ھەققانىي: ناچاروپنىڭ ئىشلىرى (ساتىرا)

akkani

	ناچاروپنىڭ ئىشلىرى ياخشىلارنى كۆرگەندە،غۇچۇرلايدۇ چىشلىرى،            تىنىم تاپماي غەيۋەتنى قىلۇر يازۇ-قىشلىرى، قاۋاشلىرى گۇياكى ئەسمەتخاننىڭ ئىتلىرى، نەزەر سالساق كارامەت،ناچاروپنىڭ ئىشلىرى. بىر كىم ئەگەر شان قۇچسا قاچار شۇئان ئۇيقۇسى، غاجاش، تىللاش بىردىن-بىر ئۇنىڭ تاپقان گۇمپىسى، ئۆتەر شوڭا غەشلىكتە ھەركۈن،ھەر بىر سوتكىسى، كۈندە جېدەل-ئاداۋەت،ناچاروپنىڭ ئىشلىرى. ئىناقلىقتىن سۆزلەيدۇ،ھېچكىم بىلەن ئەپ ئەمەس، تىلى تاتلىق يۇمشاقتۇر ئەمما دىلى ساپ ئەمەس، ئادىمىلىك ئەخلاققا قىلىقلىرى باب ئەمەس، ھەسەت-پىتنە،مالامەت ناچاروپنىڭ ئىشلىرى. تاپسا ئۈچ-تۆت ئادەمنى بولار ناتىق مەمەدان، گىپى زەھەر،يۈرىكى خۇددى قارا سىيادان، سۇخەنچىلىك كەسپىدە ئىزا تارتماي باقار جان، شۇنچە نۇمۇس ئاھانەت ناچاروپنىڭ ئىشلىرى. قاغاپ ئالغا كەتكەننى دەرت قوشىدۇ دەردىگە، زىيان تارتسا بىراۋلار چۈمەر شاتلىق پەيزىگە، بىردەم تىنىم تاپمايدۇ كۈندە قاتراپ ئەرزىگە، ھېچ بولمايدۇ خىجالەت ناچاروپنىڭ ئىشلىرى. دايىم پىتنە توقۇيدۇ كىرىۋېلىپ بۇلۇڭغا، كەتمىنىدە ھەسەتنىڭ ھاڭ كولايدۇ يولۇڭغا، ياتالمايدۇ تولغۇنۇپ ئامەت قونسا قولۇڭغا، ئەسكىلىكتىن ئىبارەت ناچاروپنىڭ ئىشلىرى. تەلەتىدىن مۇز ياغار،ئېغىزىدىن نىجاسەت، بولۇپ قالدى خۇمارى غەيۋەت ئاتلىق ھاماقەت، ئۆزۈمنىڭلا راست دەيدۇ،ئەيىپلىسە جامائەت، پەسكەشلىكتىن بىشارەت ناچاروپنىڭ ئىشلىرى. تىللاپ يۈرەر يات تۈگۈل ئۆز جەمەتى-گىنىنى، ئەتراپتىكى قوشنىدىن خوپ كۆرمەيدۇ بىرىنى، ۋايساپ نورغۇن كىشىدىن چىشلەپ يۈرەر لىۋىنى، دايىم غەيۋەت-شىكايەت ناچاروپنىڭ ئىشلىرى. ئۆز ئەجرىدە بېرەرسى قىلسا ئىجات-ئىختىرا، تەقدىرلەنسە مۇئەللىم،سازچى،دېھقان،سېستىرا، ئاڭا زەھەر ياغدۇرۇپ تەڭلەر پىچاق-ئۇستىرا، ئىناقلىققا خىيانەت ناچاروپنىڭ ئىشلىرى. ئۆز ئۈيىدە-يېنىدا تۇرسا پاتمان سەتچىلىك، بۇ ھالەتتە نە ھاجەت ،خەقتىن ئىزلەپ كەمچىلىك، تېخى دەيدۇ گېدىيىپ:« قېنى قايسىڭ مەنچىلىك؟›› شىپاسى يوق جاراھەت ناچاروپنىڭ ئىشلىرى. خالىي ئەمەس ھېچقاچان جېدەل-نىزا،غەلۋىدىن، كۇسۇرلايدۇ ھېمىشە بىراۋلارنىڭ كەينىدىن، گۇمان قىلىپ ئاۋارە،ياخشى-يامان ھەممىدىن، ئەمىنلىككە شۇم ئاپەت،ناچاروپنىڭ ئىشلىرى. ئەل-جامائەت ئېيىپلاپ دەۋەرگەندە؛« پېتىمسىز››، «تۈزەلدىم››دەپ غە كۈلۈپ كىتىشلىرى تېتىقسىز، تۇغما مېجاز نەدىمۇ ئۆزگەرگەن بار مۇنچە تېز؟ يەنە دىسەك شۇ ھالەت ناچاروپنىڭ ئىشلىرى. كولىغىچە بىھۇدە ئۆزگىلەرنىڭ ھۇلىنى، ئوقەت قىلسا بولمامدۇ،ئىشقا سېلىپ قۇلىنى، تۈزەتمىسە ئەگەردە ماڭغان ئەگرى يۇلىنى، ئۆز-ئۈزىگە پالاكەت،ناچاروپنىڭ ئىشلىرى. مەنبە: ئۆز قەلىمىم(ئابدۇۋەلى راخمان ھەققانىي)

oygan0

	ئالامەت يېزىپسىزغۇ  ساتىرا دېگەننى ، قولىڭىزغا دەرت كەلمىسۇن ...

katran

	ناچار كىشىلەرنىڭ ئەپتى بەشىرىسىنى ئېنىق ئەكىس ئەتتۈرۈپسىز. ئىسمىڭىزغا خوپ كەلگەن ساتىرالىرىڭىز داۋام قىلغۇسى قېرىندىشىم.

ap~qilam

	سابىق سوۋىتنىڭ تەسىرى باكەن ما شېئىردا ، بىلكوف، ئۇچۇملۇف ، دېگەندەك

OTYAK

	سىزنىڭ ساتىرايىڭىزنى ياقتۇرۇپ ئوقۇيمەن .