|
|
|
|
مۇھەببىتىم بىر مۇڭلۇق ناخشا ،
ئۆتمۈشلىرىم مۇزىكىغا جەم .
ئېيتتىم بىر پەس كەچمىشلىرىمنى ،
ئازابىمدىن كۆزلىرىممۇ نەم .
قىلغان ئىدىڭ بىر چاغ قەلبىمنى ،
مۇھەببەتكە مۇپتىلا ئاشق .
بىلىپ كەلگەن ئىدىم مەن باشتا ،
قەلبىمدە سەن بۈيۈك بىر ناتىق .
ماڭا ئاتاپ ناخشا ئېيتاتتىڭ ،
كۆزلىرىڭدىن تۆكۈپ ساداقەت .
ئەستىن چىقماس غەمكىن ئاۋازىڭ ،
كۈيلىرىڭدە كېتەي تائەبەت .
قاراپ قالدىم سېنىڭ كەينىڭدىن ,
كۆزلىرىمدە جۇدالىق يېشىم .
ئارمان بىلەن كېتىپ يىراققا ،
نەگە سىغار ئەمدى بۇ بېشىم .
سۆيگۈلىرىم تۇمانلىق ئىكەن ،
ئاسمىنىمدا يۇلتۇز كۆرۈنمەس .
تەقدىر دېگەن شۇ بولسا ئەگەر ،
بولۇپ كېتەي مەڭگۈ سۆيۈلمەس .
مەنبە : قەلىمىم
2009.5.27 ( شاڭخەي)
|
|
|
|
|
|