پاراڭلىشىپ كۆڭلىدىكى تۈگۈننى يېشىڭ رازى بولغىدەك مائاش بېرىڭ بۇ سىزگە ھەم شىركىتىڭىزگە پايدىلىق!  ›

tewelgha

	بۇ ھازىرقى ئۇيغۇركارخانىلىرى ۋە ئۇيغۇر  كارخانىچىلىرى  دۇچ كېلىۋاتقان ئويلىنىشقا تېگىشلىك بىر مۇھىم مەسىلە ئىكەن .ھەممەمىزگە مەلۇم ، بىزنىڭ پۇل تاپقان ،كارخانا ئاچقان بايلىرىمىزنىڭ تەڭدىن تولىسى ئارانلا ئىسمىنى يازغىدەك سەۋىيىگە ئىگە كىشىلەردۇر  .ئۇلارنى ئاللا ئاتا قىلغان تەبىئى ئىقتىدارى ( سودا ماھارىتى )گە تايىنىپلا  بازاردا پۇت تىرەپ تۇرىۋاتىدۇ دېسەك خاتا كەتمەس . جاھان تىنىچ ،يول تۈز بولغاچقا ھىچقانداق زىيان تارتمايلا پايدا ئېلىۋاتىدۇ .مۇبادا ئۇلارنىڭ بېشىغا باشقا ئوىشاش كارخانىچىلار بىلەن سوتقا چۈشۈپ داۋالىشىدىغان مۇشكۈلاتلار كېلىپ قالسا ،ئۆزلىرىنىڭ قىلغان نورمال سودىسىغىمۇ ئىسپات كۆرسىتەلمەي ،قانونسىز سودىگەر قاتارىغا كېرىپ قىلىشى مۈمكىنچىلىگى ناھايىتى يوقۇرى .چۈنكى ئۇلارنىڭ مۇشۇ تېمىدا كۆرسىتىلگەندەك مالىيە كېرىم چىقىم ئىشلىرى ئىنتايىن قالايمىقان . مېنىڭچە  ، كارخانىچىدا پۇل تېپىش ماھارىتى بولسىلا كۇپايە قىلمايدۇ .ئۇلاردا يىراقنى كۆرىدىغان كۆز ،باشقىلارنىڭ كۈچىدىن ئىلمى پايدىلىنالايدىغان ماھارەت ،شېركەتنىڭ كەلگۈسىنى ئىلمىي لايىھىلىگىدەك بىلىم ،كارخانا بىلەن تەتقىقاتنى بىر گەۋدىلەشتۇرگىدەك  يېڭىلىق روھى  بولىشى كېرەك . ئەڭ موھىمى كارخانىنى بارلىق كارخانا خادىملىرى ئۆز ئۆيۈپ دەپ بىلىغان  ،ھەممە ئادەم مۇشۇ كارخانا ئۈچۈن جان-پىدالىق بىلەن ئىشلەيدىغان،ھەممە ئادەم خوشال خورام خىزمەت قىلىدىغان ۋە كارخانە خوجايىنىنى ھۆرمەتلەيدىغان  كارخانا مەدىنىيىتى بەرپا قلىىش تېخىممۇ مۇھىم  .بولمىسا « موزاينىڭ يۈگۈرىشى سامانلىققىچە » ..............

nazila998

	مەن بۇ تىمىنى ئوقۇپ بولۇپ نىمە دىيىشىمنى پەقەتلا بىلمىدىم ، بىر  ئادەمگە نىسبەتەن ، مۇئاشنىڭ يۇقۇر - تۆۋەلىكى ، ئىش ئورنىنىڭ يۇقۇر - تۆۋەنلىكى ، چوڭ ئىش ئەمەس ، پەقەت ئەتراپىدىكى ئادەملەرنىڭ شۇ ئادەمگە نىسبەتەن تۇتقان مۇئامىلىسىدە ،      ئىشلىرىڭىزغا ئوڭۇشلۇق ، كۆڭلىڭىزگە خۇشاللىق تىلەيمەن دوستۇم