«ھۇررا» توۋلاش ئەزىمەتلەرنىڭ ئىشى

impiratur

	دىيارىمىزغا نىسبەتەن 2012-يىلدىكى  ئەڭ قىزىق تېما <<ھۇررا!>> بولدى. 2012-يىلى 5-ئاينىڭ 12-كۈنى جوڭگۇ پۇتبولچىلار بېرلەشمىسى شىنجاڭ رايۇنىغا ئورۇنلاشتۇرغان <<2012-يىللىق ب دەرجىلىك كوماندىلار بېرلەشمە مۇسابىقىسى>>دىن تارقالغان <<ھۇررا>>سادالىرى تەڭرىتاغ باغرىدىن ئۆتۈپ مەملىكىتىمىز جوڭگۇ شۇنداقلا چەتئەللەردىكى پۇتبول سۈيەر خەلقلەرنى ھەيران قالدۇردى . يۈكسەك مەدەنىيەت خېمىرتۇرۇچلىرى بىلەن يۇغۇرۇلغان بۇ روھ ،بۇ بىرلىك ، بۇ ئىناقلىق مەملىكىتىمىز  ۋە دۇنيا خەلقىگە پۇتبول سۇيەر روھىمىزنى ، پۇتبول مەدەنىيىتىمىزنى تونۇتتى.        بۇنىڭدىن 11ئەسىر ئىلگىرى بۈيۈك قامۇسىمىز <<تۇركىي تىللار دىۋانى>>دا تىلغا ئېلىنغان بۇ تەنتەربىيە تۈرى ئەزەلدىن ئەزىمەتلەرنىڭ مەردلىكىنى ،جەسۇرلۇقىنى سىنايدىغان بىر بەيگە ئىدى. ئەلۋەتتە، مەدەت بەرگۇچىلەردىمۇ مەردلىك ،جەسۇرلۇق روھىنى ئۇرغۇتاتتى. بۇ بىزنىڭ مىللىي خاراكتىرىمىزگە ئەڭ ماس كىلىدىغان مەدەنىيەت ھەركىتى ئىدى.لېكىن قاچانلاردىدۇر بىر چاغلاردا كەيدۇرۇلگەن بېشىمىزغا ماس كەلمىگەن <<ناخشا-ئۇسۇل مىللىتى>>دىگەن قالپاقنىڭ ئاسارىتىدە، ھىسياتقا باي روھىي ئاجىز ،يىغلاڭغۇلۇق خاراكتىرى كۈچىيىپ كەتكەن مۇھىتتا ياشاۋاتقان خەلقىمىز ، تارىختا ئات ئۇستىدە قۇيۇندەك چېپىپ كېتىۋېتىپ ئوقنى ئالدىغا قانداق ئاتسا ،ئارقىسىغا قارىتىپمۇ شۇنداق ئۇستىلىق بىلەن ئېتىپ ئىسكەندەر زۇلقەرنەيىدەك دۇنياۋىي ئىستىلاچىنى ھەيران قالدۇرۇپ <<ئوقياچى مىللەت>>دەپ ئاتالغاندەك ؛ چىڭگىزخان ۋە ئۇنىڭ ئەۋلادلىرى زامانىدا تۈرلۈك ساھە بويىچە يېتىلگەن ئىختىساس ئېگىلىرىنىڭ كۆپلىكى بىلەن <<مەرىپەتچى مىللەت >> دەپ ئاتالغاندەك <<پۇتبولچى مىللەت>> دەپ ئاتالسابولماسمۇ؟!                   پۇرسەت شۇنداق نەرسىكى ، ئۇنى دەل ۋاقتىدا بايقاپ تۇتالمىسا گەرچە ئوغۇزخاننىڭكىدەك ئۆتكۇر قىلىچ بولسىمۇ ئۇ چامغۇر ئاقلاشتىن باشقىغا يارىمايدۇ. سۇتۇق بۇغراخاننىڭكىدەك ئۇچقۇر ئارغىماق بولسىمۇ قوش تارتىشتىن باشقىغا يارىمايدۇ. بايقىساق بۇ بىز ئۈچۈن تارىخىي خاراكتىرلىق بىر پۇرسەت ! چۇنكى شۇ پەيتتە جوڭگۇ پۇتبولچىلىقى ئۈمۈدىنى شىنجاڭغا باغلىدى. دۇنيامۇ شىنجاڭنىڭ پۇتبول مەدەنىيىتىگە قىزىقماقتا...         بىزگە ئوخشاش تەپەككۇر تىپىدىكى ئەمەس، ھېسسىيات تىپىدىكى مىللەتلەردە لوگىكىلىق پىكىر قىلىش ئادىتى كەمچىل ، ھېسسىياتلىق پاراڭ-سۆھبەتلەر كۆپ ئىلمىي روھ كەمچىل، قارىغۇلارچە  قىزغىنلىق كۈچلۈك بولىدۇ.  بۇنىڭ بىلەن غەلىبە خۇمار بولۇپ قېلىش، غەلبە قىلسا جاھانغا پاتماي ، بىر قېتىم مەغلۇپ بولسا پۇتۇنلەي ئۆزىنى يوقىتىش ، مەسىلىنىڭ ماھىيىتىنى ھەل قىلماي قارىغۇلارچە قېيداش ، ھەممىدىن ۋاز كېچىش ، <<خۇجىسىدىن رەنجىسە ،ئاچچىقىنى مالىيىدىن چىقىرىش>>.... تەك بىر قاتار سەلبىي روھىي ھالەت شەكىللىنىپ قالىدۇ. بۇ ئەلۋەتتە ھەممە ئۈچۈن پاسسىپ تەسىر بېرىدۇ. شۇڭا بىز ھازىر ناچار پىسخىك ھالىتىمىزنى ئۆزگەرتىپ، پۇتبول ھەركىتىنى ۋە پۇتبول مەدەنىيىتىمىزنى قايتا نامايەن قىلىش ئۈچۈن ئۇزاققا بەرداشلىق بىرىدىغان پىسخىك ھالەتنى ساقلاپ ،قىيىنچىلىقلارنى ئەڭ تۈۋەن دەرجىگە چۈشۈرۈش ئۈچۈن تىرىشچانلىق كۆرسىتىپ "ھۇررا 'سادالىرىنى ئۈزۈپ قويماسلىقىمىز لازىم .  <<ھۇررا>>سادالىرىمىز ئەزىمەتلىرىمىز ئەڭ ئېھتىياجلىق پەيىتلەردە تېخىمۇ جاراڭلىق ياڭرىسۇن! ئۇلار مەغلۇبىيەتنىڭ ئاچچىق تەمىنى تېتىۋاتقاندا ئۇلارغا <<ھۇررا>> دەپ تەسەللىي بېرەيلى .       خۇلاسە كالام، ھۇررا توۋلاش ئەزىمەتلەرنىڭ ئىشى . ئەزىمەت غەلبە قىلغاندىمۇ ''ھۇررا'' دەپ توۋلايدۇ. مەغلۇپ بوولغاندىمۇ قايتا ''ھۇررا'' دەپ توۋلىيالايدۇ.   ئاخىردا ھەممىمىز بىرلىكتە 2012-يىلى 9-ئاينىڭ 23-كۈنى ئۈرۈمچى ۋاقتى سائەت 13 دە شىنجاڭ تەنتەربىيە مەركىزىدە ئېلىپ بېرىلىدىغان 2012-يىللىق ب دەرجىلىك كۇلۇبلار مۇسابىقىسىنىڭ شىنجاڭ مۇسابىقە رايۇنىدىكى ئەڭ ئاخىرقى بىر مەيدان مۇسابىقىدە '' ھۇررا " سادالىرىمىزنى بىرلىكتە كۆككە ياڭرىتايلى .

poyuz

	شۇنداق مەيلى نەتىجە قازىنايلى ياكى قازانمايلى، بوشاشماي، بەل قويۇۋەتمەي  تىرىشقانلا ئەزىمەتلەرگە ھامان ھۇررا ساداسى ياڭراپ تۇرغۇسى! ھۇررا ساداسى ھەرۋاقىت كۆكتە ياڭراپ، كەلگۈسىدە دۇنيانىمۇ زىل-زىلىگە كەلتۈرگۈسى!

uyghur05

	مەيلى يەڭسۇن ياكى يېڭىلسۇن بىزنىڭ ھۇررالىرىمىز ھەرگىز بوشاشمايدۇ .

Azizan

	پۇتبولچى مىللەت ؟ پاھۇي ... گرىك ۋە رىم قەدىمكى كىنولىرىدا ئاقسۆڭەكلەر سوقۇشقا سالىدىغان زەنگىلەرنى يادىمغا سالدى بۇ ئاتالغۇ ... چۈنكى شۇ زەنگىلەرمۇ مەلۇم بىر تاقىم ئاراللارنىڭ مەخسۇس مەھسۇلاتى ئىدى ... مەنمىغۇ بىر پۇتبول مەستانىسى بولمىسا ، لېكىن مېنىڭچە پۈتۈن مىللەت بويىچە مەلۇم بىر نەرسىگە ئاتلىنىش ئىلگىرىكىن نادان قىلمىشتىن ئىبارەت ... ئۇسسۇل ئوينايدىغانلار ئۇسسۇلىنى ئوينىغىنى ، غەزەل توۋلايدىغانلار غەزىلىنى توۋلىغىنى ، توپ ئوينايدىغانلار توپىنى ئوينىغىنى ... يەنە مەندەك سوپى-ئىشانلار قۇيماقنى سېلىپ قويۇپ ، بىر قاپاقتىن تارتىشقاچ مازارلاردا سەكرىگىنى ئەۋزەلدۇر ...

★Esl~YaXa★

	ھۇررا  سادالىرىنى پۈتۈن دۇنياغا ياڭرىتايلى ```

流浪

	ھۇررا  ساداسى مىللىتمزگە  چاقىرىق  بولسۇن ..............

yidayat164

	ئەسسالامۇ-ئەلەيكۇم! مەن كوماندىمىزغا مەيلى شىنجاڭ مەيلى ئىچكىر ئۆلكىدە بولسۇن مۇسابىقىگە ئىزچىل نەزەرسېلىپ  ھۇررا توۋلاپ كەلدىم لىكىن يىقىنقى مۇسابىقىلىرىدا بەزىبىر مەسىللەرنى بايقىدىم . چوقۇم مەسىلە بار. بولمىسا ئۇتتۇرمايتى.ئەسلى ماھارىتى ئىشلەنمىدى ئەزالارنىڭ ئورۇنلاشتۇرۇش، تاكتىكا ۋە ...... قەستەن ................... ھەي پۇل!!!!!!!!!!!!!!!!!!!!

qog

	ھۇررا سادالىرى ھەرگىز توختاپ قالمايدۇ

yar318

	مەنمۇ بىر مەيدان مۇسابىقە كۆرۈپ توۋلاپ تاس قاغان 10كۈن گەپ قىلالمىغىلى...شۇندا بولسىمۇ يەنە بىرىپ بىر توۋلاپ كىلەي..ھۇررررررررررررررررررررررررررررررررررررا

DAWRAN0991

	ھەممىمىز 23-چىسىلا ئۈرۈمچى تەنتەربىيە مەركىزىگە بىرىپ ھۇررا سادالىرىنى كۆككە ياڭرىتايلى!بۇيىللىق ئاخىرىقى قىتىم كۆك بۆرىدەك ھوۋلاپ يەنە بىر قىتىم ئالۋاستى مەيدانى شەكىللەندۈرەيلى!!ھەممەيلەن ھۇررا!!