ئابدۇخالىق ئۇيغۇر شېئىرلىرىدىن ئىككى پارچە

allabir520

	ئابدۇخالىق ئۇيغۇر غەزەللىرى بىزگە بىر كۇن كۆپ جاپا باردۇر؟ جاھالەت سەمەرىسىدىن بىزگە بىر كۇن كۆپ جاپا باردۇر؟ ئېيتىڭىزچۇ، بۈگۈنكى ھالىمىزنىڭ قايسى بىرىدە ساپا باردۇر؟ جاھاننىڭ ھالىدىن ۋاقىپ بولۇپ تۇرماقنىڭ ئورنىغا، بىرسىنى شاڭيۇ سايلاپ ئارقىدىن دەۋايىمىز باردۇر. ئىلىمنىڭ ئىجدىھادىغا كۆڭۇلنى قويمىدۇق بىزلەر، ئوقۇرمىز - ئوقۇتۇرمىز دەپ سېغىز چايناشىمىز باردۇر. تەئاۋۇنۇ - تەناسۇر ئورنىغا بىزلەردە بىر ئادەت، يېڭىدىن باش كۆتۇرگەننى ئۇرۇپ يىقىتقانىمىز باردۇر. يەنە يۇرت پايدىسىغا جەمئىي بولماقلىق بەسى مۇشكۇل، ئەگەر بىر يەردە توي بولسا بېرىپ ياتقانىمىز باردۇر. ئومۇمنىڭ پايدىسىغا يۈز يىلدا ھەم ئەسلا چۈشەنمەيمىز، زىيان قىلماق ئۈچۈن بولسا ئەجەپ چاققانىمىز باردۇر. بىرى  بىر ياخشىلىق قىلسا ئۇنىڭ يادىنى قىلماق يوق، ئېپى كەلسە بېرىپ ئەۋرەتلىرىنى ئاچقانىمىز باردۇر. ئەگەر مىللەت ئۈچۈن بىر پۇل چىقىم كەلسە تاپالماسمىز، چىقىمى يوق ناۋا پۇلغا تولا ئىخلاسىمىز باردۇر. قىرىنداشلىق، بۇرادەرلىك نىشانى قالمىدى بىزدە، مەگەر دوست بولساقمۇ ئەسلى بۆلەك مۇددىئايىمىز باردۇر. خاتائەن دوستىمىزدا بىرەر ئەيىپ زاھىر بولۇپ قالسا، يۇشۇرماي يەنە بىرگە ئوننى قاتقانىمىز باردۇر. بابالار شۆھرىتىنى، غەيرىتىنى ھېچ سېغىنماسمىز، تۇرۇپ غەپلەت - جاھالەتتە تېخى پو ئاتقانىمىز باردۇر. كىرەكسىز مۇستەھەپ ئىشلار ئۇچۇن جاننى بىز پىدا قىلدۇق، ۋە لىكىن ھەجگە باج ئالسا توزۇپ قاچقانىمىز باردۇر. ئويۇن - چاقچاق تۇپەيلى ئۆز - ئارا بىئەپ بۇلۇپ قالساق، ياراشتۇرۇپ قويۇش نەدە؟ ئاراغا ئوت ياققانىمىز باردۇر. خۇشامەت بابىدا بىزدىن بۆلەك ئۇستىسى ھەم يوقتۇر، قۇۋلۇق ھەم شۇملۇق بىلەن رەڭمۇ - رەڭ يالغانىمىز باردۇر. «ئىت ئۇرغاننى تونۇر» دەپ بىزدە بار ئىدى تەمسىل، لويى ئامبال ۋە دارىن دەپ  سەمىز باققانىمىز باردۇر. ئىلىم-پەنگە يۇرۇش قىلغان ئۇچار كۆكتە، ئۇزەر سۇدا، مىنىشكە يوق قوتۇر ئىشەك، پىيادە قالغانىمىز باردۇر. گۈكىرەپ كەلسە ئاپتومبىل، نىمە بۇ ئەي خۇدايىم دەپ، ئەقىلنى ئىشلىتەلمەي تاڭ قېتىپ قالغانىمىز باردۇر. ھۇنەر بىلەن سانائەتتە «يىتىشتۇق» ئەمدى ئىش پۈتتى، ئۇماچ ئىچمەككە خۇمداندا ھېجىر قويغانىمىز باردۇر. مىسلى جەننەت تاغۇ - دەريانى بىزەشكە يوق ھېچ كىشى، ياستۇقنى قىرلاپ قويۇپ بىغەم ياتقانىمىز باردۇر. مۇنەججىم ھەم ئىنژىنىر، ئالىملارنىڭ ئورنىغا، يوغان سەللە،  نەپسى بالا موللىمىز - سۇلتانىمىز باردۇر. قىزىل كۆزلۈك، كۇرەلمەسلىك ۋە يا ئۆزى قىلالماسلىق، قىلاي دەپ باغلىسا كىم بەل تۇمەن بوھتانىمىز باردۇر. ئەل - يۇرتنىڭ دەردىگە قىلچە دەرمان بولمىدۇق بىزلەر، كىلۇر بىر كۇن شۇ چاغدا ئورنىغا كەلمەس پۇشايمانىمىز باردۇر. ئابدۇخالىق بولدى قىل، ئاۋارە بولما، قاقشىما، شۇ چاغ كەلگەندە بىزلەردە ئازاپقا تەييار  ۋىجدانىمىز باردۇر. ئايرىلمىغىل ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭ ھىممىتىڭدىن، غەيرىتىڭدىن دوستلىرىم ئايرىلمىغىل، ھەقلىقىن بىلگەن يولۇڭدىن جاننى بەر، قايرىلمىغىل. مانىئىڭ كۆپ بولسىمۇ، قورقماي ئۈزۈپ ئالدىڭغا باس، تاغۇ - تاش، دەريا، ئۇلۇغ سۆزلەرگە سەن تاڭ قالمىغىل. ئات ئۆزۇڭنى بەھرىگە، يا غەرق بول، يا تاپ گۆھەر، شىر ۋە ھەم يولۋاس كەبى باسقان ئىزىڭدىن يانمىغىل. تۆت تەرەپ ياۋ ھۇۋلىشىپ، سەككىز تەرەپ تىغ تەڭلىسە، ئېلىشىپ قانغا بويال، نۇمۇسنى ھەرگىز ساتمىغىل. كىمكى ھەق يولغا قەدەم قويسا ئۇتۇق مۇتلەق شۇنىڭ، بۇ نىچۈك بولغاي كېيىن دەپ، يوق خىيالغا قالمىغىل. سەن ۋەتەن، مىللەت دېسەڭ، تارىختا نامىڭ قالغۇسى، بول جەسۇر ئالىي نىشان، كۆلچەك بۇلاققا قانمىغىل. ئابدۇخالىقنىڭ سۆزى دەپ ئېتىبار ئالماي قېلىپ، ئۇشبۇ ۋىجداننى كېيىن پۈتمەس ئازابقا سالمىغىل.

jawzaa

	بۇ شېئىر ھەقىقەتەن مىنى ئويغا سالدى

qidax

	ئويغىنىپ كەتتى جاھان مەغرىپى-مەشرىق تامام، مەن تېخى سۈت ئۇيقۇدا چۈش كۆرۈپ ياتارىمەن. باشقىلار سۇدا ئۈزۈپ كۆكتە ئۇچۇپ كەتتى يىراق، مەن مىسال يالاڭ ئاياق دەسسەپ تىكەن يۈرەرمەن. _ئابدۇخالىق ئۇيغۇر.

arkenkaxka

	‹‹ئايرىلمىغىل›› دىگەن شئېرنى ئەدەبىيات دەرسىنى ئۆتكەن چاغدا يادىلغان ئىدۇق بەك ياخشى دىسە ...

uyghur05

	بىرىنچى شىئىرنىڭ ماۋزۇسى «باردۇر» .مۇشۇ  شىئىرنى كۆرگەندىن بېرى ئابدۇخالىق ئۇيغۇرنىڭ شىئىرلىغا باشقىچە ئوقۇيدىغان بولۇپ قالغانىدىم . ئەجرىڭىزگە تەشەككۈر قېرىندىشىم

tuntaxvixi

	ئابدۇخالىق ئۇيغۇر دىسە يۈرۈكۈم تىتىرەيدۇ

ap~qilam

	ئايرىلمىغىل دېگەن شېئىرىنىڭ ھەربىر مىسراسىنىڭ ئۆزىلا ماڭا ئاجايىپ ئىلھاملارنى بەخىش ئېتىدۇ

möljarli

	ئوتيۈرەك شائىرىمىز، مەرھۇم ئابدۇخالىق ئۇيغۇرنىڭ {پىغان} ناملىق شېرىغا  ......   *مېھرىبان ئاللاھتىن _ مەرھۇمنىڭ روھىغا رەھمەت ۋە مەغپىرەتلەر تىلەيمەن* پىغان - زارلار     كېچە كۈندۈز ئاھۇ ئاھ-زارلار  چىقار يەتتە پەلەكلەرگە،   يىتىشتى بۇ پىغان-زارلار  پەلەكلەردە  مەلەكلەرگە . ۋەلېكىن بولمىدى كۆكتىن، شۇ ھالىمىزغا بىر رۇيا _ كېچە ئۇخلاپ سەھەر تۇرساق، مەلىك بولساق تەخىتلەرگە. جاھان كەزدۇق ھىممەت تىلەپ ، يېلىندۇق بىگانە ئەللەرگە، قۇرۇپ بەرگەي بىزگە بىر ئۆي، مۇناسىپ ھەر پەسىللەرگە. ۋەلېكىن بىگانىنىڭ قەستى، تېگىشتۈرمەك قىبلەمىزنى _ شۇڭا قىلمايدۇ ئىنسانلىق {ئىلاھ بىردۇر} دىگەنلەرگە. زۇلۇملار چېكىدىن ئاشتى، چىداپ كەلدۇق بۇ كۈنلەرگە، بىزلەر ئۆلسەكمۇ مەيلىدى، ئۆمۈر بەرسە سەبىلەرگە. ۋەلېكىن ئاڭلاشقا بۇ دەرىتنى تېپىلماسكەن ئادالەت، مىڭ لەنەت،،، قىساس ئالساق (ت...ئۇيغۇر) دىگەنلەرگە. ئاچالماي مۇستەقىل بىر يول، كۈرەش بىرلە بۇ مىللەتكە، پىغان ئىچرە غەرىق بولدۇق، ئەسىر بويلاپ بۇ زىللەتكە. خىيال ئوكيانىدا لەيلەپ كىرەلمەي بەھرىگە جەڭنىڭ، كۆپۈكتەك ئۆتسىمۇ ئۆمۈر" دىدۇق، تەڭبىز لەھەڭلەرگە". كېبىر ئاتىدىن چۈشمەي يەنە شۇنچە يۈرەرسەنمۇ ؟،   رىيازەت دەشتىنى كەزمەي ۋىسال پەيزى سۈرەرسەنمۇ ؟.   - ۋىسال ۋەسلى ئۈچۈن جەڭدە ئۆلەش بىزگە ئالى شەرەپ-   كۈرەش قىلماي يېتىپ ئۈلسەك" ئىلاھىم ئەفۇ قىلارسەنمۇ ؟" !!!. مۆلجەرلى

ablat45

	يارام ~~~~~

orhunogli

	ئويغان دىگەن شىېئر بامۇدۇ؟ بولسا يوللىساڭلار بوپتىكەن.