ئۆيگە بەرىكەت ئۆي تامىقى

yultuz710

	ئۆيگە بەرىكەت ئۆي تامىقى تۇرمۇش ،خىزمەت ۋە باشقا بېسىملار سەۋەبىدىن ئائىلىدە تاماق ئىتىدىغان ئاساسەن ئازلاپ كىتىۋاتىدۇ،ھەتتا بەزى ئۆيلەردە كۈنلەپ،ھەپتىلەپ تاماق ئىتەلمەيدىكەن.ئەجىبا ئۇلارنىڭ تاماق ئەتكۈدەك شارائىتى يوكمۇ؟ياكى خىزمىتى ھەقىقەتەن ئالدىراشمىدۇ؟بەزىلەر تۈگىمەس توي-تۈكۈن ،ئولتۇرۇش ،چاي -بەزمىلەرنىڭ سەۋەبىدىن بالىلىرىغا ئازغىنە پۇل بېرىپ:<<بىر نەرسە ئېلىپ يىگىن،كەچتە ساڭا سەن ئامراق تاماقنى ئىتىپ بېرىمەن.دەرىسىڭنى ياخشى تەكرار قىل.>>دەيدىيۇ،ئۆزى كەلگۈچە بالىلىرى ئاچ-توق ئۇخلاپ قالىدۇ.مۇشۇنداق شارائىتتا پەرزەنتلەر قانچىلىك مىھرى -مۇھەببەتكە ئېرىشەلەيدۇ؟ يېڭى توي قىلغان بىر ساۋاقدىشىمىز ئۆيىگە بىر نەچچەيلەننى مىھمانغا چاقىردى.ئۇلارنىڭ ئۆيى شۇنچە ھەشەمەتلىك بېزەلگەنىدى.ئۇزاق ئۆتمەي ھەر خىل نازۇ نېھمەتلەر بىلەن شېرەنى چۆرىدەپ ئولتۇردۇق.كېلىنچەكنىڭ چاققانلىقى ،زېرەكلىكىنى ،پاكىزلىقىنى،ساۋاقدىشىمىزنىڭ ئايالىدىن تەلىيى كەلگەنلىكىنى ئېيتىپ ،ئۇلارغا بەخت تىلىدۇق.بىراق تاماققا ئېغىز تەككەندىن كىيىن بىر-بىرىمىزگە مەنىلىك قاراپ قويدۇق.شۇ ئارىدا بىر دوستىمىز: _ ئاداش ،كەچۈرگىن،بىز شۇ ئىشتىن ئالدى -كەينى چۈشۈپ،سىلەرنى بەك ساقلىتىۋېتىپتۇق.تاماقمۇ مۇزلاپ كىتىپتۇ.ھەممە سەۋەنلىك بىزدە،_دېدى،كېلىنچە شۇ چاغدا ۋىللىدە قىزىرىپ كەتتى -دە ،ئاشخانىغا كىرىپ كەتتى.كىلىنچەك كىرىپ كەتكەندىن كىيىن،يېڭىدىن توي قىلغان بۇ ساۋاقدىشىمىز نىڭ چۈشەندۈرىشى بىزنى تېخىمۇ ھەيران قالدۇردى.ئۇ بېشىنى تۈۋەن سالغان ھالدا: _ خاپا بولماڭلار سىلەرنى ئالدىشىمنىڭ ئورنى يوق،ئايالىم تاماق ئىتىشنى بىلمەيدۇ ،ئەمما ھازىر ئۆگىنىۋاتىدۇ.كىيىن قېتىم كەلگەن چاغدا چۇقۇم سىلەرگە ئۆز قۇلى بىلەن تاماق ئېتىپ بېرىدۇ.بۈگۈنكى تاماقنى ئاشخانىغا بۇيرۇتىپ ئەكەلدۈرگەنىدۇق،_ دېدى. بۇنداق ئىشلار ئەتراپىمىدا نۇرغۇن.ئاشخانىلارغا كىرسىڭىز،خۇددى ھەممە ئاياللار ئۆيىدە تاماق ئەتمايدىغاندەك تۇيۇلىدۇ.ئۆيدە تاماق قىلىش ئەنئەنىۋى ئۆرۈپ-ئادەتلىرىمىنىڭ بېرى ھىساپلىنىدۇ.چوڭلارمۇ <<مورىسىدىن ئىس چىقمىغان ئۆينىڭ ئىسسىقى بولمايدۇ>>دەپ توغرا ئېيتقان.ئىناق ،بەختلىك ئائىلە ئۈچۈن ئېيتقاندا،ئۆيدە تاماق ئىتىپ ھەمداستىخان بۇلۇش،تېخىمۇ خۇشاللىق ئاتا قىلىدۇ.شۇنىڭ ئۈچۈن بۇنىڭدا ئاتا-ئانىلارمۇ پەرزەنىت ئۈچۈن تەربىيەگە ئەھمىيەت بېىرپ، پەرەنتلەرنى كىچىكىدىن تارتىپ،ئۆرۈپ-ئادەتلىرىمىزگە ماس ھالدا تەربىيەلەشكە سەل قارىماسلىقى لازىملىقى ،ھەمدە يېڭىدىن توي قىلغان ياشلىرىمىزمۇ بۇنىڭغا دىققەت قىلىپ ،شارائىت يار بەرگەن ئەھۋالدا ئائىلىدە تاماق ئىتىشكە ئادەتلىنىش كېرەك. مەنبە: قانۇنچىلىق گېزىتى

AsKe

	مەن ئالىدىغان خوتۇنغا قويىدىغان تەلەپلەرنىڭ ئىچىدىكى بىر تەلەپ، چوقۇم پولونى ئوخشۇتۇپ ئىتەلەيدىغان بولۇش......

شاتئاي

	ئۆيدە ئەتكەن تاماق ھەم بەرىكەتلىك ھەم ئائىلىنىڭ ئىناقلىقىنىڭ كاپالىتىمكى دەيمەن. يۇلتۇز ھەدەمنىڭ مۇشۇنداق پايدىلىق تېمىللىرى ئۈزۈلمىگەي

شاتئاي

	AsKe يوللىغان ۋاقتى  2012-9-27 11:05 PM مەن ئالىدىغان خوتۇنغا قويىدىغان تەلەپلەرنىڭ ئىچىدىكى  ... پولو ھەم ئاسان ھەم تەس تاماق دەيدىغان ئانام. ئەتتىم دەپلا قازاننىڭ تىگىگە تۇتۇقۇزۇپ قويسا پولۇ بولمايدۇ،مۇشۇ تەلىپىڭىز سەل تەسكەن،ئايپاتەمنىڭ ئەرەنجىسى بولۇپ قالماڭ يەنە..ھى ھى ھى چاخچاق-ھە.(قىزلارنىڭ ھەممىسى شۇنداق چىۋەر بولۇشنى ئويلايدۇ)ئاللاھ مۇرادىڭىزغا يەتكۈزگەي.

AsKe

	شاتئاي يوللىغان ۋاقتى  2012-9-28 01:16 AM پولو ھەم ئاسان ھەم تەس تاماق دەيدىغان ئانام. ئەتتىم دە ... رەھمەت، ئاللاھ ھەممىمىزنى مۇرادىمىزغا يەتكۈزگەي.

janpolat824

	شۇ   شۇ   ئۆينىڭ تامىقىغا ھىچنىمە يەتمەيدۇ دەيمە  !!!!!!!!!!!

xohsanam886

	تماقنى مانا مەندەك ئىتەلىسە،توۋا دەيمەن مۇشۇ تاماق ئىتەلمەيدىغانلارغا ئىغىلدا چوڭ بوپتىمىكىن،تىخى ئەركە چوڭ قىلغان دەپ قويدىكەن،مانا مەنمۇ يالغۇز پەرزەنتقۇ شۇنداق ئەتىۋالىق 16 يىشىمدىلا تاماققا شۇنداق ئۇستا بوپكەتكەن،ئەمما ئۇ چاغدا خىمىز يۇغۇرالمايتىم ھازىر شۇنداق ئۇستا،ئاشتاقلارنىڭ ئانىسىدا گۇناھ دىتى يوق ئانىدىن ئاشتا قىز چىقىدۇ،بولۇشى يوق ئەردىن ئاشۇنداق ئايال چىقىدۇ؛ ئاۋۇ بىچارە بالا قانچىلىك نۇمۇس قىلغاندۇ دوسلىرىدىن،ئەركىشى دىگەن خوتۇننى نىمىگە ئالدۇ ئاشۇنداق تاماق ئىتەمىكىن قولۇمغا قول بولامىكىن دىمىسە نىمە قىلدۇ خوتۇن ئىلىپ ئاشخانا دىگەن كۆپقۇ.....................يەنە بىرگەپنى دىمەي.نالەت ئاشۇ قزنى چوڭ قىلغان ئانىغا؛`

yusup0998

	بۇ تېما مەيلى ئوغۇل بولسۇن مەيلى قىز بولسۇن ئوقۇپ تەربىيە ئېلىشىغا تېگىشلىك تېما بوپتۇ، گەرچە بۇ تېما ئاددىيدەك تۇيۇلغان بىلەن ۋەزنى ۋە سالمىقى بار تېمىكەن،ياشلارنىڭ ئويلىنىپ كۆرۇشىگە تېگىشلىك!!!

ئىلنازە

	مەنمۇ بىر قانچە خىل تاماقنى قىلالمايمەن، تىرىشىپ ئۈگۈنۈۋاتىمەن ،

bugaltir

	ئائىلىدە　تاماق　ئەتمەسلىك،　بىر　ئۆيدە　ھەمداستىخان　تاماق　يېمەسلىك-قارىماققا　ئاددىي،　كىچىك　ئىشتەك　بىلىنگەن　بىلەن،　ئەمەلىيەتتە　قان-قېرىنداشلار　ئارا　مېھىر-مۇھەببەت　ئوتلىرى　ئۆچۈپ،　رىشتە　يىپلىرى　ئۈزۈلۈپ،　ئۆزئارا　ياتلىشىشتىن،　ئاخىرى　ئائىلە　توزۇپ　كېتىش،　ئۆي　مۇھەببىتى　ۋەيران　بولۇشتىن　دېرەك　بېرىدۇ.　شۇڭا،　بىر　ئۆينىڭ　ئىگىسى　بولمىش　ئەر-ئايال　ھەر　كۈنى　ئۆيدە　پۈتۈن　ئەزالار　ئامال　بار　جەم　بولۇپ،　ئۆم　بولۇپ　تاماق　يېيىش　ئادىتىنى　يوقىتىشقا　بولمايدۇ.　بىر　ئۆي،　بىر　ئائىلە-بىر　پۈتۈن　قوۋمنىڭ　كىچىكلىتىلگەن　كۆرۈنۈشى.　ئەگەر　بۇ　ئائىلە　چېچىلىپ　كەتسە،　بىر　پۈتۈن　قوۋم　توزۇپ　ۋەيران　بولۇشتىن　دېرەك　بېرىدۇ.　سەبىي،　نارەسىدە　بالىلارنى　ئائىلىدىن　بالدۇر　يىراقلىتىش،　كەلگۈسىدە　مەڭگۈ　تولدۇرغىلى　بولمايدىغان　ياتلىشىشنىڭ　باشلىنىشىدۇر.　ھازىر　گەرچە　بىزنىڭ　قوۋمدا　ئائىلىدە　تاماق　قىلىپ　بىللە　يېيىش　ئادىتى　يوقالمىغان　بولسىمۇ،　قانچە　مىڭ　يىللاپ　ئۆيدىكى　داستىخان،　قازان　بېشىدىن　چىقمىغان　شاھانە　تاماقلىرىمىزنىڭ　بازارلىشىشى　بىلەن　ئۆي،　تۆشۈك　مۇھەببىتىنى　بازارلاشتۇرۇش،　شۇ　ئارقىلىق　ئائىلە　مۇھەببىتى　بازار　ئىقتىسادىي　سودىسىغا،　مېھىر-مۇھەببەت　پۇل　ئوبوروتىغا　ئايلىنىپ　كېتىش　خەۋپى　بار.　شۇڭا،　ھەرقانداق　ئۆي　ھەم　ئائىلە　ئەزالىرى　ئۆينىڭ　مېھىر-مۇھەببەتلىك　قازان　ئېسىپ　دەرقەمدە　تاماق　يېيىش　ئەنئەنىسىنى　قوغداش　ھەققىدە　باش　قاتۇرۇشىمىز،　ئالدىن　ئويلىشىمىز　زۆرۈردەك　تۇرىدۇ.　بازارنى　دەپ　ئۆينى　بازاردا　سېتىۋەتسەك،　ئۆيسىز　بوپ　قالىمىز.　يامان　دوزاخلارنىڭ　بىرسى　جېنى　تۇرۇپ　ئۆي　-　ماكانسىز　قېلىش. مەنبە  :    ساقلاپ قويغانلىرىم  .