سۆيگۈ نىداسى

mahatjan

	سۆيگۈ نىداسى                                  يىراقتىكى ئورماندىن مۇڭلۇق،                            ئىللىق شامال بەرمەكتە سادا.                             كۈيلىمەكتە  ئارمانىمىزنى،                             كاككۇك بىلەن زەينەپتەك گويا.                             تىڭشا ئۇنى سەنمۇ ئامرىغىم،                             ئاچار شۇندا ئارزۇلار چىچەك.                             سۆزلىمەكتە بىزگە تەبىئەت،                              كەلگۈسىمىز ھەققىدە چۆچەك.                             مەن ئىشقىڭدا كۆيگەچكە شۇنداق،                              مىسرالىرىم كەتتى بۇلدۇقلاپ.                              تىنىقىمدا بىر ياڭراق قوشاق،                              جاراڭلايتى سىنى ئۇلۇغلاپ.                                                            قۇم ئېرىقنى قۇچاغلاپ يېتىپ،                              بەزمە قىلدىم قۇشلار كۈيىنى.                              يۇلتۇز چىققان چاغدا كۈن پېتىپ،                               كۆك يۈزىدىن ئىزدەيمەن سىنى.                               تاڭ ئاتمايدىغان بۇ قانداق كىچە،                               مەن ياتىمەن ھالسىز تولغۇنۇپ.                               چۈشلىرىمدە سەن ماڭا ھەمراھ،                                يىگانىمەن باقسام ئويغۇنۇپ.                               ئۈزۈلمىسۇن ئۈممۈت يىپلىرىڭ،                               تۈننى تاڭغا ئۇلاپ مىنى كۈت.                                تاشلىنارمەن باغرىڭغا بىر كۈن،                                قونغان كەبى چوقىغا بۈركۈت.                                مەن بارارمەن ھامانە بىر كۈن،                                بارالمىدىم ھازىرچە كۈندە.                                بارسام ئېلىپ بارىمەن شادلىق،                                مەيلى كۈندۈز ۋە ياكى تۈندە.                                ئۇنتۇلمىسۇن قۇتلۇق مىنۇتلار،                               پاك سۆيگۈمگە بولسۇن ئاي گۇۋاھ.                                سوۋغا قىلاي قوياشنى ساڭا،                                 مەن ئۈچۈن  ئۇ بولىدۇ ھەمراھ.                               بولغاچ مىنىڭ تۇنجى سۆيگۈنىم،                               ئاھ،نەقەدەر ئۇلۇغ  مۇھەببەت.                                 پاك سۆيگۈمنى دېڭىز دەپ بىل،                                 دولقۇنلىرى سۈزۈك تائەبەت.                                           مەنبە؛ ئۆزۈم.

zokra

	ياخشى يىزىپسىز ......

rahmansaykin

	شاش قېرىپسىز ھە !

abdurxit29

	سۆيگۈ دىگەن ئۆلمەس تىما   ياخشى يىزىپسىز

pah

	rahmansaykin يوللىغان ۋاقتى  2012-9-18 06:07 PM شاش قېرىپسىز ھە ! بۇ ئاكمىزدا تالانىت با ھەقىقى خەلىق ئۇقۇتقۇچىسى قايىل مەن

qiqak1219

	ياخشى يېزىپسىز ، ئىجادىيىتىڭىز ئۈزۈلۈپ قالمىسۇن ، كۆپ تەشەككۈر

شاتئاي

	تاتلىققىنە شېئىرلىرىڭىزگە ئامراقمەن ئاكا

mahatjan

	شاش قېرىپسىز ھە--   ياق،       بالىلىق يۇلتۇزغا،ياشلىق قوياشقا،قېرىلىق ئايغا ئوخشايدۇ،

ئاجايىپ

	ھى ھى مەخەت مۇئەللىممۇ كونا ئاشىقكەندە ...

tuntaxvixi

	بەك ياخشى چىقىپتۇ، باش سۈرەتتىكى سىز ما؟