خوتۇن دىگەننى كۈنلىگۈلۈك

akbar0997

	بىزدە كۈنلەمچىلىكنى ھار ئالىدىغان ، كۈنلەشنى ئىشەنمەسلىك دەپ چۈشۈنىۋالىدىغان ئادەت بار .كۈنلەش ماھىيەتتە ئۆزى ياخشى كۆرگەن ياكى ئىگىدارچىلىق قىلۋاتقان مەلۇم بىرىنى يەنە بىر يات كۆزدىن قىزغىنىش بۇلۇپ ، ئۇ ئىشەنمەسلىكنى ئەمەس ، پاكلىقنى قوغداش ، ھايا ۋە شەرمىنىڭ ئىززىتىنى كاپالەتلەندۇرۈشنى ئاساس قىلىدۇ . كۈنلەمچىلىكنىڭ تېگى ئىشەنمەسلىككە ئەمەس ، بەلكى ھەدىدىن زىيادە ياخشى كۆرۈش ، سۆيۈش ، يالغۇز ئىگىلەش تۇيغۇسىغا تۇتىشىدۇ . ئەگەر نىكاھ يالغۇز ئىگىلەش ، ئەر - خوتۇننىڭ بىر - بىرىدىن يالغۇز بەھىرلىنىشنى ئاساس قىلمىسا ، نېكاھتا ھېسيات ، مۇھەببەتنىڭ چېچىلىشى ۋە سۇسلىشىشى كۆرۈلۈپ ، بىر - بىرىدىن يالتىيىپ قالىدىغان ھاللار سادىر بولىدۇ . بىر چاغلاردا " كۈنلەمچىلىك كۈن ئەمەس " دەيدىغان ناخشىلارمۇ پەيدا بولغان . بىز بۇنىڭغا مىيىقىدا كۈلۈپ قويغۇچىلارمىز . گەرچە ئۇ خوتۇنىغا ئىشەنمەسلىك ۋە ھەتتا ھەدىدىن زىيادە تىزگىنلەش ، گۇمانخورلۇققا ، نىسپەتەن ئېيتىلغان ناخشا بولسىمۇ ، ئەمما ئۇنىڭ ئومۇمىي ئۇدارىغا نىسپەتەن سەل - پەل تەنقىدىي مۇئامىلىدە بولۇشنىڭ زىيىنى يوق . بۇرادەر ، ئايالىڭىز مەيلى خىزمەتدىشى بولسۇن ياكى ساۋاقداشلىرى بولسۇن ۋە ياكى سودا مۇناسىۋەتلىرىدە بولسۇن يات بىر ئەر بىلەن بىرگە يۈرسە سىزدە ئازىراقمۇ قىزغىنىش ، كۈنلەش كەيپىياتى پەيدا بولمىسا بۇنى نىمە دىگۈلۈك ؟ ئەجەبا ، مۇنەۋەر ، لاياقەتلىك ، ياخشى بىر ئەر خوتۇننىڭ يەنە بىر ئەر بىلەن بولغان ئەركىن بار - كەلدىسىگە ئارلاشماسلىقى ، توغرا چۈشۈنىشى كېرەكمۇ ؟ بەزىلەر بۇ خىل مۇناسىۋەتنىڭ يۈز بېرىش مۇقەرەرلىكىگە زامان ، دەۋرنىڭ ئۆزگىرىشى ، تۈرلۈك ئىجتىمائىي مۇناسىۋەتلەرنى باھەنە - سەۋەپ قىلىدۇ . ئەمما ئۇنۇتماسلىق كېرەككى ، ئۆز ئېرىگە ۋە ھاياسىغا بولغان ساداقىتى ئۇرغۇپ تۇرىدىغان بىر ئايال ھەرگىزمۇ يەنە بىر يات جىنىس بىلەن بىرگە يۈرمەيدۇ ، ئۇچراشمايدۇ . ھەدىسلەردە بىر يات ئايال بىلەن يات ئەر بىرىگە تۇرغاندا  ئۇلارنىڭ قېشىدا شەيتانمۇ بىرگە ھازىر بولىدىغانلىقى بايان قىلىنىدۇ . سالىھ ئايال دوستلىرىدىن بىرەرىنى ياكى ئۆزگىرىشنى ھەمرا قىلىپ تۇرۇپ  يەنە بىر يات جىنىس بىلەن بولغان ئىجتىمائىي ئالاقىنى نورمال ئېلىپ بېرىشنى ئېرىگە بولغان ھۆرمەت ، ئۆزىگە بولغان ئىززەت ، ئائىلىسىگە بولغان نومۇس دەپ بىلىدۇ . بۇرادەر ، ئايالىڭىز يەنە بىر يات جىنىس بىلەن قول تۇتۇشۇپ ، بەل تارتىشىپ قوچاقلىشىپ تانسا ئوينىسا سىزدە ئازىراقمۇ قىزغىنىش ، كۈنلەش ھېسياتى ، ئارامسىزلىنىش ، قىزىرىش ، ئۇيىلىش كەيپىياتى ئويغانمامدۇ؟ ئايال ئەر كىشى ئۆزىلا بەھىرلىندىغان ، مەنپەئەتلىندىغان مۇتلەق نېئمەت . " ئاياللار ئەرلەرگە جانابىي ھەقنىڭ ئامانىتىدۇر " . ئامانەتنى ئۆز ئىگىسىگە جايىدا يەتكۈزۈش ئۈچۈن چېڭ ساقلىماق زۆرۈردۇر . ئامانەتنى خالىغان بىرىگە كۆرسىتىپ ، تۇتقۇزۇپ ، سىيلاتقۇزۇپ ، ھۇزۇرلاندۇرۇۋەرسىڭىز ئامانەتكە خىيانەت ، جىنايەت ئۈستىگە جىنايەت ئۆتكۈزگەن بولىسىز . جەزمەنكى ، يات جىنىسلارنىڭ تېنى بىلەن بىلەن تولا ئۇچراشقان ئايال ئەڭ ئوڭاي بۇزۇلىدۇ .ئىشەنمىسىڭىز ، ساپمۇساق ، تولۇپ پىشقان ئالمىنى ھەر كۈنى تۇتۇپ ، سىيلاپ قۇيۇڭ . تۇتۇۋەرسە ھەپتىگە قالماي سېسىيدۇ . بۇرادەر ، ئايالىڭىز قىسقا ، تار كىيىملەرنى قاپساپ كىيىپ ئۆز زىننەتلىرىنى كۆز - كۆز قىلىپ ماڭسا ، يوتا كىندىكلىرى ئوچۇق تۇرسا ، يات ئەرلەر تۈكۈرۈكىنى غورتىلدىتىپ يۇتۇپ ،ئارقىسىدىن ئوغۇرىلىچە شەھۋەت نەزەرلىرى بىلەن قاراپ يۈرسە سىزدە كۈنلەش ، قىزغىنىش ، غەزەپ ھېسسىياتى ئويغانمامدۇ ؟ ئايالىڭىزنىڭ ھەركەتلىرىنىڭ يات جىنىسلىقلارنىڭ شەھۋىتىنى قوزغىتىشى سىزنى نومۇسلاندۇرمامدۇ ؟ ياكى ھەممە ئېغىزنى تامشىتىپ ، تىل چاكىلدىتىپ ئايالىڭىزنىڭ گۈزەللىكىنى ، چىرايلىقلىقىنى ماختاپ قويسا ، خوشلۇقتىن كېرىلىپ كېتىدىغان مەنتەڭ مىجەز ئەرلەردىنمۇ سىز ؟......... ياراتقۇچىدىن ھايا ، نومۇس تىلەيمەنكى ، جېنىم ئەرلەر ، خوتۇنۇڭلارنى ئاز - تولا كۈنلەپ قويۇڭلار . ئەگەر ئۇلارنى ھەقىقى سۆيسەڭلار ۋە ئىززەتلىسەڭلار ،ئۇلارنى يامان كۆز ، ئىپلاس غەرەز ، بۇزۇق نىيەتلەردىن ساقلاڭلار . بۇ ھەرگىزمۇ ئىشەنمەسلىك ئەمەس . بەلكى ئىشىنىشنى چىڭىتىش ، نىكاھقا گۇمان ئەمەس ، نىكاھقا مەسئۇليەت ۋە تەلەپتۇر. بۈگۈن ئايالىڭىزنىڭ بىھايالىقىنى ئازراقمۇ كۈنلىمىسىڭىز ، بەلكىم ئەتە ئۇنى كۆرۈشكىمۇ تاپالماسلىقىڭىز مۇمكىن . تاپتىن چىققان ئاياللارنىڭ كەينىدە خوتۇنلىرىنى كۈنلەشنى بىلمەيدىغان ،خوتۇنىنىڭ ھەرقانداق ھەركىتىگە لاتىنلارچە ھۆرمەت ، خۇمسىلارچە ئىلمىيلىك بىلەن يول قويۇۋىردىغان ،قىسقىسى خوتۇنىنى ھەقىقى ماھىيىتى بىلەن  سۆيۈش ، قەدىرلەش ، خوتۇننىڭ ئىززەت - نەپسىنى ساقلاش ، قوغداشنى بىلمەيدىغان يارامسىز ئەرلەر باردۇر . _ باشقىلار كۈنلىمەڭ ،ئۇمۇ بىر تىرىك جانغۇ ، دەيدۇ . مەن لايىقىدا كۈنلەڭ ، چۈنكى ئۇ تىرىك جان دەيمەن . نۇرمەمەت ئۆمەر ئۇچقۇن"ئەرلەرگە 101 تەكلىپ"

azrat705

	راسىت دەيسىز، ئۆز ى باشقىلارنىڭ ئايالى بىلەن تانسىغا چۈشۈپ ئۆزىنىڭ ئايالىنى باشقىلار بىلەن دىسكۇغا سېلىپ قۇيىدىغان كىشىلەرنى ھېجىقىز دېسە بۇلىدۇ.     جېنى بار گەپقىپسىز.

tuntaxvixi

	ئەر كىشى ئەر كىشىدەك بولىشى  ئايال كىشى   ئۆزىنى سورىشى كېرەك

ئاجايىپ

	كۆپىيىش سىستىمىسى ئات ئىشەكتىمۇ بار.

Dautjan

	خوتۇندىن  ئاز  -تولا  كۈنلەپ  قويايلى  .

akbar0997

	ھەر قانداق بىر ئەر كۆرۈپ قۇيۇشقا تىگىشلىك نەسىھەتكەن، شۇڭا  بىرگە ئورتاقلىشىش مەقسىتىدە  سۈندۇم .

nazila998

	ئايالىنى كۈنلىمىگەن ئەرمۇ ئەردەك  بولماي قالىدۇ ، لىكىن كۈنلۈدۈم دەپ بەك ئاشۇرۋەتسە ، ئايال كىشىنى ئاغىرىتىپ قويىدۇ

alram342

	‏‏ھەقىقى ياخشى كۆرگەن ئادەم كۈللەيدۇ.

akbar0997

	كونىلارنىڭ بىر گىپى يادىمغا يىتىپ قالدى، « ئەر كۈنلىسە ئۆي چىڭار، ئايال كۈنلىسە ئۆي بۇزۇلار». مۇنبەردىكى قىز ئاياللار چوقىلاپ كەتمەڭلار يەنە، ھە