ئۇتۇق قازانغۇچىلارنىڭ باشقىلاردىن پەرقلىنىدىغان توققۇز تەرىپى

tamkin147

	(خېيدى خالۋېرسون.               مېھرىگۈل تۇرسۇن تەرجىمىسى) نېمە ئۈچۈن سىز بەزى نىشانلىرىڭىزنى ئەمەلگە ئاشۇرالايسىز، ئەمما باشقىلار ئۇنداق قىلالمايدۇ؟ بۇنىڭغا سىزلا ئەمەس، نۇرغۇن كىشىلەر جاۋاپ تاپالماي گاڭگىراپ قالىدۇ. ئەمىلىيەت شۇنى ئىسپاتلىدىكى، ئەقىللىق ھەم مۇۋەپپەقىيەت قازانغان زاتلارمۇ ئۆزلىرىنىڭ نېمە ئۈچۈن مۇۋەپپەقىيەت قازانغانلىقىنى ئېنىق چۈشەندۈرەلمەيدۇ. نەچچە ئون يىللاردىن بۇيانقى تەتقىقات نەتىجىسىدىن مەلۇم بولىشىچە، مۇۋەپپەقىيەت قازانغان زاتلارنىڭ نىشانىنى ئەمەلگە ئاشۇرالىشىدىكى سەۋەپ، ئۇلارنىڭ كىم بولغانلىقىدىن ئەمەس، بەلكى نېمە ئىش قىلغانلىقىدىن بولغان. تۆۋەندە ئۇتۇق قازانغان زاتلارنىڭ ئادەتتىكى ئادەملەرگە ئوخشىمايدىغان توققۇز تەرىپىنى چۈشەندۈرىمىز: 1. نىشان كونكرېت بولۇش، چېكىنىشكە ئىمكان قالدۇرماسلىق ئەگەر بىر نىشان تىكلىگەن بولسىڭىز، چوقۇم ئۇنى كونكرېتلاشتۇرۇڭ. <<بەش قاداق ئورۇقلاش>> دېيىش <<بىر ئورۇقلايچۇ>> دېگەندىن ياخشى، چۈنكى ئۇ سىزگە نېمىنىڭ مۇۋەپپەقىيەت ئىكەنلىكىگە ئېنىق نىشان بىلدۈرىدۇ. ئۆزىڭىزنىڭ نېمە قىلماقچى ئىكەنلىكىنى ئېنىق بېكىتىۋالسىڭىز، ئۇ نىشانىڭىز ئەمەلگە ئاشقانغا قەدەر ھەرىكەتلەندۈرگۈچ كۈچ بولىدۇ. <<ئازراق يەي>> ياكى << كۆپرەك ئۇخلاي>> دېگەندەك ۋەدىلەر تولىمۇ مۈجمەل بولىدۇ. نىشان ئېنىق ، روشەن بولىشى كېرەك. << ئىش كۈنلىرى ھەركۈنى ئاخشىمى سائەت 10دىن بۇرۇن ئۇخلىشىم كېرەك>> دېسىڭىز، ئۆزىڭىزگە ھېچقانداق ئىككىلىنىش ئىمكانىيىتى قالدۇرمىغان بولىسىز، قىلىشقا تېگىشلىك ئىشىڭىزنى ئۇدۇل تېپىپ قىلالايسىز. 2. پۇرسەتنى چىڭ تۇتۇپ، نىشان ئۈچۈن ھەرىكەتكە كېلىش كۆپىنچە كىشىلەر شۇنچە ئالدىراش تۇرۇپ، بىر يولىلا نۇرغۇن نىشان تىكلىۋالىدۇ، ئەمما دائىم نىشان بىلەن سۈركىلىپ ئۆتۈپ كېتىدۇ، بۇنىڭ ھەيران قالغۇچىلىكى يوق، چۈنكى بىز بۇ پۇرسەتلەرگە دېققىتىمىزنى ئاغدۇرالمىدۇق. بۈگۈن سىزنىڭ چېنىقىشقا ھەقىقەتەن ۋاقتىڭىز يوقمۇ؟ ھېلىقى تېلىفوننى قايتۇرۇشقا راستلا چولىڭىز تەگمىدىمۇ؟ نىشاننى ئەمەلگە ئاشۇرۇش دېگەنلىك، ئاشۇ پۇرسەتلەر بارماقلىرىڭىزنىڭ ئۇچىدىن سىيرىلىپ ئۆتۈپ كېتىۋاتقاندا ئۇنى چىڭ تۇتىۋېلىش، دېگەنلىكتۇر. پۇرسەتنى چىڭ تۇتۇش ئۈچۈن، قاچان، قەيەردە تەدبىر قوللانماقچى بولغانلىقىڭىزغا ئالدىن ھۆكۈم قىلىشىڭىز، يەنە بىر قېتىم كونكرېتلاشتۇرىشىڭىز كېرەك. مەسىلەن، ئەگەر دۈشەنبە كۈنى بولغان بولسا، چارشەنبە ياكى جۈمە كۈنى خىزمەتكە چۈشۈشتىن بۇرۇن يېرىم سائەت  چېنىقىمەن، دەپ بېكىتىڭ. تەتقىقات نەتىجىسىدىن مەلۇم بولىشىچە، بۇنداق پىلانلانسا، چوڭ مىڭە پۇرسەت كېلىشتىن ئاۋۋال ئۇنى قىياس قىلىپ چىڭ تۇتۇشقا تەييار تۇرىدىكەن، مۇۋەپپەقىيەت قازىنىش ئېھتىماللىقىمۇ %300 ئاشىدىكەن. 3. ئىشنىڭ تەرەققىياتىنى كۆزىتىپ، تاكتىكىنى تەڭشەش ھەرقانداق نىشاننى ئەمەلگە ئاشۇرۇش ئىشنىڭ جەريانىنى ئەستايىدىللىق بىلەن كۆزىتىشنى تەلەپ قىلىدۇ. ئەگەر باشقا ئادەم نازارەت قىلمىسا، ئۆزىڭىز نازارەت قىلىڭ. ئۆزىڭىزنىڭ قانداق قىلىۋاتقانلىقىڭىزنى بىلمىسىڭىز، ماس ھالدا تەڭشەش ياكى تاكتىكا تۈزۈشنى ئىشقا ئاشۇرالمايسىز. دائىم ئىشنىڭ تەرەققىياتىنى تەكشۈرۈپ تۇرۇڭ: ھەپتىدە بىر، ھەتتا كۈندە بىر دېگەندەك، نىشانىڭىزنى ئاساس قىلىپ كۆزىتىپ تۇرىشىڭىز كېرەك. 4. ئەمەلىيەتچىل ۋە ئۈمىدۋار بولۇش بىر نىشاننى تىكلىگەن چېغىڭىزدا، بۇ نىشاننى ئەمەلگە ئاشۇرۇشنىڭ ئىمكانىيىتى زادى قانچىلىك ئىكەنلىكىنى چوقۇم ئاكتىپ پوزىتسىيىدە ئويلىشىپ كۆرۈڭ. مۇۋەپپەقىيەت قازىنىشىڭىزدا ئىمكانىيەت بارلىقىغا ئىشىنىڭ، نىشاننى ئەمەلگە ئاشۇرۇش يولىدا يولۇقىدىغان قىيىنچىلىقلارغىمۇ سەل قارىماڭ. ئىشقا ئاشۇرۇشقا ئەرزىيدىغان نىشانلارغا ۋاقىت، تېرىشچانلىق، تاكتىكا ۋە ئىرادە كېرەك. تەتقىقات نەتىجىسىدىن مەلۇم بولىشىچە، ئىشلارنى ئاسان چاغلاش، ھېچقانچە كۈچ سەرپ قىلمايلا قولغا كېلىدۇ دەپ قاراش ئالغا بېسىش سەپىرىڭىزگە بولغان تەييارلىقىڭىزنىڭ يىتەرلىك بولمىغانلىقىدىن دېرەك بېرىدۇ. بۇلار مەغلۇپ بولۇش ئېھتىماللىقىڭىزنى ئاشۇرىدىغان ئامىل بولۇپ قالىدۇ. 5. ياخشىلاشقا ئەھمىيەت بېرىش، مۇكەممەللىكنى قوغلاشماسلىق ئۆز نىشانىڭىزنى ئەمەلگە ئاشۇرالايمەن دەپ قارايدىغان ئىشەنچ بەكمۇ مۇھىم، ئۆزىڭىزدە بۇ خىل قابىلىيەتنىڭ بارلىقىغا ئىشىنىڭ. ئارىمىزدىكى نۇرغۇنلىرىمىز ئەقلىي قابىلىيىتىمىز، خاراكتىرىمىز ۋە جىسمانىي كۈچىمىزنى تۇغۇلۇشىمىزدىنلا مۇشۇنداق، ئۆزگەرمەيدۇ، ھەرقانچە قىلساقمۇ بۇ نۇقتىنى ياخشىلىيالمايمىز دەپ قارايمىز. نەتىجىدە پۈتۈن خىيالىمىز بىلەن ئۆزىمىزنى ئىسپاتلاشنىڭلا كويىدا بولىمىز، ئۆزىمىزنى تەرەققىي قىلدۇرۇش ۋە يىڭى ماھارەتلەرنى يېتىلدۈرۈش ھەققىدە ئىزدەنمەيمىز. نەچچە ئون يىللىق تەتقىقات نەتىجىسى ئىقتىدار تۇغما بولىدۇ دېگەن قاراشنىڭ خاتا ئىكەنلىكىنى ئىسپاتلىدى؛ ھەرقانداق ئىقتىدارنى(ئىنساننىڭ قۇربىتى يېتىدىغان) چېنىقتۇرۇپ يېتىلدۈرگىلى بولىدۇ. بۇ رىئاللىقنى ئۆزگەرتەلەيدىغانلىقىڭىزغا ئىشەنسىڭىز، تېخىمۇ ياخشى تاللاشقا جۈرئەت قىلىپ، ئەڭ يۇقىرى چەكتىكى يوشۇرۇن قابىلىيىتىڭىزنى جارى قىلدۇرالايسىز. ئۇ نىشان توختاۋسىز مۇكەممەللەشتۈرۈشنى، چوقۇم يۈزدە-يۈز ياخشى قىلىمەن دەپ تۇرۇۋالماسلىقنى، دادىل قەدەملەر بىلەن ئىلگىرىلەشنى، شۇنداقلا نەتىجىسىدىنمۇ، جەريانىدىنمۇ ھوزۇرلىنىشنى مەخسەت قىلىش كېرەك. 6. جاسارەتلىك ۋە ئىرادىلىك بولۇش جاسارەت بىلەن ئىرادە ئۇزاق مەزگىللىك ئۈمىد-نىشانغا كۈچ بېغىشلايدۇ ھەم قىيىنچىلىق ئالدىدا بوشاشماي قەتئىي داۋاملاشتۇرۇشقا ئۈندەيدۇ. تەتقىقات نەتىجىسىدىن مەلۇم بولدىكى، قەيسەر ئىرادىلىك كىشىلەر ھاياتىدا نۇرغۇن تەربىيەنى قوبۇل قىلالايدىكەن، ئالىي مەكتەپتىكى ئوتتۇرىچە نەتىجىسىمۇ يۇقىرى بولىدىكەن. ئىرادىلىك ياكى ئىرادىسىزلىكىگە قاراپلا قايسى ئوقۇغۇچىلارنىڭ غەرپتىكى ئەڭ نوپۇزلۇق ھەربى مەكتەپنىڭ بىرىنچى يىلىدىكى جاپاسىغا چىدىيالايدىغانلىقىغا ھۆكۈم قىلغىلى بولىدىكەن. ياخشى يېرى ، ئەگەر سىز ھازىر ئانچە ئىرادىلىك بولمىسىڭىزمۇ، ئۇنى ئۆزگەرتىشتىن ئۈمىد بار. ئىرادىسى ئاجىز كىشىلەر ئادەتتە ئىرادىلىك كىشىلەرگە قارىغاندا مۇۋەپپەقىيەت قازانغۇچىلارنى تېخىمۇ بەك تۇغما قابىلىيەتلىك دەپ قارايدۇ. دەل يۇقىرىدا تىلغا ئالغىنىمدەك، تېرىشچانلىق، پىلانلاش، قەتئىي بوشاشماسلىق ۋە ياخشى بولغان تاكتىكىلار مۇۋەپپەقىيەت قازىنىشتا ئېھتىياجلىق بولىدىغان نەرسىلەردۇر. بۇ نۇقتىنى ئايدىڭلاشتۇرۇۋالسىڭىزلا، ئۆزىڭىزنى توغرا تونۇپ ۋە نىشانىڭىزنى ئېنىق بېكىتىپلا قالماي، ئاجايىپ ئىرادىلىك ئىكەنلىكىڭىزنىمۇ ھەيرانلىق بىلەن ھېس قىلىسىز. 7. ئۆزىنى كونترول قىلىش ئىقتىدارىنى كۈچەيتىپ، رىقابەتكە ئاتلىنىش ئۆزىڭىزنى كونترول قىلىش <<مۇسكۇل>> ىڭىز خۇددى تېنىڭىزدىكى باشقا مۇسكۇللارغا ئوخشاشلا يېتەرلىك مەشقلەنمىسە، كۈندىن-كۈنگە يىگىلەپ كېتىشى مۇمكىن. ئەمما، قەرەللىك مەشق قىلىپ ئۇنىڭدىن ئوبدان پايدىلانسىڭىز، بارغانچە ساغلاملىشىدۇ، نىشانىڭىزغا يېتىشىڭىزگە ياردەم قىلىدۇ. ئىرادىنى تاۋلاش ئۈچۈن رىقابەتكە ئاتلىنىڭ، ئۆزىڭىز قىلىشنى خالىمايدىغان مەلۇم ئىشنى قىلىپ كۆرۈڭ: ئالايلۇق، ياغ تەركىبى يۇقىرى غىزالاردىن نەپسىڭىزنى تارتىڭ، كۈنىگە قورساق قاتلاشتىن 100 نى ئىشلەڭ، ئۆزىڭىزنى قويۇۋېتىپ تۇرغىنىڭىزنى ھېس قىلغان ھامان قەددىڭىزنى رۇسلاڭ ياكى ئامال قىلىپ يىڭى بىر ماھارەتلەرنى ئۆگىنىڭ، ۋەھاكازالار. بىر ئىشتىن باشلاپ قىيىنچىلىقنى قانداق يىڭىش توغرىسىدا پىلان بېكىتىڭ. مەسىلەن، << ياغلىق تاماقلارنى يېگۈم كېلىپ كەتسە، بىرەر تال يىڭى مېۋە ياكى ئىككى-ئۈچ تال قۇرۇق مېۋە يەي>> دېگەندەك. ھەممە باشلىماق تەس، ئەمما بارغانچە ئاسان تۇيۇلىدۇ، مانا بۇ مۇھىم ھالقا. غەيرىتىڭىز ئاشقانسىرى تېخىمۇ كۆپ ئىشلارغا جەڭ ئېلان قىلالايسىز، شۇڭا ئۆزىڭىزنى كونترول قىلىشنى- مەشقلەندۈرۈشنى قولدىن بەرمەڭ. 8. تەلەي سىنىماسلىق، ئېزىقتۇرۇشلارغا تاقابىل تۇرۇش مەيلى ئىرادە<<مۇسكۇل>>ىڭىز قانچىلىك كۈچلۈك بولسۇن، مۇھىمى مۇنداق پاكىتقا مەڭگۈ ھۆرمەت قىلىڭ، يەنى ئۇنىڭ چېكى بار. ئەگەر ئۇنى زىيادە ئىشقا سېلىۋەتسىڭىز، ھەرىكەتلەندۈرگۈچلۈك رولىنى يوقىتىدۇ. بىر قېتىمدىلا ئىككى ۋەزىپىگە جەڭ ئېلان قىلىشقا ئۇرۇنماڭ. مەسىلەن، تاماكا تاشلاش بىلەن ئورۇقلاشنى تەڭ ئېلىپ بېرىش دېگەندەك. نۇرغۇن كىشىلەر ئۆزىنىڭ ئېزىقتۇرۇشقا تاقابىل تۇرۇش ئىقتىدارىنى بەك يۇقىرى چاغلايدۇ، نەتىجىدە ئۆزىنى ئېزىقتۇرۇش ئىچىگە تاشلايدۇ. مۇۋەپپەقىيەت قازانغان زاتلار ئۆزىنىڭ ئەمەلگە ئاشۇرماقچى بولغان نىشانىنىڭ قىيىنلىق دەرىجىسىنى بەك يۇقىرى بېكىتىۋالماسلىقنى بىلىدۇ. 9. قىلماقچى بولغان ئىشقا كۆڭۈل قويۇش سىز ئورۇقلاشتا مۇۋەپپەقىيەت قازانماقچىمۇ، تاماكا تاشلىماقچىمۇ ياكى ئوسال مىجەزىڭىزنى ئۆزگەرتمەكچىمۇ؟ ئۇنداقتا يامان ئادەتلىرىڭىزنىڭ ئۆزىگىلا قادىلىۋالماي، ياخشى ئادەتلەرنى قانداق قىلىپ يامان ئادەتلەرنىڭ ئورنىغا دەسسىتىش ھەققىدە پىلان تۈزۈپ كۆرۈڭ. ئىدىيەنى كونترول قىلىشقا دائىر تەتقىقاتتىن مەلۇم بولىشىچە، ئۆزىنى بىر ئىشنى ئويلىماسلىققا بەك زورلىغانسىرى، ئۇ ئىشنىڭ كاللىدا جانلىنىش دەرىجىسى شۇنچە يۇقىرى بولىدىكەن. يۈرۈش-تۇرۇش، تەقى-تۇرق جەھەتتىمۇ مۇشۇنداق بولىدۇ: بىر يامان ئادەتنى يۇقتۇرۇۋالماسلىق ئۈچۈن ئۆزىنى قاچۇرغانچە، ئۇنىڭدىن قۇتۇلۇش ئۇياقتا تۇرسۇن، ئەكسىچە ئۇنى يۇقتۇرۇۋىلىش شۇنچە تىز بولىدۇ. ئەگەر ئۇسۇلىڭىزنى ئۆزگەرتمەكچى بولسىڭىز، ئۆزىڭىزدىن: << ئەكسىچە بولغاندا قانداق قىلىمەن>> ؟ دەپ سوراپ كۆرۈڭ. مەسىلەن، مىجەزىڭىزنى كونترول قىلىپ، ھاياجىنىڭىزنى بېسىۋالماقچى بولسىڭىز: << ئەگەر غەزەپلىنىشكە باشلىسام، ئۈچ قېتىم چوڭقۇر نەپەس ئېلىپ، ئۆزۈمنى بېسىۋالاي>> دەپ پىلان تۈزسىڭىز بولىدۇ. چوڭقۇر نەپەس ئېلىش ئارقىلىق غەزىپىڭىزنى بېسىۋالالايدىغان بولىسىز، شۇنىڭ بىلەن بۇ يامان خۇيىڭىزدىن بارا-بارا قالىسىز، بۇنى تاكى يامان ئادەت يوقالغۇچە داۋاملاشتۇرۇڭ.   ئېسىڭىزدە بولسۇن، مۇۋەپپەقىيەت قازىنىمەن دەپ ئۆزىڭىزنى باشقا بىرسىگە ئايلاندۇرۇپ قويۇشتىن ھەزەر ئەيلەڭ. مۇھىمى سىزنىڭ كىملىكىڭىز ئەمەس، بەلكى سىزنىڭ نېمە قىلىشىڭىز.     مەنبە:    تەرمىلەر  ژورنىلى    2012-يىل 3-سان.

شانلىق

	نىشان ، ھەركەت ....... قەتئىي ئىزچىللىق ، يېڭلىق ...... ئاندىن نەتىجە !

otkax0996

	رەخمەت تېما ئېگىسىگە.قولىڭىزغا دەرت بەرمىسۇن ....دەل مەن ئوقىيدىغان تىمىكەن .

mahatjan

	نىشان ئېنىق بولمىسا ئەمىلىيەت جەريانىدا ئادىشىپ قالىدىغان ئەھۋالئكۆرۈلىدۇ.

نازىخان

	رەخمەت تىما ئىگىسىگە جاپا چىكىسىز ئاللاھ قۇلىڭىزغا دەت بەرمىسۇن ،.

yar318

	تىرىشمىساق ..قىزىقمىساق .يۇرەكلىك بولمىساق ئۇتۇق قازانغىلى بولماسمىكى~

kahriwa2

	مۇۋاپىقىيەت قازانغانلار قانداق ئادەملەردۇ ؟

پەلۋان

	مۇۋاپىقىيەت قازىنىش ئۈچۈن تىرىششىش ۋە ئەقىل ئىشلىتىش كىرەك.. http://turanim.com/?fromuid=1346

tamkin147

	kahriwa2 يوللىغان ۋاقتى  2012-9-25 12:09 PM مۇۋاپىقىيەت قازانغانلار قانداق ئادەملەردۇ ؟ ئىككى كۆزى، ئىككى قۇلىقى، بىر ئاغزى، ئىككى قولى، ئىككى پۇتى بار، كۈندە ئۈچ ۋاخ تاماق يەيدىغان ئادەملەر،،،،     ( چاخچاق)

زاغرا

	ئاساسلىقى يەنىلا تىرىشىش