تۇرمۇشتا بىز بايقىيالمىغان گۈزەللىكلەر

AgRaNoM

	تۇرمۇشتا بىز بايقىيالمىغان گۈزەللىكلەر مۇتەللىپجان مۇھەممەد ئېلتەبىرخان   تۇرمۇش- تۈرلۈك ئۈششاق تەپسىلاتلاردىن تەركىپ تاپقان. ئۇنىڭغا گۈزەل نەقىشلەرنى سىزىش ياكى ئۇنداق قىلالماسلىق ئۆزىمىزگە باغلىق. ناھايىتى چىرايلىق ۋە ئەدەپ- ئەخلاقلىق بىر قىز بار بولۇپ، ئۇنى قوغلىشىۋاتقان يىگىتلەر كۆپ ئىكەن.، يىگىتلەر قىز ئۈچۈن ھەرقانداق ئىشنى قىلىشتىن يانمايدىكەن. بىر كۈنى قىز ئاغرىپ قاپتۇ. يىگىتلەر بۇنى ئۆزىنى كۆرسىتىشنىڭ ياخشى پۇرسىتى بىلىپ، بىر- بىرىدىن ئېسىل سوۋغاتلارنى ئېلىپ قىزنى يوقلاپ كەپتۇ. ئۇلارنىڭ ئارىسىدا نامرات بىر يىگىتمۇ بار ئىكەن، شۇ ئارىدا قىز دورا ئىچمەكچى بوپتۇ، بۇ چاغدا يىگىتلەر پايپېتەك بولۇپ، ئېسىل ئىچىملىكلەرنى قىزغا سۇنۈشۈپتۇ، نامرات يىگىت بىر ئىستاكان قايناق سۇ ئېلىپ كەپتۇ - دە، سۇنىڭ قىزنىڭ لېۋىنى كۆيدۈرۈپ قويۇشىدىن ئەنسىرەپ، ئىستاكاننى قولىغا يېقىپ بېقىپ، قىزىق ئەمەسلىكىنى بىلگەندىن كېيىن ئاندىن قىزغا بېرىپتۇ. بۇ ئىش قىزغا ھەقىقىي كۆيۈنۈشنىڭ نېمىلىكىنى ھېس قىلدۇرۇپتۇ. مانا مۇشۇ كىچىككىنە ئىش نامرات يىگىتنى تاغدەك ئىشلارنى قىلالايدىغان رەقىبلىرىدىن ئۈستۈن قىپتۇ. ئەمەلىيەتتە، مېھىر- مۇھاببەت دەل ئاشۇنداق كىچىك ئىشلاردىن باشلىنىدۇ. ئانىمىزنىڭ بەدەنلىرىنى تۇتۇپ قويساق، ئۇنىڭ نېمىشقا مۈكچىيىپ، بىر تېرە، بىر ئۇستىخان بولۇپ قالغانلىقىنى چۈشىنىمىز، پۇتىنى يۇيۇپ قويساق، نىمە ئۈچۈن تاپانلىرىنىڭ چاك- چاك يېرىلغانلىقىنى بىلىمىز. ئاتىمىزنىڭ ئالقانلىرىنى سىلاپ باقساق، ئۇ قوللارنىڭ نېمە ئۈچۈن قاداق باسقانلىقىنى بىلىمىز. مانا بۇلار ھەممىمىز كۆرۈشكە تېگىشلىك، لېكىن سەل قارايدىغان گۈزەللىكلەر. ناۋادا يالغان بولسا، قېنى قايسىمىز ئانىمىزنىڭ بەدىنىنى تۇتۇپ، پۇت- قوللىرىنى يۇيۇپ، قايسىمىز ئاتىمىزنىڭ چاك- چاك يېرىلغان ئالقان ۋە قاداق قوللىرىنىڭ تارىخىي گۈزەللىكىنى ئاڭلىيالىدۇق ؟ بۇلارنىڭ ھەممىسى بىز قىلالايدىغان، ئەمما، قىلىشقا سەل قارايدىغان كىچىك ئىشلار، بىز ئۆزىمىزدىن بىرەر قېتىم بولسىمۇ « مەن نېمە ئۈچۈن مۇشۇنداق قىلمىدىم ؟ » دەپ سوراي باقايلى ! مەنبە : شىنجاڭ گېزىتىدىن ئېلىندى.

aptap104

	ئىنساننىڭ ھەقىقىي گۈزەللىكى  1 - ئەخلاقتا، 2 - جاپادا ، 3 - سەبىردە ، -

ab8ob8

	گۈزەللىك ئىزدىمە . ئۇ سەندە. باشقىلارغا ياخشىلىق قىلغان ھەم ياخشىلىق قىلىشنى ئويلىغان شۇ دەمدە پۈتۈن دۇنيا سەن ئۈچۈن شۇنداق گۈزەلدۇر!

流浪

	تۇرمۇشتىكى ھەقىقىي گۈزەللىك جاپالىق ئەمگەك.........        ئەمگەك دۇنيانى ئۆزگەرتىدۇ....

OTYAK

	تۇرمۇشتا بىز بايقىغان گۈزەللىكتىن بايقىمىغان گۈزەللىكلەر كۆپ...

ay25

	گۈزەل گۈزەل ئەمەس！ سۆيگەن گۈزەل

پەلۋان

	گۇزەللىك ئىنساننىڭ قەلبىدە .... http://turanim.com/?fromuid=1346

شاتئاي

	شۇنداق ،مەنمۇ بۇ گۈزەللىكنى تېخى بايمىقىمىدىم.بايقاشقىمۇ تىرىشىپ باقماپتىمەن....

قۇندۇز

	ئانامنىڭ ئېتىقادىنى تىڭشايمەن، اللە ، دەيدۇ، ئانامنىڭ يۈرىكىنى تىڭشايمەن ، ئۇ بالام دەيدۇ........، ئۇنىڭ ئارزۇسىنى تىڭشايمەن، ئۇ اللە بالامنىڭ بەختىنى بەرسەڭ، ئىمانىنى سالامەت قىلساڭ............بالامنى ساڭا تاپشۇردۇم دەيدۇ .............

hekmat-uyghur

	مەن گۈزەللىكنى  سۆيىمەن،  بولۇپمۇ قەلبى گۈزەللىكنى،