بىلىم شەيداسىغا —— (غەزەل)

xohtekin

	Xohtekin جاھاننىڭ سىر ھىكمەت دەستۇرى ئاشنا دىلىڭغا ھەر زامان، ئىختىرا ئەدىپ ھەم سەنئەتكە شەيدا سېنىڭدەك نە تامان . بىلىمنىڭ سۈيىدە ئاققانچە ئوتىدا كۆيۈش ھەۋىسىڭ، پەن ھۈنەر ئۆمرۇڭگە يار بولسا گۈلگە ئايلىنار باياۋان. لىللالىق تالىشىپ ئۆزگىدىن ھەقنى سۇنىسەن ئۆزگىگە، ۋۇجۇدۇڭ بەرگىدە ئېچىلار شەپقەت گۈللىرى بار ھامان. ئىنساپنىڭ قىممىتى ئۆتۈلسە ھىچكىم ئۇنىڭغا يول بەرمەس، ۋە لېكىن ئىلىم تەشناسىغا خالىس يۈرىكىڭ مول خامان. مۈشكىلات چۆلىدە تاۋلىنىپ مەغرۇر ياشايسەن شاتلىنىپ، ئەجرىڭدىن پەرۋىشلەپ ئۆستۈرۈپ يارام ئەۋلادنى خىرامان. تۇغۇلۇش ھەم ياشاش ئىنساننىڭ ئاددى ھوقۇقى ئەسلىدىن، ئىلىمنىڭ سۈيىدە يۇيۇنۇش  بولماس ئىخلاسسىز نە ئاسان. مېھرىڭدىن سۆيۈنۈپ ئوقۇساڭ  تالاي بىباھا ئەسەرنى، ئاپتاپتەك يۇرۇتىپ  روھىڭنى بولۇر سۆزلىرىڭ جىق راۋان . ئاقىللىق شۆھرىتى ھىچكىمگە نېسىپ بولمىغان تۇغۇلۇپ، ئىجتىھات ئەقىدە بېغىشلاپ  ئاشقىن تېنىمسىز  بەل داۋان. مەرىپەت دەرياسى مىسلىسىز ھىچكىم يېتەلمەس تەكتىگە، تەشنالىق زوقىدا ئوقۇغىن  بارچە ئۇچۇرنى دەل زامان. قېرىلىق  تېنىڭنى ھارغۇزسا   ئەمما كۆڭۈلدە يول ئۇزاق، چۈشەنسەڭ پاراغەت سۈرگەندىن روھىي مەجرۇھلۇق بەك يامان. تىلەيمەن مەستانە ئۆمرۈڭگە ئىشقى ھەۋەستىن زور ئۈمۈد، پەن-ئۇچۇر ھۇسۇلى يىغقانچە مەڭگۈ بەختىيار بول ئامان. مەنبە :ئۆز قەلەم  (دىيارى كەلپىن)

lawa0998

	تىما مەزمۇن جەھەتتىن ساغلام، لېكىن ئالۋاڭ چۈشمىگەندىكىن تېخىمۇ پىششىقلاپ، بوغۇم ۋە تىل راۋانلىقىغا دىققەت قىلىپ ،مەزمۇت چىقىرىشقا تېخىمۇ ئۇرۇنۇپ كۆرسەك ياخشى ئەمەسمۇ؟

پەلۋان

	ماڭا بىر يەرلىرى ‹‹ھىدايەتنامىگە›› ئوخشايدىغاندەكلام بىلنىۋاتىدۇ..... http://turanim.com/?fromuid=1346