ئابدۇقادىر ﺩﺍﻣﻮﻟﻼﻡ ﺋﯜﮔﯜﺗﻠﯩﺮﻯ (توپلام)

ihlasmanyigit

	ﺋﺎﺑﺪۇقادىر ﺩﺍﻣﻮﻟﻼﻡ ﺋﯜﮔﯜﺗﻠﯩﺮﻯ ﺗﻪﯕﺮﯨﻨﯩﯔ ﺋﯩﻨﺴﺎﻧﻐﺎ ﻛﯚﭘﺘﯘﺭ ﺗﺎﺭﺗﯘﻗﻰ ، ﺋﻪﻗﯩﻞ ﯞﻩ ﺋﻪﺩﻩﭘﺘﯩﻦ ﻳﻮﻗﺘﯘﺭ ﺋﺎﺭﺗﯘﻗﻰ . ﺋﻪﻗﯩﻞ ﯞﻩ ﺋﻪﺩﻩﭖ ﮬﻪﺭ ﻳﺎﺷﻨﯩﯔ ﺟﺎﻣﺎﻟﻰ ، ﺋﯘﻧﯩﯖﺴﯩﺰ ﺑﻮﻟﻤﺎﺱ ﮬﺎﻳﺎﺗﻨﯩﯔ ﻛﺎﻣﺎﻟﻰ . ﭘﻪﺯﯨﻠﻪﺕ ﻛﯚﭖ ﺋﯧﺮﯗﺭ ﺑﯘ ﺋﺎﻟﻪﻡ ﺋﺎﺭﺍ ، ﺋﯩﻠﯩﻤﺪﯗﺭ ﮬﻪﻣﻤﯩﺪﯨﻦ ﺋﻪﻟﻴﯘﻝ ﺋﻪﻻ. ﺋﯩﻠﯩﻤﺪﯗﺭ ﺑﯩﺒﺎﮬﺎ ،ﻗﺎﺯﺳﺎ ﭘﯜﺗﻤﻪﺱ ﻛﺎﻥ ، ﺋﯩﻠﯩﻤﺪﯨﻦ ﺑﺎﺷﻘﯩﺴﻰ ﻛﯩﻤﮕﻪ ﺋﻪﺳﻘﺎﺗﻘﺎﻥ ؟ ﺋﯩﻠﯩﻤﻼ ﻧﯩﺠﺎﺗﻠﯩﻖ ﺑﯩﺮﻩﺭ ﻣﻪﯕﮕﯜﻟﯜﻙ ، ﺑﯩﻠﯩﻤﻠﯩﻚ ﮬﺎﻳﺎﺗﺘﯘﺭ ،ﺟﺎﮬﯩﻠﻼﺭ ﺋﯚﻟﯜﻙ . ﺋﻰ ﻳﺎﺵ ﺑﯩﻞ ﺟﺎﮬﯩﻠﻠﯩﻖ ﻧﻮﻣﯘﺳﺘﯘﺭ ﺑﯩﺸﻪﻙ ، ﻧﺎﺩﺍﻧﻠﯩﻖ ﺯﯗﻟﯩﻤﯩﻐﺎ ﺭﺍﺯﯨﺪﯗﺭ ﺋﯧﺸﻪﻙ . *$ ﺋﯩﻨﺴﺎﻧﻨﯩﯔ ﻗﻪﺩﯨﺮ -ﻗﯩﻤﻤﯩﺘﻰ ﻣﻪﻳﻠﻰ ﺋﯘ ﺋﯩﻨﺴﺎﻥ ﻳﺎﺧﺸﻰ ﺋﻪﻣﻪﻟﻨﻰ ﺋﺎﺯ ﻗﯩﻠﺴﯘﻥ ﻳﺎﻛﻰ ﻛﯚﭖ ﻗﯩﻠﺴﯘﻥ ،ﮔﯜﺯﻩﻝ ﺋﻪﻣﯩﻠﻴﯩﺘﯩﮕﻪ ﺑﺎﻏﻠﯩﻖ . *$ ﺯﺍﻣﺎﻧﻨﯩﯔ ﮬﺎﺗﻪﻣﻠﯩﺮﻯ ﺳﺎﻧﯩﻠﯩﺪﯨﻐﺎﻥ ﺋﻪﺭﻟﻪﺭ ﻣﯘﮬﺘﺎﺟﻼﺭﻧﯩﯔ ﮬﺎﺟﯩﺘﯩﻨﻰ ﺭﺍﯞﺍ ﻗﯩﻠﻐﺎﻥ ،ﺩﻩﺭﺩﻣﻪﻧﻠﻪﺭﻧﯩﯔ ﺩﻩﺭﺩﯨﮕﻪ ﻳﻪﺗﻜﻪﻥ ،ﺑﯩﻨﺎﯞﺍﻟﻪﺭﻧﯩﯔ ﻛﯚﯕﻠﯩﻨﻰ ﺋﺎﻟﻐﺎﻥ ،ﮬﻪﻕ ﺳﯚﺯﻧﻰ ﺋﯧﻴﺘﻘﺎﻥ ﻛﯩﺸﯩﻠﻪﺭﻧﻰ ﮬﯩﻤﺎﻳﻪ ﻗﯩﻼﻟﯩﻐﺎﻥ ﺋﻪﺭﻟﻪﺭﺩﯗﺭ . *$ ﺋﺎﻟﯩﻤﻼﺭ ﺋﯚﺯ ﺋﯩﻠﯩﻤﯩﻨﻰ ﺋﻪﺗﺮﺍﭘﻘﺎ ﺭﯨﻴﺎﺳﯩﺰ ﺗﺎﺭﻗﺎﺗﺴﺎ ،ﺋﯘﻻﺭﻧﯩﯔ ﮬﻪﺭ ﺑﯩﺮ ﻟﻪﯞﺯﯨﺪﯨﻦ ﻗﻪﻧﺖ ﺷﯧﻜﻪﺭ ﺗﺎﻣﺴﺎ ،ﺋﺎﻟﻪﻡ ﻧﯘﺭﻏﺎ ﺗﻮﻟﯘﭖ ﺯﺍﻣﺎﻧﻨﯩﯔ ﻗﺎﺭﺍﯕﻐﯘﺳﯩﻤﯘ ﻳﻮﺭﯗﻳﺘﻰ . *$ ﺋﻪﻗﯩﻞ ﺋﯩﮕﯩﺴﻰ ﺑﻮﻟﺴﺎﯓ ﻗﯘﺭﯗﻕ ﺩﯦﻤﻪﻱ ﺑﯘ ﺳﯚﺯﮔﻪ ﻗﯘﻻﻕ ﺳﺎﻝ :ﻏﻪﻳﺮﻩﺕ ﺋﻪﮬﻠﻰ ﺩﺍﺋﯩﻢ ﻗﺎﻧﺎﺋﻪﺗﭽﺎﻥ ﺑﻮﻟﺴﺎ ﻧﯩﻤﻪ ﺩﯦﮕﻪﻥ ﻳﺎﺧﺸﻰ ؟ ﺑﯩﺮ ﻣﻪﺳﻪﻝ ﺑﺎﺭﻛﻰ ، ﻛﯩﺸﯩﺪﯨﻦ ﺗﻪﻣﻪ ﻗﯩﻠﻤﺎﻕ ﮔﻮﻳﺎ ﺋﯚﻛﯜﺯﺩﯨﻦ ﺳﯜﺕ ،ﻣﯜﺯﺩﯨﻦ ﺋﻮﺕ ﺗﻪﻣﻪ ﻗﯩﻠﻐﺎﻥ ﺑﯩﻠﻪﻥ ﺑﺎﺭﺍﯞﻩﺭﺩﯗﺭ . ﺧﯘﺩﺍ ،ﺑﯩﺰﻧﻰ ﻗﺎﻧﺎﺋﻪﺗﻠﻪﻙ ﻗﯩﻠﻐﯩﻦ . *$ ﺋﻪﮔﻪﺭ ﺋﺎﺩﻩﻡ ﺋﯚﺯﯨﻨﯩﯔ ﻣﻪﺧﭙﯩﻴﻪﺗﻠﯩﮕﯩﻨﻰ ﺋﯚﺯﻯ ﺋﺎﺷﻜﺎﺭﯨﻼﭖ ﺑﻮﻟﯘﭖ ،ﺋﯘﻧﻰ <ﻳﯧﻴﯩﯟﻩﺗﺘﻰ > ﺩﻩﭖ ﺑﺎﺷﻘﯩﻼﺭﻧﻰ ﺋﻪﻳﯩﺒﻠﯩﺴﻪ ،ﺋﯘ ﺋﻪﺧﻤﻪﻗﺘﯘﺭ .ﭼﯜﻧﻜﻰ ﺋﯚﺯﯨﻨﯩﯔ ﻣﻪﺧﭙﯩﻴﻪﺗﻠﯩﮕﯩﻨﻰ ﺋﯚﺯ ﻗﻪﻟﺒﻰ ﺳﯩﻐﺪﯗﺭﺍﻟﻤﯩﺴﺎ ،ﺑﺎﺷﻘﯩﻼﺭﻧﯩﯔ ﻗﻪﻟﺒﻰ ﻗﺎﻧﺪﺍﻕ ﺳﯩﻐﺪﯗﺭﺍﻻﻳﺪﯗ ؟ *$ ﺋﯩﻠﯩﻢ ﺗﻪﻟﻪﭖ ﻗﯩﻠﻤﺎﻕ ﺧﺎﮬ ﺋﻪﺭ ﻛﯩﺸﻰ ،ﺧﺎﮬ ﺋﺎﻳﺎﻝ ﻛﯩﺸﯩﮕﻪ ﭘﻪﺭﮬﯩﺰﺩﯗﺭ .ﺋﯩﻠﯩﻢ ﺑﯘ ﺩﯗﻧﻴﺎ ﯞﻩ ﺋﺎﺧﯩﺮﻩﺗﺘﯩﻜﻰ ﺳﺎﺋﺎﺩﻩﺗﻜﻪ ﺳﻪﯞﻩﻧﭽﯩﺪﯗﺭ . ﺋﻮﻳﻼ ،ﺋﻪﻱ ﺟﯩﺴﯩﻤﻨﯩﯔ ﭼﺎﻛﯩﺮﻯ ﺋﯩﻨﺴﺎﻥ ، ﻧﻪﭖ ﻛﯜﺗﻤﻪ ﺟﯩﺴﻤﯩﯖﺪﯨﻦ ﺯﯨﻴﺎﻥ ﺑﺎﺭ ﭘﯩﻨﮭﺎﻥ . ﺑﻪﺧﺶ ﺋﻪﺕ ﺟﯧﻨﯩﯖﻐﺎ ﭘﻪﺯﯨﻠﻪﺗﺘﯩﻦ ﻛﯜﭺ ، ﺟﯩﺴﯩﻢ ،ﻳﺎﻕ ،ﺟﺎﻧﺪﯨﺪﯗﺭ ﮬﺎﻳﺎﺗﺘﯩﻦ ﻧﯩﺸﺎﻥ ! *$ ﺗﻮﻏﺮﺍ ﺳﯚﺯﮔﻪ ﺋﯩﺸﻪﻧﻤﻪﻱ ،ﺧﺎﺗﺎ ﺳﯚﺯﮔﻪ ﺋﯩﺸﯩﻨﯩﭗ ،ﺋﯚﺯﻟﯩﺮﯨﻨﯩﯔ ﺋﯩﺸﻪﻧﭽﯩﺴﯩﻨﻰ ﭘﯜﺗﯜﻧﻠﻪﻱ ﻳﻮﻗﺎﺗﻘﺎﻥ ﻣﯩﻠﻠﻪﺕ ﺋﻪﮬﯟﺍﻟﯩﻨﯩﯔ ﻳﺎﺧﺸﯩﻠﯩﻨﯩﺸﯩﺪﯨﻦ ﺋﯜﻣﯜﺩ ﻛﯜﺗﯜﺵ ﻗﯩﻴﯩﻦ . * $ ﮔﻪﺭﭼﻪ ﻻﻳﺎﻗﻪﺗﺴﯩﺰ ﻳﻪﺭ ﺑﻮﻟﺴﯩﻤﯘ ﻳﺎﺧﺸﯩﻠﯩﻖ ﺗﯧﺮﯨﻐﯩﻦ ،ﻳﺎﺧﺸﯩﻠﯩﻖ ﻗﻪﻳﻪﺭﮔﯩﻼ ﺗﯧﺮﯨﻠﺴﯘﻥ ﺯﺍﻳﻪ ﻛﻪﺗﻤﻪﻳﺪﯗ . ﻳﺎﺧﺸﻰ ﺋﯩﺸﻘﺎ ﮔﻪﺭﭼﻪ ﺋﯘﺯﯗﻥ ﺯﺍﻣﺎﻥ ﺑﻮﻟﯘﭖ ﻛﻪﺗﻜﻪﻥ ﺑﻮﻟﺴﯩﻤﯘ ، ﺋﯘﻧﯩﯔ ﮬﻮﺳﯘﻟﻠﯩﻨﻰ ﭘﻪﻗﻪﺕ ﺗﯧﺮﯨﻐﺎﻥ ﻛﯩﺸﯩﻼ ﻛﯚﺭﯨﺪﯗ . *$ ﻛﯩﺘﺎﺏ ﺋﻮﻗﯘﻏﺎﻥ ﻛﯩﺸﻰ ﺗﻪﭘﻪﻛﻜﯘﺭﻧﻰ ﮬﻪﻣﺮﺍﮬ ﻗﯩﻠﻤﺎﻱ ،ﻛﯩﺘﺎﺑﻨﯩﯔ ﺷﻪﺭﮬﻰ -ﺋﯩﺰﺍﮬﯩﻐﯩﻼ ﺋﯧﺴﯩﻠﯩﯟﺍﻟﺴﺎ ، ﮔﻮﻳﺎ ﺑﺎﺷﻼﻧﻐﯜﭺ ﻣﻪﻛﺘﻪﭖ ﺋﻮﻗﯘﻏﯘﭼﯩﺴﯩﻐﺎ ﺋﺎﻳﻠﯩﻨﯩﭗ ﻗﺎﻟﯩﺪﯗ . *$ ﻛﯩﺸﯩﻠﻪﺭﻧﻰ ﮬﯚﺭﻣﻪﺕ ﻗﯩﻞ ، ﺳﻪﻥ ﺑﺎﺷﻘﯩﻼﺭﻏﺎ ﮬﯚﺭﻣﻪﺕ ﻗﯩﻠﺴﺎﯕﻼ ، ﺋﺎﻧﺪﯨﻦ ﺑﺎﺷﻘﯩﻼﺭﺩﯨﻦ ﮬﯚﺭﻣﻪﺕ ﻛﯚﺭﻩﻟﻪﻳﺴﻪﻥ . ﭼﯩﺮﺍﻳﻨﯩﯔ ﮬﯚﺳﻨﯩﮕﻪ ﺗﻮﻟﻤﯩﻘﻰ ﺑﯩﻠﻪﻥ ، ﻳﯩﮕﯩﺘﻨﯩﯔ ﭘﻪﺯﯨﻠﻪﺕ ﺷﻪﺭﺗﻰ ﺗﻮﻻﻣﺪﯗ ؟ ﺗﯚﻣﯜﺭﻧﯩﯔ ﭘﺎﺭﻗﯩﺮﺍﻕ ﺑﻮﻟﻤﯩﻘﻰ ﺑﯩﻠﻪﻥ ، ﻳﻪﻣﻪﻧﺪﯨﻦ ﭼﯩﻘﻘﺎﻧﻐﺎ ﺩﻩﻟﯩﻞ ﺑﻮﻻﻣﺪﯗ ؟ *$ ﻛﯩﭽﻪﻳﯘ ﻛﯜﻧﺪﯛﺯ ﻣﯧﮭﻨﻪﺕ ﺑﯩﻠﻪﻥ ﺑﻮﻟﯘﭖ ﺋﯚﺯ ﺋﺎﺑﺮﻭﻳﯩﻨﻰ ﺳﺎﻗﻠﯩﺴﺎ ، ﻣﯘﻧﺪﺍﻕ ﻛﯩﺸﻰ ﺋﻪﻟﺪﯨﻦ ﺋﺎﺯﺍﺭ ﻛﯚﺭﻣﻪﻳﺪﯗ .ﮬﯧﭻ ﺯﺍﻣﺎﻥ ﺧﺎﺭ ﺑﻮﻟﻤﺎﻳﺪﯗ . *$ ﭘﻪﺳﻪﻧﺪﯨﻠﻪﺭﮔﻪ ﮬﻪﺭﮔﯩﺰﻣﯘ ﻣﯩﮭﺮﯨﺒﺎﻧﻠﯩﻖ ﻛﯚﺭﺳﻪﺗﻤﻪ ،ﺋﯘﻧﻰ ﮬﻪﺩﺩﯨﺪﯨﻦ ﺋﺎﺷﯘﺭﯗﭖ ﻗﻮﺗﻴﺴﻪﻥ .ﻗﻮﭘﺎﻟﻠﯩﻖ ﻗﯩﻞ ،ﺋﯩﺘﺎﺋﻪﺕ ﻗﯩﻠﯩﭗ ﺑﺎﺵ ﺋﻪﮔﻜﻪﻥ ﮬﺎﻟﺪﺍ ﺋﺎﻟﺪﯨﯖﻐﺎ ﻛﯩﻠﯩﺪﯗ . ﺷﯜﮬﺒﯩﺴﯩﺰﻛﻰ ،ﺗﯚﻣﯜﺭﻧﻰ ﭘﻪﻗﻪﺕ ﺋﻮﺗﻼ ﻳﯘﻣﺸﯩﺘﯩﺪﯗ .ﺋﻪﻣﻤﺎ ﺋﯘﻧﯩﯖﻐﺎ ﭘﯘﺗﯘﻥ ﺩﯦﯖﯩﺰ ﺳﯜﻳﯩﻨﻰ ﻗﯜﻳﺴﺎﯕﻤﯘ ﻳﯘﻣﺸﯩﻤﺎﻳﺪﯗ . *$ ﺋﻪﮔﻪﺭ ﺳﻪﻥ ﺳﯜﻳﯩﯖﻨﻰ ﺋﻪﺧﻠﻪﺕ ﭼﯜﺷﻜﻪﻥ ﺩﻩﭖ ﺋﯩﭽﻤﯩﺴﻪﯓ ،ﺋﯘﺳﺴﯩﺰ ﻗﺎﻟﯩﺴﻪﻥ . ﻗﺎﻧﺪﺍﻕ ﻛﯩﺸﯩﻨﯩﯔ ﺳﯜﻳﯩﻨﯩﯔ ﮬﻪﻣﻤﯩﺴﻰ ﺳﺎﭖ ﺑﻮﻟﻐﺎﻥ ؟ ﻳﻪﻧﻪ ﻗﺎﻧﺪﺍﻕ ﻛﯩﺸﯩﻨﯩﯔ ﮬﻪﻣﻤﻪ ﺋﯩﺸﻰ ﺩﯗﺭﯗﺱ ﺩﻩﭖ ﻗﺎﺭﺍﻟﻐﺎﻥ ؟ ! ﻛﯩﺸﯩﻨﯩﯔ ﺋﻪﻳﯩﺒﻠﯩﺮﻧﯩﯔ ﺳﺎﻧﺎﻟﻐﺎﻧﻠﯩﻘﻰ ﺋﺎﺷﯘ ﻛﯩﺸﯩﻨﯩﯔ ﭘﻪﺯﯨﻠﻪﺗﻠﯩﻚ ﺋﯩﻜﻪﻧﻠﯩﻜﯩﻨﯩﯔ ﻳﯩﺘﻪﺭﻟﯩﻚ ﺋﯩﺴﭙﺎﺗﯩﺪﯗﺭ . ﮬﻪﺭ ﻗﺎﻧﺪﺍﻕ ﻛﯧﺴﻪﻟﮕﻪ ﺗﯧﭙﯩﻠﺴﯩﻤﯘ ﺋﻪﻡ ، ﻳﻮﻕ ﮬﻪﺭﮔﯩﺰ ﺋﻪﺧﻤﻪﻗﻨﻰ ﺳﺎﻗﺎﻳﺘﺎﺭ ﻣﻪﻟﮭﻪﻡ . *$ ﻧﻪﭘﯩﺲ ﺷﯘﻧﺪﺍﻕ ﺑﺎﻻﺩﯗﺭﻛﻰ ، ﺋﻪﮔﻪﺭ ﺋﻪﻗﯩﻞ ﺋﯘﻧﯩﯖﻐﺎ ﺷﺎﮬﻠﯩﻖ ﻗﯩﻼﻟﻤﯩﺴﺎ ، ﺋﺎﺩﻩﻣﻨﻰ ﺋﯩﺘﺘﯩﻨﻤﯘ ﭘﻪﺳﻠﻪﺷﺘﯘﺭﯞﯦﺘﯩﺪﯗ .ﺧﯘﺩﺍ ﻧﻪﭘﺲ ﺑﺎﻻﺳﯩﺪﯨﻦ ﺳﺎﻗﻠﯩﻐﺎﻳﺴﻪﻥ . *$ ﺑﺎﺭﻟﯩﻖ ﻧﻪﺭﺳﯩﻠﻪﺭﻧﯩﯔ ﺗﻪﻣﯩﻨﻰ ﻗﺎﻳﺘﺎ - ﻗﺎﻳﺘﺎ ﺗﯧﺘﯩﭗ ﻛﯚﺭﺩﯛﻡ .ﻟﯧﻜﯩﻦ ،ﻣﻪﻥ ﺗﯧﺘﯩﻐﺎﻥ ﻧﻪﺭﺳﯩﻠﻪﺭ ﺋﯩﭽﯩﺪﻩ ﮔﺎﺩﺍﻳﻠﯩﻘﺘﯩﻨﻤﯘ ﺗﻪﻣﻰ ﺋﺎﭼﭽﯩﻖ ﻧﻪﺭﺳﻪ ﻳﻮﻕ ﺋﯩﻜﻪﻥ . ﻣﯧﻨﻰ ﻗﺎﻳﻐﯘﻏﺎ ﺳﺎﻟﻐﺎﻥ ﻧﻪﺭﺳﯩﻠﻪﺭ ﺋﯩﭽﯩﺪﻩ ﺩﯛﺷﻤﻪﻧﻨﯩﯔ ﺷﺎﺗﻠﯩﻐﯩﺪﯨﻦ ﺑﺎﺷﻘﯩﺴﯩﻨﻰ ﺗﺎﭘﺎﻟﻤﯩﺪﯨﻢ . *$ ﺋﺎﻟﯩﻢ ﺷﺎﮔﯩﺮﺗﻠﯩﺮﻏﺎ ﺋﯩﻠﯩﻢ ﺋﯜﮔﻪﺗﻜﻪﻧﺪﻩ ﻏﻪﺭﻩﺯﺩﯨﻦ ﺧﺎﻟﯩﻲ ﺑﻮﻟﯘﭖ ،ﺋﯘﻻﺭﻏﺎ ﮬﻪﻗﯩﻘﯩﻲ ﻛﯚﯕﯜﻝ ﻗﺎﺭﺍﺗﺴﺎ ،ﺯﺍﻣﺎﻥ ﺋﻪﮬﻠﻰ ﻧﻪﺯﯨﺮﻯ ﺗﺎﺭ ﻣﻮﻟﻠﯩﻼﺭﺩﯨﻦ ﻗﯘﺗﯩﻠﯩﺪﯗ . *$ ﺋﯩﻠﯩﻢ - ﻣﻪﺭﯨﭙﻪﺗﻨﯩﯔ ﻗﻪﺩﯨﺮ - ﻗﯩﻤﻤﯩﺘﻰ ﺑﻮﻟﻤﯩﻐﺎﻥ ﺟﺎﻳﺪﺍ ﻣﻪﺭﯨﭙﻪﺕ ﺋﻪﮬﻠﯩﻨﯩﯔ ﺷﯚﮬﺮﯨﺘﻰ ﻳﻮﻗﯩﻠﯩﭗ ، ﺧﺎﺭﯗ ﺯﺍﺭﻟﯩﻘﻘﺎ ﻳﯜﺯﻟﯩﻨﯩﺪﯗ . *$ ﻏﻪﭘﻠﻪﺗﺘﻪ ﺩﺍﺋﯩﻢ ﺋﯘﺧﻠﯩﻤﺎﻕ ﻳﻮﻗﯩﻠﯩﺶ ﯞﻩ ﺋﯚﻟﯜﻡ ﻳﻮﻟﯩﺪﯗﺭ . *$ ﻛﯩﺸﯩﻠﻪﺭﻧﯩﯔ ﻳﺎﺧﺸﻰ ﺧﯩﺴﻠﻪﺗﻠﯩﺮﯨﻨﻰ ﮬﻪﺟﯩﯟﯨﻲ ﻗﯩﻠﯩﺪﯨﻐﺎﻥ ﻛﯩﺸﻰ ﭘﻪﺯﯨﻠﻪﺕ ﺋﯩﮕﯩﻠﯩﺮﯨﯔ ﻳﯜﺭﯨﻜﯩﻨﻰ ﮬﻪﺟﯩﯟﯨﻲ ﺑﯩﻠﻪﻥ ﻳﺎﺭﺍ ﻗﯩﻠﯩﺪﯨﻐﺎﻧﻼﺭﺩﯗﺭ . ﺑﯘﻧﺪﺍﻗﻼﺭﻧﯩﯔ ﮬﻪﺟﯩﯟﯨﻴﺴﯩﮕﻪ ﺗﯜﻛﯜﺭﻣﻪﻙ ﻛﯧﺮﻩﻙ . *$ ﻳﺎﺧﺸﯩﻠﯩﻘﻘﺎ ﻳﺎﺕ ، ﻣﺎﻝ - ﺩﯗﻧﻴﺎﻏﺎ ﻣﺎﻳﯩﻞ ﺑﻮﻟﯘﭖ ، ﺋﺎﻟﺘﯘﻥ ﻛﯜﻣﯜﺷﻠﻪﺭﻧﻰ ﻛﯚﺯﯨﮕﻪ ﺳﯜﺭﺗﯜﭖ ﺋﯚﺗﻜﻪﻥ ﻏﯧﻨﯩﻠﻪﺭ ﻳﺎﺧﺸﻰ ﻳﻮﻟﻐﺎ ﻣﯧﯖﯩﺸﺘﯩﻦ ﺑﺎﺵ ﺗﺎﺭﺗﻘﺎﻥ ﺟﯩﻨﺎﻳﻪﺗﻜﺎﺭﻟﻪﺭﺩﯗﺭ . ﺋﯚﺯ ﻣﯧﻠﯩﺪﯨﻦ ﺋﯚﺷﺮﻩ - ﺯﺍﻛﺎﺕ ﺋﺎﻳﺮﯨﻤﯩﻐﺎﻥ ﺑﺎﻳﻼﺭ ﺧﯩﻴﺎﻧﻪﺗﻜﺎﺭﻟﻪﺭﺩﯗﺭ . ﺑﯘﻧﺪﺍﻗﻠﻪﺭﻧﯩﯔ ﻗﻮﻟﯩﺪﯨﻜﻰ ﻣﺎﻝ ﺋﺎﻣﺎﻧﻪﺗﺪﺍﺭﻧﯩﯔ ﻗﻮﻟﯩﺪﯨﻜﻰ ﻣﺎﻟﻐﺎ ﺋﻮﺧﺸﺎﺵ ﺋﯚﺯﯨﮕﻪ ﺋﻪﺳﻘﺎﺗﻤﺎﻳﺪﯗ ﺋﯘﻻﺭ ﺋﯚﻟﯩﺪﯗ ، ﻣﯧﻠﻰ ﻗﺎﻟﯩﺪﯗ . *$ ﺋﻪﻱ ﺋﻮﻏﻠﯘﻡ ، ﺟﺎﻧﻠﯩﻘﻼﺭﻧﯩﯔ ﮬﻪﻣﻤﯩﺴﯩﮕﻪ ﺭﻩﮬﯩﻢ ﻗﯩﻠﻐﯩﻦ . ﺋﯘﻻﺭﻏﺎ ﻛﯚﻳﯜﻧﯜﺵ ﯞﻩ ﺷﻪﭘﻘﻪﺕ ﻛﯚﺯﯛﯓ ﺑﯩﻠﻪﻥ ﺑﺎﻕ . ﺋﯘﻻﺭﻧﯩﯔ ﭼﻮﯕﻠﯩﺮﯨﻨﻰ ﮬﯚﺭﻣﻪﺗﻠﻪ ، ﻛﯩﭽﯩﻜﻠﯩﺮﯨﮕﻪ ﺭﻩﮬﯩﻢ ﻗﯩﻞ . ﮬﻪﺭ ﺑﯩﺮ ﺋﯩﺸﺘﺎ ﮬﻪﻣﻤﯩﻨﻰ ﭘﻪﻳﺪﺍ ﻗﯩﻠﻐﯘﭼﯩﻨﯩﯔ ﮬﻪﻗﻘﯩﮕﻪ ﺭﯨﺌﺎﻳﻪ ﻗﯩﻞ . ﺋﻮﻝ ﺋﻪﺩﻩﭖ ﺋﯩﻠﯩﻤﮕﻪ ﺑﻪﻙ ﺑﻮﻟﻤﺎﻕ ﮬﯧﺮﯨﺲ ، ﮬﻪﺳﻪﻟﻨﻰ ﻛﯚﭖ ﻳﯧﺴﻪ ﺗﯧﺘﯩﻴﺪﯗ ﺋﻪﻣﻪﻥ . ﺑﻮﻟﯘﭖ ﺧﺎﺭ ﺋﻪﺧﻼﻗﻠﯩﻖ ، ﭘﻪﺯﯨﻠﻪﺗﻠﯩﻜﻠﻪﺭ ، ﺟﺎﮬﯩﻠﻼﺭ ﺋﺎﻣﻪﺗﺘﯩﻦ ﺗﻮﻟﯘﻕ ﺑﻪﮬﺮﯨﻤﺎﻥ . *$ ﺩﯗﻧﻴﺎﺩﺍ ﻧﯩﻴﻪﺕ - ﺋﯩﻘﺒﺎﻟﻰ ﺩﯗﺭﯗﺱ ، ﻛﯜﭺ - ﻗﯘﯞﯞﯨﺘﯩﻤﯘ ﻳﯧﺘﻪﺭﻟﯩﻚ ﻧﯘﺭﻏﯘﻥ ﺋﺎﺩﻩﻣﻠﻪﺭ ﺋﯚﺗﻜﻪﻥ . ﺋﻪﻣﻤﺎ ﺋﯘﻻﺭ ﺩﺍﺋﯩﻢ ﺋﺎﺭﺯﯗﻟﯩﺮﯨﻐﺎ ﻳﯩﺘﻪﻟﻤﯩﮕﻪﻥ . ﻳﻪﻧﻪ ﻧﯘﺭﻏﯘﻥ ﺯﻩﺋﯩﭗ ، ﺋﺎﺟﯩﺰ ﻛﯩﺸﯩﻠﻪﺭﻣﯘ ﺋﯚﺗﻜﻪﻥ ، ﺑﯘﻻﺭ ﺋﺎﺭﺯﯗ - ﺋﯩﺴﺘﻪﻛﻠﯩﺮﯨﮕﻪ ﻗﯧﻨﯩﭗ ، ﻣﯘﺭﺍﺩﻯ ﺩﯦﮕﯜﺩﻩﻙ ﮬﺎﺳﯩﻞ ﺑﻮﻟﯘﭖ ﺋﯚﺗﻜﻪﻥ . *$ ﺳﯚﺯ ﺯﯨﻨﻨﻪﺗﺘﯘﺭ ، ﺳﯜﻛﯜﺕ ﺑﻮﻟﺴﺎ ﺧﺎﺗﯩﺮﺟﻪﻣﻠﯩﻜﺘﯘﺭ . ﺷﯘﻧﯩﯔ ﺋﯜﭼﯜﻥ ﻛﯚﭖ ﺳﻮﺯﻟﯩﻤﻪ . ﻣﻪﻥ ﺳﯜﻛﯜﺕ ﻗﯩﻠﻐﯩﻨﯩﻤﻐﺎ ﺑﯩﺮ ﻗﯧﺘﯩﻤﻤﯘ ﭘﯘﺷﺎﻳﻤﺎﻥ ﻳﯧﻤﯩﺪﯨﻢ .ﺋﻪﻣﻤﺎ ، ﺳﯚﺯﻟﯩﮕﯩﻨﯩﻤﮕﻪ ﻛﯚﭖ ﻗﯧﺘﯩﻢ ﭘﯘﺷﺎﻳﻤﺎﻥ ﻳﯧﺪﯨﻢ . *$ ﮬﺎﺯﯨﺮ ﯞﻩ ﻛﻪﻟﮕﯜﺳﯩﻨﯩﯔ ﺑﻪﺧﺖ - ﺳﺎﺋﺎﺩﻩﺕ ﯞﻩ ﺷﺎﺭﺍﭘﻪﺗﻠﯩﺮﻯ ﻳﺎﺧﺸﻰ ﻧﯩﻴﻪﺕ ﯞﻩ ﻳﺎﺧﺸﻰ ﺋﻪﻣﻪﻟﻠﻪﺭ ﺑﯩﻠﻪﻥ ﮬﺎﺳﯩﻞ ﺑﻮﻟﯩﺪﯗ . *$ ﺑﯩﻠﯩﯖﻼﺭﻛﻰ ، ﺑﯘ ﺯﺍﻣﺎﻥ ﻏﻪﭘﻠﻪﺕ ﯞﻩ ﺑﯩﭙﻪﺭﯞﺍﻟﯩﻘﻨﯩﯔ ﺯﺍﻣﺎﻧﯩﺴﻰ ﺋﻪﻣﻪﺱ ، ﺋﻮﻳﻐﯩﻨﯩﺶ ﯞﻩ ﺳﻪﺯﮔﯜﺭﻟﯩﻚ ﺯﺍﻣﺎﻧﯩﺴﯩﺪﯗﺭ . ﺟﺎﮬﯩﻠﻠﯩﻖ ﯞﻩ ﻧﺎﺩﺍﻧﻠﯩﻖ ﺩﻩﯞﺭﻯ ﺋﻪﻣﻪﺱ ، ﺋﯩﻠﯩﻢ ﻣﻪﺭﯨﭙﻪﺕ ﺩﻩﯞﺭﯨﺪﯗﺭ . ﺳﯘﺳﻠﯘﻕ ﯞﻩ ﺑﯩﻜﺎﺭﭼﯩﻠﯩﻖ ﯞﺍﻗﺘﻰ ﺋﻪﻣﻪﺱ ، ﺗﯩﺮﯨﺸﯩﺶ ﯞﻩ ﻏﻪﻳﺮﻩﺕ - ﺋﯩﺠﺘﯩﮭﺎﺕ ﯞﺍﻗﺘﯩﺪﯗﺭ . *$ ﮔﯜﻝ ﺷﯘﻧﭽﻪ ﺑﺎﺭﺍﻗﺴﺎﻥ ﮬﻪﻡ ﺧﯘﺵ ﭘﯘﺭﺍﻕ ﺋﯧﭽﯩﻠﻐﺎﻥ ﺑﻮﻟﺴﯩﻤﯘ ، ﺋﺎﺧﯩﺮ ﺗﻮﺯﯗﭖ ﭼﯧﭽﯩﻠﯩﺸﺘﯩﻦ ﺧﺎﻟﻰ ﻗﺎﻟﻤﯩﺪﻯ . ﺋﺎﺩﻩﻣﻨﯩﯔ ﺋﯚﻣﺮﻯ ﺷﯘ ﮔﯜﻟﻨﯩﯔ ﺋﯧﭽﯩﻠﯩﺸﯩﺪﯨﻦ ﺗﻮﺯﯨﻐﺎﻧﭽﯩﻠﯩﻚ ﯞﺍﻗﺘﯩﺪﯗﺭ ، ﻣﯘﺷﯘﻧﭽﯩﻠﯩﻚ ﯞﺍﻗﯩﺘﻨﻰ ﻏﻪﻧﯩﻤﻪﺕ ﺑﯩﻠﻤﻪﻱ ، ﻛﯚﯕﯜﻟﻠﻪﺭﻧﻰ ﺋﻮﺭﯗﻧﺴﯩﺰ ﺭﻩﺷﻚ - ﮬﻪﺳﻪﺕ ﺯﻩﺭﺩﺍﭘﻠﯩﺮﻯ ﺑﯩﻠﻪﻥ ﺋﯘﭘﺮﯨﺘﯩﺸﺘﯩﻦ ﺑﯩﺰﮔﻪ ﻧﯩﻤﻪ ﭘﺎﻳﺪﺍ ﺑﺎﺭ ؟ *$ ﺋﯩﻠﯩﻢ ﺑﯩﻠﻪﻥ ﻧﯩﺠﺎﺕ ﺗﺎﭖ ، ﻣﻪﯕﮕﯜ ﻳﺎﺷﻨﺎﻳﺴﻪﻥ . *$ ﺋﯩﻨﺴﺎﻧﻼﺭﻧﯩﯔ ﻳﺎﺧﺸﯩﺴﻰ ﻛﯩﺸﯩﻠﻪﺭ ﺋﯜﺳﺘﯩﺪﻛﻰ ﺋﯧﻐﯩﺮﭼﯩﻠﯩﻘﻨﻰ ﺋﯩﺮﻏﯩﺘﯩﭗ ﺗﺎﺷﻼﭖ ، ﻣﻪﻧﭙﺌﻪﺕ ﻳﻪﺗﻜﯜﺯﮔﻪﻥ ﻛﯩﺸﯩﺪﯗﺭ .ﺋﻪﮔﻪﺭ ﻗﺎﺩﯨﺮ ﺑﻮﻻﻟﯩﺴﺎﯓ ، ﻛﯩﺸﯩﻠﻪﺭ ﺋﺎﺭﯨﺴﯩﺪﺍ ﻳﺎﺧﺸﻰ ﺋﯩﺸﻼﺭﺩﯨﻦ ﺑﺎﺷﻘﯩﻨﻰ ﻗﯩﻠﻤﺎ . ﺑﺎﺭﻟﯩﻖ ﻳﺎﻣﺎﻥ ﺋﯩﺸﻼﺭﺩﯨﻦ ﻳﯩﺮﺍﻕ ﺑﻮﻝ . *$ ﮬﻪﺭ ﻛﯩﻤﻨﯩﯔ ﻳﺎﻣﺎﻥ ﺋﺎﻗﯩﯟﻩﺗﻜﻪ ﻗﯧﻠﯩﺸﯩﻐﺎ ﺋﯚﺯﯨﻨﯩﯔ ﭘﯧﺌﯩﻞ - ﺋﯧﺘﯩﺒﺎﺭﻯ ﺳﻪﯞﻩﭘﭽﯩﺪﯗﺭ . *$ ﺋﯩﺘﺘﯩﭙﺎﻕ ﺑﯚﻟﯜﻧﻤﻪﺳﻠﯩﻜﺘﯘﺭ ، ﺋﯩﻠﮕﯩﺮﻟﻪﺵ ﭼﯩﻜﯩﻨﻤﻪﺳﻠﯩﻜﺘﯘﺭ . *$ ﺳﯘﺋﺎﻝ : ﺋﯩﻨﺴﺎﻧﻨﯩﯔ ﺑﻪﯨﺖ - ﺳﺎﺋﺎﺩﯨﺘﻰ ﯞﻩ ﺋﯘﻟﯘﻏﻠﯜﻗﻰ ﻧﯩﻤﻪ ﺑﯩﻠﻪﻥ ﺑﻮﻟﯩﺪﯗ ؟ ﺟﺎﯞﺍﭖ : ﮬﻪﻗﯩﻘﻪﺕ ﯞﻩ ﺭﺍﺳﺘﭽﯩﻠﻠﯩﻘﻘﺎ ﺋﻪﮔﯩﺸﯩﭗ ، ﺋﻪﻣﻪﻝ ﻗﯩﻠﻤﺎﻗﻠﯩﻖ ﺑﯩﻠﻪﻥ ﺑﻮﻟﯩﺪﯗ . *$ ﻛﯩﺸﯩﻠﻪﺭﻧﯩﯔ ﻗﻮﻟﯩﺪﯨﻜﻰ ﻧﻪﺭﺳﯩﻠﻪﺭﻧﻰ ﺗﻪﻟﻪﭖ ﻗﯩﻠﻐﯘﭼﻰ ﺑﻮﻟﻤﺎ ، ﺩﻭﺳﺘﻼﺭ ﺳﻪﻥ ﺑﯩﻠﻪﻥ ﺋﯘﭼﺮﯨﺸﯩﭗ ﻗﯩﻠﯩﺸﺘﯩﻦ ﻗﻮﺭﻗﯩﺪﯗ . ﺷﯜﮬﺒﯩﺴﯩﺰﻛﻰ ، ﺧﺎﺭﻟﯩﻖ ﺩﯦﮕﻪﻥ ﻛﯩﺸﯩﻠﻪﺭﺩﯨﻦ ﺑﯩﺮ ﻧﻪﺭﺳﻪ ﺳﻮﺭﺍﺷﺘﯘﺭ . ﮔﻪﺭﭼﻪ ﺳﯧﻨﯩﯔ ﺳﻮﺭﯨﻐﯩﻨﯩﯔ <ﻳﻮﻝ ﻧﻪﺩﻩ ؟> ﺩﯨﮕﻪﻥ ﺳﯘﺋﺎﻝ ﺑﻮﻟﺴﯩﻤﯘ . *$ ﺗﻪﺑﯩﺌﻪﺕ ﺩﯗﻧﻴﺎﺳﯩﻨﯩﯔ ﭘﯜﺗﻤﻪﺱ - ﺗﯜﮔﯩﻤﻪﺱ ﺑﺎﻳﻠﯩﻘﻠﯩﺮﻯ ﮬﯩﻤﻤﻪﺗﻠﯩﻚ ﺋﯩﻨﺴﺎﻧﻼﺭﻧﯩﯔ ﻣﯧﮭﻨﻪﺗﭽﺎﻥ ﻗﻮﻟﻠﯩﺮﻯ ﺋﺎﺭﻗﯩﻠﯩﻖ ﺩﯗﻧﻴﺎﻧﯩﯔ ﮔﯜﺯﻩﻟﻠﯩﻜﻰ ﺋﯜﭼﯜﻥ ﺳﻪﺭﭖ ﻗﯩﻠﯩﻨﻐﺎﻥ . ﺷﯘﯕﺎ ، ﺑﯩﺰﻧﯩﯔ ﻗﯩﻠﯩﯟﺍﺗﻘﺎﻥ ﯞﻩ ﻗﯩﻠﻤﺎﻗﭽﻰ ﺑﻮﻟﻐﺎﻥ ﺋﯩﺸﻠﯩﺮﯨﻤﯩﺰﻣﯘ ﺩﯗﻧﻴﺎﻧﯩﯔ ﺗﻪﺭﻩﻗﻘﯩﻴﺎﺗﻰ ﯞﻩ ﮔﯜﺯﻩﻟﻠﯩﻜﻰ ﺋﯜﭼﯜﻥ ﺑﻮﻟﯩﺸﻰ ﻛﯧﺮﻩﻙ . *$ ﺋﻪﻱ ﺋﺎﻟﯩﻲ ﻣﻪﺭﺗﯩﯟﻩ ﺋﯩﮕﯩﻠﻠﯩﺮﻯ ، ﺋﺎﻻﯨﻴﻠﯩﻖ ﺑﯩﻠﻪﻥ ﻣﻪﻏﺮﯗﺭﻻﻧﻤﺎﯕﻼﺭ . ﻛﺎﻻ ﺑﯩﻠﻪﻥ ﭼﯚﺭﮔﯩﻠﯩﺪﯨﻐﺎﻥ ﺑﯘ ﺩﯗﻧﻴﺎ ﻗﺎﻧﯘﻧﯩﻴﻪﺗﺴﯩﺰ ﺋﻪﻣﻪﺱ . *$ ﮬﻪﺭ ﻗﺎﻧﺪﺍﻕ ﺑﯩﺮ ﺋﯩﺶ ﻳﺎﺧﺸﻰ ﻧﯩﻴﻪﺕ ﺑﯩﻠﻪﻥ ﺑﻮﻟﻤﯩﺴﺎ ، ﺋﯘ ﻗﯩﻠﭽﻪ ﭘﺎﻳﺪﺍ ﺑﻪﺭﻣﻪﻳﻼ ﻗﺎﻟﻤﺎﺳﺘﯩﻦ ، ﺑﻪﻟﻜﻰ ﻳﺎﻣﺎﻥ ﺋﺎﻗﯩﯟﻩﺗﻜﻪ ﮔﯩﺮﯨﭙﺘﺎﺭ ﻗﯩﻠﯩﺪﯗ . *$ ﺳﯘﺋﺎﻝ : ﻣﯩﻠﻠﻪﺗﻨﯩﯔ ﺧﺎﺭ ﯞﻩ ﺯﻩﺑﯘﻥ ﺑﻮﻟﻤﯩﻘﯩﻐﺎ ﺳﻪﯞﻩﭖ ﻧﯧﻤﯩﺪﯗﺭ ؟ ﺟﺎﯞﺍﭖ : ﺋﯩﻜﻜﻰ ﻧﻪﺭﺳﯩﺪﯗﺭ : ﺑﯩﺮﻯ ، ﺑﯩﻠﯩﻤﺴﯩﺰﻟﯩﻚ ﯞﻩ ﻧﺎﺩﺍﻧﻠﯩﻖ . ﺋﯩﻜﻜﯩﻨﭽﯩﺴﻰ ، ﺗﻪﭘﺮﯨﻘﯩﭽﯩﻠﯩﻖ ﯞﻩ ﺋﯩﺨﺘﯩﻼﭘﺘﯘﺭ . ﮬﻪﺭ ﻗﺎﻧﺪﺍﻕ ﻗﯘﯞﯗﻡ ﯞﻩ ﻣﯩﻠﻠﻪﺗﻨﯩﯔ ﺧﺎﺭﻟﯩﻖ ﯞﻩ ﻗﯘﻟﻠﯘﻗﻘﺎ ﭼﯜﺷﯜﭖ ﻗﯧﻠﯩﺸﯩﺪﯨﻜﻰ ﺋﺎﺳﺎﺳﻠﯩﻖ ﺳﻪﯞﻩﭖ ﻧﺎﺩﺍﻧﻠﯩﻖ ﯞﻩ ﺋﯚﺯ ﺋﺎﺭﺍ ﺋﯩﺘﺘﯩﭙﺎﻗﺴﯩﺰﻟﯩﻘﺘﯘﺭ

ihlasmanyigit

	&. ﺷﯘﻧﺪﺍﻕ ﻛﯩﺸﯩﻤﯘ ﺑﺎﺭﻛﻰ ، ﺋﯚﺯﯨﻨﯩﯔ ﻣﯩﺴﭽﯩﻠﯩﻚ ﻗﻪﺩﺭﻯ ﺑﻮﻟﺴﺎ ،ﺋﺎﻟﺘﯘﻥ ﺑﯩﻠﻪﻥ ﺑﺎﺭﺍﯞﻩﺭ ﻗﻮﻳﺎﺭ .ﺋﺎﺯﺭﺍﻕ ﺑﯩﺮ ﻧﻪﺭﺳﻪ ﺑﯩﻠﺴﻪ ،ﺋﯚﺯﯨﻨﻰ ﺋﻪﻓﻼﺗﻮﻧﻨﯩﯔ ﻗﺎﺗﺎﺭﯨﻐﺎ ﻗﻮﻳﺎﺭ .ﺗﻪﻗﯟﺍﻟﯩﻘﺘﺎ ﺋﯚﺯﯨﻨﻰ ﺧﻪﻟﯩﭙﻪ ﻣﻪﺋﯩﻤﯘﻧﻨﯩﯔ ﻗﺎﺗﺎﺭﯨﻐﺎ ﻗﻮﻳﺎﺭ .ﺋﻪﻣﻤﺎ ﺑﯘﺭﺍﺩﻩﺭﻟﯩﺮﻯ ﺋﯘﻧﯩﯔ ﺋﺎﺯﺍﺭﯨﺪﯨﻦ ﻗﺎﻥ ﻳﯘﺗﺎﺭ . ﺧﯘﺩﺍ ، ﻣﯘﻧﺪﺍﻕ ﻛﯩﺸﯩﻠﻪﺭﮔﻪ ﮬﻪﺭﮔﯩﺰ ﻣﯘﮬﺘﺎﺝ ﻗﯩﻠﻤﯩﻐﯩﻦ . &. ﻗﻪﻟﻪﻡ ﺋﻪﮬﻠﯩﻨﯩﯔ ﺋﻪﺩﯨﻞ -ﺋﯩﻨﺴﺎﭘﻠﯩﻖ ﺑﻮﻟﻐﯩﻨﻰ ( ﺑﯘﻻﺭﻧﯩﯔ ﺳﻪﯞﻩﺑﯩﺪﯨﻦ ﮬﯩﭽﻜﯩﻤﮕﻪ ﺋﻪﻟﻪﻡ ﻳﻪﺗﻤﯩﺴﻪ ) ﮬﻪﻣﻤﯩﺪﯨﻦ ﺋﻪﻻ . &. ﻧﯩﻴﻪﺕ ﻗﺎﻧﭽﻪ ﻳﺎﺧﺸﻰ ﺑﻮﻟﺴﯩﻤﯘ ، ﭘﺎﻳﺪﯨﻠﯩﻖ ﺋﻪﻣﯩﻠﻴﻪﺕ ﺑﯩﻠﻪﻥ ﺑﯩﺮﻟﻪﺷﺘﯘﺭﯗﻟﻤﯩﺴﻪ ، ﻛﺎﻣﺎﻟﻪﺗﻜﻪ ﻳﯩﺘﻪﻟﻤﻪﻳﺪﯗ . &. ﻗﺎﻧﻪﺋﻪﺕ ﺋﻪﮬﻠﻰ (ﺋﻪﮬﻠﻰ ﻗﺎﻧﻪ ) ﺋﻪﻝ ﺋﯩﭽﯩﺪﻩ ﻛﯩﺸﯩﻠﻪﺭﻧﯩﯔ ﺋﻪﻻﻟﯩﺮﯨﺪﯨﻦ ﺳﺎﻧﯩﻠﯩﺪﯗ . ﮬﻪﺭﻗﺎﻧﭽﻪ ﺋﯩﺰﺯﻩﺗﻠﯩﻚ ،ﺋﯧﺴﯩﻠﺰﺍﺩﻩ ﻛﯩﺸﻰ ﺑﻮﻟﺴﯩﻤﯘ ﺗﻪﻣﻪﺧﻮﺭ ﺑﻮﻟﺴﺎ ، ﺋﯩﺰﺯﯨﺘﻰ ﻧﺎﺑﯘﺕ ﺑﻮﻟﯩﺪﯗ . &. ﺋﻪﻗﯩﻞ ،ﺑﯩﻠﯩﻢ ﯞﻩ ﺋﻪﺧﻼﻕ ﺧﺎﺭﻻﻧﻐﺎﻥ ﺟﺎﻳﺪﺍ ،ﻧﻪﭘﺲ ﯞﻩ ﻧﺎﺩﺍﻧﻠﯩﻖ ﺋﯜﺳﺘﯜﻧﻠﯜﻛﻨﻰ ﺋﯩﮕﻪﻟﻠﯩﺸﻰ ﻣﯘﻗﻪﺭﻩﺭ . &. ﺑﯩﺰ ﺋﯜﭼﯜﻥ ﻗﯩﻤﻤﻪﺗﻠﯩﻚ ﻧﻪﻕ ﺑﺎﻳﻠﯩﻖ ﮬﯧﺴﺎﭘﻠﯩﻨﯩﺪﯨﻐﺎﻥ ﺋﯚﻣﺮﯨﻤﯩﺰ ﺋﻪﺗﯩﮕﻪﻧﺪﯨﻦ ﻛﻪﭼﻜﯩﭽﻪ ﺋﺎﻳﯩﻐﻰ ﭼﯩﻘﻤﺎﻳﺪﯨﻐﺎﻥ ﺭﻩﺷﯩﻚ ﺧﯘﺳﯘﻣﻪﺗﻠﻪﺭ ﺋﯩﭽﯩﺪﻩ ﺋﯧﻘﯩﻦ ﺳﯘﺩﻩﻙ ﺋﯚﺗﯜﭖ ﻛﻪﺗﺘﻰ . ﺑﯩﺰ ﺑﻮﻟﺴﺎﻕ ، ﺑﯘﻧﯩﯖﺪﯨﻦ ﺋﺎﮔﺎﮬﻼﻧﺪﯗﺭﻏﯩﭽﯩﻼﺭﻏﺎ ﭘﯩﺴﻪﻧﺖ ﻗﯩﻠﻤﺎﻱ ﻏﻪﭘﻠﻪﺕ ﺋﯩﭽﯩﺪﻩ ﻳﺎﺷﺎﯞﺍﺗﯩﻤﯩﺰ . &. ﺩﯛﺷﻤﯩﻨﯩﯖﺪﯨﻦ ﺑﯩﺮ ﻗﯧﺘﯩﻢ ﺋﯩﮭﺘﯩﻴﺎﺕ ﻗﯩﻠﺴﺎﯓ ، ﺩﻭﺳﺘﯘﯕﺪﯨﻦ ﻣﯩﯔ ﻗﯧﺘﯩﻢ ﺋﯧﮭﺘﯩﻴﺎﺕ ﻗﯩﻞ . ﻛﯜﻧﻠﻪﺭﻧﯩﯔ ﺑﯩﺮﯨﺪﻩ ﺩﻭﺳﺘﯘﯓ ﺩﯛﺷﻤﻪﻧﮕﻪ ﺋﺎﻳﻠﯩﻨﯩﭗ ﻗﺎﻟﺴﺎ ، ﺯﯨﻴﺎﻥ ﺳﯧﻠﯩﺸﺘﺎ ﺩﯛﺷﻤﻪﻧﺪﯨﻦ ﻧﻪﭼﭽﻪ ﮬﻪﺳﺴﻪ ﺋﯧﺸﯩﭗ ﭼﯜﺷﯩﺪﯗ . &. ﻣﯧﻨﯩﯔ ﻳﯘﺭﺗﯘﻡ ﻣﺎﯕﺎ ﺯﯗﻟﯘﻡ ﻗﯩﻠﻐﺎﻥ ﺗﻪﻗﺪﯨﺮﺩﯨﻤﯘ ﺳﯚﻳﯜﻣﻠﯜﻛﺘﯜﺭ . ﻣﯧﻨﯩﯔ ﺧﻪﻟﻘﯩﻢ ﻣﺎﯕﺎ ﺑﯧﺨﯩﻠﻠﯩﻖ ﻗﯩﻠﻐﺎﻥ ﺗﻪﻗﺪﯨﺮﺩﯨﻤﯘ ﺳﯧﺨﯩﺪﯗﺭ . &. ﻛﯩﺸﯩﻠﻪﺭﺩﯨﻦ ﺋﯚﺯﯛﯕﻨﻰ ﭼﻪﺗﻜﻪ ﺋﯧﻠﯩﭗ ، ﮬﻪﻗﻨﯩﯔ ﻳﺎﺩﻯ ﺑﯩﻠﻪﻥ ﻳﺎﺷﺎ ، ﺋﺎﻧﺪﯨﻦ ﻛﯩﺸﯩﻠﻪﺭﻧﻰ ﺧﺎﻟﯩﻐﺎﻧﭽﻪ ﺳﯩﻨﺎﭖ ﻛﯚﺭ . ﺋﯘﻻﺭﻧﯩﯔ ﺋﺎﺭﯨﺴﯩﺪﺍ ﭼﺎﻳﺎﻧﻼﺭﻧﯩﯖﻤﯘ ﺑﺎﺭﻟﯩﻘﯩﻨﻰ ﺑﺎﻳﻘﺎﻳﺴﻪﻥ . &. ﺋﻪﮔﻪﺭ ﻛﯚﺯﯛﯓ ﺑﺎﺷﻘﯩﻼﺭﻧﯩﯔ ﺋﻪﻳﯩﺒﯩﻨﻰ ﻛﯚﺭﺳﻪﺗﺴﻪ ، ﺳﻪﻥ ﺋﯘ ﻛﯚﺯﯛﯕﮕﻪ <ﺑﺎﺷﻘﯩﻼﺭﻧﯩﯖﻤﯘ ﻛﯚﺯﻯ ﺑﺎﺭ > ﺩﯦﮕﯩﻦ . ﺋﻪﮔﻪﺭ ﺋﻪﻗﯩﻞ ﺋﯩﮕﯩﺴﻰ ﺑﻮﻟﺴﺎﯓ ، ﺑﺎﺷﻘﯩﻼﺭﻧﻰ ﺋﻪﻳﯩﺒﻠﯩﻤﻪﻳﺘﺘﯩﯔ .ﺋﻪﮔﻪﺭ ﺋﯚﺯﯛﯕﺪﯨﻜﻰ ﺋﻪﻳﯩﺒﻨﻰ ﻛﯚﺭﻩﻟﯩﺴﻪﯓ ، ﺑﯘ ﺋﻪﻳﯩﺒﯩﯔ ﺑﯩﻠﻪﻥ ﺟﯩﻢ ﺑﻮﻻﺗﺘﯩﯔ . &. ﻣﯘﮬﻪﺑﺒﻪﺕ ﯞﺍﭘﺎﺩﺍﺭﻟﯩﻘﺘﯩﻦ ﺑﺎﺷﻘﺎ ﻧﻪﺭﺳﻪ ﺋﻪﻣﻪﺱ ، ﻣﯘﮬﻪﺑﺒﻪﺕ ﺋﻪﮬﻠﯩﮕﻪ ﮔﯜﺯﻩﻝ ﺋﻪﺧﻼﻗﻠﯩﻖ ، ﺋﯧﺴﯩﻞ ﺗﻪﺑﯩﺌﻪﺗﻠﯩﻚ ﻛﯩﺸﯩﻠﻪﺭﺩﯨﻦ ﺑﺎﺷﻘﯩﺴﻰ ﻛﯧﺮﻩﻙ ﺋﻪﻣﻪﺱ . &. ﮬﻪﺭ ﺑﯩﺮ ﺋﯩﺶ ﺗﯩﺮﯨﺸﭽﺎﻧﻠﯩﻖ ﯞﻩ ﺋﯧﺠﺘﯩﮭﺎﺕ ﺑﯩﻠﻪﻥ ﺑﻪﺭﭘﺎ ﺑﻮﻟﯩﺪﯗ . &. ﻛﯚﯕﻠﯩﺪﻩ ﺑﺎﺷﻘﯩﻼﺭﻏﺎ ﻗﺎﺭﺍ ﺳﺎﻧﺎﭖ ،ﮬﯩﻴﻠﻪ -ﻣﯩﻜﯩﺮ ﺑﯩﻠﻪﻥ ﻳﺎﺷﯩﻐﺎﻥ ﻛﯩﺸﻰ ﻛﯧﭽﻪ - ﻛﯜﻧﺪﯛﺯ ﺋﯩﺒﺎﺩﻩﺕ ﻗﯩﻠﯩﭗ ، ﺋﺎﺟﯩﺰﻻﺭﻏﺎ ﺧﻪﻳﺮ - ﺳﺎﺧﺎﯞﻩﺕ ﻗﯩﻠﯩﭗ ﺗﯘﺭﻏﺎﻥ ﺑﻮﻟﺴﯩﻤﯘ ، ﮬﻪﻗﻨﯩﯔ ﺋﺎﻟﺪﯨﻐﺎ ﺑﺎﺭﻏﺎﻧﺪﺍ ﺋﯘﻧﯩﯔ ﮬﺎﻟﯩﻐﺎ ﯞﺍﻱ ! &. ﻗﻮﺷﻨﯩﻼﺭﻏﺎ ﭘﯧﺸﻜﻪﻟﻠﯩﻚ ﻳﻪﺗﺴﻪ ﻳﺎﺭﺩﻩﻡ ﺑﻪﺭﻣﻪﺳﻠﯩﻚ ﻗﻮﺷﻨﺎ ﮬﻪﻗﻘﯩﻨﻰ ﺋﺎﺩﺍ ﻗﯩﻠﻤﯩﻐﺎﻧﻠﯩﻘﺘﯘﺭ . ﺩﻭﺳﺖ ﺩﯨﮕﻪﻥ ﺳﺎﻣﺎﻧﺪﻩﻙ ﺳﻪﻳﻠﯩﺪﻩ ، ﺑﺎﻏﺪﺍ ، ﺋﺎﻳﺮﯨﻠﯘﺭ ﺩﻭﺳﺖ - ﺩﯛﺷﻤﻪﻥ ﺋﻪﯓ ﻗﯩﻴﯩﻦ ﭼﺎﻏﺪﺍ . &. ﺑﻮﯞﺍﻗﻼﺭﻧﯩﯔ ﺗﯘﻏﯘﻟﻐﺎﻥ ﭼﺎﻏﺪﯨﻜﻰ ﻳﯩﻐﯩﺴﻰ ﺩﯗﻧﻴﺎﻧﯩﯔ ﺋﯘﻧﯩﯖﻐﺎ ﺋﯚﺯﯨﺪﯨﻜﻰ ﮬﺎﺩﯨﺴﻠﻪﺭﻧﻰ ﺑﯩﻠﺪﯛﺭﮔﻪﻧﻠﯩﻜﻰ ﺑﻮﻟﯩﺪﯗ . ﺋﯘﻧﺪﺍﻕ ﺑﻮﻟﻤﯩﺴﺎ ، ﻗﻮﺭﺳﺎﻗﺘﯩﻦ ﺩﯗﻧﻴﺎﻧﯩﯔ ﻛﻪﯕﺮﻯ ﻳﺎﺧﺸﻰ ﺟﺎﻳﯩﻐﺎ ﭼﯩﻘﯩﭙﻤﯘ ﻳﯩﻐﻠﯩﻐﯩﻨﯩﻨﯩﯔ ﺳﻪﯞﻩﺑﻰ ﻧﯩﻤﻪ ؟ ﺑﺎﻻ ﺩﯗﻧﻴﺎﻧﻰ ﻛﯚﺭﯛﭘﻼ ﺩﯗﭺ ﻛﯩﻠﯩﺪﯨﻐﺎﻥ ﺋﺎﺯﺍﭘﻼﺭﻧﯩﯔ ﺗﻪﮬﺪﯨﺘﯩﻨﻰ ﮬﯧﺲ ﻗﯩﻠﻐﺎﻧﺪﻩﻙ ﻳﯩﻐﻼﭖ ﻛﯧﺘﯩﺪﯗ . &. ﺩﻩﯞﺭ ﺑﯩﺮ ﺧﯩﻞ ﮬﺎﻟﻪﺗﺘﻪ ﺗﯘﺭﻣﺎﻳﺪﯗ ، ﺑﻪﺯﯨﺪﻩ ﺋﺎﻟﺪﯨﻨﻰ ﻗﯩﻠﯩﺪﯗ ،ﺑﻪﺯﯨﺪﻩ ﺋﺎﺭﻗﯩﺴﯩﻨﻰ ﻗﯩﻠﯩﺪﯗ . ﺋﻪﮔﻪﺭ ﺋﯘ ﺳﯧﻨﻰ ﺳﻪﻥ ﻳﺎﻗﺘﯘﺭﻣﺎﻳﺪﯨﻐﺎﻥ ﺋﯩﺸﻼﺭﻏﺎ ﺋﯘﭼﺮﺍﺗﺴﯩﻤﯘ ﺳﻪﯞﺭ ﻗﯩﻞ ، ﭼﯜﻧﻜﻰ ﺩﻩﯞﺭ ﺳﻪﯞﺭ ﻗﯩﻠﻤﺎﻳﺪﯗ . &. ﻗﻪﻟﻪﻡ ﺋﻪﮬﻠﯩﻨﯩﯔ ﺋﺎﭺ ﻛﯚﺯ ﺑﻮﻟﻐﯩﻨﻰ ﮬﻪﻣﻤﯩﺪﯨﻦ ﻳﺎﻣﺎﻥ . ﺋﯘﻧﺪﺍﻗﻼﺭ ﻧﻪﭘﯩﺴﻨﯩﯔ ﺧﺎﮬﯩﺸﻰ ﺑﯩﻠﻪﻥ ﺑﯩﺮﯨﻨﻰ ﻳﯩﻐﻼﺗﺴﺎ ،ﺑﯩﺮﯨﻨﻰ ﻛﯜﻟﺪﯛﺭﯨﺪﯗ . ﺑﯘﻧﺪﺍﻗﻼﺭﺩﯨﻦ ﻗﺎﻳﺘﺎ - ﻗﺎﻳﺘﺎ ﮬﻪﺯﻩﺭ ﻗﯩﻠﻤﺎﻕ ﻛﯧﺮﻩﻙ . &. ﺑﯩﺮﺍﯞﻧﯩﯔ ﯞﻩﺳﻔﯩﻨﻰ ﻗﯩﻠﻐﺎﻥ ﺷﺎﺋﯩﺮ ﺷﯘ ﻛﯩﺸﯩﻨﯩﯔ ﺋﯚﺯﯨﺪﻩ ﺑﺎﺭ ﺑﻮﻟﻐﺎﻥ ﮬﻪﻗﯩﻘﯩﻲ ﺳﯜﭘﻪﺗﻠﯩﺮﯨﻨﻰ ﻣﻪﺩﮬﯩﻴﻠﯩﮕﻪﻥ ﺑﻮﻟﺴﺎ ، ﺷﯘ ﺷﺎﺋﯩﺮ ﺩﻭﺳﻠﯘﻗﻘﺎ ﻳﺎﺭﺍﻳﺪﯗ . ﺑﯘ ﺧﯩﻠﺪﯨﻜﻰ ﺷﺎﺋﯩﺮﻻﺭ ﮬﻪﻗﯩﻘﯩﻲ ﺋﻪﻗﯩﻞ ﺋﯩﮕﯩﻠﻠﯩﺮﯨﺪﯗﺭﻛﻰ ،ﺋﯚﺯﯨﻨﯩﯔ ﻳﺎﺯﻏﺎﻧﻠﯩﺮﯨﺪﺍ ﺋﻪﻳﯩﺐ - ﻧﯘﻗﺴﺎﻥ ﺑﺎﺭ - ﻳﻮﻗﻠﯘﻗﯩﻐﺎ ﺋﺎﻻﮬﯩﺪﻩ ﺩﯨﻘﻘﻪﺕ ﺑﯩﺮﯨﺪﯗ ،ﺋﻪﻳﯩﺐ -ﻧﯘﻗﺴﺎﻧﻠﯩﺮﯨﻨﻰ ﺗﯜﮔﯩﺘﯩﺸﻨﯩﯔ ﻛﻮﻳﯩﺪﺍ ﺑﻮﻟﯩﺪﯗ . &. ﺳﯘﺋﺎﻝ : ﺋﯩﺰﺯﻩﺕ - ﺋﺎﺑﺮﻭﻱ ﯞﻩ ﻛﯜﭺ - ﻗﯘﯞﯞﻩﺕ ﺩﯨﮕﻪﻥ ﻧﯩﻤﻪ ؟ ﺟﺎﯞﺍﭖ : ﺋﯩﻠﯩﻢ - ﻣﻪﺭﯨﭙﻪﺕ ﺋﯜﮔﻨﯩﺶ ﯞﻩ ﺋﯚﺯ ﺋﺎﺭﺍ ﺋﯩﺘﺘﯩﭙﺎﻗﻠﯩﻖ ﺑﯩﻠﻪﻥ ﺑﻮﻟﯩﺪﯗ . ﺑﯘﻧﯩﯔ ﺋﯜﭼﯜﻥ ﺟﺎﻧﺎﺑﻰ ﮬﻪﻕ ﺑﯩﺰﻟﻪﺭﻧﻰ ﺋﯩﺘﺘﯩﭙﺎﻗﻠﯩﻘﻘﺎ ﺋﻪﻣﯩﺮ ﻗﯩﻠﻐﺎﻧﺪﯗﺭ :< ﮬﻪﻣﻤﯩﯖﻼﺭ ﮬﻪﻗﻨﯩﯔ ﺋﺎﺭﻏﺎﻣﭽﯩﺴﯩﻐﺎ ﻣﻪﮬﻜﻪﻡ ﻳﯧﭙﯩﺸﯩﯖﻼﺭ ، ﺑﯚﻟﯜﻧﻤﻪﯕﻼﺭ >. &. ﻛﯩﻤﯩﻜﻰ ﺋﯚﺯﯨﻨﻰ ﺧﯘﺷﺎﻝ ﻗﯩﻠﯩﺪﯨﻐﺎﻥ ﺋﯩﺸﻼﺭ ﺋﯜﭼﯜﻥ ﺩﯗﻧﻴﺎﻧﻰ ﻣﺎﺧﺘﯩﺴﺎ ، ﻗﻪﺳﻪﻡ ﻗﯩﻠﯩﻤﻪﻧﻜﻰ ﮬﯧﭽﻘﺎﻧﭽﻪ ﺋﯚﺗﻤﻪﻳﻼ ﺋﯘﻧﻰ ﺋﻪﻳﯩﺒﻠﻪﻳﺪﯗ . ﺋﻪﮔﻪﺭ ﺩﯗﻧﻴﺎﻧﯩﯔ ﻗﻮﻟﯩﺪﯨﻦ ﻛﻪﺗﻜﻪﻧﻠﯩﻜﻰ ﺋﯘﻧﯩﯔ ﮬﻪﺳﺮﯨﺘﻰ ﺑﻮﻟﺴﺎ ، ﻛﻪﻟﮕﻪﻧﻠﯩﻜﻰ ﺋﯘﻧﯩﯔ ﻏﯧﻤﯩﻨﻰ ﻛﯚﭘﻪﻳﺘﯩﺪﯗ . ﺑﻪﺯﯨﻠﻪﺭ ﺑﺎﺭ <ﮔﻪﺭﭼﻪ ﮔﯘﻧﺎﮬ ﻣﻪﻧﺪﻩ ﺗﯘﺭﯗﭖ ، ﻗﺎﭖ ﻛﯚﺗﯘﺭﯗﭖ ﻧﻪﮔﻪ ﺑﺎﺭﺍﻱ ؟ >ﺩﯦﻤﻪﻳﺪﯨﻐﺎﻥ . ﺧﻮﺭﺟﯘﻧﻨﯩﯔ ﺋﺎﻟﺪﯨﻨﯩﻼ ﻛﯚﺭﯗﭖ ﻟﯧﻜﯩﻦ ، <ﺋﺎﺭﻗﺎ ﻛﯚﺯﯨﺪﻩ ﻧﻪ ﺑﺎﺭ ؟ > ﺩﻩﭖ ﻏﻪﻡ ﻳﯩﻤﻪﻳﺪﯨﻐﺎﻥ . &. ﺋﻪﻣﺎﻻﺭﻧﻰ ﺩﯙﺕ ﺩﻩﭖ ﺋﻪﻳﯩﺒﻠﯩﻤﻪ .ﺑﯘ ﻣﻪﺳﯩﻠﯩﺪﻩ ﺩﻩﻧﺎﻻﺭﻧﯩﯔ ﺳﯜﻛﯜﺕ ﻗﯩﻠﯩﺸﻰ ﺗﻮﻏﺮﯨﺪﯗﺭ . ﺳﻪﻥ ﻗﺎﺭﻏﯘﻻﺭﺩﯨﻦ ﮬﺎﻳﺎ ﻛﯜﺗﻤﻪ . ﭼﯜﻧﻜﻰ ، ﺋﯘﻧﯩﯖﺪﯨﻜﻰ ﮬﺎﻳﺎﻧﯩﯔ ﺋﻮﺭﻧﻰ ﺧﺎﺭﺍﺑﺘﯘﺭ . ﭘﻪﻳﺘﻰ ﻛﻪﻟﺴﻪ ﻳﺎﺧﺸﻰ ﻣﺎﻟﺪﯨﻦ ﻛﻪﭼﺴﻪﯓ ﺑﯩﺮﺍﻕ ، ﺋﺎﺑﺮﯗﺭﯗﯓ ﻣﻪﯕﮕﯜ ﺳﻪﻧﺪﯨﻦ ﻛﻪﺗﻤﻪﺱ ﻳﯩﺮﺍﻕ . &. ﺧﺎﺭﻟﯩﻖ ﮬﺎﻳﺎﺗﺘﯩﻦ ﺋﯚﻟﯜﻡ ﮔﯜﺯﻩﻟﺮﻩﻙ . ﭼﯜﻧﻜﻰ ﺑﻪﺯﻯ ﻧﻮﻣﯘﺳﺴﯩﺰ ﺋﯩﺸﻼﺭﻧﻰ ﮬﯧﭽﻘﺎﻧﺪﺍﻕ ﻛﯩﺸﻰ ﺋﯚﭼﯜﺭﻩﻟﻤﻪﻳﺪﯗ . &. ﺋﻪﮔﻪﺭ ﻣﻪﻥ ﺑﯩﺮﻩﺭ ﻧﻪﺭﺳﯩﺪﯨﻦ ﮬﻪﻳﺮﺍﻥ ﻗﺎﻟﺪﯨﻢ ﺩﯨﺴﻪﻡ ، ﻳﺎﺷﻼﺭﻧﯩﯔ ﻗﻪﺩﯨﺮ- ﻗﯩﻤﻤﻪﺗﺴﯩﺰ ﺋﯩﺶ - ﮬﻪﺭﻛﻪﺗﻠﯩﺮﻯ ﻣﯧﻨﻰ ﮬﻪﻳﺮﺍﻥ ﻗﺎﻟﺪﯗﺭﻏﺎﻥ ﺑﻮﻟﯩﺪﯗ . &. ﺑﻮﯞﺍﻗﻨﯩﯔ ﺗﯘﻏﯘﻟﻐﺎﻧﺪﺍ ﺋﺎﻟﻘﯩﻨﯩﻨﻰ ﻳﯘﻣﯘﯞﺍﻟﻐﺎﻧﻠﯩﻘﻰ ﮬﺎﻳﺎﺗﻠﯩﻘﺘﯩﻜﻰ ﮬﯧﺮﯨﺴﻤﻪﻧﻠﯩﻜﻨﯩﯔ ﺑﯧﺸﺎﺭﯨﺘﯩﺪﯗﺭ . ﺋﯚﻟﻪﺭ ﯞﺍﻗﺘﯩﺪﯨﻜﻰ ﺋﺎﻟﻘﯩﻨﯩﻨﻰ ﺋﯧﭽﯩﭗ ﻗﻮﻳﻐﺎﻧﻠﯩﻖ ﺑﻮﻟﺴﺎ ،<ﺋﺎﮔﺎﮬ ﺑﻮﻟﯘﯕﻼﺭ ، ﻣﻪﻥ ﺩﯗﻧﻴﺎﺩﯨﻦ ﮬﯧﭽﻨﻪﺭﺳﻪ ﺋﺎﻟﻤﺎﻱ ﻛﻪﺗﺘﯩﻢ > ﺩﯨﮕﯩﻨﯩﻨﯩﯔ ﺑﯩﺸﺎﺭﯨﺘﯩﺪﯗﺭ . ﺑﺎﻕ ﺋﻮﻏﻠﯘﻡ ﺧﻪﻟﻘﯩﯖﮕﻪ ﺋﯩﻠﻠﯩﻖ ﻛﯚﺯ ﺑﯩﻠﻪﻥ ، ﮬﻪﻡ ﻛﯚﺭﺳﻪﺕ ﻣﯧﮭﺮﯨﯖﺪﯨﻦ ﻟﯘﺗﻔﻰ ﺋﯩﻨﺎﻳﻪﺕ . ﻛﯩﭽﯩﻜﻜﻪ ﺭﻩﮬﯩﻢ ﻗﯩﻞ ، ﭼﻮﯕﯩﻐﺎ ﺋﯩﺰﺯﻩﺕ ، ﺧﻪﻟﻖ ﺋﻪﺗﻜﻪﻥ ﮬﻪﻗﻘﯩﮕﻪ ﻗﯩﻠﻤﺎ ﺧﯩﻴﺎﻧﻪﺕ . &. ﺋﻪﮔﻪﺭ ﺳﻪﻥ ﺋﻪﻗﻠﯩﯖﻨﻰ ﺗﻮﻏﺮﺍ ﺋﯩﺸﻠﯩﺘﻪﻟﯩﺴﻪﯓ ، ﻳﺎﺗﻘﺎﻥ ﺋﻮﺭﻧﯘﯓ ﻛﯧﭽﯩﺪﯨﻤﯘ ﺋﻪﻗﯩﻞ ﻧﯘﺭﻯ ﺑﯩﻠﻪﻥ ﺩﺍﺋﯩﻢ ﻳﻮﺭﯗﭖ ﺗﯘﺭﯨﺪﯗ . &. ﺑﯩﺰﻧﻰ ﺗﯘﻏﯘﭖ ﺋﯚﺳﺘﯜﺭﮔﻪﻥ ،ﺋﺎﻕ ﺳﯜﺕ ﺑﯧﺮﯨﭗ ﭼﻮﯓ ﻗﯩﻠﻐﺎﻥ ، ﺋﻮﻗﯘﺗﯘﭖ ﻣﻮﻟﻼ ﻗﯩﻠﻐﺎﻥ ، ﺑﯜﮔﯜﻧﻜﻰ ﻛﯜﻧﺪﻩ ﺑﯧﺸﯩﺪﺍ ﻛﯚﺗﯜﺭﯛﭖ ﺋﺎﺑﺮﯛﻱ ﻗﯩﻠﯩﯟﺍﺗﻘﺎﻥ ﺋﻪﺯﯨﺰ ﻳﯘﺭﺗﯩﻤﯩﺸﻨﻰ ، ﺋﯘﻟﯘﻍ ﺧﻪﻟﻘﯩﻤﯩﺰﻧﻰ ﮬﻪﺭ ﻗﺎﭼﺎﻥ ﺋﯘﻧﺘﯘﭖ ﻗﺎﻟﻤﺎﺳﻠﯩﻐﯩﻤﯩﺰ ﻻﺯﯨﻢ . &. ﺑﯩﺮ ﻣﯩﻠﻠﻪﺗﺘﻪ ﺋﯘﻟﯘﻍ ﺋﯩﺘﺘﯩﭙﺎﻗﻠﯩﻘﻘﺎ ﻳﯩﺘﻪﻛﻠﯜﮔﯜﭼﻰ ﻣﻪﻧﯩﯟﻯ ﺭﻩﮬﺒﻪﺭ ﺑﻮﻟﻤﯩﺴﺎ ،ﺑﯘ ﭼﻮﻗﯘﻡ ﻛﯩﺸﯩﻠﻠﯩﺮﻧﯩﯔ ﭼﯧﭽﯩﻠﻐﯩﻨﻰ ﭼﯧﭽﯩﻠﻐﺎﻥ . &.ﺋﻪﻳﯩﺒﻠﯩﻚ ﻛﯩﺸﯩﻠﻪﺭﻧﯩﯔ ﺋﻪﻳﯩﺒﻰ ﺑﯩﻠﻪﻥ ، ﭘﻪﺯﯨﻠﻪﺕ ﺋﯩﮕﯩﻠﻠﯩﺮﻧﯩﯔ ﭘﻪﺯﯨﻠﯩﺘﯩﻨﻰ ﺧﻪﻟﻖ ﺑﯩﻠﻤﻪﻣﺪﯨﻜﻪﻥ ﺩﻩﭖ ﻗﺎﻟﻤﺎ . ﭼﯜﻧﻜﻰ ﺧﻪﻟﻖ ﺋﻪﯓ ﺋﺎﺩﯨﻞ ﻧﺎﺯﺍﺭﻩﺕ ﻗﯩﻠﻐﯘﭼﯩﺪﯗﺭ . ﺋﯩﻨﺴﺎﻧﺪﯨﻜﻰ ﺋﻪﯓ ﻳﺎﻣﺎﻥ ﺋﯩﺶ ﺋﯚﺯﯨﻨﯩﯔ ﺋﻪﻳﯩﺒﯩﻨﻰ ﺋﯘﻧﺘﯘﭖ ﻗﯧﻠﯩﺶ ﯞﻩ ﻗﯧﺮﯨﻨﺪﯨﺸﯩﺪﯨﻜﻰ ﻳﯧﭙﯩﻠﯩﭗ ﻗﺎﻟﻐﺎﻥ ﺋﻪﻳﯩﺒﻠﻪﺭﻧﻰ ﺗﯩﻠﻐﺎ ﺋﯧﻠﯩﭗ ﻳﯜﺭﯛﺷﺘﯘﺭ .ﺋﻪﮔﻪﺭ ، ﺋﯩﻨﺴﺎﻥ ﺋﻪﻗﯩﻞ ﺋﯩﮕﯩﺴﻰ ﺑﻮﻟﻐﺎﻥ ﺑﻮﻟﺴﺎ ، ﺋﯚﺯﯨﮕﻪ ﻗﺎﺭﯨﺴﺎ ﻳﯧﺘﻪﺭﻟﯩﻚ ﺋﻪﻳﯩﺒﻠﯩﺮﻯ ﺗﯘﺭﻏﺎﻥ ﻳﻪﺭﺩﻩ ﺑﺎﺷﻘﯩﻼﺭﻧﻰ ﺋﻪﻳﯩﺒﻠﯩﻤﯩﮕﻪﻥ ﺑﻮﻻﺗﺘﻰ .

ihlasmanyigit

	&. ﺑﯧﺨﯩﻠﻠﯩﻖ ،ﻧﺎﻣﻪﺭﺩﻟﯩﻚ ،ﮬﯩﻤﻤﻪﺗﺴﯩﺰﻟﯩﻚ ،ﺳﺎﺧﺎﯞﻩﺗﺴﯩﺰﻟﯩﻜﻠﻪﺭ ﺋﺎﻟﻼﺗﺎﺋﺎﻻﻧﯩﯔ ﺑﯧﺨﯩﻞ ﺑﺎﻳﻼﺭﻏﺎ ﺑﻪﺭﮔﻪﻥ ﺋﺎﻟﯩﻲ ﺟﺎﺯﺍﺳﯩﺪﯗﺭ. ﺋﯘﻧﺪﺍﻗﻼﺭ ﺋﯚﻣﯜﺭﯞﺍﻳﻪﺕ ﭘﯘﻝ -ﻣﺎﻟﻐﺎ ﮬﯧﺮﯨﺲ ﺑﻮﻟﯘﭖ ، ﺷﯘﻧﯩﯔ ﻛﻮﻳﯩﺪﺍ ،ﺷﯘﻧﯩﯔ ﻏﯧﻤﯩﺪﻩ ،ﺷﯘﻧﯩﯔ ﺗﻪﺷﯟﯨﺸﻠﯩﺮﻯ ﺋﯩﭽﯩﺪﻩ ﺋﺎﺯﺍﭖ ﭼﯧﻜﯩﭗ ﺋﯚﺗﯩﺪﯗ . ﺋﺎﻗﯩﻞ ﺷﯘﻛﻰ ﺋﯚﺯ ﺋﻪﻳﯩﺒﯩﻨﻰ ﻛﯚﺭﻩﺭ ﺋﺎﻟﺪﯨﻦ ، ﻳﻮﻕ ﺋﯚﺯﮔﯩﮕﻪ ﺋﺎﺯﺍﺭ ﻳﻪﺗﻤﻪﻙ ﺩﻩﻝ ﺷﯘﻧﯩﯖﺪﯨﻦ . &. ﺩﯗﻧﻴﺎﺩﺍ ﺋﯩﺘﺘﯩﭙﺎﻗﻠﯩﺸﯩﭗ ، ﺑﯩﺮ ﻳﺎﻗﯩﺪﯨﻦ ﺑﺎﺵ ﭼﯩﻘﺎﺭﻏﺎﻥ ﺋﻪﻝ ﻛﯚﺯﻟﯩﮕﻪﻥ ﻣﻪﻗﺴﻪﺗﻜﻪ ﻣﯘﻗﻪﺭﺭﻩﺭ ﻳﯧﺘﯩﺪﯗ . &. ﻣﯘﺷﻪﻗﻘﻪﺗﻠﻪﺭﺩﯨﻦ ﻛﯧﻴﯩﻦ ﺋﺎﺭﺯﯗﻻﺭﻏﺎ ﻳﯧﺘﯩﺶ ﻣﯘﻗﻪﺭﻩﺭﺩﯗﺭ . &. ﺗﺎﺭﯨﺦ ﻗﺎﺭﺍﯕﻐﯘﻟﯘﻗﺘﯩﻦ ﻳﻮﺭﯗﻗﻠﯘﻗﻘﺎ ، ﺑﻪﺩﻩﯞﯨﻴﻪﺗﺘﯩﻦ ﻣﻪﺩﻩﻧﯩﻴﻪﺗﻜﻪ ،ﻗﺎﻻﻗﻠﯩﻘﺘﯩﻦ ﺗﻪﺭﻩﻗﻘﯩﻴﺎﺗﻘﺎ ، ﻗﺎﺑﺎﮬﻪﺗﺘﯩﻦ ﮔﯜﺯﻩﻟﻠﯩﻜﻜﻪ ﻗﺎﺭﺍﭖ ﺭﺍﯞﺍﺝ ﺗﺎﭘﻘﺎﻥ . &. ﺩﺍﯞﺍﻻﺵ ﻗﯧﻴﯩﻦ ﺑﻮﻟﻐﺎﻥ ﻛﯧﺴﻪﻟﮕﻪ ﺳﻪﯞﺭ ﺩﺍﯞﺍ ﺑﻮﻟﯩﺪﯗ . &. ﺋﯚﻣﺮﯨﺪﻩ ﻣﯧﻠﯩﻐﺎ ﺋﺎﭘﻪﺕ ﺗﻪﮔﻤﯩﮕﻪﻥ ، ﺩﯙﻟﯩﺘﻰ ﺯﯨﻴﺎﺩﻩ ﺑﻮﻟﻐﺎﻥ ﺳﻮﺩﯨﮕﻪﺭ ﺋﯚﺯ ﻣﯧﻠﯩﺪﯨﻦ ﯞﺍﻗﺘﯩﺪﺍ ﺋﯚﺷﺮﻩ - ﺯﺍﻛﺎﺕ ﺋﺎﻳﺮﯨﻴﺎﻟﻤﯩﻐﺎﻥ ، ﻏﯧﺮﯨﺒﻠﻪﺭﻧﯩﯔ ﺋﻪﮬﯟﺍﻟﯩﻨﻰ ﺳﻮﺭﺍﭖ ﺗﯘﺭﺍﻟﻤﯩﻐﺎﻥ ،ﺋﺎﭼﻼﺭﻧﻰ ﯞﺍﺧﺘﯩﺪﺍ ﺗﻮﻳﻐﯘﺯﺍﻟﻤﯩﻐﺎﻥ ، ﻳﺎﻟﯩﯖﺎﭼﻼﺭﻏﺎ ﺗﻮﻥ ﻳﺎﭘﺎﻟﻤﯩﻐﺎﻧﻼﺭﺩﯗﺭ . &. ﺋﻪﻗﻠﯩﯖﺪﯨﻦ ﻣﻪﺳﻠﻪﮬﻪﺕ ﺳﻮﺭﺍ ، ﺋﻪﻗﯩﻠﺪﯨﻦ ﺑﺎﺷﻘﯩﺴﯩﻨﻰ ﻛﯧﺮﻩﻛﺴﯩﺰ ﮬﯧﺴﺎﺑﻼ . &. ﺩﯗﻧﻴﺎﺩﯨﻜﻰ ﺑﯩﺮﺩﯨﻦ ﺑﯩﺮ ﺋﯘﻟﯘﻍ ﻛﯩﺸﻰ ﺩﯗﻧﻴﺎﺩﺍ ﺑﺎﺷﻘﯩﻼﺭﻏﺎ ﺗﺎﻳﺎﻧﻤﺎﻳﺪﯨﻐﺎﻥ ﻛﯩﺸﯩﻠﻪﺭﺩﯗﺭ . &. ﺋﺎﻱ ﺋﯚﺯﯨﻨﯩﯔ ﺳﻪﯞﺭ ﻗﯩﻠﯩﺸﻰ ﺑﯩﻠﻪﻧﻼ ﺋﯘﻟﯘﻏﻠﯩﻘﻘﺎ ، ﺋﺎﻟﯩﻲ ﻣﻪﻧﺰﯨﻠﮕﻪ ﯞﻩ ﮔﯜﺯﻩﻟﻠﯩﻜﻜﻪ ﺋﯩﮕﻪ ﺗﻮﻟﯘﻥ ﺋﺎﻳﻐﺎ ﺋﺎﻳﻼﻧﻐﺎﻥ . ﺑﺎﺷﻘﯩﻼﺭﻧﯩﯔ ﺋﻪﻳﯩﺒﯩﺪﯨﻦ ﺗﯩﻠﯩﯖﻨﻰ ﻳﯩﻎ ، ﺑﺎﺭ ﺋﯘﻧﯩﯖﻤﯘ ﺗﯩﻠﻰ ، ﺳﺎﯕﺎ ﻗﺎﺭﺍﻟﻐﺎﻥ ﺗﯩﻎ . &. ﺳﯚﺯﻧﻰ ﮔﯩﺮﺍﻣﻤﺎﺗﯩﻜﺎ ﺑﯩﻠﻪﻥ ﮔﯜﺯﻩﻟﻠﻪﺷﺘﯜﺭ ، ﭼﯜﻧﻜﻰ ﺳﯚﺯ ﻗﺎﺋﯩﺪﯨﺴﯩﺪﯨﻦ ﻣﻪﮬﺮﯗﻡ ﺑﻮﻟﻐﺎﻥ ﻛﯩﺸﻰ ﺳﯚﺯﯨﻨﻰ ﺑﯘﺯﯨﺪﯗ . &. ﺳﯚﺯﻟﻪﻳﺪﯨﻐﺎﻥ ﺋﻮﺭﯗﻧﻨﻰ ﺗﺎﭘﺴﺎﯓ ،ﭼﻮﻗﯘﻡ ﻛﻪﯓ ﺗﺎﺷﺎ ﺳﯚﺯﻟﻪ . ﺋﻪﮔﻪﺭ ﺳﯚﺯﻟﻪﻳﺪﯨﻐﺎﻥ ﻳﺎﺧﺸﻰ ﺳﯚﺯﻧﻰ ﺗﺎﭘﺴﺎﯓ ، ﺋﺎﻳﯩﻤﺎﻱ ﺳﯚﺯﻟﻪ . ﭼﯜﻧﻜﻰ ، ﻛﯩﺸﯩﻠﻪﺭ ﺋﯚﺯﯨﻨﯩﯔ ﺋﯩﻠﯩﻢ ﯞﻩ ﻗﺎﺑﯩﻠﻴﯩﺘﯩﮕﻪ ﻳﺎﺭﯨﺸﺎ ﺋﯘ ﺳﯚﺯﻟﻪﺭﺩﯨﻦ ﺗﻮﻏﺮﺍ ﭼﯜﺷﻪﻧﭽﻪ ﺋﺎﻟﯩﺪﯗ . &. ﻧﺎﯞﺍﺩﺍ ﺭﺍﺯﻯ ﺑﻮﻟﺴﺎﻡ ﺩﻭﺳﺘﻠﯩﺮﯨﻤﻨﯩﯔ ﺋﻪﻳﯩﺒﯩﻨﯩﯔ ﮬﻪﻣﻤﯩﺴﯩﻨﻰ ﯞﻩ ﺋﯘﻻﺭﻧﯩﯔ ﺋﺎﺯ ﺑﯩﺮ ﻗﯩﺴﯩﻢ ﺋﻪﻳﯩﺒﻠﯩﺮﻧﯩﻤﯘ ﻛﯚﺭﻣﻪﻳﻤﻪﻥ . ﺧﯘﺩﺩﻯ ﻧﻪﭘﺮﻩﺕ ﻛﯚﺯﻯ ﺋﻪﻳﯩﺒﺘﯩﻦ ﺑﺎﺷﻘﯩﻨﻰ ﻛﯚﺭﻣﯩﮕﻪﻧﺪﻩﻙ ﺩﻭﺳﺘﻠﯘﻕ ﻛﯚﺯﻯ ﺋﻪﻳﯩﺒﻠﻪﺭﻧﻰ ﻛﯚﺭﯛﺷﺘﯩﻦ ﺋﺎﺟﯩﺰﺩﯗﺭ . &. ﺋﯧﺮﯨﻨﯩﯔ ﭘﻪﺭﻣﺎﻧﯩﺪﯨﻦ ﭼﯩﻘﻤﺎﻱ ، ﮬﻪﻡ ﻣﯘﺳﯘﻟﻤﺎﻧﭽﯩﻠﯩﻖ ،ﮬﻪﻡ ﺭﻭﺯﯨﻐﺎﺭ ﺧﺎﺗﻮﻧﻠﯘﻕ ﺑﯘﺭﭼﯩﻨﻰ ﺋﺎﺩﺍ ﻗﯩﻠﯩﺶ ﺑﯩﻠﻪﻥ ﺑﻮﻟﻐﺎﻥ ﺋﺎﻳﺎﻟﻼﺭﻧﻰ ﺋﯩﻨﺴﺎﻥ ﺋﻪﻣﻪﺱ ، ﺑﯩﮭﯧﺸﻨﯩﯔ ﮬﯚﺭﻯ ﺩﻩﭖ ﺑﯩﻠﻤﻪﻙ ﻛﯧﺮﻩﻙ .ﺑﯘ ﺧﯩﻠﺪﯨﻜﻰ ﺧﻮﺗﯘﻧﻼﺭﻏﺎ ﺋﻪﺭ ﺑﻮﻟﻐﺎﻧﻼﺭﻧﯩﯔ ﺋﯩﻘﺒﺎﻟﻰ ﮬﻪﺭ ﻗﺎﭼﺎﻥ ﻳﻮﺭﯗﻗﺘﯘﺭ . &. ﻗﺎﭼﺎﻧﻜﻰ ، ﺋﻪﮬﻠﻰ ﺋﯩﺴﻼﻣﻨﯩﯔ ﺋﻪﺧﻼﻗﻠﯩﺮﻯ ﺑﯘﺯﯗﻟﺴﺎ ، ﻳﺎﺧﺸﻰ ﺋﯩﺸﻼﺭ ﺑﯩﻠﻪﻥ ﺷﯘﻏﯘﻟﻠﯩﻨﯩﺸﻘﺎ ﻧﯘﺧﺴﺎﻥ ﻳﯧﺘﯩﺪﯗ ،ﺋﯩﺘﺘﯩﭙﺎﻗﻠﯩﻖ ﻳﻮﻗﯘﻟﯩﺪﯗ . ﮬﻮﺭﯗﻧﻠﯘﻕ ،ﺑﯩﻜﺎﺭﭼﯩﻠﯩﻘﻼﺭ ، ﺯﯗﻟﯘﻣﯟﻩ ﺧﯩﻴﺎﻧﻪﺗﭽﯩﻠﯩﻜﻠﻪﺭ ﻛﯚﭘﯩﻴﺪﯗ .ﺋﯩﻠﯩﻢ - ﻣﻪﺭﯨﭙﻪﺕ ﻛﯧﻤﯩﻴﯩﭗ ، ﺷﺎﻥ - ﺷﯚﮬﺮﻩﺕ ﺧﺎﺭﯗ ﺯﺍﺭﻟﯩﻘﻘﺎ ﺋﺎﻟﻤﯩﺸﯩﺪﯗ . &. ﻗﺎﻳﻐﯘ - ﮬﻪﺳﺮﻩﺕ ﻳﯧﻘﯩﻨﻘﻰ ﺧﯘﺷﺎﻟﻠﯩﻘﺘﯩﻦ ﺑﯩﺸﺎﺭﻩﺕ ﺑﯩﺮﯨﺪﯗ . &. ﻣﻪﻥ ﺷﯘﻧﺪﺍﻕ ﻛﯩﺸﯩﻤﻪﻧﻜﻰ ،ﺳﻪﻣﯩﻤﯩﻴﻠﯩﻚ ﯞﻩ ﺋﻪﺩﻩﭖ - ﺋﻪﺧﻼﻕ ﻣﯩﻨﯩﯔ ﺗﻪﺑﯩﺌﯩﺘﯩﻤﺪﯗﺭ .ﺋﺎﺭﺗﯘﻗﭽﯩﻠﯩﻖ ،ﺋﻪﺧﻼﻕ ﯞﻩ ﮬﯩﻜﻤﻪﺗﻠﻪﺭ ﻣﻪﻧﺪﻩ ﺑﺎﺭﺩﯗﺭ . ﺳﯧﺨﯩﻴﻠﯩﻐﯩﻢ ﻛﺎﺗﺘﯩﻠﯩﻖ ﺷﻪﺭﯨﭙﯩﻤﻨﯩﯔ ﺩﻩﻟﯩﻠﯩﺪﯗﺭ . ﺧﯩﺴﻠﻪﺗﻠﯩﺮﯨﻤﻨﯩﯔ ﺋﻪﯓ ﺋﻪﻗﯩﻠﻠﯩﻴﺴﻰ ﺧﻪﻳﺮ -ﺋﯧﮭﺴﺎﻥ ﻗﯩﻠﯩﺶ ﯞﻩ ﺳﯧﺨﯩﻴﻠﯩﻖ ﻗﯩﻠﯩﺸﺘﯘﺭ . ﺩﺍﻧﺎﻟﯩﻖ ،ﺋﯧﮭﺘﯩﻴﺎﺗﭽﺎﻧﻠﯩﻖ ، ﺋﯩﺸﻪﻧﭻ ، ﺑﯩﻠﯩﻢ ﯞﻩ ﺋﯩﺸﺘﯩﻴﺎﻕ ،ﺋﯩﻠﯩﻢ -ﺋﯧﺮﭘﺎﻥ ﯞﻩ ﮬﯧﻜﻤﻪﺗﻠﻪﺭﻣﯘ ﻣﯧﻨﻰ ﺗﻮﻧﯘﻳﺪﯗ . &. ﮬﻪﯞﻩﺱ ﺩﯨﮕﻪﻧﻤﯘ ﺋﯩﻨﺴﺎﻧﭙﻪﺭﯞﻩﺭﻟﯩﻚ ﯞﻩ ﯞﺍﭘﺎﺩﺍﺭﻟﯩﻘﺘﯩﻦ ﺑﺎﺷﻘﺎ ﻧﻪﺭﺳﻪ ﺋﻪﻣﻪﺱ . ﺋﯘﻧﯩﯖﻐﺎ ﭘﻪﻗﻪﺕ ﻛﺎﺗﺘﺎ ، ﺋﯘﻟﯘﻍ ،ﺳﯧﺨﯩﻲ ﺋﺎﺩﻩﻣﻠﻪﺭﻻ ﻻﻳﯩﻖ ﻛﯧﻠﯩﺪﯗ . &. ﻣﻪﻥ ﭘﺎﻙ ﻳﯩﮕﯩﺘﻤﻪﻥ ، ﻣﯧﻨﯩﯔ ﻣﻪﺩﮬﯩﻴﻠﻪﺷﻜﻪ ﺗﯩﮕﯩﺸﻠﯩﻚ ﺋﯩﭙﭙﻪﺗﻠﯩﻚ ﺑﻮﻟﻐﺎﻥ ﻳﺎﺧﺸﻰ ﺋﻪﺧﻼﻗﯩﻢ ﺗﺎﻛﻰ ﻣﺎﯕﺎ ﻛﯧﭙﻪﻥ ﮬﻪﻣﺮﺍ ﺑﻮﻟﻐﺎﻧﻐﺎ ﻗﻪﺩﻩﺭ ﻣﻪﻧﺪﯨﻦ ﺋﺎﻳﺮﯨﻠﻤﺎﻳﺪﯗ . &. ﺋﻪﮔﻪﺭ ﮔﯜﺯﻩﻟﻠﯩﻚ ﺋﯩﮕﯩﻠﻠﯩﺮﻯ ﺳﯘﻳﻘﻪﺳﯩﺖ ﺋﯩﺸﻠﯩﺘﯩﺪﯨﻐﺎﻥ ﺑﻮﻟﺴﺎ ، ﮬﺎﯞﺍﻳﻰ ﮬﻪﯞﻩﺱ ﺋﯩﮕﯩﻠﻠﯩﺮﯨﻨﻰ ﺗﻮﻟﯘﻕ ﺋﯩﮕﻪﻟﻠﻪﭖ ،ﺋﯘﻻﺭﻏﺎ ﺑﺎﺷﻠﯩﻖ ﺑﻮﻻﻻﻳﺪﯗ . &. ﮬﺎﺭﻗﺎﻧﺪﺍﻕ ﺋﺎﺳﺎﯞ ﺋﺎﺗﻘﺎ ﻳﯜﮔﻪﻥ ﺑﺎﺭ . ﻟﯧﻜﯩﻦ ﯞﺍﻗﯩﺖ ﺩﯦﮕﻪﻥ ﺋﺎﺳﺎﯞ ﺋﺎﺗﻨﻰ ﺋﺎﺭﻗﯩﺴﯩﻐﺎ ﻳﺎﻧﺪﯗﺭﻏﯩﻠﻰ ﺑﻮﻟﻤﺎﻳﺪﯗ . ﻣﺎﻻﻣﻪﺗﭽﻰ ﺋﻪﺯﯞﻩﻳﻠﯩﺪﯨﯔ ﺑﯩﮭﯘﺩﻩ ، ﺑﻪﻙ ﻗﺎﺭﺍﻳﺴﻪﻥ ﻣﯘﮬﻪﺑﺒﯩﺘﯩﯔ ﻗﯩﺒﻠﻪﯕﻤﯘ ؟ ﻣﻪﻧﻤﯘ ﺩﯦﺪﯨﻢ ﺋﻪﺯﯞﻩﻳﻠﻪﭘﺴﻪﻥ ﺷﯘﻧﭽﻪ ﻗﯩﭗ ، ﺗﯩﯖﺸﯩﻐﯘﺩﻩﻙ ﺳﯧﻨﯩﯔ ﺳﯚﺯﯛﯓ ﻗﯘﺭﺋﺎﻧﻤﯘ ؟ &. ﺧﺎﺗﯩﺮﺟﻪﻣﻠﯩﻜﻨﻰ ﺳﯚﻳﯜﺵ ﺋﺎﺩﻩﻣﻨﻰ ﺋﯘﻟﯘﻏﯟﺍﺭ ﺋﯩﺸﻼﺭﺩﯨﻦ ﺗﻮﺳﯘﭖ ،ﮬﻮﺭﯗﻧﻠﯘﻗﻘﺎ ﺋﯜﻧﺪﻩﻳﺪﯗ . &. ﻣﻪﻥ ﺋﯚﺯ ﻗﻪﺩﯨﺮ - ﻗﯩﻤﻤﯩﺘﯩﻤﻨﻰ ﺗﻮﻧﯘﻏﺎﻧﻠﯩﻘﯩﻢ ﺑﯩﻠﻪﻥ ﻗﯩﻤﻤﻪﺗﻠﯩﻜﻤﻪﻥ . &. ﺋﺎﺭﺯﯗﻧﯩﯔ ﭼﻪﻛﺴﯩﺰﻟﯩﻜﻰ ﺑﻮﻟﻤﯩﺴﺎ ، ﺩﯗﻧﻴﺎ ﻧﯧﻤﻪﺩﯨﮕﻪﻥ ﺗﺎﺭ - ﮬﻪ ! &. ﺳﯜﻛﯜﺕ ﻗﯩﻞ ، ﺳﯜﻛﯜﺕ ﺋﺎﺯﻏﯘﻧﻠﯩﻘﺘﯩﻦ ﻧﯩﺠﺎﺕ ﺑﻪﺭﮔﯜﭼﯩﺪﯗﺭ . &. ﻣﻪﻥ ﺩﻩﺭﻩﺥ ﺷﺎﺧﻠﯩﺮﯨﺪﯨﻦ < ﻧﯩﻤﻪ ﺋﯜﭼﯜﻥ ﻗﯩﺸﺘﺎ ﻳﺎﻟﯩﯖﺎﭺ ﺑﻮﻟﯩﯟﯦﻠﯩﭗ ، ﻳﺎﺯﺩﺍ ﻛﯩﻴﯩﻢ ﻛﯩﻴﯩﭗ ﺋﻮﺗﺘﯘﺭﻏﺎ ﭼﯩﻘﯩﺴﯩﻠﻪﺭ ؟ > ﺩﻩﭖ ﺳﻮﺭﯨﺴﺎﻡ ، ﺷﺎﺥ :<ﻛﯜﺯﺩﻩ ﺑﺎﮬﺎﺭ ﻛﯩﻠﯩﺶ ﺋﺎﻟﺪﯨﺪﺍ ﺩﻩﭖ ﺋﺎﯕﻼﭖ ، ﺑﯘ ﺧﻮﺵ ﺧﻪﯞﻩﺭﻧﻰ ﻳﻪﺗﻜﯜﺯﮔﯩﭽﻪ ﺳﯚﻳﯜﻧﭽﻪ ﻗﯩﻠﯩﭗ ﻛﯩﻴﯩﻤﯩﻤﯩﺰﻧﻰ ﺑﯧﺮﯨﯟﯨﺘﯩﺪﯨﻜﻪﻧﻤﯩﺰ > ﺩﯦﺪﻯ . &. ﺋﯚﺯ ﺋﯩﺸﯩﻐﺎ ﭘﯘﺧﺘﺎ ﺑﻮﻟﯘﭖ ، ﮬﯜﻧﻪﺭﻧﻰ ﺭﺍﺳﺘﻠﯩﻖ ﺑﯩﻠﻪﻥ ﻗﻮﻟﺪﯨﻦ ﭼﯩﻘﺎﺭﻏﺎﻥ ﻛﺎﺳﯩﭗ ﺋﯚﻣﺮﯨﺪﻩ ﻛﻪﺳﭙﻰ ﯞﻩﺟﯩﺪﯨﻦ ﻛﯧﻠﯩﺪﯨﻐﺎﻥ ﺋﯘﻳﺎﺗﺘﯩﻦ ﺧﺎﻟﯩﻴﺪﯗﺭ . ﺑﯘ ﺧﯩﻠﺪﯨﻜﻰ ﻛﺎﺳﯩﭙﻼﺭ ﮬﻪﺭ ﻗﺎﭼﺎﻥ ﮬﻪﺭ ﻳﻪﺭﺩﻩ ﺋﯧﺘﯩﺒﺎﺭﻏﺎ ﻣﯘﺷﻪﺭﺭﻩﭘﺘﯘﺭ . ﻠﯧﻜﯩﻦ ﺷﯘﻧﺪﺍﻗﻤﯘ ﻛﺎﺳﯩﭙﻼﺭ ﺑﺎﺭﻛﻰ ، ﻛﯧﭽﻪﻳﯘ ﻛﯜﻧﺪﯛﺯ ﻛﻪﺳﭙﻰ ﻛﺎﺭﯨﻐﺎ ﻣﻪﺷﻐﯘﻝ ﺑﻮﻟﯘﭘﻤﯘ ، ﺋﯩﻠﯚﯨﺪﻩ ﺗﯜﺯﯛﻛﻤﯘ ﭘﯘﻝ ﺗﯘﺭﻣﺎﻳﺪﯗ ، ﻛﻪﺳﯩﭗ ﻛﺎﺭﻯ ﺋﯩﻠﮕﯩﺮﻯ ﺑﺎﺳﻤﺎﻳﺪﯗ .ﺑﯘﻧﺪﺍﻗﻼﺭ ﮬﯜﻧﻪﺭﻧﻰ ﮬﯩﻴﻠﻪ ﺑﯩﻠﻪﻥ ﺑﯩﻠﻠﻪ ﻗﻮﺷﯘﭖ ﺳﺎﺗﯩﺪﯨﻐﺎﻧﻼﺭﺩﯗﺭ. &. ﺷﯘﻧﺪﺍﻕ ﺧﻮﺗﯘﻧﻼﺭ ﺑﺎﺭﻛﻰ ، ﺑﯩﮭﺎﻳﺎ ﯞﻩ ﺑﯩﻨﺎﻣﺎﺯﻟﯩﻘﺘﺎ ﺋﺎﻟﺪﯨﺪﺍ ﺗﯘﺭﯨﺪﯗ ، ﺯﯗﯞﺍﻧﺪﺍﺭﻟﯩﻘﺘﺎ ﮬﯧﭽﻜﯩﻢ ﺋﯘﻻﺭﻏﺎ ﻳﯧﺘﯩﺸﻪﻟﻤﻪﻳﺪﯗ . ﺑﯘ ﺧﯩﻠﺪﯨﻜﻰ ﺋﺎﻳﺎﻟﻼﺭﻧﯩﯔ ﺋﻪﺭﻟﯩﺮﯨﻨﯩﯔ ﻛﯚﯕﻠﻰ ﮬﻪﺭ ﻗﺎﭼﺎﻥ ﭘﺎﺭﺍﻛﻪﻧﺪﻩ ﺗﯘﺭﯨﺪﯗ . ﻣﯘﻧﺪﺍﻕ ﺋﺎﻳﺎﻟﻼﺭ ﺋﻪﺭﻟﻪﺭ ﺋﯜﭼﯜﻥ ﺋﺎﭘﻪﺕ ﺑﻮﻟﯘﭖ ﮬﻪﺭﻗﺎﭼﺎﻥ ﮬﻪﺯﻩﺭ ﻗﯩﻠﻤﺎﻕ ﻻﺯﯨﻤﺪﯗﺭ . &. ﺩﯗﻧﻴﺎﺩﯨﻜﻰ ﺋﯧﻐﯩﺮﭼﯩﻠﯩﻘﻼﺭ ﺋﯩﭽﯩﺪﻩ ﺋﯩﺴﺘﯩﻘﺒﺎﻝ ﻗﺎﻳﻐﯘﺳﻰ ﮬﻪﻣﻤﯩﺪﯨﻦ ﺋﯧﻐﯩﺮ . &. ﺑﯩﺰﺩﻩ ﺩﯨﻦ ﺋﻮﻗﯘﻏﺎﻥ ﻣﻮﻟﻠﯩﻼﺭ ﻳﯘﺭﺗﻨﯩﯔ ﻳﺎﺧﺸﻰ ﺗﺎﺋﺎﻣﯩﻨﻰ ﻳﻪﭖ ، ﺳﻪﺩﯨﻘﻪ - ﺋﯧﮭﺴﺎﻧﻐﺎ ﺩﯗﺋﺎ ﻗﯩﻠﯩﭗ ﺋﯚﺗﯩﺪﯗ . ﺋﯘﻧﯩﯖﺪﯨﻦ ﺑﺎﺷﻘﺎ ﺧﺎﻟﯩﺴﺎﻧﻪ ﺋﻮﺭﯗﻧﺪﺍﻳﺪﯨﻐﺎﻥ ﮬﯧﭽﻘﺎﻧﺪﺍﻕ ﻣﻪﺟﺒﯘﺭﻳﯩﺘﻰ ﻳﻮﻗﺘﻪﻙ ﻳﺎﻣﺎﻥ ﺑﯩﺮ ﺋﺎﺩﻩﺕ ﺷﻪﻛﯩﻠﻠﻪﻧﮕﻪﻥ . ﺑﯘ ﺋﺎﺩﻩﺕ ﺗﯜﭘﻪﻳﻠﻰ ﺑﯩﭽﺎﺭﻩ ﺧﻪﻟﯩﻖ ﺟﺎﭘﺎﻟﯩﻖ ﺋﻪﻣﮕﻪﻛﻠﻪﺭﻧﻰ ﻗﯩﻠﯩﭗ ، ﺗﺎﭘﻘﺎﻥ ﺗﻪﺭﮔﯩﻨﯩﻨﻰ ﺑﯩﺰ ﻣﻮﻟﻠﯩﻼﺭﻏﺎ ﻳﯩﮕﯜﺯﯛﺵ ، ﺋﺎﻟﺪﯨﻐﺎ ﻗﻮﻳﯘﭖ ، ﺩﯗﺋﺎ ﺋﯧﻠﯩﺸﻘﺎ ﺋﺎﺩﻩﺗﻠﻪﻧﮕﻪﻥ ﺑﻮﻟﺴﺎ ،ﺑﯩﺰ ﻣﻮﻟﻠﯩﻼﺭﻣﯘ ﺋﯘﻻﺭﻧﯩﯔ ﻳﺎﺧﺸﻰ ﺗﺎﺋﺎﻣﻠﯩﺮﯨﻨﻰ ﻳﻪﭖ -ﺋﯩﭽﯩﺶ ، ﻧﻪﺭﺳﻪ - ﻛﯧﺮﻩﻛﻠﯩﺮﯨﮕﻪ ﺩﯗﺋﺎ ﻗﯩﻠﯩﺸﻘﺎ ﺋﯜﮔﯜﻧﯜﭘﻼ ﻛﻪﺗﺘﯘﻕ . ﺋﻪﻣﯩﻠﻴﻪﺗﺘﻪ ﺑﯘ ﺋﯩﺸﻠﯩﺮﻣﯩﺰ ﺋﯚﺯ ﺋﻪﻗﯩﺪﯨﻤﯩﺰﮔﻪ ﺧﯩﻼﭖ . ﭼﯜﻧﻜﻰ ، ﻧﻪﺯﯨﺮ ﺗﺎﺋﺎﻣﻠﯩﺮﻯ ﯞﻩ ﺳﻪﺩﯨﻘﻪ - ﺋﯧﮭﺴﺎﻧﻨﯩﯔ ﮬﻪﻗﻠﯩﻖ ﺋﯩﮕﯩﺴﻰ ﻣﯩﺴﻜﯩﻨﻠﻪﺭﺩﯗﺭ . &. ﺑﯩﺰﻧﯩﯔ ﺷﺎﻧﻠﯩﻖ ﺗﺎﺭﺧﯩﻤﯩﺰ ، ﺳﻪﻟﺘﻪﻧﻪﺗﻠﯩﻚ ﺩﻩﯞﺭﺍﻧﯩﻤﯩﺰ ،ﺭﻭﻧﺎﻕ ﺗﺎﭘﻘﺎﻥ ﺯﺍﻣﺎﻧﻠﯩﺮﯨﻤﯩﺰ ﺑﻮﻟﻐﺎﻥ . ﻟﯧﻜﯩﻦ ، ﺑﯘ ﺋﯚﺗﻜﻪﻧﻜﻰ ﺗﺎﺭﯨﺦ . ﮬﻪﺭ ﺋﻪﯞﻻﺩ ﺋﯚﺯﻯ ﻳﺎﺷﺎﯞﺍﺗﻘﺎﻥ ﺩﻩﯞﺭﺩﻩ ﺗﯩﺮﯨﺸﯩﭗ - ﺗﯩﺮﻣﯩﺸﯩﭗ ﺑﯩﺮ ﺋﯩﺶ ﻗﯩﻠﯩﺸﻰ ، ﺗﺎﺭﯨﺦ ﻳﺎﺭﯨﺘﯩﭗ ﺋﯩﻠﮕﯩﺮﻛﻰ ﺗﺎﺭﯨﺨﻘﺎ ﺋﯘﻻﭖ ﻣﯧﯖﯩﺸﻰ ﻻﺯﯨﻢ . ﺑﯩﺰﻣﯘ ﮬﻪﻡ ﺷﯘﻧﯩﯔ ﺋﯩﭽﯩﺪﻩ . &. ﺋﻪﯞﻻﺩﯨﯖﻼﺭﻧﻰ ﺑﺎﺷﻘﺎ ﺑﯩﺮ ﺯﺍﻣﺎﻥ ﺋﯜﭼﯜﻥ ﺗﻪﻗﺪﯨﻢ ﺋﯧﺘﯩﯖﻼﺭ . ﭼﯜﻧﻜﻰ ،ﺋﯘﻻﺭ ﺳﯩﻠﻪﺭ ﻳﺎﺷﯩﻐﺎﻥ ﺯﺍﻣﺎﻧﺪﯨﻦ ﺑﺎﺷﻘﺎ ﺑﯩﺮ ﺯﺍﻣﺎﻧﺪﺍ ﻳﺎﺷﯩﻤﺎﻕ ﺋﯜﭼﯜﻥ ﺩﯗﻧﻴﺎﻏﺎ ﻛﻪﻟﮕﻪﻧﻠﻪﺭﺩﯗﺭ . &. ﺳﺎﻻﻡ ﻳﺎﺧﺸﻰ ﻳﻮﻟﻐﺎ ﻣﺎﯕﻐﺎﻥ ﻛﯩﺸﯩﻠﻪﺭ !

گېنىرال

	ئاللاھ ئەجرىڭىزنى بەرسۇن

azizgul

	كۆپ تەشەككۈر !اللە ئىلىمىڭىزنى زىيادە قىلسۇن ، امىن !

baywetqe

	ihlasmanyigit يوللىغان ۋاقتى  2012-9-28 07:16 PM &. ﺑﯧﺨﯩﻠﻠﯩﻖ ،ﻧﺎﻣﻪﺭﺩﻟﯩﻚ ،ﮬﯩﻤﻤﻪﺗﺴﯩﺰﻟﯩﻚ ،ﺳﺎﺧﺎﯞﻩﺗﺴﯩﺰﻟﯩﻜﻠﻪ ... يەتكۈزۈلۈشكە تېگىشلىك،ئالتۇنغا تېگىشكۈسىز ئۈگۈتلەر...ئەجرىڭىزگە رەھمەت.

bugaltir

	ھەممىسىنى ساقلىۋالدىم   .        ھەقىقەتەن ياخشى تېما  ئىكەن  ،  رەھمەت   .

aa0998

	بىر دوستۇمدىن ئاڭلىسام ئابدۇقادىر داموللام قېيامەت كۈنى ئەڭ ئازاپقا دۇچار بولغىچېلار بالىلىرنى نادانلىقتا قالدۇرغان ئادەملەردىگەن گەپنى ئاڭلىدىم دەيدۇ ،

KETMEN

	مەرھۇمنىڭ ئاخىرەتلىكى بەخت ھەم نۇرلۇق بولغاي .

jawzaa

	ﺗﻪﯕﺮﯨﻨﯩﯔ ﺋﯩﻨﺴﺎﻧﻐﺎ ﻛﯚﭘﺘﯘﺭ ﺗﺎﺭﺗﯘﻗﻰ ، ﺋﻪﻗﯩﻞ ﯞﻩ ﺋﻪﺩﻩﭘﺘﯩﻦ ﻳﻮﻗﺘﯘﺭ ﺋﺎﺭﺗﯘﻗﻰ . ﺋﻪﻗﯩﻞ ﯞﻩ ﺋﻪﺩﻩﭖ ﮬﻪﺭ ﻳﺎﺷﻨﯩﯔ ﺟﺎﻣﺎﻟﻰ ، ﺋﯘﻧﯩﯖﺴﯩﺰ ﺑﻮﻟﻤﺎﺱ ﮬﺎﻳﺎﺗﻨﯩﯔ ﻛﺎﻣﺎﻟﻰ . ﭘﻪﺯﯨﻠﻪﺕ ﻛﯚﭖ ﺋﯧﺮﯗﺭ ﺑﯘ ﺋﺎﻟﻪﻡ ﺋﺎﺭﺍ ، ﺋﯩﻠﯩﻤﺪﯗﺭ ﮬﻪﻣﻤﯩﺪﯨﻦ ﺋﻪﻟﻴﯘﻝ ﺋﻪﻻ. ﺋﯩﻠﯩﻤﺪﯗﺭ ﺑﯩﺒﺎﮬﺎ ،ﻗﺎﺯﺳﺎ ﭘﯜﺗﻤﻪﺱ ﻛﺎﻥ ، ﺋﯩﻠﯩﻤﺪﯨﻦ ﺑﺎﺷﻘﯩﺴﻰ ﻛﯩﻤﮕﻪ ﺋﻪﺳﻘﺎﺗﻘﺎﻥ ؟ ﺋﯩﻠﯩﻤﻼ ﻧﯩﺠﺎﺗﻠﯩﻖ ﺑﯩﺮﻩﺭ ﻣﻪﯕﮕﯜﻟﯜﻙ ، ﺑﯩﻠﯩﻤﻠﯩﻚ ﮬﺎﻳﺎﺗﺘﯘﺭ ،ﺟﺎﮬﯩﻠﻼﺭ ﺋﯚﻟﯜﻙ . ﺋﻰ ﻳﺎﺵ ﺑﯩﻞ ﺟﺎﮬﯩﻠﻠﯩﻖ ﻧﻮﻣﯘﺳﺘﯘﺭ ﺑﯩﺸﻪﻙ ، ﻧﺎﺩﺍﻧﻠﯩﻖ ﺯﯗﻟﯩﻤﯩﻐﺎ ﺭﺍﺯﯨﺪﯗﺭ ﺋﯧﺸﻪﻙ . مەن مۇشۇ مىسرالىرىنى ئىزدەپ يۈرگىلى نەچچە ئاي بولغانتى ......بەك خۇش بولىۋاتىمەن رەھمەت سىزگە!