ئۆزىڭىز كىم؟

lawa0998

	ئۆزىڭىز كىم؟ ئۇيغۈر ئۇيۇل تاش ئەسلى ھەم مىھرىبان ۋەتەنداش، دىل سىرلىرى تونۇشلۇق قىسمەتلىرى تەقدىرداش. يەتتە ئىمان بەش ئىسلام نىشانىغا نۇر قاياش، ئىككى ئالەم بەختىدۇر ھەق يولىدا تىك ياشاش، بىر سۇئال بار جاۋاپسىز ئۆزىڭىز كىم- قېرىنداش؟ مىڭ يىل بۇرۇن بۇغراخان بەيئەت قىلغان ئىسلامغا، ئۇ- قۇل ئەمەس پادىشاھ نامى مەشھۇر جاھانغا. ئەۋلادىبىز مەھمۇدنىڭ -دەپ چۈشۈمىز پاراڭغا، ئەپسۇس داۋام ئەگەشتۇق كۆڭۈل دىگەن ساراڭغا، بىر سۇئال بار جاۋاپسىز ئۆزىڭىز كىم قېرىنداش؟ كۈچ ئۆملۈكتە بىلگەننىڭ يۇلتۇزلىرى نۇر چاچتى، قۇمدەك ھەريان چېچىلغان ئۆز بويىغا ھەم تاشتى. بىساۋاقسىز يۈرگەندىن يېقىنلىرى ھەم قاچتى، رىقابەتلىك دۇنيادا ئىزلەنگەنلەر كۆپ ئاشتى، بىر سۇئال بار جاۋاپسىز ئۆزىڭىز كىم قېرىنداش؟ راست-بارىنى ئاۋامغا ئاتىغانلار يوق ئەمەس، ئابدىقادىر داموللام ئۇستاز ئارا بىر ھەۋەس. ئالىملارنىڭ ھەممىسى ئەل-ۋەتەندە كۆڭلى بەس-! بۇ ئويغۇنۇش دەۋرىدە بىز يۈرەمدۇق مەست-ئەلەس، بىر سۇئال بار جاۋاپسىز ئۆزىڭىز كىم قېرىنداش؟ سىرغا تولغان ئالەم بۇ ئاچقۇچلىرى ئىلىمدە، <<ئوقۇ>>بىلەن تەستىقكى بۇ سۆز قۇرئان كەرىمدە. قىيىن ئىش يوق ئالەمدە كۆڭۈل قويغان ئادەمگە، مۇشەققەتلىك سىناقتا قول بەرمىسىلا تەسلىمگە، بىر سۇئال بار جاۋاپسىز ئۆزىڭىز كىم قېرىنداش؟ بار ھەركىمگە نېسىۋە سائادەتنىڭ تۆرىدە، ئېغىز بىلەن ئەمەس ئىش قىلسا ئەمەل ئۆزىدە. ھاياتلىقى ھەر جانغا ئامانەتتۇر بىلگەنگە، ھەر تىنىققا بىر ھىساپ بار ھىساپقا كەلگەندە، بىر سۇئال بار جاۋاپسڭز ئۆزىڭىز كىم قېرىنداش؟ مەنبە:لاۋا0989(ئجادىيەتلىرى)دىن.

1miskal

	شىئىرىڭىز بەكلا قالتىس مەزمۇنلۇق ، ئادەمنى ئىختىيارسىز ئويلاندۇرۇپ قويىدىكەن

hekmat-uyghur

	دەۋىر  بىلەن تەڭ ئىلگىرلەپ  مېڭىۋاتقان مىللەت   ئۇيغۇرمىكىن  دەپ  ئويلايمەن.

MILYONIR

	بىلەلمدىم تېخىچە كىملىكىنى ئۆزۈمنىڭ ، ئاچالمىدىم تېخىچە ئۇيقۇسىنى كۆزۈمنىڭ ، يۇيالىمىدىم تېخىچە شالۋىقىنى يۈزۇمنىڭ ، بىلەلمىدىم تېخىچە مەنىسىنى سۆزۈمنىڭ ، كىملىكىمنى سورىما شۇڭا مەندىن قرىنداش . بىلدۈرەلمىگەن ھەتتا بۇنى تۆمۈر خەلپىمۇ  ، ئابدۇخالىق ئۇيغۇرى ئابدۇرېھىم ئۆتكۈرمۇ ، بىلدۈرەلمىدى ھەتتا ئۆزلۈك بىلەن كىملىكمۇ ، بىلدۈلمىدى ھەتتا تورمۇردىكى  قېنىممۇ ، كىملىكىمنى سورىما  شۇڭا مەندىن قېرىنداش . مىليونىر

lawa0998

	ياق! سورايمەن سېنىڭدىن زاتىڭ كىمۇ ؟ئۆزەڭ كىم؟ قېنى ئېيتىپ بەرگىنە؟ مەن ئۆزەمگە ئوخشامدىم؟ ۋادەرىخا-!ئى خۇدا-!ماڭا بىر يول كۆرسەتكىن؟ بىلىپ تۇرۇپ ھەممىنى پىلسىراتتا توختامدىم؟ قېنى بىرگە داۋاندىن تەڭ ئاشايلى قېرىنداش.

ap~qilam

	مۇخەممەسنى راستىنلا ياخشى يېزىپ قۇيۇپسىز

شاتئاي

	قەلىمىڭىزگە قايىلمەن لاۋا ئەپەندىم.

lawa0998

	تەقدىرداشلارغا لاۋا-دىن ئوتلۇق سالام!!! مېنىڭچە-ھاياتنىڭ ئاچچىغىنى تولۇق ھىس قىلغان كىشى شائىردۇر(گەرچە مەن شائىر بولالمىساممۇ) شېئىر-پىغانلىق قەلىبتىن ېئتىلىپ چىققان دەرتلىك ئۇھ---- ........ قېرىنداشلار تەنقىت-تەكلىپ پىكىر بېرىدىغانلا بولسا دەردىمنى دىل خانەمدىكى ئەزىزلىرىمدىن ئايىمىغايمەن.....

nalam

	شىئىرىڭىز بەك ياخشى چىقىپتۇ ،قەلىمىڭىز بەك ئۆتكۈركەن ،كىيىنىكى ئىجادىيەتلىرىڭىزگە ئۇتۇق تىلەيمەن.

kar0923

	مۇشۇنداق ئېسىل شېئىرلار بىلەن يۈز كۆرۈشتۈرگەنلىكىڭىزگە رەھمەت جۇمۇ ......   ھەممىنى ئويلاندۇرغۇدەك شېئىركەن .