ئالتۇن باھاسى ئەمدى چۈشمەسمۇ ؟؟؟

1miskal

	ئالتۇن باھاسى ئالدىنقى ئاي ئالتۇننىڭ  ھەر ئۇنسىيەسى 1600 دوللاردىن تۆۋەن ھالەتتە بولۇپ قىسقىغىنا بىر ئايدا 200 نوقتا ئىشىپ كەتتى . ھەر ئۇنسىيە ئالتۇن ئەڭ يۇقۇرى نوقتا 1780 دوللاردىن ئاشتى . قىسقىغىنە بىر ئايدا ئالتۇننىڭ ھەر گىرامىغا 30 يۈەن قۇشۇلۇپ ھەر گىرامى 380 يۈەندىن ئاشتى ( تەييار زىبۇ -زىننەتلەرنىڭ ) ئۇنداقتا ئالتۇن يەنە ئاشارمۇ ؟؟؟ ئالتۇننىڭ ئىششىغا تۆۋەندىكى ئامىللار ھەل قىلغۇچ تەسىر كۆرسىتىدۇ . 1--   خەلقئارا ۋەزىيەتنىڭ مۇقىمسىز بۇلۇش ئامىلى: يەنى خەلقئارا ۋەزىيەتنىڭ تۇراقسىز بولۇشى ۋە رايۇنلار ۋەزىيتىنىڭ جىددىيلىششى ئالتۇننىڭ باھاسىغا تەسىر كۆرسىتىدىغان ئەڭ مۇھىم ئامىل . 2-- ئالتۇن تەمىنلەش بىلەن ئالتۇنغا بولغان تەلەپنىڭ مۇناسىۋىتى ئامىلى ؛ئالتۇننىڭ باھاسى تەمىنلەش ۋە تەلەپ مۇناسىۋىتىگە باغلىق بۇلۇپ،ئالتۇننىڭ مەھسۇلات مىقدارى ئاشسا ئالتۇننىڭ باھاسى چۈشىدۇ،ئەكسىچە بولسا ئۆرلەيدۇ. 3--  دوللار قىممىتىنىڭ سىجىل ئۆرلىشى ؛ دوللار قىممىتىنىڭ ئۆرلىشى تەبىئىلا ئالتۇننىڭ باھاسىغا تەسىر كۆرسىتىدۇ . دوللار كۈچەيسە ئالتۇن ئاجىزلايدۇ،ئالتۇن كۈچەيسە دوللار ئاجىزلايدۇ، 4--  ئالتۇن ئىستىمالىنىڭ ئېشىش ئامىلى ؛ جوڭگو ۋە ھىندىستان ۋە روسىيەنىڭ ئالتۇنغا بولغان ئىھتىياجى بەك يۇقۇرى بولۇپ بۇ دۆلەتلەردىكى ئالتۇنغا بولغان ئىھتىياج ئاشسا ئالتۇن باھاسىنى ئاشۇرۇش رولىنى ئوينايدۇ . 5-- پۇل پاخاللىقى ئامىلى: ئالتۇن باھاسىنىڭ ئىشىشى پۇل پاخاللىقىنىڭ گەۋدىلىك ئىپادىسى . بىر دۆلەتتە مال باھاسى مۇقىم بولسا شۇ دۆلەت پۇلىنىڭ سېتىۋېلىش كۈچى شۇنچە مۇقىم بۇلىدۇ،ئەكسىچە پۇل پاخاللىقى نىسبىتى شۇنچە يۇقىرى بۇلۇپ،پۇلنىڭ سېتىۋېلىش كۈچى شۇنچە ئاجىز بۇلىدۇ. ئەگەر ئامېركا ۋە دۇنيادىكى ئاساسلىق رايۇنلارنىڭ مال باھا كۆرسەتكۈچى مۇقىملىقنى ساقلىسا نەقپۇلنىڭ كۇرسى چۈشمەيدۇ،ھەم ئۆسۈم كىرىمى شەكىللىنىدۇ،بۇ مەبلەغ سالغۇچىلارنىڭ زۆرۈر تاللىشىغا ئايلىنىدۇ. ئەكسىچە بولغاندا پۇل پاخاللىقى ئۆتكۈرلىشىپ،كىشىلەرنىڭ قۇلىدىكى نەقپۇلنىڭ كاپالىتى بولمايدۇ،ئېرىشكەن ئۆسۈم مال باھاسىنىڭ ئۆرلىشىگە يېتىشەلمەي قالىدۇ. بۇنىڭ بىلەن كىشىلەر ئالتۇن سېتىۋېلىشقا تۇتۇش قىلىدۇ. نەتىجىدە ئالتۇننىڭ باھاسى ئۆرلەيدۇ. غەرپتىكى ئاساسلىق دۆلەتلەردە پۇل پاخاللىقى نىسبىتى قانچە يۇقۇرى بولسا ئالتۇننىڭ قىممىتىگە كاپالەتلىك قىلىش تەلىپى شۇنچە زور بۇلىدۇ-دە خەلقئارادىكى ئالتۇن باھاسىمۇ شۇنچە يۇقۇرى بۇلىدۇ. ئۆتكەندە ئالتۇن باھاسى 1530 دوللارغا چۈشكەندە تور بەتلەردە ئىقتىساتشۇناسلارنىڭ ئالتۇن باھاسى ھەر گىرامى 162 يۈەنگە چۈشىدۇ دىگەندەك قاراشلىرى ئوتتۇرىغا قۇيۇلغان . تورداشلارنىڭ ئىسىدە بولسا كىرەك . مەن شۇ چاغدا << ئالتۇن باھاسىنىڭ 162 يۈەنگە چۈشىشى قۇرۇق گەپ >> دىگەن تىمامنى يوللىغان ئىدىم . پۇل پاخاللىق نىسبىتى گەۋدىلىنىۋاتقان ھازىرقىدەك شارائىتتا ئالتۇن باھاسىنىڭ ئۇنداق چۈشۈپ كىتىشى ئەقىلغە مۇۋاپىق ئەمەس . مىنىڭچە كەلگۈسى ئىككى يىلدا ئالتۇننىڭ ھەر ئۇنسىيەسى 2000 دوللارنىڭ ئۈستىدە تەۋرىنىدۇ . ياكى ئۇنىڭدىن ئىشىپ كىتىدۇ . بۇ يىلنىڭ ئاخىرىغىچىمۇ ئالتۇن باھاسى 1900 دوللاردىن ئىشىپ كىتىشى مۆمكىن . ئالتۇن باھاسىغا دائىر ئەڭ يىڭى ئۇچۇرلار -----------بىر مىسقال ئىقتىسات تورىدا مەنبە ؛ بىر مىسقال ئىقتىسات تورى www.1miskal.com

taturyul

	ئالتون ئۈرلىسە تويىلوق پولمو ئۇرلەيدو ،،،ئالە ماۋۇئىشنى  ،،،،

kulak

	ئامىرىكا فىدىراتسىيە بانكىسى 14-چىسىلا سەھەردە، بايانات ئىلان قىلىپ QE3 (پۇل-مۇئامىلە قويۋىتىش سىياسىتى)نىڭ رەسمىي ئىجرا قىلىنغانلىقىنى جاكارلىدى . فىدىراتسىيە زاپاس پۇل كومىتىتى يەنە ئۆسۈم نىسبىتىنىڭ ئۆزگەرمىگەنلىكىنى ئىلان قىلدى .    دەسلەپكى قەدەمدە ، 400تىرلىيۇن دوللارنى نورمىدىن ئارتۇق بىسىپ، پاي بازىرىنى جانلاندۇردى. ھەرقايسى كاپىتاللارغا  تۆۋەن ئۆسۇملۇك رەنىلىك قەرىز پۇل تارقاتتى .بۇنىڭ بىلەن نىفىت ئالتۇن، كۈمۈش ، ياۋرۇ مىس تۆمۈر ،...قاتارلىق ئىقدىسادى قىممەت بۇيۇملىرى شىددەت بىلەن ئۆرلىدى .    QE3 ئىجرا قىلىنىشى بىلەن تەڭ ، دوللار كۆرسەتكۇچى شىددەت بىلەن تۆۋەنلىدى ، QE3نىڭ ئاساسىي پىرىگۇراممىسىمۇ دەل دوللارنىڭ قىممىتىنى چۇشۇرۇپ ،چەتئەل تاۋارلىرىغا زەربە بىرىش ، ئىقدىساتنى قوزغىتىشنى مەقسەت قىلغان .شۇڭا QE3 بازارغا بولغان تەسىرى 2-قىتىملىق فىدىراتسىيە يىغىنىغىچە داۋاملىشىدۇ .2-قىتىملىق فدىراتسىيە يىغىنى (QE3نى ئىجرا قىلغاندىن باشلاپ )دا ، QE3نى داۋاملىق ئىجرا قىلامدۇ ياكى ۋاقتىنچە توختىتامدۇ ؟ مەسىلىسى قىززىق نۇقتا بولىدۇ . ھالبۇكى QE3نىڭ داۋاملىق ئىجرا قىلىنىشى ،9-ئايلىق غەيرى يىزا ئىگلىك ئىشقا ئورۇنلاشتۇرۇش سانلىق قىممىتى بىلەن زىچ مۇناسىۋەتلىك .شۇڭا 9-ئايلىق غەيرى يىزا ئىگىلىك قىممىتىغا دىققەت قىلىش كىرەك.    بازارنىڭ كىيىنلىكىگە تەھلىل : (گەرچە مەزكۇر سودىدىن چىكىنگەن بولساممۇ ، ئەمما بىلگىنىمنى دوسلاردىن ئايىمايمەن )   8ئاي تەققازالىق بىلەن بىلەن كۇتكەن QE3 ئاخىرى قۇزغىتىلدى . بازار بۇنىڭغا تەشنا ئىدى .پۇتۇن دۇنيا مىقياسىدا ، تەرەققى قىلغان دۆلەتلەر ئۆزىنىڭ دۆلىتىدىكى تاۋارلارنىڭ قىممىتىنى قوغداش ۋە بازارنى جانلاندۇرۇش ئۇچۇن ، مەركىزى بانكىلار بىرتۇرلۇك پۇل-مۇئامىلە قويۋىتىش سىياسىتىنى ئىجرا قىلىدۇ .مەسىلەن ئامىرىكا ، ياپونىيە ، ئەنگىلىيە ...قاتارلىق تەرەققى قىلغان دۆلەتلەر بۇ سىياسەتنى ئىجرا قىلدى. شۇڭا يۇقارقى ئامىللار ئالتۇن كۈمۈش بازىرىغا خىلى ئۇزۇنغىچە تىرەش نۇقتىسى پەيدا قىلالايدۇ .     ئۇنىڭدىن باشقا ياۋرۇپا قەرز كىرزىسىمۇ بىرمەھەل بىسىقىپ قالدى .ھەرقايسى ئامىللار بازارنىڭ ئۆسىشىگە پايدىلىق شارائىت ھازىرلاپ بەرمەكتە. شۇڭا ئالتۇن 2013-يىلنىڭ 2-پەسىلىغىچە چوڭ يۆلىنىشتە ئۆسۇش ھالىتىنى داۋام قىلىشى مۇمكىن .ئەڭ كۇچلۇك تىرەش نۇقتىسى 1690دوللار.. ئەڭ يۇقىرى كۇچلۇك بىسىم 1803دوللار ... كۈمۈش كۇچلۇك تىرىش نۇقتىسى 33.05دوللار ، كۇچلۇك بىسىم نۇقتا :35.40دوللار

1miskal

	kulak يوللىغان ۋاقتى  2012-9-21 09:00 PM ئامىرىكا فىدىراتسىيە بانكىسى 14-چىسىلا سەھەردە، بايانا ... سىز باركەنسىز ھە ؟؟؟ قانداق ئەھۋالىڭىز ؟؟؟  يوقاپلا كەتتىڭىزغۇ ؟؟؟؟؟؟؟؟؟؟؟

1miskal

	ھازىر ئالتۇن باھاسى يەنە ئۆسىۋاتىدۇ  1790 دوللارغا چىقتى .1800 دوللارغا ئازلا قالدى

kulak

	1miskal يوللىغان ۋاقتى  2012-9-21 09:11 PM سىز باركەنسىز ھە ؟؟؟ قانداق ئەھۋالىڭىز ؟؟؟  يوقاپلا ك ... مەن با . ئاللاھقا شۇكرى ئۆزىڭىزچۇ ؟ .شۇ دوككان، ئۆينىڭ ئىشلىرى بىلەن ئالدىراش بولۇپ قالدۇق . بازارنى خىلىلا ئۆستۇرۋىتىپسىلە ھە .. ئۇزۇن بولغان بۇنداق ئۆسمىگىلى ...

kulak

	1miskal يوللىغان ۋاقتى  2012-9-21 09:13 PM ھازىر ئالتۇن باھاسى يەنە ئۆسىۋاتىدۇ  1790 دوللارغا چىقتى ... 10-ئاينىڭ بىرىنچى جۇمە كۇنى بىيجىڭ ۋاقتى سائەت 20:30دا ئىلان قىلىنىدىغان (非农指数)ئىنتايىن مۇھىم . چۇنكى بۇ غەيرى يىزا-ئىگىلىك ئىشقا ئورۇنلاشتۇرۇش قىممىتى ، ئامىرىكىدىكى يىزا-ئىگىلىكتە بولمىغان بارلىق ئىشقا ئورۇنلاشقانلار سانىنى سىتاتىكىستا قىلىدىغان سانلىق مەلۇمات بولۇپ، ئامىرىكا ئىقدىسادىنىڭ تۆۋەنلىشى ۋە ئومۇمى ئىشلەپچىقىرىش قىممىتى (GDP) قاتارلىقلار بىلەن زىچ مۇناسىۋەتلىك . ئىشقا ئورۇنلاشقانلار سانى تۆۋەنلىدى دىگەن گەپ ئامىرىكا ئىقدىسادى بىسىمغا ئۇچرىدى دىگەن گەپ. شۇڭا ئەگەر بۇ قىتىملىق 非农指数يەنە ئۆتكەن ئايلاردىكىدەك مولچەردىن تۆۋەن ھالەتتە بولسا ، QE3نى داۋاملىق ئىجرا قىلىدۇ دىگەن گەپ، بۇنداق بولغاندا ئالتۇن كۈمۈش داۋاملىق ئۆسىدۇ .ئەگەر ئىشقا ئورۇنلاشقانلار سانى مولچەردىن يۇقىرى چىقسا ، بۇ ئالتۇن كۈمۈشكە پايدىسىز ، QE3نى ۋاقتىنچە توختىتىشى مۇمكىن .    يۇقارقىلار پەقەتلا بىر پەرەز ، سودا ئاساسى قىلۋالماڭ

vincent

	توي قىلماق تەس بوپكەتكۈدەك ھە!!!

شاتئاي

	بۇ ئايلىق مۇئاشىمغا بىر تال ئۈزۈك ئىلۋالارمەن دەپ پېلان سوققان.ئۇف..يەنە ئالالمىغۇدەكمەن دە

qog

	ھەي ئالتۇن ھەي ئالتۇن ئۆسۈپ نەگىمۇ باراسەن،ئۇنداق قىلماي بىر چۈشۈپ مىسرانىمدىكى بويتاقلارنىڭ ھالىغا بىر يەتسەڭ بولاتتى