مۇئەللىم شۇنداق

mahatjan

	مۇئەللىم شۇنداق                              مۇئەللىم  كىچىدە سۈرمەكتە  خىيال ،                                        تەپەككۇر كۆزىدە ياندۇرۇپ چىراق.                                         بالىلار شۇ  تاپتا شىرىن   ئۇيقىدا ،                                          ئەمما كۆرۈنەر شۇ، بالىلار ئوماق.                                        مۇئەللىمنىڭ قەلبى گويا گۈزەل باغ،                                        كىتاپلارخۇش پۇراق چاچقان گۈل-چىچەك.                                       مۇئەللىم دەيدۇ؛<مەن ھەسەل ھەرىسى،                                        ئەتىگە بۈگۈندىن كۆپ ھەسەل كىرەك.                                         ئىلىم-مەرىپەتنىڭ چىچەكلىرىدىن                                          ئۇ  يىغىدۇ شەربەت پاراسەت بىلەن.                                           ئەتىسى ئاقىدۇ  تىلىدىن  ھەسەل،                                           بالىلار  شورايدۇ  ئىجتىھات  بىلەن.                                                                                   ھەر تۈننى ئۆتكۈزەر مۇئەللىم شۇنداق،                                         ھەر تۈننىڭ بىرىدىن ،بىرى جاپالىق.                                         شۇڭلاشقا ئەل دەيدۇ؛<مۇئەللىم دىگەن،                                          ئەڭ ئالى شەرەپكە،ھۆرمەتكە لايىق.>                                                  ئاپتۇرى مەخەت ئابدۇرېھىم

OTYAK

	سالام ساڭا مۇئەللىم ( مۇخەممەس ) ئەجرىڭ سىڭگەن نوتىغا، بوك-باراقسان ئۆسكەنتى ، سايە تاشلاپ ئەتراپقا، كۆڭۈللەرگە ياققانتى ، مۇھىت گۈزەل ساپ ھاۋا، تەنگە شۇنچە ياققانتى ، گۈل ۋەتەنگە ئىشقىمىز ،چىن يۈرەكتىن سوققانتى ، باغۋەن ئەجرى ئۇلتۇلماس، سالام ساڭا مۇئەللىم . كۆكتە دىڭىز، تاشيولدا، مۆجىزاتلار ماڭىدۇ، ئاي شارىمۇ بىزلەرگە، بېشىن ئېگىپ باقىدۇ، تەبىئەتنىڭ سىرىنى، ھەر قەدەمدە ئاچىدۇ، ئىنسانىيەت بەختىگە، پارلاق نۇرنى چاچىدۇ، ئۇستاز گويا بىر كومپاس، سالام ساڭا مۇئەللىم . چاقناپ تۇرار ئوبرازىڭ، ھەر ئىنساننىڭ قەلبىدە ، سېلىپ قويغان گۆھەرنى، سەبىيلىكتە مۇنبەردە، ئادىمىيلىك خىسلىتىڭ، سۆز-ھەركىتى تەربىيدە، ئۈلگە بولۇپ بىر ئۆمۈر، باغۇ-بوستان چۆللەردە، قۇياش نۇرى ساڭا خاس، سالام ساڭا مۇئەللىم . ھەۋەس قىلىپ تۇرىمەن ،سېنىڭ ئۇلۇغ روھىڭدىن ، شەربەت تامار، بىزلەرگە ھەر بىر تامچە سۈيۈڭدىن، پەخىرلەنسە بولىدۇ، بۇ ئالەمدە يولۇڭدىن ، ھىچكىم تۇتماي ماڭمىغان، ساخاۋەتلىك قولۇڭدىن ، سەنسىز دۇنيا پارلىماس،سالام ساڭا مۇئەللىم . چىن دىلىمدىن سۆيۈنۈپ، تۇتاي ساڭا گۈلدەستە، ھۆرمىتىم بار سوغام بار، قوبۇل قىلىڭ ھەۋەستە، تۆھپە ئۇچۇن قۇت تىلەپ، پۇرسەت كەلدى مىڭ تەستە، ئالىم ساڭا قايىلدۇر، باشنى ئىگىپ ھەم پەستە ، باغۋەن ساڭا گۈلداراس، سالام ساڭا مۇئەللىم. ئاپتۇرى: يۈسۈپجان سابىر ئوتياق

老虎

	خةلقمىزنىڭ قةلىبىدىكى ئوقۇتقۇچىنىڭ ئورنى ئۆزىمىزىنىڭ ئةملىيتى ۋة ساپايمىزنى بةلگىلةيدۇ.سىزگة كۆپتىن -كۆپ تةشةككۇر لةر بولسۇن توردىشىم....ھارمىغايسىىز..!