ئاياللاردىن مەسلىھەت سورايمەن .

kewser~ay

	ئاياللاردىن مەسلىھەت سورايمەن . ئەسسالامۇ - ئەلەيكۈم مىسرانىمدىكى بارلىق قېرىنداشلار ياخشىمۇ سىلەر ؟ ئاللاھ بارلىق مۇسۇلمان قېرىنداشلىرىمىزنى سالامەت قىلسۇن . ئەمدى مەخسەتكە كەلسەم ،تۇرمۇشتا ئازراق مەسلىگە دۇچ كىلىپ قالدىم ، يەنى سىزىك مەسلىسى ، قايسى كۈنى تازا مىجەزىم يوق ھەم (ئادەت كەلمىگەنلىكى تۇپەيلىدىن ) دۇختۇرغا كۆرۇنگەن ئىدىم . دوختۇر تەشكۇرۇپ بويىڭىزدا بار ئىكەن  (50 كۈنلۈك بوپتۇ ) موبارەك بولسۇن دىدى . بۇ ئىككىنجى بالام بولغانلىقى ئۈچۈن ئۆزۇممۇ ھەم دادىسىمۇ بەك خۇشال بولۇپ ئاللاھقا چەكسىز ھەمدۇ سانالار ئېيىتۇق . بىراق نەچچە كۈن بولدى ، سىزىكىم بەك قاتىقمۇ نىمە بىلمىدىم ، ھەر قانداق بىر نىمە بۇرنۇمغا بۇرسىلا ھۆ چىقىپ بەك بىئارام بولۇپ كىتىمەن ، ئۇ نەرسە مەيلى مىزلىك تائام ، ياكى ئەترە ۋەياكى سوپۇن بولامدۇ ، ئىشقىلپ بۇرنۇمغا پۇراپ قالسىلا بەك بىئارام بولۇپ كىتىمەن .ھەم ئىچ - ئىچىمدىن ھۆ چىقىپ كۆڭلۇم ئىلىشىپ ياندۇرغۇم كىلىپلا تۇردۇ. ئاشخانا ئۆيگە كىرمەي تۇرۇپ يەنە كۆڭلۇم ئىلىشىشقا باشلايدۇ ، بولۇپمۇ ياغنىڭ بۇسى (بولمىسىغۇ بۇس تاتقۇ بار )بەك سىسىق پۇراپ تاماقنىمۇ ئامال يوق بەك تەستە قىينىلىپ ئىتىمەن ، بىراق ئۆزۇم ئەتكەن تاماقىنى ئۆزۇمنىڭ قەتئى يىگىسى كەلمەيدۇ ، قايسى كۈنى ئانامنىڭ ئۆيىگە بارغاندا  ئۆزى بىر قوللۇق تاماق ئىتىپ بىرىپتى ئازراق يىگەن ئىدىم . مۇنچىغا كىرىشمۇ بىرگەپ بۇرنۇمغا سوپۇن پۇراپ يەنە شۇ ھۆ دىيىشكە باشلايمەن . قايسى كۈنى قىيىن ئاپاملار بىلەن بىر چايغا بارغان ئىدىم ، يىنىمدا ئولتۇرغان بىر ئايال پۇرقى كۈچلۇك بولغان ئەتىر چىچىپ كەپتىكەن ، قىشىدا ئولتۇرۇپ شۇنداق  بىئارام بولۇپ كەتتىم ، ئىسيادىم شۇ يەردىن تىزراق كىتىش بولدى. ياكى مەن ھازىر سىزىك ئىچىدە ئىدىم ، دەپ چوڭلار بىلەن  بىريەرلەرگە بارماي ئولتارغىنى بولمىسا قانداقمۇ قىلارمەن؟ دوختۇرلا سىزىك ئاساسەن ئۈچ ئايدا تۇگەيدۇ دەيدۇ ،باشتىكى بالامدا بەك بۇنداق قاتتىق  سىزىك بولمىغاچ بەك قىينالمىغان ئىدىم ، بۇدا بەك تەس بولدى ، قانداق قىلسام بولار ؟  دوختۇرخانىدىكى بىر ئايال كۈندە بىلىق يەپ بەرسىلە سىزىكتىن ئىتىك چىقىلا دەپتى ، نەچچە كۈن بولدى  كۈندە بىلىق يەپ شۇ بىلىقتىنمۇ چىقىپتىمەن ، يەپ بولۇپلا يەنە شۇ تۇگىمەس ھۆ ...............بىلىقتىنمۇ چىقتىم . قانداق قىلسام بولار ؟ شۇڭلاشقا مۇنبەردىكى تەجىربىلىك ئاياللاردىن مەسلەھەت سوراپ ئولتۇرۇپتىمەن ، سىزىكنى پەسەيتىشنىڭ يەرلىك ياكى باشقىچە بىرەر ئۇسۇلى بارمىدۇ ؟ قانداق قىلسام سىزىكىم ئازراق ئوڭشىلار ؟ بىلىدىغىنڭلار ياكى چوڭلاردىن ئاڭلىغان قېرىنداشلىرىمىزنىڭ قولدىن كىلىشىچە يارىدىمىنى ئايماسلىقىنى ئۈمۈت قىلىمەن . باشقۇرغۇچىلار بۇ مىنىڭ تۇنجى قىتىم تېما يوللۇشۇم ، باشقا مۇنبەرلەرگە قارغاندا مۇشۇ مۇنبەرگە ئەزالارنىڭ كىرىش نىسبىتى يۇقىرى ئىكەن ، شۇڭا ئامالسىز بۇ تېمىنى يازدىم ، خاپا بولماي تېمىنى بىر تەستىقلاپ قۇياسىلەر . مەنبەسى مەن .

شاتئاي

	ئاللا ئاللا...... تىببى جەھەتتىن مەن ئازراق گەپ قىلساممۇ بولاتتى.ئايرىم دېيشەيلى..

kaLGundi

	ھامىلدارلىقتا بۇلۇپ تۇردىغان نورمال ئىش. ئەنسىرمەڭ مىللى تىبابەتنىڭ دورىسىنى يەڭ.

subihan

	موبارەك بولسۇن ! ئۇيغۇر تىبابەت  دورىسى نارفىننە ، كۆڭۈل بەك ئىلىشقانغا داۋا بولىدىكەن . ئەمدى باشقا ئىشلارغا ئامال يوق ...... ئانا بولۇش ھەقىقەتەن جاپالىق ........

ئۆل

	بۇنڭغا ئامال ...ھەر قانداق ئامال قىلسڭىزمۇ  داۋا بولمايدۇ ....مىنىڭ بىر دوستۇممۇ شۇنداق بولغان ..ئەمما باشتا بەكرەك  بۇلىدىكەن ..كېيىچە يىنكلشىدىكەن ..مۇبارەك بولسۇن ...شۇندىمۇ ئەمدى ئامال قىلىپ بېقىڭ .

mehrigiya

	kaLGundi يوللىغان ۋاقتى  2012-9-20 10:46 PM ھامىلدارلىقتا بۇلۇپ تۇردىغان نورمال ئىش. ئەنسىرمەڭ مى ... سىزگە نىمە بار ئەمدى بۇ يەردە ئاياللارنى چاقىرۋاتسا !

gawda

	بۇ مۇنبەرگە كىرىپ مەسلىھەت سوراڭ ئەلداۋا ساغلاملىق مۇنبىرى چوقۇم رازى بولغىدەك جاۋاپقا ئېرشىسىز http://bbs.eldawa.com/forum.php

bugaltir

	سېزىك مەزگىلدىكى كۆڭۈل ئىلىشىشنى ھەسەل ئارقىلىق داۋالاش       سېزىك مەزگىلدىكى كۆڭۈل ئىلىشىشنى ھەسەل ئارقىلىق داۋالاش نۇرغۇن ئاياللار سېزىكنىڭ دەسلەپكى مەزگىلدە ھەر خىل تەسىرلەرگە ئۇچرايدۇ،بولۇپمۇ قۇسۇش ئەھۋالى ئېغىر بولىدۇ. ئادەتتە ھامىلدار ئاياللارغا دوختۇرلار ۋىتامىن B6نى ئىچۈرۈش ئارقىلىق ئۇلارنىڭ قۇسۇشىنى توختىتىدۇ.ئەمما تەجرىبىلەردىن قارىغاندا ، ۋىتامىن B6ئانىنىڭ نېرۋىسىغا زىيانلىق بولۇپلا قالماستىن،بەلكى يەنى تۆرەلمىنىڭ غەيرى يېتىلىپ قېلىشىنىمۇ كەلتۈرۈپ چىقىرىدىكەن. ۋىتامىن B6نى ئىشلەتمەي ،ھەسەل ئىستىمال قىلدۇرۇش ئارقىلىقمۇ ھامىلدارلىقتىكى قۇسۇشنى توختاتقىلى بولىدۇ. مەنبە(تۇرمۇش مەسلىھەتچىسى) يوللىغۇچى:كەۋسەر خانىم ئەمەلىي تەجىربىلىرىمدىن قارىغاندا ئاياللارنىڭ سېزىك ۋاقتىدىكى كۆڭۈل ئىلىشىشقا ئەڭ ئۈنۈملۈك يېمەكلىك بېھى شەربىتىدۇر. ياكى بىھىنى قاينىتىپ سۈيىنى ئىچىپ بەرسىمۇ بولىدۇ. ئۇندىن باشقا ئانار شەربىتى، پىننە گۈلقەنتى، ھەسەل قاتارلىقلارنىڭمۇ سىزىكنى تۆۋەنلىتىش رولى بار. http://www.80halta.com/article/172.htm ئەسكەرتىش    :    ئاياللارنى چاقىرغان تېمىغا مەنمۇ كىرىۋالدىم  . ئنكاس يازماي ئاستا چىقىپ كېتەي دىگەنتىم  ، ئەمما  تېما ئىگىسى يولۇققان مەسىلىگە مېنىڭ ئايالىممۇ 3 قېتىم يولۇقتى  . شۇڭا  ئۆزەمنىڭ تەجىربىسى ئارقىلىق  بۇ توردىشىمغا  مەسلىھەت بەردىم  . كېيىنكى ئىنكاسلىرىمدىمۇ يوللايمەن  .

bugaltir

	ھامىلىدارلاردا نېمە ئۈچۈن سېزىكلىك ئالامىتى بولىدۇ؟       سېزىكلىك، ئادەتتە، تۆۋەندىكى بىر قانچە خىل ئامىلدىن بولىدۇ: 1. ئىچكى ئاجرالمىلارنىڭ تەسىرگە ئۇچراش سەۋەبىدىن بولىدۇ. ئاياللار ھامىلىدار بولغاندىن كېيىن، تىۋىتلىك پەردە جىنسىي بەزلەرنى ئىلگىرى سۈرگۈچى ھورمونى تېز ئۆرلەيدۇ، بۇنداق ھورمونلارنىڭ قاندىكى قويۇقلۇق دەرىجىسى قانچە يۇقىرى بولسا، ئىنكاسىمۇ شۇنچە ئېغىر بولىدۇ. 2. ئوزۇقلۇق ئامىلى. ئاياللار ھامىلىدارلىق مەزگىلىدە ماددا ئالمىشىش كۈچەيگەنلىكتىن ئوزۇقلۇققا كۆپرەك موھتاج بولىدۇ. شۇڭا ئوڭايلا ۋىتامىن يېتىشمەسلىك، شۇنداقلا ئېغىر كېسەل ئالامىتىمۇ كېلىپ چىقىدۇ. بۇنداق چاغدا ئەھۋال ئېغىر بولسا، بىر قىسىم ۋىتامىنلارنى تولۇقلاپ، كېسەل ئالامىتىنى يېنىكلىتىش كېرەك. 3. كەيپىيات، بېسىمنىڭ تەسىرى. ئادەتتە تۇرمۇش بېسىمى ئېغىر، ئائىلە مۇناسىۋىتى جىددىي بولسا، سېزىكلىك ئالامىتىمۇ ئېغىر بولىدۇ. 4. ھامىلىدار ئاياللار بەك تويۇپ غىزالانسا ياكى ئاچ قالسا، كۆڭلى ئېلىشىپ ھۆ بولىدىغان ئەھۋاللار كۆرۈلىدۇ. 5. مەركىزىي قىسىم نېرۋىلىرىنىڭ ياندۇرۇشنى كونترول قىلىش مېخانىزملىرىنىڭ ئۆزگىرىشى. ئاياللاردا ھامىلىدارلىق مەزگىلىدە مەلۇم نەرسىنىڭ پۇرىقىغا، مەسىلەن: بۇس، ئاچچىق يېمەكلىك قاتارلىقلارغا بولغان سەزگۈرلۈك ئېشىپ كېتىدۇ. ئۇنداقتا سېزىكلىك ئالامىتىنى قانداق كونترول قىلغىلى بولىدۇ؟ ئەمەلىيەتتە، سېزىكلىك ئالامىتى ئۆزلۈكىدىن ئاستا – ئاستا ئاجىزلاپ يوقاپ كېتىدۇ. بۇنىڭغا ئالاھىدە داۋالاش كەتمەيدۇ، پەقەت يېمەك – ئىچمەك ئادىتىنى مۇۋاپىق تەڭشىسىلا بولىدۇ. 1. ئادەتتە ئاياللار ھامىلىدارلىق مەزگىلىدە تاماقنى زىيادە كۆپ يېۋىلىپ، سىڭدۈرەلمەي قېلىشتىن، ئۇزاق مۇددەت ئاچ قورساق يۈرۈشتىن ساقلىنىشى كېرەك. 2. ئەتىگەندە ئىمكانقەدەر ياغسىز تاماق يېيىش كېرەك. ئادەتتە ئاچچىق، ئالاھىدە پۇراقلىق نەرسىلەردىن، ياغلىق يېمەكلىكلەردىن ئامال بار ئۆزىنى قاچۇرۇش كېرەك. 3. غىزالانغاندا كۆپ سۇ ئىچمەسلىك كېرەك. ھامىلىدار ئاياللار ئۇسسۇزلۇقنى، ئەڭ ياخشىسى، ئىككى ۋاخ تاماق ئارىلىقىدا ئىچىش، چۈنكى غىزالانغاندا سۇ مىقدارى كۆپ بولۇپ كەتسىمۇ ئاشقازان، ئۈچەينى ئاغرىتىپ، ياندۇرۇشقا توغرا كېلىدۇ. ھامىلىدار ئاياللار يەنە ۋاراڭ – چۇرۇڭ ۋە ھاۋاسى ناچار يەرلەردە ئىمكانقەدەر غىزالانماسلىقى كېرەك. ھامىلىدارلىقنىڭ دەسلەپكى مەزگىلىدە ھامىلىدارلارنىڭ ئىشتىھاسى ياخشى بولماي، بەدەن ئېغىرلىقى تۆۋەنلەپ كېتىدۇ. بۇنداق ئەھۋال ھامىلىنىڭ يېتىلىشىگە تەسىر قىلمايدۇ ۋە خەتەرلىك ئەھۋالنىمۇ كەلتۈرۈپ چىقارمايدۇ. بىراق ياندۇرۇشنى توختىتىش دورىسىنى خالىغانچە ئىشلىتىشكە بولمايدۇ. ئەگەر ياندۇرۇش بەك ئېغىر بولۇپ كېتىپ، كوللاپىس كۆرۈلسە، دوختۇرنىڭ كۆرسەتمىسى بويىچە ياندۇرۇشنى توختىتىش دورىسىنى ئىشلەتسە بولىدۇ. مەنبە: شىنجاڭ گېزىتى. ئاپتۇرى:ماھىرە سېلىم تور بېتىمىز ئاياللارنىڭ ھامىلدارلىقتىكى سىزىكلىك دەۋرىدە كۆڭۈل ئىلىشىشنى پەسەيتىش ھەم ئىشتەينى ئىچىش ئۈچۈن بىھىنى قاينىتىپ سۈيىنى ئىچىپ بىرىشىنى ۋە ياكى ئۇيغۇر تېبابەت ئورۇنلىرى مەخسۇس تەييارلىغان بىھى شەربىتى، ئانار شەربىتى، پىننە گۈلقەنتى قاتارلىقلاردىن ئىستىمال قىلىپ بىرىشنى تەۋسىيە قىلىدۇ. http://www.80halta.com/article/171.htm

bugaltir

	ھامىلدار ئاياللار دىققەت قىلىشقا تىگىشلىك بىر قانچە نۇقتىلار       1. روھى جەھەتتە چوقۇم نورمال بولۇشى كېرەك. ئاياللار ھامىلدار بولغاندىن كېيىن روھىي جەھەتتە تۇراقلىق ھالەتنى ساقلىمىغاندا ھامىلىنىڭ يېتىلىشىگە پاسسىپ تەسىر كۆرسىتىدۇ. بولۇپمۇ ھامىلدار ئاياللار سىزىك دەۋرىدە بىزارلىق تۇيغۇسىغا، ياكى ئاچچىقلاش ۋە ياكى كەمسىتىلىش روھىي تەسىرلەرگە يولۇقۇشى مۇمكىن. شۇڭا ئائىلىدىكى باشقا ئەزالار چوقۇم ھامىلدار ئايالنىڭ سىزىك جەريانىدىكى بىنورمال كەيپىياتىغا يېقىندىن ماسلىشىشى ۋە روھى جەھەتتە نورماللاشتۇرۇشقا تىرىشىشى كېرەك. ئەكسىچە ھامىلدار ئايالنىڭ سىزىكى بىلەن قارشىلىشىشقا ياكى ئۇنى كەمسىتىشكە بولمايدۇ. ھەمدە جېدەل- ماجرالاردىن ساقلىنىشى، ئۇنداق يەرلەردە تۇرماسلىقى كېرەك. 2. سىرتقى زەربىدىن ساقلىنىشى كېرەك. سىرتقى زەربە ھامىلىگە نىسبەتەن زور خەتەر بولۇپ، دىققەت قىلمىغاندا ھامىلىنىڭ چۈشۈپ كېتىشىنى كەلتۈرۈپ چىقىرىدۇ. 3. كىيىنىشكە ئالاھىدە دىققەت قىلىشى كېرەك. ھامىلە چوڭىيىشقا باشلىغان مەزگىللەردە تار كىيىملەرنى كىيمەسلىك، ھەمدە كۆكسىگىمۇ كەڭ كىيىملەرنى ئىشلىتىش كېرەك. قورساقنى تېڭىۋېلىش ھامىلىگە ناھايىتى زىيانلىق بولۇپ ئېغىر بولغاندا ھامىلە تۇغۇلغاندىن كېيىن ئۆلۈپ كېتىش ياكى ئېغىر كېسەللەر بىلەن كېسەللىنىشنى كەلتۈرۈپ چىقىرىدۇ. 4. يىمەك- ئىچمەككە ئەھمىيەت بېرىش كېرەك. ئوزۇقلۇق سۈپىتى ۋە تازىلىقىغا ئالاھىدە دىققەت قىلىش كېرەك. لەڭپۇڭدەك بەك سوغۇق تىپتىكى يىمەكلىكلەرگە سىزىك بولغاندا سىزىك بولغۇچى ۋە يولدىشىمۇ تەڭ ماسلىشىپ بىر قېتىم لەڭپۇڭ يېسە ئىككى قېتىم ئىسسىقلىق تەرەپتارىدىكى تاماق يىيىشنى قولغا كەلتۈرۈش كېرەك. مۇشۇنداق قىلغاندا سىزىكلىكنى يېڭىپ تىزرەك سىزىكلىكتىن چىققىلى بولىدۇ. ئەكسىچە سوغۇق نەرسىلەرگە سىزىك بولغاندا ئۇنى داۋاملىق ئىستىمال قىلىۋەرگەندە ئايال كىشىنىڭ مىجەزى بەكلا سوغۇققا ئۆزگىرىپ ھامىلىنىڭ نورمال تەرەققىياتى توسقۇنلۇققا ئۇچرايدۇ، ھامىلىگە ئوزۇقلۇق يېتىشمەسلىكتەك خەتەرلىك ئەھۋال كېلىپ چىقىدۇ. تۇغۇلغاندىن كېيىنمۇ بەك ئاجىز بولۇش ئەھۋالى كېلىپ چىقىدۇ. 5. نورمالسىز جىنسى ئالاقىدىن ساقلىنىش كېرەك. ھامىلدارلىقنىڭ دەسلەپكى مەزگىللىرىدە ۋە تۇغۇتقا يېقىنلاشقان مەزگىللەردە جىنسى ئالاقىدىن توختاش كېرەك. 6. رېنتىگىن ۋە ب تىپلىق ئاپپاراتقا چۈشۈشتىن مۇمكىنقەدەر ساقلىنىش كېرەك. 7. قالايمىقان دورا ئىشلەتمەسلىك، ئۇيغۇر تىبابەت دورىلىرىنى ئىشلەتكەندىمۇ دوختۇر مەسلىھەتىنى ئېلىش كېرەك. 8. سۈرگۈ دورىلىرىنى ( سۈيدۈك ، ھەيز ماڭدۇرغۇچى دورىلارنى ) ئىشلىتىشتىن ساقلىنىش كېرەك. چۈنكى بويىدىن ئاجراپ كېتىشنى كەلتۈرۈپ چىقىرىشى مۇمكىن. 9. مۇۋاپىق ھەرىكەت قىلىپ بېرىش كېرەك. ئادەتتە ئاياللار مۇۋاپىق ھەرىكەت قىلىپ، ئۆي ئىشلىرى بىلەن مۇۋاپىق شۇغۇللىنىپ بەرگەندە بەدەندىكى ئارتۇق ماددىلار تارقاپ ماددا ئالمىشىش پائالىيىتى ، قان ئايلىنىش ياخشىلىنىدۇ ۋە ھامىلىنىڭ تەرەققىياتىغا، ئورنىغا ناھايىتى پايدىلىق. ھەرىكەت قىلىپ بەرگەندە تۇغۇتمۇ ئاسانلىشىدۇ. http://www.80halta.com/article/170.htm