ھايات ھەققىدە مۇخەممەس

Tuzturahk

	ھايات تارىخى (بوۋام ئىيتقان ھىكايە) گۈزەل ئالەم ،ئۇلۇغ ئادەم    كىلۇر ئۇشبۇ سائادەتتە، تېپىپ پۇل -مال يەنە ئابروي كۈلەر بەزەندە ئامەتتە . ئېلىپ كەلسە ساقال قورۇق يىللار ئاڭا قاباھەتتە ، يۈرەك زەرداپ ئىرەر بولسا پۇشايمانلىق ئاسارەتتە كىممۇ كۈلۈپ شادلىناركى قېرىپ ئاقساپ قانائەتتە . تۇغۇلماق بولسا دۇنياغا كۆز ئىچىپ بىر بوۋاق ئەرھال ، ئاتا يايراپ ئاياغىدا بولۇركەن پايپىتەك دەرھال . تۈرۈپ يەڭنى ،قىلىپ جەڭنى يىغىپ كۈرمىڭ دۇنيايى-مال ، كىچىپ دەريا.ئىچىپ سەينا بولۇر ئاڭا قۇلى تىمسال ، كۈلۈپ قەلبى ،ئىرىپ دەردى  كېچىپ جاندىن ساداقەتتە . بوۋاق يايراپ ،خۇشال ئويناپ يېشىغا توشتى بۇ دەمدە ، كىرىپ مەكتەپ ،ئوقۇيمەن دەپ ،كىتاپ دۆۋلەپ ئۆتەر غەمدە . ئون خىل دەرس قىيناپ ،قىستاپ قىلىپ قويسا قەلەندە ئازاپلايدۇ  ئۆز  روھىنى  ئاقماس  شۇئارۇ   قەسەمدە  ، دەرت ئارىلاپ ،گاھى يىغلاپ چۆكەر دەرتكە بالاغەتتە . تىزىپ يىللار ساقال بۇرۇت ،كىتىدۇ يەنە چوڭ ئاتلاپ ، خىزمەت ئاتتلىق بىسىم يەنە دەرتلەر يولدا تۇرار ساقلاپ . يىغلاشقىلا كۆنۈپ كەتتىڭ كۈلەلمەيسەن قاقاقلاپ ، پۇلۇڭ-مال بار ئالالمايسەن بەخىت قۇشىنى گاھ-گاھلاپ ، بۈركۈت كەبى قىران چاغىڭ كىتەر ھەسىرەتتە ،مەكتەپتە . خىزمەتنى دەپ بېسىپ ئۆتكەن مۇساپەڭمۇ خېلى كۈرمىڭ ، گاھى تاۋاق ،گاھى قاۋاق ،بەخىت  ئىزدەپ  ئۆتەر  ئۆمرىڭ . ئاتا-ئانا  چىقار ئەستىن  قۇرۇق سۆھبەت تېپىپ يۈزمىڭ . غىرىپ  ئۆيدىن ئىس چىقارماي تۈتۈندەكلا  ئۆچەر  ئۆمرىڭ  ، ئېشىپ  مىڭ بىر مۇشەققەتتەن يىقىلامدۇق بۇ شەھۋەتتە ؟ ئۇزاتقاندا ئوتتۇز يىل ،بولۇپ ئۆيگە پاناھ، تۈۋرۈك ، كىلىپ كەتكەن ئازاپلاردىن قۇرۇپ قاىشاپ بولۇپ چۈرۈك . بېسىشلاردىن سۇنۇپ نەچچە ،كىسەل دىللار تالاي ئۈزۈك، ئالدىراشلا ئۆتۈپ كىتىپ ئەلگە نەپلەر يوقتۇر تۈزۈك ، قەلەندەردىن قەلەندەر بىز ئەلگە پايدا  ساخاۋەتتە . بالا بولدى ،ئاتا بولدۇق ئەمدى بەكرەك غەمنىڭ غېمى مائاش ئۆسمەي بالامغا دەپ كىتەر يەنە پۇلنىڭ تېڭى . ئاران -ئاران ئاي ئاتلىشىپ چىرايدا يوق قاننىڭ رېڭى ، خوتۇن قاخشاپ قىلار تېخى يېڭى كىيىم يوقنىڭ جېڭى، سۆرەلگەنچە ئۆتۈپ تۇردۇق يەنە دەرتتە  خىزمەتتە . ئۆتۈپ يۈزچە چارەك يىل ،تامام بولدى خىزمەت ئىشى ، دەرتلەر ئۆكسۈپ غىرىپ قالدى ئاتا-ئانام تۇپراق بېشى . بۇ دەرتلەردىن قانداق قىلىپ قانداق ئۆتكەي قايسى كىشى ؟ باشقا تېگىپ تۇرغانىدا غەم -ئەندىشە ،ئازاپ تېشى ، تەندە كىسەل ،يىقىن ئەجەل يەنە دەرتتە قىلىپ چەتتە . قىرىغاندا چىشلار چۈشۈپ يېگەن تاماق بولار تەمسىز، ئوغۇللىرىم لىكىن ئويناپ يۈرەر يايراپ ئۇچۇپ غەمسىز . پۇتلرىمنى يول غاجايدۇ يوللار تاشلىق ،كەشىم چەمسىز، بىرەر كۈنمۇ ھەتتا تۈنمۇ بولۇپ ئۆتمەس كۆزۈم نەمسىز ، ئاتمىش بىلەن ئۇزاتقانتىم مومىيىمنى ھەسىرەتتە . غىرىپلىقنىڭ ھېدى تامار تۆت تامدىنمۇ قەھرىتاندەك ، ئۆيۈم بولدى قاراڭغۇلۇق گويا تىمتاس قەبرىستاندەك . سوغ شاماللار ھوۋلىشىدۇ ئىيۇلدىمۇ زىمىستاندەك ، غىرىپلىقنىڭ دەردى يەتتى يۈرىكىمگە زەھرىجاندەك ، پاناھ تاپتىم كۆرۈپ مەقبۇل يارەپ «كەلىم شاھادەت» تە. خىيالدىن ئويغىنىپ مىڭ تەس «قۇرئان » غا شۇڭغۇدۇم ئەمدى ، ئەقىل -ئىدراك  ، مادار  بەردى  ماڭا   «قاسىر بەيزاۋى ». «قۇرئان »بەرگەن ھەققىقەتتىن ئايان بولدى ھايات سىھرى ، تامام بولدۇ ئاشۇ دەمدە غەپلەت ئۆمۈرنىڭ كىر دەپتىرى ، ئاتمىش بىرنى ئۇزاتقانتىم پۇشايمانلىق غەپلەتتە . ھايات سىھرى بىرىپ يەشمىش يىراق قىلدى بۇ غەپلەتنى ، كىسەل پۇت-قول بولۇپ بىجرىم ،تالاق قىلدى يامان دەرتنى . يۈرەك  يۈزمىڭ  ھارارەتتە  تىپىپ  ئالدىم  ئىبادەتنى ، غىرىپلىقتا نىكاھ ئەيلەپ ئىلىپ قالدىم سائادەتنى ، ھاياتلىقتىن ئۇچۇر كەلدى بۇ سائادەتلىك پۇرسەتتە  . قىران چاغلار ئىلىپ باشقا تالاي گۇناھ جىنايەتنى ، غىرىپ مىسكىن زاكاتىغا قىلىپ ھەردەم خىيانەتنى . ئاتام بەرگەن ئوغۇللۇقتىن ئالالماي ھىچ ئامانەتنى ، ئاتا-ئانا يۈرەكىگە سىلىپ مىليۇن جاراھەتنى ، كىيىن قىلغان ئىبادەتتە بولۇرمۇ نەپ قىيامەتتە ؟ دىڭىز كەبى گۇناھىمنى تامچە بىرلە يۇيالمايمەن ، لىكىن بىلدىم ھاياتلىقنى  ،ئىبادەتسىز يۈرەلمەيمەن . كىيىن كەلدىم ئەقىدەمگە لىكىن ئەمدى بۇزالمايمەن ، تۇتقىنىم بىر نەبى يولى ئۆز زاتىمدىن تانالمايمەن ، تولۇق ئىسپات ئاڭا تەييار «قۇرئان »ئاتلىق كارامەتتە . ئون بەش يىلدا ھايات يۈردىم پۈتۈن يەتمىش ئالتە يىلدا ، ئەقىدىسىز ئاتمىش بىردا ئاشالمىدىم ھەتتا قېردىن . بەخىت ئىزدەپ كۆڭۈللەرمۇ تۇمانلاشقان ھارام كىردىن ، پۇتۇم ئەمدى ساڭگىلايدۇ كىلىپ سادا لەھەت، گۆردىن ، تۈگىتەرمەن گۇناھىمنى لەھەت بىرلە قاباھەتتە . ھاياتىمدىن ياقالمىدىم ئەلگە چىراق بىرەر رەتمۇ ، ھىدايەتكە قاتالمىدىم بىرەر جۈملە بىرەر خەتمۇ . ھايات ئاتلىق رومانىمدىن تامام بولماي بىرەر بەتمۇ ، تۆت ئوغۇلنى تېپىپ لىكىن قىلالمىدىم ئوغۇلدەكمۇ ، ياش ئىزىمدىن تېپىپ مىڭ يول يۈرەر ئۇلار مالامەتتە . قىران يېگىت پۈتۈپ قويغىن بېسىپ ئۆتكەن مۇساپەمنى ، ئىيتىپ بەرگىن جىمى ئەلگە بۇ ئەلەملىك ھىكايەمنى . شاراپ كەبى قىلىپ ئاچچىق قوشۇپ ئاڭا كىنايەمنى ، ئىچەرمەنگە سۇنۇپ بەرگىن پۇشايمانلىق پىيالەمنى ، ئىچىپ بىر پەس ،كىرسە بىر ئەس ئەجەپ ئەمەسكى ئىبرەتتە . 2012-5-22

tuntaxvixi

	بەك ئىسىل چىقىپتۇ....

bzkm

	ھايات شىرىن تاتلىقكەن، بىلمەپتۇق بىز قەدىرىنى . تېخى زارلاپ ئاھ ئۇرۇپ، تۈرۈپتۇق بىز قاپاقنى ، قاچانغىچە تۈگمەيدۇ ، چىشلەپ تاتلاش بىلمىدىم. ياكى پىتلار قەلىپكە، چاپلاشتىمۇ بىلمىدىم. .ئۆزىمىزغۇ ئاچالماي، يول ئاچقاننى تۇساپتۇق . چاپاق بېسىپ كۆزلەرنى ، ئۆزگىلەردىن بەك ئۇغاپتۇق. ھايات شۇنداق ئۇز ئىكەن ، كۆرەلمەپتۇق كۆز تۇرۇپ . ھەق سۆزلەشنى ئۇنتۇپتۇق، دىلدا ئاڭا سۆز تۇرۇپ. بىرسى چىقسا تەخىتكە ، ئالدىراپتۇق قەستلەشكە . ئىلىم ئالغاندا گاچا تىل، سۆزمەن ئىكەن سەتلەشكە. چاقچاق قىلما ھاياتقا ، تاشلا ناچار ئىللەتنى . مىزان قىلغىن ئۆزۈڭگە، غۇرۇر بىلەن ياشاشنى

kahriwa2

	ياخشى يىزىلىپتۇ ،

boldibas

	پاھ ! شېىئر بولا شۇنداق بولا ، نەسىھەت بولا شۇنداق بولا . لېكىن شۇنى كۆرۈپ ئەمەل قىلىدىغانلار  قانچىلىك بولا ؟

mahatjan

	بەزى مىسرا،كۇپلىتلار ئۆلچەملىك بلماي قاپتۇ، مىنىڭ ‹ھايات سەيناسى› ناملىق مۇخەممىسىمنى كۆرۈپ قويوڭ!

OTYAK

	ياخشى يېزىلغان مۇخەممەس.

sirdaxqim

	مېنىڭچە بىر ياخشى شىئېر مۇشۇنچىلىك بولسا يىتەرلىك !!!