ئاجايىپ تەنبىھ

nawkiran111

	بۇرۇن يۈسۈپ ئىسىملىك بىر ئادەم ئۆتكەن ئىكەن. ئۇ خۇش چىراي،كىشىلەر بىلەن چىقىشقاق،ياماندىن قورقىمايدىغان،ناھەق ئىشقا چىداپ تۇرالمايدىغان يىگىت ئىكەن.     يۈسۈپ25 ياشقا كىرگەندە يىراق يۇرۇتتىكى خاسىيەت ئىسىملىك بىر قىز بىلەن توي قىلىپتۇ ۋە ناھايىتى ئىناق تۇرمۇش كەچۈرۈپتۇ.  كۈنلەرنىڭ بىرىدە،يۈسۈپ خاسىيەتنى ئىشەككە مىندۈرۈپ،ئانىسىنىڭ ئۆيىگە ئېلىپ بىرىپتۇ.يۈسۈپ تاشقىرىقى ئۆدە ئۇخلىماقچى بولۇپ يېتىپتۇ. _قىزىم_دەپتۇ ئانىسى ئىچكىرىكى ئۆيىدە تاماق ئېتىۋاتقان خاسىيەتنىڭ يىنىغا كىرىپ، _ئېرىڭ قانداقراقكەن،قاملىشىپ قالدىڭلارمۇ؟   _ناھايىتى ياۋاش،ئوبدانكەن،ئوبدان قاملىشىپ قالدۇق.   _ ئەخمەق_ دەپتۇ ئانىسى خاسىيەتنىڭ سۆزىدىن نارازى بولۇپ، _قاملىشىپ قالغان بىلەن ھىساپ ئەمەس،ئەر كىشى دىگەننى خوتۇن كىشىنىڭ سۆزىدىن چىقمايدىغان قىلىپ بويسۇندۇرىدىغان گەپ. ئەر كىشىنى بارغۇ،خىمىر يۇغۇرۇۋىتىپ <<قولۇمغا سۇ قۇيىۋىتىڭ،ئوچاققا ئوت يىقىۋىتىڭ>>دەپ ئىشقا بۇيرۇغۇلۇق.ئۇنى كۆزگە ئىلمىغاندەك قىلىپ <<كارت_كارت>>ئوسۇرۇپ قويغۇلۇق،شۇنداق قىلساڭ بارا_بارا ساڭا بويسۇنىدىغان بولىدۇ.   بۇنى ئاڭلىغان يۈسۈپنىڭ تازا ئاچچىقى كەپتۇ.<<قولۇمغا سۇ قۇيۇپ بىرىڭ،ئوچاققا ئوت يىقىۋىتىڭ دېسىغۇ ئۇ ئىشلارنى قىلىۋىتەرمەن،ئەگەر يېنىمدا تۇرۇپ مىنى كۆزگە ئىلماي ئوسۇرىدىغان بولسا،كۆرگۈلۈكىنى كۆزىگە كۆرسىتەرمەن>> يۈسۈپ شۇلارنى ئويلاپتۇ_يۇ،چاندۇرماي ئۇخلاشقا باشلاپتۇ.  قايتىپ يولدا كىلىۋاتقاندا،خوتۇنى مىنىپ كىلىۋاتقان ئېشەك ھاڭرىيالماي ئىككى-ئۈچنى ئوسۇرۇپ قويۇپتۇ.يۈسۈپ دەرھال خوتۇننى ئېشەكتىن چۈشۈرۈپتۇ_دە،ئېشەكنى بىر تۈپ سۆگەتكە مەزمۇت باغلاپتۇ.   _ھۇ يۈزى قېلىن مەن سېنى كۇندە ئوت،سۇ،يەم-بوغۇز بېرىپ بېقىۋاتسام مېنىڭ ئالدىمدا كېتىۋىتىپ ،مىنى كۆزگە ئىلماي ئوسۇرغىنىڭ نېمىسى؟_دەپ كالتەك بىلەن ئېشەكنى بىر ھازا دۇمبالاپتۇ.ئېشەكنى قاتتىق ئۇرغانلىقىنى كۆرگەن خاسىيەت،قورقۇپ لاغىلداپ تىترەپ كىتىپتۇ.ئۆيىگە بارغۇچە بىر ئېغىزمۇ گەپ-سۆز قىلماپتۇ.......... _قانداق، ئېرىڭنى ئىشقا بۇيرۇپ باقتىڭمۇ؟ ئانچە-مۇنچە ئوسۇرۇپ قويدۇڭمۇ؟_دەپ سوراپتۇ ئانىسى،خاسىيەت يەنە بىر قېتىم ئۆيگە كەلگەندە. _ۋاي ئانا _دەپتۇ خاسىيەت ئانىسىنىڭ سوئالىغا جاۋاپ بىرىپ،_ئۆتكەن قىتىم ئۆيگە قايتىشىمىزدا،ئېشەك ھاڭرىيالماي بىر-ئىككىنى ئوسۇرۇپ قويىۋىدى،<<مېنى كۆزگە ئىلماي ئوسۇردۇڭ>>دەپ ئېشەكنى ئۇرۇپ ئۆلتۇرىۋەتكىلى تاس قالدى .ئەگەر مەن ئۇنىڭ يىنىدا ئوسۇرۇپ قويىدىغان بولسام مېنى ئۆلتۇرىۋىتىشتىن يانمايدىكەن. مانا شۇ ئاجايىپ تەنبىھتىن كىيىن خاسىيەت ئانىسىنىڭ گېپىگە كىرمەي،ئېرىنى ھۆرمەتلەپ ئىناق تۇرمۇش قۇرۇپتۇ .<<چاقنى بۇزغان تانىسى، قىزىنى بۇزغان ئانىسى>>دېگەن گەپ شۇنىڭدىن قالغان ئىكەن .                      مەنبە:<<ئۇيغۇر خەلق چۆچەكلىرى>>نىڭ 11- قىسمىدىن ئېلىندى

jawzaa

	ھا ھا ھا راسلا ھەقىقەتەن ئىسىل تەنبىھكەن.......... مۇشۇ ئۇيغۇر خەلىق چۆچەكلىرىنىڭ بەكلا ئەھمىيتى زور جۇمۇ

SOYUNQA

	قىزىم ساڭا ئېيتاي كىلىنىم سەن ئاڭلا دىگەن شۇدە ..... تولىمۇ پاراسەتلىك يىگىتكەن ئۇ

azizgul

	بۇ ئانا ھەقىقەتەنمۇ «قىزنى بۇزغان ئانىسى، چاقنى بۇزغان تانسى»دەك قىزنىڭ بەخىتىنى بۇزغۇچى ئانا ئىكەن ..............

blueleaf

	ئاشۇنداقمۇ ئۆگىتەمدۇ قىزىغا ئانا تۇرۇپ ؟......

tilifun5050

	خاخاخا  راستنلا ياخشى تەربىيە بوپتۇ      قىزىم ساڭا دەي كىلىنىم سەن ىاڭلا دىگەندەك

alanwar

	.<<چاقنى بۇزغان تانىسى، قىزىنى بۇزغان ئانىسى>>ئىنكاسى ئوزدىنكەن!!!

-ئۈمىد-

	چاقنى بۇزغان تانىسى، قىزىنى بۇزغان ئانىسى>>دېگەن گەپ   ھەقىقەتەن  راس                        چاقچاق جۇمۇ يەنە قىزلار چاقچاق قىللغانغا تويغۇز ۋەتمەڭلار  يەنە

نەزەر

	ئەقىللىق ئانا قىزىغا ئىرىغا رايىش بولۇپ ھۆرمەت قىلىشنى ئۆگىتىدىغان بۇ ئانىنىڭ قىلىمىشى ئاشۇ ئىشەكتەكلا بوپتۇ .........