ســىز يـاقـتـۇردىـغـان قـۇرلار

شاتئاي

	بۇران چاپقۇنسىز دىڭىزدا ھەر قانداق ئادەم يول باشلىغۇچى بولالايدۇ. لىكىن ئاپتىپى بار ، سايىسى يوق، خۇشاللىقىلا بار، قايغۇسى يوق ھاياتنى ھەقىقى ھايات دىگىلى بولمايدۇ، ئەڭ بەختلىك ھىسابلىنىدىغان ئادەمنى ئېلىپ ئېيتايلى، ئۇنىڭ بەختى چىگىلىشىپ كەتكەن بىر كاللەك يىپ. ھاياتتا قايغۇ بىلەن بەخىت قوشكىزەك ئۇ بىزگە ئاچچىقنىمۇ، تاتلىقنىمۇ تېتىتىدۇ. بەزىدە ھەتتا ئۈلۈممۇ كىشىلىك ھاياتنى تېخىمۇ سۈيۈملۈك مەنىگە ئىگە قىلىدۇ. كىشىلەر ھاياتنىڭ جىددىيلىك ۋە تىرەنلىكىدە، قايغۇ ئەلەم ۋە پىراق ئازاپنىڭ سايىسىدە ھەقىقى ئۆزلۈككە يېقىنلىشالايدۇ. بىز ھەممىمىز يىراق مەنزىلگە قاراپ كىتىپ بارغان ئادەملەردۇرمىز.ئالدىمىزدە بىزنى قانداق ئىشلار كۈتىۋاتىدۇ، ۋە قانداق ئىشلار يۈز بىرىدۇ. بۇنىسىنى ھىچىكىم پەرەز قىلالمايدۇ. بىز پەقەت ئالدىمىزغا بىر قەدەم تاشلىساقلا، ھامىنى نىشانىمىزغا يىتىپ، ئۆز بەختىمىزنى تاپالايدىغانلىقىمىزغا ئىشىنىشىمىز كىرەك. پەقەت ھامان بىر كۈنى ئۈلىدىغانلىقىنى ھىس قىلىپ تۇرغاندىلا ئاندىن دۇنيادا ياشاشنىڭ تۇلىمۇ بىباھا بۇلىدىغانلىقىنى تۇيۇپ يۈرگىلى بۇلىدۇ. مۇھەببەتتە مەغلۇپ بولغان ئوغول بالىنىڭ ئاغزىدا قىز ۋاپاسىز، قىز بالىنىڭ ئاغزىدا ئوغول ۋىجدانسىز. ئادەم دىگەنددە تارتىنچاقلىق بولسا بۇلىدۇ. لىكىن بەزى يەردە تارتىنچاقلىق قىلىپ قويسا مەڭگۈ پۇشايماندا قالىدۇ. باشقىلارغا ھەددىدن ئارتۇق ئىشىنىپ كەتمە. باشقىلارغا ئالدىراپ ئىچكى سىرىڭنى ئېيتما. باشقىلارنىڭ نەرسە-كىرىكىنى سوراش ئىككىلا تەرەپكە روھى بېسىم ئېلىپ كىلىدۇ. شۇڭا يەڭگىلى بولىدىغان قىيىنچىلىقنى ئامال بار ئۆزىڭىز ھەل قىلىڭ. ئامال بولمىغاندا، ياخشى دوستىڭىزدىن ياردەم سوراڭ. بەختسىزلىككە ئۇچىرساڭ بىرلا نەرسىگە تىكىلىۋالما. بەلكى سىنى ئۈمۈدلەندۇرگۈدەك ئىككىنجى، ئۈچۈنجى نەرسە بۇلۇشى مۇمكىن. شۇنداق قىلالىساڭ مەغلۇپ بولساڭمۇ چۈشكۈنلىشىپ كەتمەيسەن. يىقىلىپ چۈشكەندە:<<مەن بۇنىڭدىن بۇرۇنمۇ يىقىلىپ چۈشكەن، بۇنىڭدىن كىيىنمۇ يىقىلىپ كەتسەم ئورنۇمدىن دەس تۇرالايمەن>>دىيەلىشىڭ كىرەك. سانسىز قېتىم يىقىلىشلار سانسىز قېتىم ئۆرە تۇرۇشنى ئۈگىتىدۇ. بىلگىنكى نەدە ئوڭۇشسىزلىققا ئۇچىرساڭ شۇ يەردە ئورنىڭدىندەس تۇر!                          بەزى كۆزلەر مەسىلىگە دۇچ كەلگەندە يۇمىلىپ قالىدۇ. بەزى كۆزلەر قىيىنچىلىق توغىرا كەلگەندە ئالىيىپ قالىدۇ. بەزى كۆزلەر پۇل-مالنى كۆرسە قىزىرىپ قالىدۇ. بەزى كۆزلەر سوغا- سالامنى كۆرسە ئويناپ كىتىدۇ. بەزى كۆزلەر باشلىقنى كۆرگەندە يىلىنىپ ياشلىنىپ كىتىدۇ. بەزى كۆزلەر ۋاقتى كەلگەندە ياش تۆكىدۇ. بەزى كۆزلەر ۋاقتى كەلگەندە چەكچىيىپ قالىدۇ. مەنبە:خاتىرەمدىن ئۈزۈندىلەر (يىغىپ ساقلىۋالغانلىرىم).

سۈمەييە

	ئەجەپ ياخشى ھىكمەتلەرنى ساقلىۋاپتىكەنغۇ ما جىنتەك بىر-بىرىدىن ئىسىلكەنغۇ ماۋۇ ھىكمەتلەر مەنلا ئەپ ماڭدىم ئەمىسە خاتىرەمگە ھە , يەنە بارمۇ يا خاتىرىڭىزدە

kapsizparixta

	ھېكمەت دۇردانىلىرى بىر دانا ئىيتۇدىلەركى : قەلىپ سىرلارنىڭ غەزىنىسى ، لەۋلەر ئۇنىڭ قۇلۇبى ، تىل بولسا ئۇ غەزىنىنىڭ ئاچقۇچىدۇر ، شۇڭا ھەر كىم ئۆز غەزىنىلىرىنىڭ ئاچقۇچىنى مەھكەم ساقلىسۇن .        ھېكايەت قىلىنىشچە بىر ئىت يەنە بىر ئانا شىرنى ئەيبلەپ ئېيتىپتۇ : مەن كىچىككىنە تۇرۇپ بىر قورسىقىمدىن يەتتە سەككىزنى تۇغىمەن ، سەن شۈنچە بوي بەستىڭ بىلەن ئاران بىرنى تۇغىسەن ، ئانا شىر دەپتۇ : توغرا، لىكىن مەن شىر تۇغىمەن ، سەن ئىت تۇغىسەن .    لوقمان ھەكىم ئوغلىغا مۇنداق دەپتۇ : ئىھ ئوغلۇم سۆزلۈرۈڭگە دېققەت قىل ، سۆزلەر ئىچىدە شۇنداق سۆزلەر باركى ئۇ تاشتىن قاتتىق ، قىلىچتىن ئۆتكۈر ، زەھەردىن ئاچچىق ، ئوتتىن قىززىقراقتۇر ، قەلىبلەر تىرىلغۇ يەرگە ئوخشايدۇ ، سەن ئۇنىڭغا ياخشى سۆزلەرنى تىرىغىن ، ھەممىسى ئۈنمىدى دېگەندىمۇ بىر قىسمى ئۈنىدۇ .         نەپرەتنى نەپرەت بىلەن ئەمەس بەلكى مۇھەببەت بىلەم يىڭىشنىمۇ ئۈگىنۋال ، بۇ خۇددى قۇياش بىلەن شىۋىرغان ئىلىشقاندا قۇياشنىڭ غەلبە قىلغىنىغا ئوخشايدۇ .     باشقىلاردىن ئەپۇ سوراش ئاجىزلىق ئەمەس بەلىكى غالىپلىقتۇر .       ئىشىڭنى پۈتتۈرۋىلىپلا ساڭا ھەمنەپەس بولغانلارنى ئۇنتۇپ كەتكىنىڭ ، كۆۋرۈكتىن ئۆتىۋىلىپلا شۇ كۆۋرۈكنى تارتىۋالغىنىڭ .    لوقمان ھەكىم ئوغلىغا مۇندەق دەپتۇ : ئىھ ئوغلۇم يالغان سۆزلەشتىن ساقلان ، يالغانچىلىق سىنىڭ ئىتقادىڭنى بۇزىدۇ ، كىشىلەر ئالدىدىكى ئىناۋىتىڭنى تۆكىدۇ ، ئادەمگەرچىلىكىڭنى يوقىتىدۇ ، مەرتىۋەڭنى چۈشۈرۈپ ، يۈزۈڭنى تۆكىدۇ ، كىشىلەر سىنى يالغانچى دەپ قارىسا سىنىڭ سۆزۈڭنى ئاڭلىماس ھەم ئىشەنمەس بولىدۇ ، مۇشۇنداق بوپ ياشىغان ھاياتنىڭ مەززىسى بولمايدۇ ، سەن يالغانچى ئاتالغاندىن كىيىن ھەر قانچە راست سۆزلىسەڭمۇ كىشىلەر سىنى يالغانچى دەپ قاراپ كەمسىتىدۇ ، سەن بىلەن بىر يەردە تۇرۇشنى خالىمايدۇ ، ھەم ئىشلىرىنى سەندىن يوشۇرىدۇ ، ھەممە ئىشتا سەندىن ھەزەر ئەيلەيدۇ ، ھېچ قاچان سىنى ئىشەنچىلىك دەپ قارىمايدۇ ، مانا بۇ سىنىڭ كىشىلەر قەلبىدىكى ئورنۇڭ ، تىخىمۇ يامىنى تەڭرىنىڭ ساڭا بۇ دۇنيادا بەرگەن جازاسىدۇر . شۇنداق ياشىغىنكى دوستلىرىڭ دۈشمەن بولمىسۇن ، دۈشمەنلىرىڭ دوستقا ئايلانسۇن .    سۈكۈت قىلىشقا ئادەتلەن ، ئۇ سىنى سەن بىلمەيدىغان ئىشلارنىمۇ بىلىدىغاندەك تۈسكە ئىگە قىلىدۇ ، بۇ چاغدا قىلغان ھەر بىر ئىشىڭ مۇكەممەل بولۇپ كۆرىنىدۇ ، ھەتتا يىتەرسىزلىكلىرىڭمۇ سىنى باشقىلارنى ئايىغاندەك ، باشقىلارغا يول قويغاندەك قىلىپ كۆرسىتىدۇ .           ئاقىلنىڭ تىلى يۈرىكىدە ، ئەخمەقنىڭ يۈرىكى تىلىدا .         سىنىڭ تىلىڭ بىر يىرتقۇچتۇركى ، سەن ئۇنى باغلاپ ئۆگەتسەڭ ئۇ سىنى قوغدايدۇ ، ئەگەر ئۇنى قويۋەتسەڭ ئۇ سىنى يەپ قويىدۇ ، سەن ئۇنى ئىقتىسادىڭنى ساقلىغاندەك ساقلا ، ئوغلۇڭنى تونۇغاندەك تونۇۋال ، چىقىمىڭنى ئۆلچىگەندەك ئۆلچە ، ئۆلچەم بىلەن سۆزلە ، ئۇنىڭدىن ھەر دائىم پەخەس بول ، يولسىز مىڭ دەرھەم چىقىم قىلىش ، يولسىز بىر ئىغىز سۆزنى چىقىم قىلىشتىن ياخشىراقتۇر .       ئەپقاچتى گەپلەرنى كۆتتۈرۈپ يۈرۈشتىن ھەزەر ئەيلە ، ئۇ سىنىڭ يوشۇرۇپ ئەيىپلىرىڭنى ئىچىپ ، تىنىچلانغان دۈشمەنلىرىڭنى ھەركەتلەندۈرىدۇ .

abdulahad7

	پەقەت ھامان بىر كۈنى ئۈلىدىغانلىقىنى ھىس قىلىپ تۇرغاندىلا ئاندىن دۇنيادا ياشاشنىڭ تۇلىمۇ بىباھا بۇلىدىغانلىقىنى تۇيۇپ يۈرگىلى بۇلىدۇ. ماھۇ گەپنىڭ جېنى بار

سەۋېر

	غۇنچە ئالدىرايدۇ گۈل بولۇشقا شۇنچە، گۈل يىغلايدۇ بولالماي قايتىدىن غۇنچە.

yulgunjay

	رەھمەت سىزگە

mahatjan

	ھاياتتىن ھوزورلۇنۇش ئادەلەر ئۈچۈن ئەڭ موھىم.

qirakpay

	بىباھا ھىكمەتلەردىن بەھىرلەندۈرگەنلىگىڭىز ئۈچۈن سىزگە كۆپ رەھمەت!

aa0998

	رەخمەت بىزنى مۇشۇنداق ئالتۇندىن قىمەتلىك بىلىملەرندىن خەۋەردار قىلغنىڭىزغا كۆپ رەخمەت قەلەم ھارمىسۇن؟