ياڭاقنىڭ رولى

bugaltir

	ياڭاقنىڭ رولى ياڭاقنىڭ تەبىئىتى مۆتىدىل، تەمى تاتلىق بولۇپ، ئاشقازاننى ساغلاملاشتۇرۇش، قان تولۇقلاش، ئۆپكىنى ياخشلاپ ئۈچەينى سىلىقلاش، مېڭىنى قۇۋۋەتلەش قاتارلىق ئىقتىدارغا ئىگە. تۆۋەندە ياڭاق ئارقىلىق داۋالىغىلى بولىدىغان كېسەللەرنىڭ ئاددىي رىتسىپلىرىنى چۈشەندۈرىمىز. 1. ياڭاق، ھەسەل، چاينى بىرلەشتۈرۈپ ئېستىمال قىلغاندا، ئاستا خارەكتىرلىك قەۋزىيەتنى داۋالىغىلى بولىدۇ: 5 گرام ياڭاق، 1 گرام ھەسەلنى قايناقسۇغا سېلىپ ئىستېمال قىلغاندا، ئۈچەينى سىلىقلاپ، تەرەتنى راۋانلاشتۇرىدۇ.  2.ياڭاق بىلەن كۈنجۈتنى ئارىلاشتۇرۇپ، ئىستېمال قىلغاندا چاچقا بالدۇر ئاق كىرىشىنى داۋالىغىلى بولىدۇ: ياڭاق بىلەن كۈنجۇتتىن 5 گرامنى ئېزىپ، مەلھەم قىلىپ ئىستېمال قىلغاندا، چاچقا بالدۇر ئاق كىرىپ كېتىشنىڭ ئالدىنى ئالىدۇ. 3. ياڭاق بىلەن زەنجىۋىلىنى بىرلەشتۈرۈپ ئىستېمال قىلغاندا، يۆتەل ۋە دەم سىقىلىشنى داۋالىغىلى بولىدۇ: بىر تالدىن ئىككى تالغىچە ياڭاق مېغىزى، بىر پارچىدىن ئىككى پارچىغىچە زەنجىۋىلنى ئۇششاق ئېزىپ، ھەر كۈنى ئەتىگەن ۋە كەچتە ئىستېمال قىلىپ بەرسە ئۆپكە ۋە تالنى قۇۋۋەتلەپ، بەلغەمنى بوشىتىپ نەپەسنى ياخشىلايدۇ. بولۇپمۇ ئۆپكە ۋە بۆرەك ئاجىزلىقىغا ياخشى مەنپەئەت قىلىپ، ئۇزۇن مۇددەتلىك يۆتەل، بەلغەم ۋە دەم سىقىلىش قاتارلىق كېسەللىكلەرنى داۋالىغىلى بولىدۇ. 4. ياڭاق بىلەن سۈتنى قوشۇپ ئىستېمال قىلغاندا ئۇيقۇسىزلىق كېسىلىنى داۋالىغىلى بولىدۇ: 6 تال ياڭاقنى بىر ئىستاكان سۈتكە سېلىپ، قاينىتىپ، ئۇخلاشتىن بۇرۇن ئىستىمال قىلىپ بەرگەندە، نېرۋىنى تىنچلاندۇرۇپ، ياخشى ئۇخلىغىلى بولىدۇ. 5. ياڭاق سېلىپ تەييارلانغان گۈرۈچ ئۇمىچىنى ئىستېمال قىلغاندا يۈرەك قان تومۇر كېسەللىكىنىڭ ئالدىنى ئالغىلى بولىدۇ: 50 گرام ياڭاق مېغىزى ۋە 50 گرام گۈرۈچنى 500 مىللىلىتېر سۇغا سېلىپ، كۈچلۈك ئوتتا قاينىغاندىن كېيىن، ئوتنى پەسەيتىپ، ئۇماچ ھالىتىگە كەلتۈرۈپ، ئىستېمال قىلىپ بەرگەندە، خولىستېرىننى تۆۋەنلىتىپ، قان تومۇرلارنىڭ توسۇلۇپ قېلىشىنىڭ ئالدىنى ئالغىلى بولىدۇ. مەنبە  :  جۇڭگو رادىيو تورى شىنجاڭ ئۇيغۇرچە قانىلى

tamkin147

	رەھمەت،،   مۇشۇنداق  ياخشى تېمىلار تېخىمۇ كۆپ يوللانسا تېخىمۇ ياخشى بولاتتى،،

bugaltir

	[i [/img]

bugaltir

	ياڭاق       ياڭاق — شىنجاڭدىكى ئەڭ قەدىمىي دەرەخ تۈرلىرىنىڭ بىرى بولۇپ، شىنجاڭدا ياڭاقنىڭ ئۆستۈرۈلۈش تارىخى ئەڭ ئۇزۇن. ئەسلىدە پەقەت دېھقانلارنىڭ ئۆيلىرى ئەتراپىدا پارچە – پۇرات ئۆستۈرۈلەتتى. خوتەن، قاراقاش، قاغىلىق قاتارلىق جايلاردا نەچچە يۈز يىللىق ياڭاق دەرەخلىرى بار. دەرەخ تاجىسىنىڭ ئىگىلىگەن يەر كۆلىمى 600 ～ 700 كوۋادرات مېتىرغا يېتىدۇ. بىر تۈپتىن 200～300 كىلوگرام ياڭاق ئالغىلى بولىدۇ. يېقىنقى يىللاردىن بۇيان، ئاقسۇ، قەشقەر قاتارلىق رايونلار تۇتاش ياڭاق ئورمانلىقىنى بەرپا قىلدى. 2000 – يىلى ساقلاپ قېلىنغان دەرەخ كۆلىمىنىڭ كۆلىمى (يالغۇز تۈپلەرنى ئۆز ئىچىگە ئالىدۇ) 868.5 گېكتار، بىرلىك مەھسۇلاتى 13 مىڭ 814 كىلوگرام، ئومۇمىي مەھسۇلاتى 11 مىڭ 899 توننا بولغان. ياڭاق ئىشلەپچىقىرىدىغان رايونلار ئاساسلىقى خوتەن، قەشقەر ، ئاقسۇ بولۇپ، بايىنغۇلىن ئوبلاستى ئۇلاردىن كېيىن تۇرىدۇ، تۇرپان ۋىلايىتى ۋە قۇمۇلدا ئاز مىقداردا تارقالغان. شىنجاڭنىڭ ياڭىقىنىڭ مەھسۇلاتى يۇقىرى، سۈپىتى ئەلا، ئادەتتە ھەر بىر كوۋادرات دەرەخ تاجىسى سايە چۈشۈرگەن كۆلەمدە ئىشلەپچىقىرىلىدىغان ياڭاق مېغىزى 0.45 كىلوگرام، يەككە مېۋە ھەجىمى 35～40 كۇب سانتېمىتىر، مېغىز چىقىش نىسپىتى %50～ %65، ياغ تەركىبى نىسپىتى%65～%70، قاتتىق پوستلۇق مېۋىسىنىڭ تۈرلۈك كۆرسەتكۈچلىرى دۆلەتنىڭ ئەلا دەرىجە ئۆلچىمىگە يەتكەن. ئەلا سۈپەتلىك ياڭاق دەرىخى سورتلىرىدىن ‹‹ۋۇ 417 ››، ‹‹شىنشىن–2›› ۋە يېڭىدىن تاللاپ يېتىشتۇرۇلگەن سورتتىن ‹‹شىنۋېن 185››، ‹‹شىنۋېن 81››، ‹‹شىنفىن 179››، ‹‹شىنۋېن 333››، شىنفېڭ ، شىنگۇاڭ، شىنلۇ قاتارلىقلار بار. شىنجاڭدا ياڭاقنىڭ 100 خىل سورتى بار.                        ياڭاق مېغىزى   ياڭاقنىڭ ماسلىشىشچانلىقى ئىنتايىن كۈچلۈك بولۇپ، ئۇنى تاغلىق، قۇملۇق، سازلىق، شورلۇق يەرلەردە ئۆستۈرگىلى بولىدۇ. ياڭاق مېغىزى تەركىبىدە ماي، ئاقسىل، فوسفور، كالىتسىي، يود قاتارلىق ئوزۇقلۇق ماددىلار مول بولۇپ، سانائەت ۋە دورىگەرلىكتە كۆپ ئىشلىتىلدۇ. بولۇپمۇ، ياڭاق مېغىزى تەركىبىدە يود مىقدارى ئالاھىدە يۇقىرى بولۇپ، بالىلارنىڭ ئۆسۈپ يېتىلىشىدە ئالاھىدە رول ئوينايدۇ. شېخى ۋە يوپۇرمىقى ھەرخىل ئۆسمە ۋە بەدەن قىچىشىش قاتارلىق كېسەللىكلەرنى داۋالاشتا، شۇنداقلا ئائىلىلەردە يۇڭ كېيىم – كېچەك ۋە گىلەملەرگە كۈيە چۈشۈشنىڭ ئالدىنى ئېلىشتا ئالاھىدە ئىشلىتىلدۇ. ياغىچى بولسا ھاۋا قاتنىشى ۋە ھەربىي سانائەت، تامغا ياساش قاتارلىق ئالاھىدە خام ماتېرىيال، مېۋە پوستى دۆلەت مۇداپىئەسىدىكى زەھەردىن مۇداپىئەلىنىش نىقابىنىڭ ئالاھىدە سۈپەتلىك ماتېرىيالى. http://www.osmurlar.com/bak/home ... 23/content_2558.htm

azizgul

	ئاشقازان ئاغىرىقىغا ياڭاقنىڭ ھەقىقەتەن ئۈنۈمى ياخشىكەن ،

ئەخمەد

	بىلىۋىلىشقا تېگىشلىك بىلىملەركەن! رەھمەت!

aptuwa

	يەنە ياڭاقنى نان بىلەن قۇشۇپ يىسە قوساق تويىدۇ .

bayhenim

	ياڭاق دىگەن ئىسىل يىمەكلىك جۇمۇ.قۇۋەتلىك پايدىلىق يىمەكلىكلەرنىڭ بىر تۈرى .بىراق مەن يىسەم بېشىم ئاغرىپ كىتىدۇ .بۇنىڭ سەۋەبى نىمىدۇ .بىچارە دادام ئاتايەن خوتەندىن ياڭاق ئېلىپ چىقسا مەن بىر تالمۇ يىمەي تۈگەپ كىتىدۇ داۋاملىقيىسەملام بېشىم ئاغىرغاچقا قورقۇپ يىمەيمەن.........

bugaltir

	كېچىسى سېيىپ قويۇش بالىلاردا كۆپ كۆرۈلىدىغان كېسەللىك ، بەزىلەردە ھەتتا بالاغەت يېشىدىن ئىشىپ توي قىلغۇچىمۇ ساقايمايدىغان ئەھۋاللار كۆرىلىدىكەن. بۇنىڭغا قارىتا كۈندە كەچتە 4-5 تال ياڭاق ئىچىدىن چىقىدىغان نېپىز پاسىلىنى بىر پىيالە سۇدا قاينىتىپ ئىچكۈزۈپ بەرسە، ھەم كۈندە 2-3 تال ياڭاقنى قوقاسقا كۆمۈپ قىززىتىپ يىگۈزۈپ بەرسە ھەم تۇخۇم يېغى ، قەلەمپۇر، كۇچۇلا يېغى قاتارلىقلارنىڭ قايسى بىرىنى تاپالىسا شۇنىڭدا دوۋسۇن ساھەسىنى مايلاپ بەرسە بىرەر يىرىم ئايدا بۇ كېسەللىك ساقىيىپ كېتىدۇ.

كارۋان

	ياڭاق بولسا نېرى تۇرۇڭ دىمەي سەت يېۋىتىمەن،بولمىسا قوغلاپ يۇرمەيمەن.