شىنجاڭ تېلېۋىزىيە ئىستانسىغا يەنە بىر پارچە ئوچۇق خەت

yusup823

	ھۆرمەتلىك شىنجاڭ تېلېۋىزىيە ئىستانسىدىكى ئاكا - ئاچىلار ، ئىنى - سىڭىللەر تىنڭلار ساق ئونداق تۇرغانسىلەر ؟ بۈگۈن بۇ تېمىنى يىزىشتىكى مەخسەت سىلەرگە يەتكۈزۈپ قۇيدىغان مۇنداق ئىككى كەلىمە سۆزۈم بار ئىدى ، ئۇنداقتا قۇلۇقۇڭلارنى دىڭ تۇتۇپ ئاڭلىغايسىلەر . تۈنۈگۈن (يەكشەنبە كۈنى ) شىنجاڭ تىلىۋىزىيە ئىستانسىنىڭ 2 - قانىلىدا خەنزۇچىدىن ئۇيغۇرچىغا تەرجىمە قىلىنغان كۆپ قىسىملىق بىر فىلىمىنى كۆرۈپ قالدىم، شىنجاڭ ۋاقتى سائەت 3 -4 لەت ئەتراپىدا قۇيۇلىدىكەن ، فىلىمىنىڭ ئىسمىنى بىلمەيمەن ، لىكىن تۇرداشلار بۇ تەرجىمە فىلىمىنى چوقۇم كۆردۇڭلار . بۇ فىلىمدە چىڭ سۇلالىسى ئاغدۇرۇلغاندىن كىيىن ، جوڭخۇا مىنگو قۇرۇلۇپ ، چىڭ پادىشاھى يەنىلا گۇگۇڭ سارىيىدا تۇرىدۇ . بۇ چاغدا گۇگۇڭ سارىيىدا تۇرىۋاتقان پادىشاھ نەزىر چىراققا ئىشلىتىش ئۈچۈن ناھايىتى چوڭ قىزىل رەڭلىك كۈپ ياساش توغرىسىدا پەرمان بىرىدۇ ، ئەلۋەتتە ئۇنىڭ گىپى پەقەت گۇگۇڭ سارىيىدىلا ئاقاتتى . ئاندىن جىڭدى جېن(景德镇) دىكىلەر ئۇنۇڭغا بۇ ساپال كۈپنى ياساپ بىرىش ئۈچۈن نۇرغۇن جاپا مۇشەققەتلەرنى تارتىدۇ دىگەندەك بىر قاتار مەزمۇنلار تەسىۋىرلىنىدۇ . ئەلۋەتتە مىنىڭ دىمەكچى بولغىنىم ھەرگىز بۇ فىلىمىنىڭ مەزمۇنى ئەمەس ، بەلكى ئىنتايىن ساپاسىز ، مەسئۇلىيەتسىز تەرجىماننىڭ ئادەمنى ئۆلتۈرىدىغان خاتا تەرجىسىمى . مەن بايقىغان چوڭ خاتالىق ئىككى . 1 - خاتالىق كىنودا جىڭدى بازىرى دىگەن بۇ يەر ئسىمى جىڭدى جېن (景德镇)دەپ بىۋاستە تەرجىمە قىلىنىپتۇ . مىنىڭ زادى ئەقلىم يەتمىگىنى شۇكى جېن دىگەن بۇ سۆز يەنى خەنزۇچە  镇 بۇ سۆز ئۇيغۇرچىغا يىزا ياكى بازار دەپ تەرجىمە قىلىناتتى ، لىكىن بۇ فىلىمدە بۇ سۆز تەرجىمە قىلىنماي ، بىۋاستىلا جىڭدى جېن دەپ ئاپتۇ . بۇنى ئاڭلغان ئادەممگىمۇ غەلىتە بىر تۇيغۇ بىرىدىكەن . 2- خاتالىق 李公公دىگەن بۇ خەنزۇچە ئىسىم لى ئاقساقال دەپ تەرجىمە قىلىنىپتۇ ، بۇنى ئاڭلاپ كۈلكەمنى زادىلا توختىتىۋالالمىدىم . تۇۋا 李公公دىگەن ئىسىمنى ئەسلىدە لى مەھرەم بىگى دەپ تەرجىمە قىلىش كىرەك ئىدى ، 公公 سۆزىنى قانداقسىگە ئاقساقال دەپ تەرجىمە قىلىپ قويغاندۇ ، بۇ زادى قانداق تەرجىمە قىلىش بولدى . مەن بۇ تەرجىمە فىلىمىنىڭ 1 - قىسىمىنىڭ ئازاراق بىر يىرىنىلا كۆرۈپ ، مۇشۇ ئىككى خاتالىقىنى تاپتىم . ھەممە قىسىمىلىرىنى تولۇق كۆرسەم ، مىڭىگە قان چۈشۈپ قالدىغان ئوخشايدۇ . مۇشۇ فىلىمىنى تەرجىمە قىلغان داڭلىق تەرجىمانغا ئىككى ئىغىز دەرس سۆزلەپ قوياي . سىز جىڭدى جېن دەپ تەرجىمە قىلغان 景德镇 يەنى توغرا تەرجىمىسى ئەسلىدە  جىڭدى بازىرى جياڭشى ئۆلكسىگە جايلاشقان بولۇپ ، قەدىمدىن تارتىپ جوڭگودىكى داڭلىق ساپال قاچا پۇشۇرىدىغان جاي ، بۇ بازاردىكى ھەممە ئادەم دىگۈدەك ساپال قاچا پۇشۇرۇش بىلەن تىرىكچىلىك قىلىدىغان بولغاچقا ، بۇ جاي يىزا دەپ ئاتالماستىن بازار دەپ ئاتالغان ، جىڭدى بازىرىدا ساپال قاچا پۇشۇرۇش نەچچە مىڭ يىللىق تارىخا ئىگە ، ھەتتا بۇ توغرىسىدا تولۇقسىز ، تولۇق ئوتتۇرا مەكتەپ تارىخ دەرىسىلىك كىتاپىدا تەپسلىي ئۇيغۇرچە چۈشەنچە بىرىلگەن . شۇڭا سىزنىڭ 景德镇دىن ئىبارەت مۇشۇنداق ئىسىمىنى جىڭدى جېن دەپ قارىغۇلارچە تەرجىمە قىلىشڭىز خاتالىق ئەمەس بەلكى دۆتلۈكتۇر . ئەخمەقلىقتۇر . بىلىمسىزلىكتۇر . يەنە بىرى 李公公سۆزى لى ئاقساقال دەپ تەرجىمە قىلىنغان ، 公公سۆزى شۇنچە ئۇزاقتىن بۇيان مەھرەم بىگى دەپ تەرجىمە قىلىنىۋاتقان تۇرسا ، سىز بۇنى ئاقساقال دەپ ئاپسىز ، سىز دەپ بىقىڭ ، بىز قانداق ئادەملەرنى ئاقساقال دەيمىز . ئەر ئاياللىقى نامەلۇم ئاختا قىلىۋىتىلگەن شۇنداق ئادەملەرنى ئاقساقال دەپ ئاتىساق توغرا بولامدۇ . بىز مەھەللىدىكى پىشقەدەم ، بىلىملىك ، كۆپنى كۆرگەن مۇيىسپىتلارنى ئادەتتە ئاقساقال دەپ ئاتايمىز ، بۇ بىزنىڭ ئۇلارنى ھۆرمەتلىگىنىمىز . سىزچە بولغاندا بىز ئۇلارنى خەنزۇچە ئاتىماقچى بولساق 公公دەپ ئاتايدىكەنمىزدە . توۋا ...... شىنجاڭ تېلېۋىزىيە ئىستانسىمۇ بىر كۆپ قسىملىق تەرجىمە فىلىمىنى تىلىۋىزوردا قۇيۇشتىن ئىلگىرى تەكشۈرۈپ باقىدىغاندۇ . ئۇنداقتا شۇ تەرجىمان ، تەھرىر ، نازارەتچىلەر زادى نىمە ئىش قىلىۋاتىسلەر ، مۇشۇنداق ئېغىر خاتالىقىنى نىمىشقا تۈزەتمەيسىلەر . ئەجىبا سىلەر مۇشۇنچىلىك ئاددىي خاتالىقنىمۇ بايقىيالمىغىدەك ساپاسىزمۇ ؟ بىر نەرسە تەرجىمە قىلىش ھەقىقەتەن كۆپ ۋاقىت ، زىھىن تەلەپ قىلىدىغان خىزمەت . لىكىن تەرجىماندا ئەڭ ئەقەللىي بىر نەرسە يەنى ئانا تىلنىڭ ساپلىقىنى قوغداش ئىڭى بولىشى كىرەكمۇ قانداق ؟ ئەگەر بۇنداق پاخال تەرجىمىلەر بىزنىڭ ئەڭ كۆپ ئادەم كۆرىدىغان ئاپتۇنۇم رايونلۇق تىلىۋىزىيە ئىستانسىدا قۇيۇلسا ، باشقىلار كۈلمەمدۇ ، ئەپسۇسلانمامدۇ ؟ كىينكى ئەۋلادلار بۇۋىلىرىنى 公公دەپ چاقىرىدىغان بولىۋالمامدۇ ؟ سىلەرنىڭ قاتتىق بىر ئويلىنىپ بىقىشىڭلارنى ئۈمىد قىلىمەن . ھۆرمەت بىلەن قەشقەردىن يۈسۈپقارى .

ook

	مەنمۇ قىزقىپ قالدىم كۇرۇپ باقسام بولغۇدەك ئەسكەرتىپ قويغىنڭىزغا رەخمەت دوستۇم

شاتۇتى

	دىگىنىڭىز بۈيۈك پادىشاھ خەنۋۇدى ئوخشىمامدۇ

tuntaxvixi

	مەن بۇ تەرجىمە فىلىمىنىڭ 1 - قىسىمىنىڭ ئازاراق بىر يىرىنىلا كۆرۈپ ، مۇشۇ ئىككى خاتالىقىنى تاپتىم . ھەممە قىسىمىلىرىنى تولۇق كۆرسەم ، مىڭىگە قان چۈشۈپ قالدىغان ئوخشايدۇ . قېرىندىشىم بۇ گەپلىرىڭز سەل ئېشىپ كىتپتۇ،باشقىلارنىڭ خاتالىقىنى كۆرسىتىش ياخشى ئىش،لىكىن بۇنداق مەسخىرە قىلىش ئانچە ياخشى ئىش ئەمەس ،ئەجىبا سىز خاتالىشىپ باقمىغانما؟

qog

	ئەلنىڭ كۆزى ئەللىك دىگەن شۇ دە.

jawzaa

	مەن كۆرۈپ باقماپتىمەن كۆرمەيلا قوياي چۈنكى بىزنىڭ ئۆيدە تىلىۋىزۇر يوق ئەمەسمۇ

qvxtabiri

	شاتۇتى يوللىغان ۋاقتى  2012-9-24 02:22 PM دىگىنىڭىز بۈيۈك پادىشاھ خەنۋۇدى ئوخشىمامدۇ تېمىنىڭ بېشىنى ئوقۇماپسىزدە. تېمىنىڭ بېشىدا چىڭ سۇلالىسىنىڭ ئاخىرقى دەۋرى ۋە مىنگونىڭ قۇرۇلغان ۋاقتى توغرۇلۇق گەپ قىلىۋاتسا، خەن ۋۇدى بىلەن مىنگونىڭ ئارىسىدا مىڭ يىللاپ ئارىلىق بار قېرىندىشىم.

شاتۇتى

	qvxtabiri يوللىغان ۋاقتى  2012-9-24 02:28 PM تېمىنىڭ بېشىنى ئوقۇماپسىزدە. تېمىنىڭ بېشىدا چىڭ سۇلا ... ھە؟ ئۇقۇغانتىم بولمىسا ، مەن مۇشۇ مەكتەپتە ئۇقۇۋاتقاندا تارىخ دەرىسىگەبەك ئۆچتىم  ، شۇنىڭ ئۈچۈن ئىلەشتۈرۈپ قويۇپتىمەن

YAZR

	景德镇 دىگەن بۇ  ئىسىمدا مىنىڭچە مەسىلە يوق ،  چۈنكى 景德镇  دىگەن بۇ خېلى داڭلىق يەر ، شۇڭا  景德镇 دىگەننىڭ ئۈزى پۈتۈن بىر يەر نامى ، 镇 نى چىقىرۋەتسە ، ھەممىگە تۇنۇشلۇق بولغان بۇ يەر نامى ئۆگىرىپ كىتىدۇ . شۇڭا  قىڭ دې جېن  بازىرى دەپ ئالسا چوڭ مەسىلە يوق . لىكىن ئاۋۇ  لى مەھرەم دىگەنگە مەنمۇ كۈلكەمنى باسالمىدىم .....

يولۇچى

	تەرجىمە قىلغۇچى مەمۇرى خىزمەتچىمىدۇ ياكى تەكلىپ خىزمەتچىمىدۇ؟؟؟