بايىنغولىن پاختا جەمئىيىتىنىڭ ئىنكاسىغا كۆرە، مەزكۇر ئوبلاستتىكى كورلا شەھىرى ۋە لوپنۇر ناھىيەسىدىكى پاختا كارخانىلىرى 9-ئاينىڭ 10-كۈنىدىن باشلاپ بۇ يىلقى يېڭى پاختىلانى پارچە سېتىۋېلىشقا باشلىغان. كورلا شەھىرىدىكى يۈخۈي ۋە لوپنۇر ناھىيەسىدىكى %40لىك چىگىتلىك پاختىلارنىڭ ھەر كىلوگرامى 8.5 يۈەندىن، %41- %42 لىك چىگىتلىك پاختىلارنىڭ 8.5- 8.6 يۈەنگىچە بولغان. يەرلىك بىر قىسىم پاختا كارخانىلىرىنىڭ بىلدۈرۈشىچە، نۆۋەتتىكى چىگىتلىك پاختىلارنىڭ باھاسى بويىچە ھېساپلىغاندا، 3-دەرىجىلىك ساپ پاختىنىڭ ھەر توننىسىنىڭ تەننەرخى 19000 يۈەندىن تۆۋەن بولىدىكەن. سودا مۇۋەپپەقىيەتلىك بولسا، ھەر توننىسىنىڭ پىششىقلاش پايدىسى 500 يۈەندىن يۇقىرى بولدىكەن. ئەگەر بۇ يىلقى ھەر كىلوگرام چىگىتلىك پاختىنىڭ ئوتتۇرىچە باھاسىنى 8.8 يۈەن ئىچىدە كونترول قىلمىسا، بىر قىسىم ساپ پاختىنىڭ سودىسى مۇۋەپپەقىيەتلىك بولماي قېلىپ، پاختا كارخانىلىرى زور خەتەرگە دۈچ كېلىدىكەن.
9-ئاي كىرگەندىن بۇيان، ھاۋا ئىزچىل ئوچۇق بولۇپ، سانجى ئوبلاستىدىكى ماناس، قۇتۇبى ناھىيەلىرى ۋە سانجى شەھەرلىرىدا تېرىلغان پاختىلار ئارقا-ئارقىدىن سېتىلىشقا باشلىدى. سانجى ئوبلاستلىق پاختا جەمئىيتىنىڭ يېقىنقى تەكشۈرۈشىدىن كۆرسىتىلىشىچە، 9-ئاينىڭ 10-كۈنىگە قەدەر، بىر قىسىم كارخانىلارنىڭ بانكا قەرزى ۋە مەبلەغ سوممىسى ھەل بولماي، سودىنى باشلىمىغاندىن باشقا، پۈتۈن ئوبلاستتىكى كۆپ قىسىم پاختا كارخانىلىرى پاختا سېتىۋېلىشقا كىرىشىپ كەتتى. پاختىنىڭ باھاسى بۇلتۇرقىدىن سەل تۆۋەن بولدى. سودا باشلانغان دەسلەپكى مەزگىلدە، ھەر كىلوگرام پاختىنىڭ باھاسى 7.6- 7.9 يۈەنگىچە بولدى. 9-ئاينىڭ 5-كۈنىدىن كېيىن، ئازراق ئۆرلەپ 8.2- 8.3 يۈەنگىچە چىقتى. بۇلتۇر ئوخشاش مەزگىلدىكى باھا 8.5- 8.7 يۈەن بولۇپ، %3.5 چۈشۈپ كەتكەن. چىگىت نىسبىتى %41تىن ئېشىپ كەتكەنلەرگە 0.05- 0.1 يۈەن قوشۇلدى، 35- 36 بولسا، كەم دىگەندىمۇ 8 يۈەن باھا قويۇلۇپ، نەملەشكەن نىسبىتىنى %13 ئەتراپىدا كونترول قىلدى.
شىنجاڭدىكى پاختا بازىرىنىڭ ئومومىي ئەھۋالى مۇقىم بولماقتا
2012- 2013-يىللىق كەسكىن بازار ۋەزىيىتى ۋە مول- ھوسۇللۇق ئەھۋالغا قارىتا، ئاپتونوم رايونلۇق پارتىكوم، خەلق ھۆكۈمىتى 8-ئايدا ئۇدا 4 قېتىم «پاختا سېتىۋېلىش، ساقلاش ۋە توشۇش خىزمىتى ھەققىدە مۇھىم يىغىن» لارنى ئېچىپ، «يېڭى يىللىق پاختا خىزمىتىنى ياخشى ئىشلەش توغرىسىدىكى جىددى ئۇقتۇرۇش» قاتارلىق 3 دانە ھۆججەت چۈشۈرۈپ، پاختا توغرىسىدىكى خىزمەتلەرنى ئومومىيۈزلۈك ئورۇنلاشتۇردى. يېڭى پاختىلارنى يىغىۋېلىش تەدبىرلىرىنىڭ تەشۋىقات يېتەكچىلىك رولىنى كۈچەيتىش، پاختا سۈپىتىنىڭ بازار نازارەتچىلىكىنى كۈچەيتىش، كېيىنكى مەزگىلدىكى پاختا ئىشلەپچىقىرىش باشقۇرۇشىنى كۈچەيتىش، پاختىلارنى سېتىۋېلىش ۋە توشۇش خىزمەتلىرىنى ياخشى ئىشلەش، پاختا سېتىلىۋېشتىكى راستخوت سوممىسنى يېتەرلىك قىلىش، پاختا بىخەتەر باشقۇرۇشىنى كۈچەيتىش، دۆلەت سېستىمىسىنى تەدبىرلىرىدىن ئاكتىپ پايدىلىنىش قاتارلىق 7 تۈرلۈك نۇقتىلىق خىزمەتنىڭ كونكىرىت تەلەپ ۋە تەپسىلىي ئورۇنلاشتۇرۇلۇشىنى ئوتتۇرىغا قويدى. نۆۋەتتە، ھەر قايسى ۋىلايەت-ئوبلاست ۋە تارماقلار ئاپتونوم رايوننىڭ ئومومىيۈزلۈك ئورۇنلاشتۇرۇشى بويىچە، ئەتراپلىق تەشكىللەپ، تەدبىرلەرنى ئەمەلىيلەشتۈرۈپ، ئۆزئارا زىچ ھەمكارلىشىپ، پاختىلارنى سېتىۋېلىش، ساقلاش ۋە توشۇش خىزمەتلىرىنى پۈتۈن كۈچى بىلەن ياخشى ئىشلىمەكتە.
9-ئاينىڭ ئوتتۇرلىرىدىن بۇيان، شىنجاڭدىكى بۇ يىللىق پاختىلار ئومومىيۈزلۈك تەرىلىشكە باشلىدى. چىگىت ئايرىش زاۋۇتلىرىمۇ ئۈزلۈكسىز كۆپىيىپ، سېتىۋېلىش مىقدارىمۇ ئېشىپ باردى. بازار ئەھۋالى ناچار، ئېھتىياج تۆۋەن بولغانلىقتىن، بۇ يىل شىنجاڭغا كېلىپ پاختا سودىسى قىلىدىغانلارمۇ ئازلاپ كەتتى. شىنجاڭ ئىچىدىكى پاختا كارخانىلىرىمۇ ئېھتىيات بىلەن پاختا سېتىۋېلىپ بارىدۇ. كۆپلىگەن پاختا كارخانىلىرىنىڭ مەسئۇللىرىنىڭ بىلدۈرۈشىچە، بۇ يىلقى پاختا بازار ئەھۋالىدىن قارىغاندا، ساپ پاختىلارنىڭ بازىرى كاسات بولۇپ، ئاساسلىقى دۆلەت ئامبىرىغا تاپشۇرۇش بىلەن جان بېقىۋېتىپتۇ. ئۇنىڭ ئۈستىگە، دۆلەتنىڭ 2012-يىلدىكى پاختىلارنى يىغىپ ساقلاش تۈزۈملىرى تېخىمۇ كونكىرىت ۋە قاتتىق بولۇپ، شىنجاڭدىكى پاختا كارخانىلىرىغا بولغان بېسىم زور ئىكەن. نۆۋەتتە، ھەر قايسى جايلاردىكى پاختا كارخانىلىرى دۆلەتنىڭ زاپاس ساقلاش ئۆلچىمىگە قاتتىق ئەمەل قىلىپ، سېتىۋېلىشتىن پىششىقلاپ ئىشلىگەنگە قەدەر سۈپەت ئۆتكىلىنى قاتتىق تۇتۇش ئارقىلىق، دۆلەت ئامبىرىنىڭ تەلىۋىگە يېتىپ، كارخانىنى زىياندىن ساقلاپ قېلىشقا تىرىشىۋېتىپتۇ. شىنجاڭنىڭ نۆەتتىكى پاختا بازىرىنىڭ ئومومىي ئىپادىسى ياخشى بولۇپ، ھەر كىلوگرام چىگىتلىك پاختىلارنىڭ ئوتتۇرىچە باھاسى 8.30- 8.60 يۈەنگىچە بولىۋېتىپتۇ.
تەرجىمە قىلغۇچى: ئىسكەندەر جېلىل
مەنبە:
http://www.socotton.com/Html/Ind ... 012914165528426.htm
بۇ يازمىنى ئاخىرىدا مارشال تەھرىرلىگەن. ۋاقتى 2012-9-25 12:05 AM
يوللىغان ۋاقتى 2012-9-24 07:37:53 PM
.gif)
.gif)
