كېچىدىكى ۋەھىمە (ساتىرا)

Tuzturahk

	تىمتاس كېچە ،ئەتراپ زۇلمەت قوينىدا ،    ئاي ئۆتۈپتۇ قارا تۇمان كەينىگە .     دەريادىكى دۇغ ھەم تىنجىق سۇلارمۇ ،          شار-شار قىلىپ ئاقالمايدۇ مەيلىگە .         تىمتاس كېچە ،سۈنئى باغچا ھاۋاسى ،       ھالسىرىتار سېقىپ ئادەم دېمىنى .       سۈرلۈك زۇلمەت قوينىدىكى يوللارمۇ ،      شۈركەندۈرەر ماڭغان ئادەم تېنىنى .     تەكشى ئىگىز ئولتۇراق ئۆي بىناسى ،     دىرىزىدىن كىرەر بەتبۇي پۇراقلار .   ۋال-ۋۇل قىلىپ سۈر كۆرسىتىپ كېچىدە ،    ئەنسىز خىيال سېلىپ قويار چىراقلار . سۇ يۈزىگە چىقىۋالغان بېلىقلار ،   پىلتېڭلىشار نالە قىلىپ ،زارلىنىپ .   ئۆلۈك جەسەت ،قانلار كۆزگە چىلىقار ، كەتتى ھايات ،خۇشاللىقلار تارلىنىپ .    ئۇزاق كېچە ،ھەتتا شۇنچە تىمتاسكى ،     شەپەرەڭمۇ پەرۋاز قىلماس ئاسماندا .     قۇش ئورنىدا سۇلياۋ خالتا لەيلىشەر ،        ئاشۇ بەتبۇي قارا تۇمان ئاستىدا .        قېنىقلاتتى پۇرۇخ رەڭلىك تۇماننى ،      تۇرخۇنلاردىن چىققان ئاشۇ ئىس-تۈتەك .   سەزگەن چېغى چۈمۈلىلەر شۇملۇقنى ،     ئۆي كۆچمەكتە بولۇپ ھەممە پايپېتەك .    2009-7-6     ئۈرۈمچى باشقۇرغۇچىنىڭ ئەسكەرتىشى: يازمىڭىزنىڭ مەنبەسىنى ئەسكەرتىشىنى ئۇتۇتماڭ! مەنبەسى ئېنىق بولمىغان ياكى كۆچۈرۈلمە يازمىلار بىردەك تەستىقلانمايدۇ!

شاتئاي

	بەكلا تۇتۇق بىر شېئىرمۇ بۇ...نەچچە ئوقۇپمۇ ئىنىق بىر چۈشەنچە ھاسىل قىلالمىدىم،شېئىرنى كۆپرەك ئوقۇپ تۇرسام بولغۇدەك

ZELAL530

	دۇنيا تۇگەشكەندەك ھىس قىلىپ قالدىم.

abdiweli520

	بۇ شېىئر سەل چۇشىنىكسىزمۇ قانداق.

بەرگى

	كىچىدىكى ئەمەس ھەر ۋاقىتتىكى ۋەھىمە بوپ قالدى ھازىر........

gorki

	بۇ شىئىر شەھەردىكى  موھىت بولغۇنشىنى ناھايتى ئىنىق چۈىشەندۇرۇپتۇ

كارۋان

	يامغۇر يېغىشتىن ئاۋالقى ۋەھمە!

albeini

	مەن تېخى قورقۇنۇشلۇق ھىكايىمىكىن دەپتىمەن

Tuzturahk

	ئەي نادان مۇىلىسلار ،سېلەر 2009-يىلى 7-ئاينىڭ 5،6،7-كۈنلىرىدىكى ئۈرۈمچىنىڭ ۋەھېمىلىك مەنزىرىسىنى ئۇنتۇپ قالدىڭلارمۇ