ئۈندىدار كەلتۈرۈپ چىقارغان قانلىق پاجىئە

kumbag

	سۈيجۇلىق ئايال شاۋ لىڭ يېڭى ئېقىمغا ئەگىشىپ ئۈندىدار (微信) ئويناپ بىر ئەر بىلەن تونۇشۇپ قالغان ۋە ئەرنى ئەڭ يېقىن دوستۇم دەپ قارىغان. بىراق بۇ ئەڭ يېقىن دوست شاۋ لىڭغا ئاشىق بولۇپ قىلىپ ئۇنىڭ ئائىلىسىنى بۇزماقچى بولغان. بۇنىڭ بىلەن بىر پاجىئە كېلىپ چىققان يەنى شاۋ لىڭ بىلەن يولدىشى ۋىن خۇا بىرلىشىپ بۇ ئائىلىنى بۇزۇشقا ئۇرۇنغان بۇ ئەرنى ئۆلتۈرۈۋەتكەن. تۈنۈگۈن سۈيجۇ شەھەرلىك جامائەت خەۋپسىزلىكى ئىدارىسى زىڭدۇ تارماق ئىدارىسىنىڭ ئاشكارىلىشىچە، ساقچىلار ئون كۈندىن ئارتۇق ئىز قوغلاپ تەكشۈرۈش ئارقىلىق، بۇ ئەر-ئايال جىنايەت  گۇماندارىنى قولغا ئالغان. 31 ياشلىق شاۋ لىڭ سۈيجۇ شەھىرى سۈيشيەن شىنجى بازىرىدا تۇرىدىغان بولۇپ، سۈيجۇ شەھەر رايونىدىكى مەلۇم پۇت يۇيۇش ئورنىنىڭ مۇلازىمەتچىسى ئىكەن. يولدىشى ۋىن خۇا سىرتتا ئىشلەمچىلىك قىلىدىكەن. بۇ يىل 4-ئايدا خىزمىتى ئانچە ئالدىراش بولمىغان شاۋ لىڭ باشقىلاردىن ئۈندىدار ئويناشنى ئۆگىنىۋېلىپ، ئۈندىدار ئارقىلىق لى گۇچىڭ بىلەن تونۇشۇپ قالىدۇ. كۈنلەرنىڭ ئۆتۈشى بىلەن ئۇلار ناھايىتى چىقىشىپ قالىدۇ ھەم يۈز تۇرانە كۆرۈشىدۇ. لى گۇچىڭ شوپۇر بولغاچقا داۋاملىق شاۋ لىڭنى ئۆيىگە ئاپىرىپ قويىدۇ. شۇنىڭ بىلەن ئۇلار ئارىسىدىكى مۇناسىۋەت تەرەققىي قىلىپ لى گۇچىڭ شاۋ لىڭغا ئاشىق بولۇپ قالىدۇ. شۇنىڭدىن باشلاپ لى گۇچىڭ شاۋ لىڭغا چاپلىشىۋېلىپ ئۇنى يولدىشىدىن ئاجرىشىپ ئۆزى بىلەن توي قىلىشقا قىستايدۇ. شاۋ لىڭ ئىزچىل لى گۇچىڭنى رەت قىلىدۇ. 8-ئاينىڭ ئوتتۇرىدا شاۋ لىڭنىڭ يولدىشى ۋىن خۇا ئايالى بىلەن لى گۇچىڭنىڭ مۇناسىۋىتىنىڭ نورمال ئەمەسلىكىنى بايقاپ قىلىپ شاۋ لىڭدىن ئاجرىشىپ كەتمەكچى بولىدۇ. شۇڭا ئۇ 8-ئاينىڭ 21-كۈنى سۈيجۇغا قايتىپ كېلىدۇ. 8-ئاينىڭ 23-كۈنى لى گۇچىڭ شاۋ لىڭ بىلەن بىللە سۈيجۇ شەھىرىدىكى مەلۇم مېھمانخانىدا ياتاق ئاچىدۇ. 8-ئاينىڭ 24-كۈنى شاۋ لىڭ مېھمانخانىدىن ئايرىلغاندا لى گۇچىڭ شاۋ لىڭنىڭ كەينىگە چۈشىدۇ. شاۋ لىڭ ئۆينىڭ ئالدىغا كەلگەندە لى گۇچىڭنىڭ ئىزىغا چۈشكەنلىكىنى بىلىپ قىلىپ لى گۇچىڭ بىلەن ئۇرۇشىدۇ. ئۆيدە ئۇخلاۋاتقان ۋىن خۇا سىرتتىكى ۋاراڭ-چۇرۇڭدىن ئويغىنىپ كېتىپ قاتتىق غەزەپلىنىدۇ ۋە لى گۇچىڭ بىلەن مۇشتلىشىپ قالىدۇ. نەتىجىدە ئۇ ئايالى شاۋ لىڭ بىلەن بىرلىشىپ لى گۇچىڭنى پىچاق تىقىپ ئۆلتۈرۈۋېتىدۇ. 8-ئاينىڭ 25-كۈنى تاڭ سەھەردە ۋىن خۇا بىلەن شاۋ لىڭ لى گۇچىڭنىڭ ماشىنىسىغا جەسەتنى سېلىپ سۈيشيەن چاڭگاڭ بازىرىدىكى مەلۇم سەيلىككە تاشلاپ قويىدۇ. ئاندىن لى گۇ چىڭنىڭ ماشىنىسىنى سۈيجۇ شەھىرى جەنۇبىي شەھەر رايونىدىكى مەلۇم زاۋۇتنىڭ ئولتۇراق رايونىغا توختىتىپ قويىدۇ. شاۋ لىڭ بىلەن ۋىن خۇا ئىشنى تۈگەتكەندىن كېيىن گۇاڭجۇغا قېچىپ كېتىپ يوشۇرۇۋالىدۇ. 8-ئاينىڭ 24-كۈنى لى گۇچىڭنىڭ ئائىلىسىدىكىلەر لى گۇچىڭنىڭ ئىز-دېرىكىنى ئالالماي سۈيجۇ شەھىرى زىڭدۇ رايونى دۇچىڭ ساقچىخانىسىغا دېلو مەلۇم قىلىدۇ. ساقچىلار تەكشۈرۈش ئارقىلىق شاۋلىڭ بىلەن  ۋىن خۇانىڭ ئاساسلىق جىنايەت گۇماندارى ئىكەنلىكىنى بېكىتىپ ئىككى كۈندىن كېيىن ئۇلارنى قولغا چۈشۈرىدۇ.                                 مەنبەسى:---جۇڭگو ئۇيغۇرچە رادىيو تورى

KETMEN

	ھەي قوش بىسلىق كەشپىياتلار . گەپ توغرا ئىلىشلىتىش ، توغرا پايدىلىنىشتا

azrat705

	ھەجەپ مۇرەككەپ دىلوكىنا

azrat705

	بۇ خۇددى بىرسى ئادەم ئۆلتۈرۋىتىپ ساقچىلار نېمىشقا ئادەم ئۆلتۈردۈڭ دىسە ئادەمنى مەن ئەمەس پىچاق ئۆلتۈردى دىگەنگە ئوخشاش گەپ بوپتۇ . بۇ ئىشنى ئۈندىدار كەلتۈرۈپ چىقارماپتۇ بەلكى ھېلىقى ئىككى '' ئاشىق-مەشۇق'' لار چىقىرىپتۇ . مەن ئۈندىدار دىگەن بۇ كىچىككىنە ئەپنىڭ دىلو سادىر قىلالايدىغانلىقىغا  ئىشەنمەيمەن ، سىلەرچۇ كۆپچىلىك ؟؟

menggutax

	ۋېي شىننىڭ پايدىلىق تەرىپىمۇ بار، پايدىسىز تەرىپىمۇ بار... گەپ،  ئادەمنىڭ ئۇنى قانداق شەكىلىدە، قانداق مۇددىئادا ئىشلىتىشدە.

tapalmidim

	ھايات قىممەتلىك ،ئۈندىداردىن يىراقلىشايلى! 生命宝贵，远离微信！

wissal@131

	توۋا ئاجايىپ ئىشلار بۇلىدىكەن دىسە تورداشلا ئىھتىيات قىلىڭلا جۇما

mr.aziz

	ئۈندىدار ئەمەس، ئا نەسىنىڭ ئىسمى...

چىنارە

	ۋاي توۋا ، زامان تەرەققى قىلغانسىرى ما ئادەملەرنىڭ كاللىسى نىمە بوپ كىتىپ بارىدىغاندۇ ھە !

ئۆل

	ماۋۇ ساراڭلارىنى ...بۇنى ئۈنداردىن كۆرۈشكە بولمايدۇ ....ئاۋۇ ئايال نىمانچە ئەخلاقسىزدۇ  دەيمەن ...ھەي ئىمانسىزلار