دۇنيا پۇتبول تارىخىدىكى ۋارىتاغا ئەڭ تېز كىرگەن توپ

tuntaxvixi

	سىنا تەنتەربىيە خەۋىرى: ئالدىنقى ھەپتىنىڭ ئاخىرىدا سېربىيەدىكى بىر مەيدان ياشلار كوماندىسى پۇتبول مۇسابىقىسىدە ناھايىتى تېز كىرگەن توپتىن بىرسى كۆرۈلدى. يەنى توپچى مۇسابىقە باشلىنىش پۇشتىكى چېلىنىشى بىلەن توپنى بىۋاستە ۋارىتاغا تېپىپ كىرگۈزىۋەتتى، بۇ توپ نۇرغۇن ئاخبارات ۋاستىلىرى تەرىپىدىن پۇتبول تارىخىدىكى ئەڭ تېز چۈشكەن توپ دەپ قارالدى. سېربىيە ياشلار بىرلەشمىسىدىكى بۇ مەيدان مۇسابىقىدە ساھىبخان كوماندا ئەزاسى رېپىر پۇشتەكنى چېلىشى بىلەنلا ئوتتۇرا مەيدان چەمبىرىكىدە تۇرۇپ توپنى بىۋاستە ۋارىتاغا تېپىپ كىرگۈزىۋەتكەن، بۇ توپ قارشى تەرەپ توپچىلىرىنىڭ كۈچلۈك نارازىلىقىنى قوزغىغان، يەنى ئۇلار بۇنداق توپ باشلاشنى (يەنە بىر ئەزا توپقا چېقىلماي تۇرۇپ بىۋاستە ۋارىتاغا تېپىشنى) مۇسابىقە قائىدىسىگە ئۇيغۇن ئەمەس دەپ قارىغان، ئەمما ئەينى ۋاقىتتا رېپىر بۇ توپنى ھېساب قىلغان. كېيىن نۇرغۇنلىغان ئاخبارات ۋاستىلىرىمۇ بۇ تووپنى دۇنيا پۇتبول تارىخىدىكى ئەڭ تېز سۈرئەتتە كىرگەن توپ دەپ تەشۋىق قىلغان. ھازىرغىچە دۇنيا پۇتبول تارىخىدىكى ئەڭ تېز كىرگەن توپتا تېخى بىرلىككە كېلىش يوق بولۇپ، بۇرۇن يەنى 2009-يىلى 11-ئاينىڭ 7-كۈنى سەئۇدى ئەرەبىستاندىكى بىر مەيدان 23Uياشلىقلار مۇسابىقىسىدە ئابېد ئىسىملىك بىر توپچى مۇسابىقە باشلىنىشى بىلەنلا توپنى بىر قەدەم ئالدىغا ئېلىپ ماڭغاندىن كېيىنلا بىۋاستە ۋارىتاغا ئۇرۇپ كىرگۈزىۋەتكەن، بۇ توپنىڭ ۋاقتىغىمۇ ئاساسەن ئىككى سېكونت ۋاقىت كەتكەن، 2010-يىلى 10-ئايدا روسىيەدىكى ئىككىنچى دەرىجىلىك بىرلەشمىدە ئوسىنوۋ ئىسىملىك بىر توپچىمۇ ئىككى سېكونتتا بىر توپ كىرگۈزگەن. http://video.sina.com.cn/p/sports/g/v/2012-09-28/082361874635.html

mr.aziz

	ئۇنىمۇ دېدۇق، بۇنىمۇ دېدۇق...    شۇندا قىپ، بۇ توپ قائىدە بويىچە ھېسابمۇ، ئەمەسمۇ؟

poyuz

	قالتىس تەپكەن توپكەن بۇ، ھەركىمنىڭ شۇنداق بىر تېپىپ كىرگۈزەلەيدىغان بىڭسى بولسا، كىرگۈزسە ياخشىغۇ، شۇڭا بۇ توپنىڭ ھىساپقا ئېلىنىشى توغرا. ئەمدى توپ تېپىشنىمۇ ئۆلۈك قائىدىگە بەك باغلىۋالماسلىق كېرەكتە. بۇنداق تېپىلگەن توپ شىنجاڭدىمۇ چىقسىكەن.

MiRul

	بۇنداق مۇسابىقىنى ئوينىغانلار توپ ئوينىغاندەكمۇ بولمامدۇ نېمە.....

YAZR

	تۈركىيەغۇ دەيمەن ، دۇنيا لۇڭقىسىدا   بىر توپ  سالغان  ، باشلاپلا  ، شۇ چاغدا دۇنيا لۇڭقىسى تالىشىش مۇسابىقىسىدە  ئەڭ  تىز كىرگەن  توپ  دىگەندەك قىلغان .

tatinqak

	راس قىززىق ئىكەن

tatinqak

	راس قىززىق ئىكەن

xjunicom

	بىزمۇ بۇرۇن توپ تەپكەندە ، باشلىغان ھامان بىر توپ تىپىپ باقاتتۇق ، بەزىدە چۈشۈپمۇ كىتىدۇ دەيمەن

uqmasot

	راستلام قىززىق  بوپتۇ.  ئويلىمىغان  نەتىجە يۈز بىرىپتۇ.

alma423

	2002-يىل دۇنيا لوڭقىسى مۇسابىقىسىدە  ھەسەن شاش بىلەن خاقان شۈكۈر پاسلىشىپ  كورىيە كوماندىسىنىڭ نەچچە ئەزاسىدىن ئۆتۈپ 10سىكونت ئىچىدە بىر توپ كىرگۈزگەن.  ئۇ قېتىم بۇنداق بىۋاستە تېپىپ كىرگۈزمىگەن.