ئانىلار قەلبىدىن

mahatjan

	ئانىلار قەلبىدىن                           كىچىلەر جىمجىت،ھەممە ئۇيقىدا،                                  كۆكتە  تولۇن  ئاي، چاقنايدۇ  يۇلتۇز.                                    قەلبى قوياشتەك، بۆشۈك تۈۋىدە،                                     ئانىلار ئويغاق ئولتۇرار يالغۇز.                                     ئانا قەلبىدىن ئاقار دەريادەك،                                     بالىلار قەلبىگە شىرىن بىر ھوزۇر.                                      ھەر قېتىم ئىللىق باقسا بۆشۈككە،                                      بوۋاق ھۆسنىدە بىلىنەر بىر نۇر.                                                        ئانا  سۆيۈندى  ئىگىلدى  ئاستا،                                        سۆيدى ئوغلىنىڭ يۇمران مەڭزىدىن.                                        ئۈممۈت ئارزۇسى ياندى دىلىدا،                                        تۆكۈلدى شەربەت شىرىن لەۋزىدىن.                                          كۈتىدۇ  سىنى  گۈزەل  كىلىچەك،                                          بىلىم يولىدا ھارماس تۇلپار بول.                                          مەرىپەت يولى بولسىمۇ مۈشكۈل،                                           ئۆرلە چوقىغا يانماس شۇڭقار بول.                                            ھايات ئۇ شۇنداق ئۇزۇن بىر سەپەر،                                            زامان ھەر كىمدىن ئالىدۇ ئىمتىھان.                                              سەنمۇ بۇ سەپنىڭ ۋارىسى بولغىن،                                              شۇدۇر مەندىكى چىن ئارزۇ-ئارمان.                                                  مەنبە، ئۆزۈم.

sabaat

	شئېرىڭىز شۇنداق ياخشى چىقىپتۇ. لىكىن مىنىڭچە بۇ شئېرىڭىزغا ئانا ئارزۇسى دەپ ماۋزۇ قويغان بولسىڭىز تېخىمۇ ماس كېلەتتىكەن دەپ ئويلاپ قالدىم. كەچۈرسىز  بۇ مىنىڭ شەخسەن كۆز قارشىم.

KARWAN731

	شۇنداق ياخشى چىقىپتۇ ، رەھمەت سىز گە

mehriya

	شۇنداق ياخشى تېمىلارغا چۈشىدىغان ئىنكاس كىشىنى ئەپسۇسلاندۇرىدۇ ، مۇشۇنىڭ ئورنىدا مەسىلەن چاخچاقتىن ئىبارەت ئەخلەت تېما بولسىدى ، ماۋۇ تېمىغا 10بەتتىن ئارتۇق ئىنكاس چۈشۈپ بۇلاتتى .

azizgul

	شۇنداق ، ئانىلار ئۈمىد يۇلتۇزلىرى بولغان شۇ يۈرەك پارىلىرى ئۈچۈن تالاي كىچىلەرنى ئۇيقۇسىز ئۆتكۈزىدۇ ،

nazila998

	سىزنىڭ قەلىمىڭىز  سۆز ئويۇنىلا ئەمەس ، شېئىر يىزىشتىمۇ   ياخشىكەن جۇمۇ ،