ئۇچرۇشۇپ قالماسمەن ئەمدى بەختكە

muslina216

	ئۇچرۇشۇپ قالماسمەن ئەمدى بەختكە ۋاقىتنىڭ ھالقىسى كىردى ھىجرانغا ، قانىدى گۈل بەرگى يۈتكەچ چىچەكتىن . ئەسلىمەم قوينىدىن كەتمەي نىگاھىڭ ، كەچمىدىم بىر ئاچچىق شىرىن تىلەكتىن  . تىترىدىم ، تۆكۈلدۈم تۇپراق قوينىغا  ، كەچكۈزدە سارغايغان ياپراق مىسالى . قەلىبلەر ئارسىدا ئاقتى قاقاسلىق ، بولمىدى سېنىڭسىز ھايات باھارى . ئايرىلغۇم يوق ئىدى ئەسلى سېنىڭدىن ، كۆز ياشلار يۈرەككە بولدى قار گۈلى . ئىزىلدى جۇدالىق دەشتىدە باغرىم ، قارايدى خىلۋەتتە سۆيگۈنىڭ ئۇلى . ۋە لېكىن ئايرىلدىم يۈرەكنى تىلغاپ ، ھاياتلىق يۈلۇمغا ئازاپنى تاللاپ . ئۇچرۇشۇپ قالماسمەن ئەمدى بەختكە ، قوقسلار ئىچىدە بۇ جېنىم خوراپ . مەنبە  : ئىجادىيەت .

شاتئاي

	تىترىدىم ، تۆكۈلدۈم تۇپراق قوينىغا  ، كەچكۈزدە سارغايغان ياپراق مىسالى . قەلىبلەر ئارسىدا ئاقتى قاقاسلىق ، بولمىدى سېنىڭسىز ھايات باھارى . شېئىرىڭىزنىڭ ئەڭ تاتلىق يىرىنى ئۈزىۋالدىم ھەدە

يولتاپ

	ئاللا قۇلىڭىزغا دەرت بەرمىسۇن .داۋاملىق تىرىشىڭ.

@OTKAX@

	يېقىشلىق مىسرالار قەلىب تارىمنى چېكىپ ئۆتتى،لېرىكىلار ئۈزۈلمىسۇن.

qog

	ئەگەر ئۇچرۇشۇپ قالسىڭىز ئەگىپ ئۆتۈپ كىتىدىكەنسىزدە

شاتئاي

	@OTKAX@ يوللىغان ۋاقتى  2012-9-17 10:08 PM يېقىشلىق مىسرالار قەلىب تارىمنى چېكىپ ئۆتتى،لېرىكىلا ... مۇشۇ ئوتقاشمۇ بەك بەلەن يازاتتى بىر چاغلاردا...

kaLGundi

	ئۇچۇرشۇپ قالماسمەن ئەمدى بەختكە                                                                    چۇنكى ھىجرانلىق ئايرىلدىم سەندىن                                                                          يۈرەكلەر ئەلەمگە بىر تۇلۇپ كەتتى                                                                              قايغۇ ۋە ئازاپنىڭ نىدالىرىدىن.

ap~qilam

	كەچمىدىم بىر ئاچچىق شىرىن تىلەكتىن ، سورايـمەن قولۇمـنى تۇتـۇپ يۈرەكـتىن . كەلمىـسە نىگـارىم سېنىـڭدىـن ۋاپـا ، تىـلەيمۇ سۆيگـۈنى يەنـە بۆلـەكـتىـن . قاملاشمىسىمۇ ئەگىشىپ قويدۇم

zulayha

	شېئىرىڭىزنىڭ تىلى يېنىك ياخشى چىقىپتۇ.4-كوبلىتقا قايتا ئىشلەپ باقامسىز.

Azizan

	ئۇچرىشىپ قالماسمەن ئەمدى بەختكە ، ئۇچرىشىپ قالساممۇ چەتكە قاراپ ئۆتەرمەن ! كۆزۈمنى قاچۇرۇپ شۇ شەھلا كۆزلەردىن يۈرەكتە ھەر قەدەمنى ساناپ ئۆتەرمەن !