چاچلىرىڭ شامالدا يەلپۈنسە جېنىم

شورلۇق

	چاچلىرىڭ شامالدا يەلپۈنسە جېنىم تۇرغۇن پەيزۇللا يۇلغۇن سەن شۇنچە مۇلايىم ، نازاكەتلىك ھەم، چاچلىرىڭ ئوخشايدۇ مەجنۇنتالغىلا. ھەر تۈرلۈك ھالىڭنى سۆزلەپ پىچىرلاپ، بۇقۇلداپ يىغلايدۇ ئاشۇ مىنۇتلار. كۆزلىرىڭ چاقنايدۇ چوغنىڭ رەڭگىدە، ئۆركەشلەر يولۇڭدا ئوتنىڭ دولقۇنى. ئەگىگەن چاچلىرىڭ نازۇك بىلىڭنى ، باغرىمدا بىر بۈيۈك سۆيگۈ ۋولقۇنى. قاپقارا چاچلىرىڭ مۇڭلۇق مۇزىكا، شىرىن ھىس ئىلكىدە تىڭشايمەن قانماي. كۆيىدۇ باغرىمدا سېھرى تۇيغۇلار، كۆيىدۇ يۈرىكىم كۆيىدۇ ۋاي-ۋاي. ئاي شۇنچە ھەسرەتلىك ، قۇياشمۇ مۇڭلۇق، قىزىلگۈل توزۇيدۇ تولغىنىپ تۇرۇپ. ئىزدەيمەن ھىدىڭنى تەرەپ-تەرەپتىن، كېلىدۇ ئاۋازىڭ شامالدەك ئۇچۇپ. ئاي غۇۋا قۇياشمۇ نۇرسىز شۇقەدەر، بىر تەشۋىش يۈرەكنى تۇرىدۇ مۇجۇپ. تۇراقسىز داۋالغۇپ تۇرغان دۇنيادا، ئىشقىمغا قۇلاق سال سىردىشىم بولۇپ. چېچىڭنى ئوينىسا كەپسىز شاماللار، دەردلىرىم ئاھ ئۇرۇپ دەردكە يۈلىنەر. ھەسرەتنىڭ ، ئازابنىڭ جاڭگاللىرىدا، ئۈستۈمگە تاغ بولۇپ چوغلار دۈۋلىنەر. چېچىڭغا تىكىلىپ قاراپ ئاي، يۇلتۇز، قەلبىمگە چىڭدىدى گۈزەل قايغۇنى. كۈندەشلىك قىلمىغان ئەركەك ئەر ئەمەس، چاچلىرىڭ گوياكى دېڭىز دولقۇنى. چاچلىرىڭ  شامالدا يەلپۈنسە جېنىم، خوشلىشار يۈرىكىم شادلىقى بىلەن، دەردلىرىم بوي سوزار ئاسمانغا قاراپ، قىزغىنىش يۈرەككە ياسايدۇ ۋەتەن. چېچىڭنى يوشۇرغىن رومىلىڭ بىلەن، ئاي نۇرى سۆيمىسۇن ،قۇياش كۆرمىسۇن. يۈزۈڭنى كۆرسەتمە ، كۆزۈڭنىمۇ ھەم قىزىلگۈل قايغۇرۇپ ،چولپان ئۆلمىسۇن. چاچلىرىڭ شامالدا يەلپۈنسە جېنىم لاۋۇلداپ گۈرۈلدەپ كۆيىدۇ قېنىم. باغرىمنى مۈشۈكتەك تاتىلار دەردىم، چاچلىرىڭ شامالدا يەلپۈنسە جېنىم.

MEMATE

	مەنبەسنى ئەسكەرتىپ قويۇڭ.

ZELAL530

	بوپقالغۇدەك،رومانتىك تۇيغۇ

xahboy

	ياخشى يىزىلغان  شىئېر كەن      يىنىپ-يىنىپلاپ ئوقۇپ چىقتىم.

شورلۇق

	MEMATE يوللىغان ۋاقتى  2012-9-17 06:51 PM مەنبەسنى ئەسكەرتىپ قويۇڭ. ئاسسالامۇ ئالەيكۇم قېرىندىشىم ! ئاگاھلاندۇرغىنىڭىزغا رەخمەت! مەنبەسى ئەسكەرتىگلىكقۇ...

kok-sultan

	ھاياجانغا تۇيۇنغان لىرىكىرىڭىزدىن قانۇە ھۇزۇرلاندىم. رەھمەت!

nazila998

	شېئىرىڭىز ھىسسىياتلىق چىقىپتۇ ، ئادەمگە بىر خىل رومانتىك تۇيغۇ بىردىكەن

musilina

	چىن ھېسياتلار بىلەن  يۇغۇرۇلغان،شېئىرىي تىلغا تويۇنغان ،ئېسىل شېئىر.... چاچلىرىڭ  شامالدا يەلپۈنسە جېنىم، تەلمۈرۈپ ئارقاڭدىن مارايدۇ جۈپ كۆز. كۆزلىرىمىز ئۇچراشقان  دەملەردە ، دۇدۇقلاپ تىللارغا كەلمەس ھېچبىر سۆز.

ap~qilam

	ئېسىل يېزىلغان مۇھاببەت سىمفونىيىسىكەن

tograkmalikisi

	قالتىس لىرىكا.......... سۇمبۇل چاچىلىق، شەھلا كۆزلۈك جانانغا بولغان كۆيۈك شۇنچىلىك ئېنىق، جانلىق ئىپادە قىلنىپتۇ. شېرىدىن يىگىتنىڭ جانانغا بولغان پۈتمەس- تۈگمەس بىر ئىششىقنى سەزدىم.