قىزلىرىڭنى تىللاۋەرمە ئەركەكلەر (ئۇيغۇرى)

ئۇيغۇرى

	قىزلىرىڭنى تىللاۋەرمە ئەركەكلەر قىزلىرىڭنى تىللاۋەرمە ئەركەكلەر ، <پاكىز قىز يوق جاھاندا>دەپ چالۋاقاپ. سوراپ باققىن ۋىجدانىڭدىن قايتىلاپ ، tقانچە قىزغا سوۋغا قىلدىڭ سەن ئازاپ . قىزلىرىڭنى تىللاۋەرمە ئەركەكلەر ، <ئويناپ بولۇپ چىگىۋاپتۇ ياغلىق>دەپ. <ئايان ماڭا بەش قول كەبى تارىخى ، ئورانسىمۇ تەقۋالىقى چاغلىق.>دەپ . قىزلىرىڭنى تىللاۋەرمە ئەركەكلەر , <ئىچىپ-چېكىپ ئىچى سېسىپ كەتكەن>دەپ. كىم زورلىغان تۇنجى رومكا ئۇلارغا، ھايا قىلسا <ئەجەپ مەتو قىزكەن> دەپ. قىزلىرىڭنى تىللاۋەرمە ئەركەكلەر ، ‹كېرەك ئاڭا ئوغۇللارنىڭ پۇلى› دەپ. <لازىم بولسا بىر تېلفوندا جايلايمىز، بىلسەڭ ئۇلار پۇلى بارنىڭ قۇلى.>دەپ. قىزلىرىڭنى تىللاۋەرمە ئەركەكلەر ، كىم كۆندۈردى رېستۇرانغا ئۇلارنى؟! <ئۇزۇن كۆينەك ماس ئەمەس>دەپ تانسىغا، كىم ئاچقۇزدى ئاڭا يوتا ، بەللەرنى ؟! قىزلىرىڭنى تىللاۋەرمە ئەركەكلەر، <ئون بەش ياشتا بەشنى يولغا سالغان>دەپ. كىم بىلەنمۇ ئۆي تۇتارمەن خاتىرجەم؟ ھەممىسىلا خەقتىن ئېشىپ قالغان دەپ . قىزلىرىڭنى تىللاۋەرمە ئەركەكلەر ، مەسئۇلىيەت زادى كىمدە ئويلاپ باق! قىلمىشىڭدىن ھېساپ ئېلىپ بىرمۇ-بىر، ئۆزۈڭنىمۇ تارازىدا جىڭلاپ باق ! قىزلىرىڭنى تىللاۋەرمە ئەركەكلەر ، بىلىسەنمۇ چاۋاك چىقماس بىر قولدىن. <تومپايكەن>دەپ بارمىغاننى سورۇنغا، كىم ياندۇرغان ئۇلارنىمۇ ھەق يولدىن. قىزلىرىڭنى تىللاۋەرمە ئەركەكلەر ، قايسى بىر قىز ياشلىقىنى سۆيمەيدۇ؟! ھەمراھ بولسا ھەممىمىزگە ساداقەت، شۇ قىزلارمۇ پۇلى بارغا كۆنمەيدۇ ! قىزلىرىڭنى تىللاۋەرمە ئەركەكلەر ، دەشنام بىلەن تۇزەلمەيدۇ بۇ ئىللەت. قايناپ تۇرسۇن ۋىجدانىمىز جايىدا، ئەركەكلەرسىز تۈزەلمەيدۇ بىر مىللەت. قىزلىرىڭنى تىللاۋەرمە ئەركەكلەر ، موھتاج بولسا باشلىرىنى سىلاپ قوي! دۇئا قىلىپ نامىزىڭدا ئاللاھتىن ، شۇ قىزلارغا ئىمان،ھايا تىلەپ قوي!!!      تورداشلار سەمىگە:مەن بۇ ئاددىي شېئىرىم ئارقىلىق توغرا يولدىن ئادىشىپ،ئىززەت-ئابرويى بەدىلىگە كەلگەن تەييار ھۇزۇرغا كۆنۈپ قالغان ئاشۇ قىزلارنى گۇناھسىز دەپ ئاقلىماقچى ئەمەسمەن.دېمەكچىمەنكى يولدىن ئازغانلارنى تىللاۋەرمەيلى!تىللاش،بۇلۇڭ-پۇچقاقلاردا غەيۋەت قىلىش ۋە ياكى چەتكە قېقىشلار ئۇلارنى توغرا يولغا باشلىيالمايلا قالماستىن بەلكى ئۇلارنىڭ جىنايەت پاتقىقىغا تېخىمۇ چوڭقۇر پېتىپ كېتىشىگە سەۋەپچى بولۇپ كېلىشى مۇمكىن.    بىر كىشىنىڭ خاتا يولغا قەدەم بېسىشىدا ئۆزىنىڭلا ئەمەس بەلكى شۇ جەمئىيەت ۋە جەمئىيەت ئەزالىرىنىڭمۇ بەلگىلىك مەسئۇلىيىتى بار دەپ قارايمەن.(بۇ پەقەت مېنىڭ شەخسىي قارىشىم) مەسىلەن:ئاتا-ئانا بولغۇچى قىزلىرىغا ئىسلامىي تەربىيىنى بوشاشتۇرماي،ئۇلارغا شەرمىي-ھايا ۋە ئەدەپ-ئەخلاق مىزانلىرىنى تولۇق ئۆگەتكەن ۋە ئۆزلىرىمۇ ئەمەل قىلغان بولسا؛ئەركەكلىرىمىز ئۇلارنىڭ قىزلىق ئىززەت-ئابرويىنى ئۆزلىرىنىڭ ۋاقىتلىق ھەۋەسلىرى ئۈچۈن دەپسەندە قىلماي،پاك،سەمىمىي مۇھەببىتى بىلەن ئۇلارغا بەخىتنىڭ تەمىنى تېتىتىپ،دۇنيادا پۇلدىنمۇ ياخشى نەرسىلەرنىڭ بارلىقىنى بىلدۈرۈپ،ئۇلارنى خۇددىن ئانىلىرىمىزنى ھۆرمەتلىگەندەك ھۆرمەتلىگەن بولسا؛ھە دېسىلا <جا زورو ، جىڭ زورو...> دەپ ئورانغان قىزلارنى كەلسە-كەلمەس باھالاپ يۈرمەي،<مەن كىم؟ مەن ئىمانىم ئۈچۈن نىمە ئىش قىلىپ بېرەلىدىم؟...>دەپ ئۆز؛ىمىزدىنمۇ ھېساپ ئالالىغان بولساق بەلكىم ئەھۋال باشقىچە بولغان بولاتتى.                   ئېھتىمال يازغانلىرىم بىر تەرەپلىمە بولۇپ قالغان بولۇشى مۇمكىن.ئەمما شۇ نۇقتا ئېسىمىزدە بولسۇنكى:پەيغەمبىرىمىز مۇھەممەد سەللەللاھۇ ئەلەيھى ۋە سەللەم ئۆزىنىڭ 23يىللىق پەيغەمبەرلىك ھاياتىدا كىچىك-كىچىك قەبىلىلەرگە بۆلۈنۈپ چېچىلىپ كەتكەن،جاھىللىق،نادانلىق،ۋەھشىيلىك ۋە نەسەپخورلۇق قان-قېنىغا سىڭىپ كەتكەن قۇملۇق ئەرەبلىرىنى تىللاش، ۋە ياكى تاپا-تەنە قىلىش بىلەن ئەمەس بەلكى ئاۋۋال ئاللاھنىڭ ياردىمىق بىلەن،ئاندىن قالسا گۈزەل ۋە پاساھەتلىك سۆزلىرى،سەۋىرچانلىقى ۋە يېتۈك ئەخلاقى بىلەن ئۇلارنىڭ قەلبىنى بىرلەشتۈرۈپ،ئۇلارنى كۇفرىنىڭ زۇلمىتىدىن ئىماننىڭ يورۇقلۇقىغا ئېلىپ چىققاندۇر.                                                                                                ئارافات مىجىت ئۇيغۇرى

bugaltir

	[img][/img]

bugaltir

	[img][/img]

kar0923

	....... ياخشى يېزىپسىز  !

ap~qilam

	ئەھۋالغا قاراپ ئىش كۆرگەن ياخشى

mahatjan

	توغرا،بۇ قىزلار كىمنىڭ قىزلىرى! بۇ قىزلار بىزنىڭ، مىللەتنىڭ،بۈتۈن ئىنسانىيەتنىڭ قىزى.ئۇلار نى ئاسراش ۋە قوغۇداش بىز ئوغۇللارنىڭ-ئەرلەرنىڭ ھەم مەسئۇلىيتى ھەم مەجبۇرىيتى.

hanefa

	ياخشى يىزىپسز،  ماشىائاللاھ سزگە.  بۇنداق تىمىلىرىڭىز ئۇزىلىپ قالمىسۇن...

yultuzi

	قىزلار كۈلۈپ باقمىسا ئەرگە شەھۋەت ياغامدۇ؟ ئەرلەر شۇنداق كۆندۈرسە ئارقىسىدىن ماڭامدۇ؟ بىلسىڭىز سىز ئەرلەرنى شۇنداق رەزىل كۆرۈپسىز ، ھەممە ئەرلەر ئەسكىدۇر دەپ يۈرسىڭىز بولمايدۇ .

ئېمپىراتور

	yultuzi يوللىغان ۋاقتى  2012-9-24 02:50 AM قىزلار كۈلۈپ باقمىسا ئەرگە شەھۋەت ياغامدۇ؟ ئەرلەر ... ئىمزايڭىزدىكى بىكەتكە كىرسەم ئېشەك چاچقاننى يەپ بوپتۇ ،كىچىكىپ قاپتىمەندە!

Ahsayigit

	ناھايتى توغرا دەيسىز ! ئۆزىمىزنىڭ قىزلىرىنى ئۆزىمىز ھۆرمەتلىمىسەك ئۆزگىلەرنىڭ ھۆرمەتلىشىدىن قانداقمۇ ئېغىز ئاچقىلى بولسۇن ؟!