ھەققانىي: يالغانچى مۇخبىرغا (ساتىرا)

akkani

	يالغانچى مۇخبىرغا (ساتىرا) ماھىركەنسەن پەردازغا يازغانلىرىڭ رەڭ مۇخبىر، جان بېقىشتا تېمسىقلاپ تاپقان يولۇڭ كەڭ مۇخبىر. سۆك-سۆكلىكنى ‹باغ›دەيسەن،ئىگىز قىرنى‹تاغ›دەيسەن، ‹تۈۋرۈك›دەيسەن يىڭنىنى،سىركە كۆرسەڭ‹مەڭ›مۇخبىر. ھەقنى يازساڭ راست سۆزلەپ،نۇرلانمامدۇ ئوبرازىڭ، ‹ئىغار›دەيسەن پاسسىپنى دەپلا بەرسە‹يەڭ›مۇخبىر. شۇنچە سۆزلەپ يالغاننى،ئۆرتەنمەمدۇ ۋىجدانىڭ؟ ئەي بىچارە جان باقتى،يۈزى قېلىن چەم مۇخبىر. ‹ھالۋا›دەيسەن ئۇماشنى،‹مانتا›دەيسەن كۆمەچنى، ‹شاد›دەپ يازدىڭ مىسكىننى،تۇرسا مىڭ دەرت-غەم مۇخبىر. كۆنۈپ كەتتىڭ ئەجەپمۇ يەمگە كۆنگەن‹پاخلان›دەك، ‹نەدىن چىقار بىر نەپ›دەپ،قۇلاقلىرى دىڭ مۇخبىر. ‹باي›كۆرسۈتۈپ نامراتنى‹مەپە›دەيسەن كارۋاتنى، سەندەك بىرسى بارمىدۇ،رەڭۋازلىقتا ئەڭ مۇخبىر. بىر تېمىم سۇ بەڭگىگە خۇددى دەريا كۆرۈنمىش، رىئاللىقتىن چەتنەيسەن چەكتىڭمۇ-يا بەڭ مۇخبىر. بوپ كەتمىدى بىر ئىشلار،سەن دىگەندەك مۇنچىلا، سېلىپ باققىن ئوبدانراق بۇ جاھانغا زەن مۇخبىر. مېڭىۋەرمە باشلىسا،رەڭۋازلىقنىڭ شەيتىنى، ھەققانىلىق تۇيغۇسى ئىكەن سەندە كەم مۇخبىر. كۆزنى يۇمۇپ مۈشۈكتەك،كەتمە مۇنچە مىياڭشىپ، كاززاپلىقنىڭ مىكروپى ئىمانىڭدا جەم مۇخبىر. ئېچىپ قويدۇم ئەپتىڭنى،بۇزۇپ قويدۇم كەيپىڭنى، دەڭسەپ باققىن ئۆزۈڭنى سەن نىمىگە تەڭ مۇخبىر. تەكىتلەندى پاھ!بۈگۈن،ئەمىليەتچىل-راستچىللىق، سەن يۈرۈيسەن نەلەردە،ھۇشۇڭغا كەل ئەي مۇخبىر! قايناپ كىتىش يازمامغا كۆپلەر ئۈچۈن بى ھاجەت، سىزمۇ شۇنداق مۇخبىرغا مەن دىگەننى دەڭ مۇخبىر.           ******** مەنبە: ئۆز قەلىمىم(ئابدۇۋەلى راخمان ھەققانىي)

xjunicom

	مىنىڭچە موخپىر ئەمەس بەلكى مىدىيالار يالغانچى !

MiRul

	تەخەللۇسىڭىزغا لايىق ھەققانىي سۆزلەپ قويىدىكەنسىز جۇمۇ، تېمىڭىزغا كۆپ رەھمەت. لالما  ئىتنى شىردەيسەي، ئۇماچ ئىچكەننى باي دەيسەن، چېچى بارنى تاز دەيسەن، سەندە ۋىجدان ئاز مۇخبىر.

كۈيلەن

	lawa0998 يوللىغان ۋاقتى  2012-9-28 12:11 PM ھەققانى قېرىندىشىمىزنىڭ قەلىمى بارغانسىرى ئۆتكۈرلىشى ... شۇ يادىڭىزدا بولسۇن ،مىسرانىمدا ھىچكىمنىڭ دەۋرى  يىتىپ كەلمەيدۇ،بۇ دىگەن   ئۇنۋىرسال مۇنبەر،كەتكەنلەرنى ئىزدىمەيدۇ،يوللانغان  تىمىلار  ياخشى بولسا   رەخمەت ئىيتىپ چاۋاك  چالىدۇ،ناچارتىمىلار  بولسا  رەددىيە بىرىلىدۇ،بۇ مۇنبەرنى   ھىچكىم  مونۇپۇل  قىلالمايدۇ،بۇ دىگەن ئەمەلى پاكىت، ماختاشمۇ  لايىقىدا  بولغىنى  ياخشى،بولمىسا  ئۇ  خۇشامەتچىلىككە ئايلىنىپ  قالىدۇ، مەن بۇ مۇنبەر قۇرۇلغاندىن تارتىپ  بار،شۇ ۋاقىتتىن تارتىپ  ھازىرغىچە ھىچكىمنىڭ دەۋرى كەلمىدى،بەزىسى كىلىۋاتىدۇ،يەنە بەزىلىرى ئۈن تىنسىز يوقاپ كىتىۋاتىدۇ.

baburkhan

	بىجىرىم ھەققانى يىزىپسىز قولىڭىزغا دەرت كەلمىسۇن بۇنىڭدىن كىيىنمۇ داۋدملىق ھەققانى تەرەپتىن كۈزىتىپ يىزىپ تۇرغايسىز  قىرىندىشىم

uqkun5

	ئۈتكۇر قەلىمىڭىزگە رەخمەت. يوقنى كۈپتۇرۇپ    بار دەيسەن. مىكيان چۇجىنى    سار دەيسەن ياۋاش دىخاننى چاكار دەيسەن سەندە ۋىجدان كام     مۇخبىر

kaLGundi

	بولدۇم سوپى كەلگۇندى                                                                              رەڭۋازلىقتىن مەن خالى                                                                                          جاھان ئەمەس باقىۋەندە                                                                                              ئۆتەي شۇنداق بىر تەركى

qog

	ھازىر دىمىسىمۇ مۇخبىرلار مۇشۇ تېمىدا دىيىلگەندەكلا زادى.