بەك مۇكەممەل بولۇپ كېتىشىڭىز ھاجەتسىز

bugaltir

	بەك مۇكەممەل بولۇپ كېتىشىڭىز ھاجەتسىز بىز ئەلۋەتتە ئەڭ ياخشى قىلىشقا تىرىشىشىمىز كېرەك، ئەمما كىشىلەرنىڭ مۇكەممەللىكنى تەلەپ قىلىشى مۇمكىن ئەمەس. بىز يۈز تۇتۇۋاتقان ئەھۋال شۇنچە مۇرەككەپ تۇرسا، بۇ جەرياندا كىشىلەرنىڭ خاتالىق چىقارماسلىقى ئەسلا مۇمكىن ئەمەس. شۇنداقتىمۇ، بەزى ۋاقىتلاردا كىشىلەر ئۆزلىرىدىن كېتىپ قالغان سەۋەنلىكلەرگە توغرا مۇئامىلە قىلالمايدۇ. بەلكىم بىزنىڭ ئاتا - ئانىلىرىمىز بىزنىڭ مۇكەممەل، سەۋەنسىز، ئېۋەنسىز بولۇشىمىزنى ئۈمىد قىلىشى مۇمكىن؛ بەلكىم دوستلىرىمىز ھەر دائىم بىزنىڭ كەمچىلىكىمىزنى ئېغىزىدىن چۈشۈرمەسلىكى مۇمكىن، چۈنكى ئۇلار بىزنىڭ بۇ كەمچىلىكلىرىمىزنى تۈزىتىشىمىزنى ئۈمىد قىلىدۇ. ئەمما ئۇلارنىڭ چۈشىنىشى ئىنتايىن تەس بولغىنى شۇكى، بىزنىڭ خاتالىقلىرىمىز ئۇلار ئەڭ ئاجىز چاغدا، ئۇلارنىڭ جېنىغا ئۆتكەنلىكىدۇر. بۇ بىزنى خىجالەتتە قالدۇرىدۇ. ئەمما ئۆزىمىزنىڭ سەۋەنلىكىنى ئۈستىمىزگە ئېلىشتىن ئىلگىرى، بىز چوقۇم ئۆزىمىزدىن شۇ سەۋەنلىكلەرنى بوينىمىزىغا ئېلىپ تۈزىتىشىمىزدىن ئىبارەت شۇ يۈكنى بىز چوقۇم يۈدۈشىمىز كېرەكمۇ؟ دېگەننى سورىشىمىز كېرەك. بەلكىم بىز دەل يوقاتقانلىقىمىز ئۈچۈن، مۇكەممەل بولۇۋاتقاندىمىز. بىر مۇكەممەل ئادەم، مەلۇم مەنىدىن ئېيتقاندا، رازى بولۇشنى بىلمەيدۇ. ئۇنداق ئادەم ئۆزىنىڭ يېقىنلىرىنىڭ ئۆزىدە بولمىغان شۇ نەرسىلەرنى ئۆزىگە ئېلىپ كەلگەنلىكىدىن خۇرسەن بولۇشنى بىلمەيدۇ. ئۆزىنىڭ مەڭگۈ ئەمەلگە ئاشۇرۇپ بولالمايدىغان ئارمانىنى تاشلىۋېتەلىگەن كىشى ئەڭ مۇكەممەل ئىنساندۇر؛ ئۆز يېقىنلىرىنى يوقىتىش ئازابىغا باتۇرلارچە يۈز تۇتالىغان كىشى ئۇ مۇكەممەلدۇر ــــ چۈنكى ئۇلار ئەڭ ناچار كەچمىشلەرنى بېشىدىن كەچۈردى ھەمدە بۇ ئازابلارنى تۆۋەنچىلىك بىلەن ئۆتكۈزەلىدى. ھايات ھەرگىزمۇ تەڭرىنىڭ سىزنى ئەخمەق قىلىش ئۈچۈن قۇرغان خەتەرلىك توزىقى ئەمەس. سىز ھەرگىزمۇ بىر سەۋەنلىك بىلەن ئۆلچەمسىز ئادەم بولۇپ قالمايسىز. ھاياتلىق بىر مەيدان پۇتبول مۇسابىقىسى، ئەڭ ياخشى كوماندىنىڭمۇ توپنى كەتكۈزۈپ قويغان خاتىرىسى بولىدۇ، ئەڭ ناچار كوماندىنىڭمۇ شەرەپ قۇچىدىغان كۈنى كېلىدۇ. بىزنىڭ قىلالايدىغىنىمىز ئۆزىمىزنى يوقاتقىنىمىزدىن كۆپرەككە ئېرىشتۈرۈشتۇر. بىز كىشىلەرنىڭ مۇكەممەلسىزلىكىنى قوبۇل قىلغان چېغىمىزدا، بىز ھاياتلىقنىڭ داۋاملىشىشى ئۈچۈن قەلبىمىزدە مىننەتدارلىق بىلدۈرگەندە، بىز مۇكەممەل بولالىغان بولىمىز؛ ئەمما باشقىلار مۇكەممەللىكنى قوغلاشقان چېغى بولسا، ئۇلارنىڭ دەل شۇ مۇكەممەللىك ئۈچۈن بېشى قېتىۋاتقان چېغىدۇر. مۇبادا بىز باتۇرلارچە سۆيەلىسەك، كەچۈرەلىسەك، باشقىلارنىڭ بەختى ئۈچۈن ئۆزىمىزنىڭ خۇشاللىقىنى كەڭ قورساقلارچە بىلدۈرەلىسەك، ئۆزىمىزنى ئايلىنىۋاتقان شۇ مۇھەببەت - سۆيگۈلەرنى ئەقلىمىز بىلەن قەدىرلىيەلىسەك، ئۇنداقتا بىز باشقا ھاياتلىقلار ئېرىشەلمىگەن شۇنداق بىر مۇكەممەللىككە ئېرىشكەن بولىمىز. مەنبە   :    جۇڭگو رادىيو تورى شىنجاڭ تارماق تورى         http://www.radioxj.com/n17351c24.aspx

bugaltir

	ئەڭ كۆڭۈلدىكىدەك ئىنسان (مۇكەممەل ئىنسان) ئاللاھ ۋە رەسۇلۇللاھنىڭ ئەخلاقى بىلەن ئەخلاقلانغان كىشىلەردۇر.

شاھلالە

	مىنىڭچە قەلبىمىزدە ئىتقادىنى ،يۈركىمىزدە مۇھەببەتنى يوقاتمىساق بولدى ،بەك مۇكەممەللىك قوغلىشىدىغان ئادەملەر باغىرى تاش كىلىدۇ ،بۇنداق مۇكەممەل بولۇپ كىمگە كۆرسەتمەكچى ،ئەڭ ئاخرىقى نەتىجە قانداق بولۇشقا تىگىشلىك بولسا شۇنداق بولىدۇ،تىرىشىش كىرەك لىكىن لايىقىدا بولشى كىرەك ،بىر تەرەپتىن زەربىگە ئۇچىرىغاچ يەنە بىر تەرەپتىن تەجىرىبە يەكۈنلىسە ئاندىن ھاياتنىڭ مەنسى بولىدۇ

kaLGundi

	قەلبى پەقەت ئاللاھقا بولغان مۇھەببەت بىلەنلا تولغان تەرىقەت يوللىرىدا ماڭغان كامىل كىشلەرمۇ نۇقساندىن ھەرخىل ئىللەتلەردىن خالىي. ئەك يۈكسەك مەرتىۋە ھەم مۇكەممەللىك پەقەت ۋە پەقەت ئاللاھغىلا خاستۇر.

mahatjan

	شۇنداق؛ئەمما،ئىنسىنى مەسئۇلىيەت ۋە مەجبۇرىيەتنى ئېلىشى كىرەك.

pazilat20

	ئۆزىنىڭ مەڭگۈ ئەمەلگە ئاشۇرۇپ بولالمايدىغان ئارمانىنى تاشلىۋېتەلىگەن كىشى ئەڭ مۇكەممەل ئىنساندۇر؛ ئۆز يېقىنلىرىنى يوقىتىش ئازابىغا باتۇرلارچە يۈز تۇتالىغان كىشى ئۇ مۇكەممەلدۇر ــــ چۈنكى ئۇلار ئەڭ ناچار كەچمىشلەرنى بېشىدىن كەچۈردى ھەمدە بۇ ئازابلارنى تۆۋەنچىلىك بىلەن ئۆتكۈزەلىدى.

sabaat

	ھەدىدىن ئارتۇق مۇكەممەللىكنى قوغلىشىپ كىتىشمۇ ئادەمگە بەختسىزلىك ئېلىپ كىلىدۇ.

bugaltir

	بىز غالىپ ئاللاھنىڭ ئازابلىشىدىن ۋە بىرەر بالا قازا ئەۋەتىشىدىن، ئاخىرەت دۇنياسىدا ئۆز رەھمىتىدىن مەھرۇم قىلىپ، مەڭگۈلۈك ئازابقا قالدۇرۇپ قويۇشىدىن قورقايلى! ئۆزىمىزنى، ئەھلى ئاياللىرىمىزنى، پەرزەنتلىرىمىزنى ئاللاھنىڭ ئازابىدىن ئاگاھلاندۇرايلى ۋە ئاللاھنىڭ رەھمىتىنى يادلاندۇرايلى! قىز- ئاياللىرىمىزنى ياخشى تەربىيەلەپ، ئۇلارنىڭ ئېتىقاد ۋە ئىمانىنى كۈچەيتىشكە يېقىندىن ياردەمچى بولۇپ، ئىسلام ئەخلاق پرىنسىپلىرىنى كىشىلىك مۇناسىۋەتتە ئۆزلەشتۈرۈپ ئىلىپ مېڭىشىغا شارائىت ھازىرلاپ بېرىشىمىزنىڭ ئۆزى دىنى ۋە مىللى مەجبۇرىيىتىمىزدۇر.

bugaltir

	ئۆزىنى سۆيەلىگەن كىشىلا ئاندىن ھەقىقىي يوسۇندا باشقىلارنىمۇ سۆيەلەيدۇ. شۇڭا دەيمىز، ئۆزىڭىزنى سۆيۈشنى ئۆگىنىۋېلىڭ، شۇندىلا مۇھەببەتتىن تېخىمۇ ياخشى، تېخىمۇ چوڭقۇر ھۇزۇر ئالالايسىز. ئادەتتىكى ئەھۋالدا قېرىنداشلىق مۇھەببىتى، سۆيگۈ مۇھەببىتى ياكى دوستلۇق مۇھەببىتىنىڭ قايسىلا خىلى بولسۇن، بۇ خىل ھەقىقىي تۇيغۇ دائىم باشقىلار تەرىپىدىن ئاسانلىقچە ئېتىبارغا ئېلىنمايدۇ. پەقەت مۈشكىلات ئىچىدىلا ھەقىقىي مۇھەببەتنى ھېس قىلىۋالغىلى بولىدۇ. بۇ خىل ھېسسىيات قەدىرلەشكە تېگىشلىكتۇر. سىز باشقىلارنىڭ مېھىر-مۇھەببىتىگە ئېرىشكەن، ئەكىسچە، تۇرمۇش بۇ خىل مېھىر-مۇھەببەتنى كۈچەيتىپ ئوت يالقۇنىغا ئايلاندۇرۇپ، باشقىلارنىڭ قەلبىنى ئىللىتقان ۋاقىتتا، بۇ مۇھەببەتنىڭ ئەڭ ئالىي سوۋغا ئىكەنلىكىنى ئۇنتۇپ قالماڭ. قىسقىغىنە ھاياتىڭىزنى پەقەت مۇھەببەت شەربەتلىرى بىلەن كۆڭۈل قويۇپ سۇغارغاندىلا، ئاندىن مەنىلىك، ساغلام ياشىيالايسىز. ئاقكۆڭۈللۈك ھەمىشە جاپا چەككۈچىلەرگە ئۈمىد بېغىشلايدۇ، ئاقكۆڭۈل كىشىلەر دائىم باشقىلارنىڭ ھۆرمىتىگە ۋە مۇھەببىتىگە ئېرىشىدۇ. ئاقكۆڭۈللۈك-زېمىندىكى ئەڭ چىرايلىق خىسلەتتۇر.

bugaltir

	ھايات ھەقىقەتلىرى    ※ تەبىئىيىتىڭىزگە ئاساسەن ئادەم بولۇڭ، ئوينىغان رولىڭىزغا ئاساسەن ئىش بېجىرىڭ، خاراكتېرىڭىزگە ئاساسەن ئۆزىڭىزنى بېكىتىڭ. ※ ھەرقانچە خاپا بولسىڭىزمۇ كۈلۈمسىرەشنى ئۇنتۇماڭ، ھەرقانچە ئاچچىقىڭىز كەلسىمۇ، سۆزىڭىزنىڭ ئۇرامىغا دىققەت قىلىڭ، ھەرقانچە ئازابلانسىڭىزمۇ چىداشنى ئۇنتۇماڭ، ھەرقانچە چارچاپ كەتسىڭىز چوقۇم ئۆزىڭىزنى ئاسراڭ. ※ سول كۆزىڭىز بىلەن باشقىلارنىڭ كەمچىلىكىنى كۆرسىڭىز، ئوڭ كۆزىڭىز بىلەن ئۆزىڭىزنى تەپسىلىي كۆزىتىڭ. ※ ھاياتىڭىزدا قەتئىي يوقىتىشقا بولمايدىغان نەرسىلەر ئۆز كۈچىڭىز، سالماقلىق، ئىشەنچ ۋە ئۈمىد. ※ تۇرمۇشنى ئەپلەپ – سەپلەپ ئۆتكۈزسىڭىزمۇ، ئۆزگىچە مەنىلىك ئۆتكۈزسىڭىزمۇ بولىدۇ. ※ ھايات خۇددى بىر مەسەلگە ئوخشايدۇ، ئۇنىڭ قىممىتى ئۇزۇن – قىسقىلىقىدا ئەمەس، بەلكى مەزمۇنىدا.