ﺋﯘﻳﻐﯘر ﻧﺎﻧﻠﯩﺮى
(ﻣﯘﺧﻪﻣﻤﻪس)
ﺗﯘرﻏﯘن ﻳﯩﻠﺘﯩﺰ
ﻛﻪڭ ﺑﺎزارى ﺑﯘ ﺟﺎﮬﺎﻧﺪا ﺑﯩﺒﺎﮬﺎ ﺋﯘﻳﻐﯘر ﻧﯧﻨﻰ،
ﺑﺎﺷﻘﺎ ﺋﻪﻟﺪﯨﻦ ﮬﯧﭻ ﺗﯧﭙﯩﻠﻤﺎس ﺗﯘﺗﯩﻴﺎ ﺋﯘﻳﻐﯘر ﻧﯧﻨﻰ،
ﺋﯚزﮔﯩﭽﻪ ﺗﯜر- ﺷﻪﻛﻠﻰ، دۇر-زەر، ﻛﻪﮬﺮﯨﯟا ﺋﯘﻳﻐﯘر ﻧﯧﻨﻰ،
ﺗﻪﻧﮕﻪ ﻛﯜچ دەرﻣﺎن، ﺟﯧﻨﯩﯖﻐﺎ ﺟﺎن، داۋا ﺋﯘﻳﻐﯘر ﻧﯧﻨﻰ،
زﯦﻤﯩﻨﻰ دۇﻧﻴﺎ، ﮬﺎﻳﺎﺗﻘﺎ ﻧﯘر- زﯨﻴﺎ ﺋﯘﻳﻐﯘر ﻧﯧﻨﻰ.
ﻧﺎﻧﯘ- ﭼﺎﻳﺪا ﻧﺎﺷﺘﺎ ﻗﯩﻠﻤﺎق ﮬﻪﻣﻤﯩﮕﻪ ﺋﺎدەت ﺋﯩﺮۇر،
ﻧﺎن ﻳﯧﻴﯩﺸﺘﯩﻦ ﺑﺎﺷﻠﯩﻤﺎق ﮬﻪر ﻛﯜﻧﻨﻰ، زەپ راﮬﻪت ﺋﯩﺮۇر،
ﻧﺎﺷﺘﯩﺪﯨﻦ ﺳﻮﯕﺮە ﺑﻮﺳﯘﻏﺎ ﺋﺎﺗﻠﯩﻤﺎق ﺋﺎﻣﻪت ﺋﯩﺮۇر،
ﺷﻮل ﺳﻪۋەب ﺑﯩﺰﻟﻪردە ﺟﻪۋلان ﺟﻪﯕﮕﯩﯟار ﻗﺎﻣﻪت ﺋﯩﺮۇر،
ﻛﯚزﻟﯩﺮﯨﯖﻨﻰ ﭼﺎﻗﻨﯩﺘﺎر ﺋﻪﻳﻠﻪپ ﺟﯘلا ﺋﯘﻳﻐﯘر ﻧﯧﻨﻰ.
ﻛﯚر ﺗﻮﻧﯘرﻧﻰ: ﻣﯚﺟﯩﺰە...! ﻧﺎن ﻛﺎﻧﯩﻨﯩﯔ ﺋﻪلاﺳﯩﺪۇر،
ﺷﻮر، ﻛﯘلال، ﺧﯩﺶ، ﺑﻪﻟﻜﻰ ﺗﺎﺷﺘﯘزلار ﺋﯘﻧﯩﯔ ﺋﻪﺷﻴﺎﺳﯩﺪۇر،
ﮔﻪۋدﯨﺴﻰ، دﯨﯟارى ﻣﻪرﺋﺎ، * داﭘﺨﯘﻧﻰ دەرﻳﺎﺳﯩﺪۇر،
ﺑﺎرﭼﻪ ﺋﺎﺷﻠﯩﻘﺘﯩﻦ ﺋﯧﺘﯩﻠﮕﻪن ﺋﯘن- ﺧﯧﻤﯩﺮ ﺗﻪﺷﻨﺎﺳﯩﺪۇر،
ﻛﻰ ﻳﺎﻧﺎر ﺗﺎﻏﺪﯨﻦ ﺋﯧﺘﯩﻠﻐﺎن ﺋﻮت- لاۋا ﺋﯘﻳﻐﯘر ﻧﯧﻨﻰ.
ﻧﺎن ﭘﯜﺗﻪر ﺋﯘﻧﺘﺎﺧﺘﯩﺪا، ﺗﺎرﻏﺎق ﺗﯜﻛﯜﭼﻠﻪر ﮔﯜل ﭼﯧﻜﻪر،
ﺋﯩﺸﺘﯩﮭﺎﻧﻰ ﻗﻮزﻏﯩﺘﺎر ﻛﯜﻧﺠﯜت، ﺳﯩﻴﺎدان، ﻣﺎي، ﺷﯧﻜﻪر،
ﮔﻪزﻧﻪ، ﻧﺎﻧﮕﺎل، رﯦﭙﯩﺪە، ﭘﻪﺷﺨﯘﻧﺪا ﭼﺎﻗﻨﺎﻳﺪۇ ﮬﯜﻛﻪر،
زﯨﺦ، ﭼﻮﻗﺎﻟلار ﺋﯩﭽﺮە ﭼﻮغ ﻧﺎﻧﺘﺎﺧﺘﯩﻐﺎ ﻛﯜن، ﺋﺎي ﺗﯚﻛﻪر،
ﻧﻪۋﻗﯩﺮان ﻗﯩﺰ ﻣﻪﯕﺰﯨﺪەك ﻛﯚرﻛﻪم، زﯨﺒﺎ ﺋﯘﻳﻐﯘر ﻧﯧﻨﻰ.
ﺗﻮي- ﺗﯚﻛﯜن، ﻣﻪﺷﺮەﭘﯘ- ﮬﯧﻴﺘلار ﻗﯩﺰﯨﻐﺎي ﻣﯧﮭﻤﺎن ﺑﯩﻠﻪن،
ﺑﺎﺷﻠﯩﻨﺎر ﮬﻪر داﺳﺘﯩﺨﺎﻧﻨﯩﯔ ﺋﺎﻟﺪى ﻣﻪزە- ﻧﺎن ﺑﯩﻠﻪن،
ﻛﻪﻟﺴﻪ ﺷﻮرﭘﺎ ﻛﺎﻛﭽﺎ، ﺗﻮﻣﻨﺎن ۋە ﮬﻪﻣﻪك، داﻣﺎن ﺑﯩﻠﻪن،
ﭼﯩﺸﻠﯩﺴﻪڭ ﻳﺎﻏﻠﯩﻖ ﺗﻮﻗﺎﭼﻨﯩﯔ ﻟﯧﯟﯨﺪﯨﻦ ﺋﺎرﻣﺎن ﺑﯩﻠﻪن،
ﭼﯩﻦ ﮬﯘزۇر ﺗﻪﺧﺘﯩﺪە ﺳﯘﻟﺘﺎﻧﺴﻪن، ﺷﯩﭙﺎ ﺋﯘﻳﻐﯘر ﻧﯧﻨﻰ.
ﻛﯚپ ﺗﯜرى: ﺋﺎﻗﻨﺎن، ﺗﯧﺮﯨﻘﻨﺎن، ﺋﺎرﭘﺎﻧﺎن، ﺟﯚۋەﻧﺪەﻧﺎن،
ﻗﺎﺗﻠﯩﻤﺎ، زاﻏﺮا، ﻛﯚﻣﻪچ، ﺷﯩﺮﻣﺎ دﯦﮕﻪﻧﻠﻪردﯨﻦ ﺋﺎﻳﺎن...
راﺳﻠﯩﻨﺎر ﮔﺎھ ﻗﯩﻴﻤﯩﻠﯩﻖ، ﮔﺎھ ﻗﯩﻴﻤﯩﺴﯩﺰ ﺋﯘ ﮬﻪرﻗﺎﭼﺎن،
ﻧﺎﻣﯩﻨﻰ ﺗﯩﺰﺳﺎم ﺳﺎﻧﺎپ، ﺑﻮﻟﻐﺎي ﺷﯘﺗﺎپ ﻟﯘﻏﻪت- داۋان،
ﺋﻪڭ ﻗﻪدﯨﺮﻟﯩﻜﺘﯘر ﺗﺎﺋﺎم ﺳﻪﺗﺮى ﺋﺎرا ﺋﯘﻳﻐﯘر ﻧﯧﻨﻰ.
ﺳﺎﻣﺴﺎ، ﭘﻪرﻣﯘدە ﺳﯧﻐﯩﻨﺴﺎڭ، ﺋﯘﺳﺘﯩﻜﺎر ﻗﻪﺷﻘﻪرﮔﻪ ﺑﺎر،
ﮔﯩﺮدە، ﮔﯚﺷﮕﯩﺮدە ﻳﯘرۇﯕﻘﺎﺷﺘﺎ ﺑﻪﻟﻪﻧﺪۇر دﯨﻠﺨﯘﻣﺎر،
ﻏﯘﻟﺠﯩﻨﯩﯔ ﭘﯧﺘﯩﺮ ﺗﻮﻗﺎچ، ﻗﺎﺗﻘﯧﺘﯩﺪﯨﻦ ﻗﻪﻟﺒﯩﯔ ﻗﯘۋار،
ﺳﯩﺮﺗﺘﺎ ﻳﯜرﺳﻪڭ، ﺑﻮﻟﺴﯩلا ﻳﺎﻧﭙﺎﺷﺘﺎ ﻧﺎن ﺑﯩﺮ ﺗﯩﻠﺘﯘﻣﺎر،
ﮬﻪر ﻧﻪﭘﻪﺳﻜﻪ ﺑﻪك زۆرۈر، ﺧﯘددى ﮬﺎۋا ﺋﯘﻳﻐﯘر ﻧﯧﻨﻰ.
ﻧﺎن ﺋﯧﺘﯩﺸﺘﻪ ﺑﺎر ﺋﯘﺳﯘل- ﭼﺎرە، ﺗﻮﻧﯘردﯨﻨﻤﯘ ﺑﯚﻟﻪك،
ﺗﺎﺷﻜﯚﻣﻪچ، ﭼﻮغ ﭘﻮﺷﻜﯩﻠﻰ، ﺑﯧﻐﯩﺮﻛﯚﻣﻪچ دوﺳﺘﻰ ﻳﯜرەك،
ﻗﺎﻗﻠﯩﻤﺎ، ﺳﻮﻗﺘﺎ، ﭼﯜرۈﭼﻠﻪرﮔﻪ ﭘﻪﻗﻪت ﮔﯜﻟﺨﺎن ﻛﯧﺮەك...
ﺑﻪس، ﻳﯧﺘﻪر ﮔﯚﺷﻨﺎن ﺋﯜﭼﯜن ﻗﯩﻠﺴﺎم ﻛﯚﻣﻪﭼﺪاﻧﻨﻰ ﻛﯚرەك!
زەپ ﺋﯧﺴﯩﻞ، ﺳﻪﻳﻠﻪ ﺳﺎﻳﺎﮬﻪﺗﺘﻪ دالا ﺋﯘﻳﻐﯘر ﻧﯧﻨﻰ.
ﻧﺎن ﻳﯧﻘﯩﺶ ﺑﯩﺰدە ﺋﻮﻣﯘﻣلاﺷﻘﺎن ﮬﯜﻧﻪردۇر ﺋﻪﺳﻠﯩﺪﯨﻦ،
ﻧﺎن ﭼﯧﭽﻪﻛﻠﻪر ﮬﯩﺪ ﺑﯧﺮەر ﻳﯩﻠﻨﯩﯔ ﮬﺎﻣﺎن ﺗﯚت ﭘﻪﺳﻠﯩﺪﯨﻦ،
ﺑﻮﻟﻤﯩﻐﺎي ﻧﺎن ﻛﻪم ﺷﻪﮬﻪر- ﺳﻪﮬﺮا ﺋﯚﻳﻰ، ﻳﻮل- رەﺳﺘﯩﺪﯨﻦ،
ﺋﯘﺳﺘﺎ ﻧﺎۋاﻳﻠﯩﻖ ﺳﯧﺰەرﺳﻪن ﻗﯩﺰ- ﺋﺎﻳﺎﻟلار ۋەﺳﻠﯩﺪﯨﻦ،
ﺋﻮﺗﺘﺎ ﭘﯩﺸﻘﺎن، ﻣﻪﯕﺰى ﺋﯘﻳﻐﯘردەك ﮔﻮﻳﺎ ﺋﯘﻳﻐﯘر ﻧﯧﻨﻰ.
ﻧﺎن دﯦﺴﻪ، ﻛﻪﺷﯩﭗ ﺋﻪﻳﻠﯩﮕﻪن ﺋﻪﺟﺪاد ﭼﯧﯟەر ﭘﻪﺧﺮﯨﻢ ﻣﯧﻨﯩﯔ!
ﻧﺎن دﯦﺴﻪ، ﭼﯩﻦ ﻗﻪﮬﺮﯨﻤﺎن دﯦﮭﻘﺎن ﭘﻪدەر ﭘﻪﺧﺮﯨﻢ ﻣﯧﻨﯩﯔ،
ﻧﺎن دﯦﺴﻪ، ﺑﻪرﮔﻪن ﺋﺎﻧﺎم ﻗﯘﺗﺘﯩﻦ ﺧﻪۋەر ﭘﻪﺧﺮﯨﻢ ﻣﯧﻨﯩﯔ،
ﺗﺎﻛﻰ ﻧﺎۋاﻳﺪﯨﻦ ﺋﺎﻳﺎﻟﯩﻤﻐﺎ ﻗﻪدەر ﭘﻪﺧﺮﯨﻢ ﻣﯧﻨﯩﯔ،
ﻧﺎن دﯦﺴﻪ، ﻳﯩﻠﺘﯩﺰ ﺗﯩﻠﻰ ﺑﯘﻟﺒﯘﻟﮕﻮﻳﺎ، ﺋﯘﻳﻐﯘر ﻧﯧﻨﻰ.
http://www.seltenet.com/Article_Show.asp?ArticleID=355