ياخشىلارغا ئىزگۈ تىلەك ،خالىس دۇئالار بارمۇ؟

yagilak

	ئەسسالامۇ ئەلەيكۇم قېرىنداش تۆۋەندىكى ھېكايىمىزدىكىسى ھالال مېھنىتى بىلەن ياشاۋاتقان مىليونلىغان  ئۇيغۇر دېھقانلىرىمىز ئىچىدىكى بىرسى بولمىش خوتەن ناھىيە لاڭۋۇر يېزىسىدىكى دېھقان مۇھەممەد ئىمىن ئاخۇن ھەققىدە توختىلىمىز .          بۇ يىل رامزاندا چوڭ ئانامنى كېرىيەدىن خوتەنگە ئاپىرىپ «يېڭى ھايات دوختۇرخانىسى»دا بىرەر ئايدەك داۋالاتتۇق .دادام بۇ جەرياندا خوتەندىكى ئۆزگىرىشلەرنى كۆرۈپ خېلى مول تەسىراتقا ئىگە بوپتۇ.دوختۇرخانىدا بىر ياتاقتا ياتقان كىشىلەر بىلەن ئەھۋاللىشىش جەريانىدا، خوتەن ناھىيسىنىڭ لاڭۋۇر يېزىسىدىن ئايالىنى داۋالاتقىلى كەلگەن، مۇھەممەد ئىمىن ئاخۇن بىلەن پاراڭلىشىپ ،ئۇ كىشىنىڭمۇ يەر تېرىپ ئۆيدىكىلەرنى قامداپ كېلىۋاتقانلىقىنى بىلىپتۇ .دەپ بېرىشىچە ئۈچ-تۆت يىلنىڭ ئالدىدا مەھەللىسىدىكىلەرگە ئوخشاش قاشتېشى قىزغىنلىقى بىلەن ،خۇرجۇنغا ناننى سېلىپ،« ھەممە ئىشنى اللەغا قاپ( تەۋەككۇل قىلىپ)، ئۆيدىكى ناننى بالىلارغاقاپ(قويۇپ)»قارىقاش، يورۇڭقاش دەريالىرىدا قاشتاش ئىزدەشكە ئاتلىنىپتۇ.ئىككى يىلدەك ۋاقىت دەريا سۈيىدە  نان ئىۋىتىپ يەپ دىگۈدەك ئۆتۈپتۇ ،بىر ئىشىكىنى چېكىۋەرسەڭ ھامان ئېچىلىدۇ دىگەندەك ،بىر كۈنلەردە اللە «ئال قۇلۇم!» دەپتۇ- دە  بۇ كىشى بىر مىليون 300مىڭنىڭ ئىگىسى بولۇپ قاپتۇ .ئىش  شۇنىڭ بىلەن باشلىنىپتۇ.پۇل يانچۇققا كىردىمۇ بولدى ،ھاۋايى ھەۋەسمۇ تەڭ  كىرىپتۇ ،بىر ئويناپ- كۈلگۈسى كەپتۇيۇ،«ياق توختا بۇنى اللە بەردى ،بۇنى ياخشى ئىشلارغا سەرپ قىلاي ، ھەم بۇ ئارتۇقچە ھاۋايى- ھەۋەسلەردىن قۇتۇلاي» دەپ ئويلاپتۇ. لاڭۋۇر يېزىسى «ئۇلۇغ ئاتا سۇ ئىشائاتى تۈگۈنى»نىڭ ئاستى تەرىپىگە جايلاشقان، ئوتتۇرىسىدىن ،  قارىقاش دەرياسى كېسىپ ئۆتىدىغان بولۇپ مەنزىرىسى خېلىلا گۈزەل ،ئادەملىرى ئوچۇق -يورۇق مېھماندوست  بىر يۇرت.    مۇھەممەدئىمىن ئاخۇن گېپىنى داۋاملاشتۇرۇپ -«يېزىمىزدىن كېسىپ ئۆتىدىغان دەريا تار ھەم چوڭقۇر بولغاچقا ،قىشتىن باشقا كۈنلەردە دەريانىڭ ئۇ قېتىدىكى تونۇش بىلىشلەنىڭكىگە بارماقچى بولساق ،يېزىنىڭ ئايىغىدىكى كۆۋرۈكتىن ئۆتۈشكە،45 كىلومېتىردەك يول مېڭىشىمىزغا توغرا كېلەتتى .شۇڭا دەريا بىر كۆۋرۈك سېلىشقا بەل باغلىدىم .يۇرتداشلارنىڭ قوللاپ قۇۋۋەتلىشى بىلەنتوم پولات ئارغامچىدا بىر ئاسما كۆۋرۈك سېلىۋالدۇق ،ھازىر پىيادىلىكلەر،مال-چارۋىلار ،يېنىك تىپتىكى قاتناشلار بىمالال ئۆتەلەيدۇ ،بۇنىڭغا ئالدى كەينى بولاپ 900مىڭدەك كەتتى   يانچۇقتىكى ئاشقان پۇل يەنە ئۇخلاتماپتۇ.قارىسا كۈندە بەش ۋاق ياراتقۇچىغا سېغىنىدىغان ،مەھەللىدىكى مەسچىت كونىراپ قالغان ،مەھەللىدىكىلەرنىڭ رازىلىقى، ياردىمى بىلەن چىرايلىق بىر مەسچىت پۈتۈپتۇ ،ھەممە خۇش بولۇشۇپتۇ. ئوقۇرمەن بەلكىم سىز « نىمانچە تۈگىمەيدىغان پۇلدۇ بۇ؟! »دەيدىغانسىز ،ئۆزى خەجلىمىگەنمىدۇ دەپ سورارسىز ،اللە بەرىكىتىنى بەرسەشۇنداق تۈگىمەيدىغان ئوخشايدۇ.        مۇھەممەد ئىمىن ئاخۇن قارىسا يەنە يانچۇقتا ئىككى ئۈچ يۈزمىڭدەك تۇرغان شۇنىڭ بىلەن دەريانى بويلاپ يېزىسىنى كېزىش جەريانىدا، ئادەم ئاتىنىڭ كەسپى بولمىش- يەر ئېچىپ كۆكەرتىش ،  ،،ئۇچار قۇش ،جانلىقلارغا ئوزۇق ئاشلىق تېرىش قارارىغا كەپتۇ.توپا ئىتتىرىش ماشىنىسى،ئېكىسكېۋاتورلارنى ئىشقا سېلىپ 300 مودىن جىقراق يەر ئېچىپتۇ .ئىككىنچى يىلى ك كەلكۈن بىرەر يۈز مودەك يەرنى ئېقىتىپ كېتىپتۇ .«بەرگۈچىمۇ اللە ،ئالغۇچىمۇ اللە»دەپ قىلچە مەيۈسلەنمەي، قېپقالغان ئككى يۈز مو يەرگە ياڭاق كۆچىتى قويۇپتۇ .ياڭاقنىڭ ئارىلىقىدىكى بوش يەرلەرنى مەھەللىدىكى قولۇم خوشنىلارغا ،يېرى ئاز كىشىلەرگە مۇت تېرىۋېلىشغا بېرىپتۇ .ھازىر شۇ باغلىرىنى يۇرتداشلىرىغا قاراپ قويۇشقا تاشلاپ ،ئايالىنىڭ كېسىلىنى داۋالىتىۋېتىپتۇ. كۆرگەن بىلگەنلىرىمدىن كېرىيە ۋە خوتەندە سەۋەب قىلىپ تاپقان بايلىقتىن ئۆزىمۇ ياخشى پايدىلىنىپ، باشقىلارغىمۇ مەنپەئەت يەتكۈزۈۋاتقانلار،ئىلىم يولىدا ئەزىيەت تارتىۋاتقانلارغا يارد بېرىۋاتقانلار خېلىلا كۆپ ،ئىشىنىمەن باشقا يۇرتلىرىمىزدىمۇ بۇنداق ئۈن-تىنسىز ياخشىلىق ياغدۇرۇۋاتقانلار خېلىلا كۆپ. ئۈمىدىم :بۇنداق ياخشىلىق ساھىبلىرىغا تېخىمۇ كۆپ ئىلھام بەرسەك ،دۇئالىرىمىزدا ياد ئەتسەك ،ھەم ئۆزىمىزمۇ خۇدا خالىسا كۈنلەرنىڭ بىرىدە مەنمۇ شۇنداق قىلسام قىلالىسام دىگەن نىيەتتە ياشىساق . مەنبە: دادامدىن ئاڭلىغانلىرىم + ئۈمىد-ئارمانلىرىم

بەرگى

	ئاللاھ ئۇ كىشىنىڭ ئەجرىنى بەرسۇن ، ھەقىقەتەن ساۋاپلىق ئىشلارنى قىپتۇ ...

سەۋېر

	uzumtal يوللىغان ۋاقتى  2012-9-23 03:53 PM ئاپىرىن !   شۇ كىشىگە ھەقىقەتەن بەكلا مەسلىگىم كەلدى ۋ ... پىكىر ئورۇنلۇق،دەلىللەر يىتەرلىك.

628hanix

	ياخشى تىما يۇللاپسىز!  رەخمەت سىزگە!