خوشمىدىڭ

老虎

	خوشمىدىڭ (توختى تۇرسۇن ۋاپا) مەنبە:(ئۆز قەلىمم) دوستۇم دەيسەن ھەرقاچان ،لېكىن نەدە دوستلىقىڭ، شۇندىمۇ ھەم مەن ساڭا، يولداش بولسام خوشمىدىڭ . تېپىلمايدۇ سېنىڭدىن زەرىچىلىك ھەق سۆزلەش ، تۇز كورلۇقتا يەنە مەن قولداش بولسام خوشمىدىڭ . شىر كۆرسىتىپ ئۆزەڭنى، خەقنى دىسەڭ نىجاسەت، تەبىرىڭگە كۈچ قۇشۇپ ،سەن ‹‹خو››دىسەم خوشمىدىڭ. جاھالەتكە يۈز تۇتۇپ،ھەقنى كۆرمەي مەن ئۆزۇم، ئۆزەم تۇروپ ئەما –كور ،خەق كور دىسەم خوشمىدىڭ. گۆر كورلىساڭ بىراۋغا، تاپىنىڭنى مەن يالاپ، خوددى لالما ئىتلاردەك قاۋاپ بەرسەم خوشمىدىڭ. نېرى قاچسا ئۆزگىلەر ،سېنىڭ بەتبۇي خۇيىڭدىن، ‹‹تارت،كۈچ››دىسەڭ يولقۇنۇپ ،تالاپ بەرسەم خوشمىدىڭ. ئاقنى دېسەڭ سەن قارا،مەنمۇ شۇئان قارا دەپ ، ۋىجدان ،غورۇر دىگەننى سېتىپ بەرسەم خوشمىدىڭ. شەھۋەت تامچار تىنىڭدىن ،قىزلار ئۆتسە يىنىڭدىن، ‹‹كۆيدۈم››دېسەڭ سىڭلىمغا ،چېتىپ بەرسەم خوشمىدىڭ. ئانى تىپىپ ئاۋامىنى ،ئەخمەق قىلساڭ دادامىنى ، ھالالغا مەن ھارامىنى قېتىپ بەرسەم خوشمىدىڭ. گۇناھىڭغا جازا يەپ ،مەھكۇم بولساڭ زىندانغا، سىنىڭ ئۈچۈن مەن بېرىپ ،يېتىپ بەرسەم خوشمىدىڭ. ئىشكىڭنى يىتلەپ ،مەن ئۆتكۈزسەم كۆۋرۈكتىن ، ئارقىدىنلا قاينامغا چۈشۈپ كەتسەم خوشمىدىڭ. ۋاپاغا سەن جاپانى قايتۇرسەن ھەرزامان، سەن پەس ئۈچۈن قوربانىلىق بۇلۇپ كەتسەم خوشمىدىڭ. ئوغا بەرسەڭ ‹‹ھەسەل››دەپ ،لىق تولدۇرۇپ جامىڭنى ، تەزىم قىلىپ ،كالچىيىپ ئىچىپ بەرسەم خوشمىدىڭ. بىھۇش بۇلۇپ قاۋاقتا ،تىغ كۆتۈرۈپ ساياققا ، بىگۇناھقا كىپەن –تون پىچىپ بەرسەم خوشمىدىڭ. ئەل جامائەت ئالدىدا ،رەسۋا بۇلۇپ بىر ئۆمۇر ، قانخور دىگەن ئاتاققا نائىل بولسام خوشمىدىڭ، لەنەت يۇتۇپ جاھاندىن ،قارغىش ئېلىپ ئانامدىن ، رەزىل ،پەسكەش،باشباشتاق...جاھىل بولسام خوشمىدىڭ. نام –ئەمەلىم شۇ بولغاچ ،يىراق تۇرۇپ ئىماندىن، ئۇ دۇنياغا قۇرۇق قول كىتىپ قالسام خوشمىدىڭ . پەرياد ئۇرۇپ ،قان –قۇسۇپ،مەھشەرگاھتا سوراقتا، دوزاختىكى شۇ ئوتقا ،پېتىپ قالسام خوشمىدىڭ. ×     ×    ×     ×     ×     ×      × ئۇلۇغ تەڭرىم !تىلەيمەن،يىراق قىلغىن بۇنداقتىن، ياخشى يولنى تۇتالماي دەلقۇن بولسام خوشمىدىڭ. مەن قەيەردىن يارالدىم ،ئەمەلىمچۇ بىلەلمەي، سۈرگۈن بولغان بېھىشتىن ،مەلئۇن بولسام خوشمىدىڭ. 2010 -يىل 3-ئاينىڭ21-كۈنى

kahriwa2

	پىكىرىڭىز ئۆتكۈر  ياخشى يىزىپسىز.    قولىڭىزغا دەت كەلمىسۇن!!!

sabaat

	نىمە دىگەن ئۆتكۈر پىكىرلىك شېئىر بۇ. قەلىمىڭىزگە بەركەت تىلەيمەن.

گېنىرال

	شېئىر بولا مۇشۇندا بولا

MiRul

	شەھۋەت تامچار تىنىڭدىن ،قىزلار ئۆتسە يىنىڭدىن،                                         ‹‹كۆيدۈم››دېسەڭ سىڭلىمغا ،چېتىپ بەرسەم خوشمىدىڭ بەك ئېسىل چىقىپتۇ، تېخىمۇ ياخشى شېئىرلارنى يوللاپ تۇرۇڭ، سىزگە ئامەت تېلەيمەن

ئەخمەد

	مەزمۇنى راستلا ياخشى چىقىپتۇ! بەزىبىر ئەمەلدارلار كۆرۈپ قويسا بولاتتى!

muslina216

	بەرىكەتلىك بولۇڭ .

قۇندۇز

	تىلى ئۆتكۈر،تەپەككۈرى چوڭقۇر شېئىر بوپتۇ..... ھەي.....بۇندا ئادەملەرئاز ئەمەس جۇمۇ ....

taturyul

	مەن يەنە ئوقويالمىدىم ،،خەت نورمال چىقمىدى !مو كومپىيۇتۇرنى ئۇروپلا چاقاي دىسەم تىخى،،،،

mehrigiya

	taturyul يوللىغان ۋاقتى  2012-9-27 06:36 PM مەن يەنە ئوقويالمىدىم ،،خەت نورمال چىقمىدى !مو كومپ ... ئۆمچۈك پۇتىدەك  چىقىۋالدىما  خەتلەر ! كومپىيوتېرنىڭ  ئادرېس يازىدىغان رامكىسىنىڭ  ئوڭ تەرپىدىكى 《‹转到》نى چىكۋېتىڭ ئوڭشىلىدۇ.