<<قۇشقاچلار>>

tax1

	<<قۇشقاچلار>> يانفۇنلىرى تىن ئالماي سايرايدىغان <<قۇشقاچلار>>، تانسا نەدە،مەي نەدە،قوغلايدىغان <<قۇشقاچلار>>، ئەرنى كۆرسە غىلجىڭلاپ نازلايدىغان<<قۇشقاچلار>>، ئاخشاملىرى ھەمىشە دانلايدىغان<<قۇشقاچلار>>. بولۇپ بېرەر تەپ تارتماي ئولتۇرۇشنىڭ <<رەڭ>>لىرى، تېخى شاللاق ئەر بىلەن ئىچىپ كەتكەن مەيلىرى، ئەپتى شەھۋەت بۇرايدۇ،بەك تېتىقسىز گەپلىرى، بولۇپ خەققە ئويۇنچۇق نايناقلىغان<<قۇشقاچلار>>. ياشاش نۇمۇس ئەمەسمۇ ئىپپىتىنى پۇل قىلىپ، خەلقىئالەم ئالدىدا قىممىتىنى نۆل قىلىپ، ئۆتەر شۇنداق سەۋەبتىن ئۆز-ئۆزىنى تۇل قىلىپ، ھەرقەدەمنى پۇل ئۈچۈن چامدايدىغان<<قۇشقاچلار>>. كۈندە نەچچە پەردازلاپ، بوياپ قاش-كۆز،رەڭگىنى. ئون كىشىگە ئون ياڭزا بېرەر ۋەدە،لەۋزىنى، ھالال كەسىپ-ئىش تۇتماي،قوغلاپ ئىشرەت پەيزىنى، مېھمانخانا ،ئارامگاھ قاتنايدىغان <<قۇشقاچلار>>. ئەجەپ ئۇستا بىكاردىن دان تېپىشتا ھۆنەرگە، چاپىنىدا خەقلەرنىڭ تەرلەپ پەيزى سۈرەرگە، لىق تۇرسىمۇ بۇيرۇتۇپ نازۇ-نېمەت شىرەگە، مەست يىگىتنى_ئەخمەقنى جايلايدىغان<<قۇشقاچلار>>. داپ يۈزلىرى بارغانچە ئوخشاپ ئاياغ چەمىگە، داغ تەگكۈزدى پاك ئايال-ئانىلارنىڭ شەنىگە، تەنبىھ قىلساق يېنىشلاپ ھېچ ئالمايدۇ زەنىگە، قىلمىشلىرى خەلقىمگە ياقمايدىغان<<قۇشقاچلار>>. نەوكە،ئەيش-ئىشرەتكە بەكمۇ ئىجىل -ئامراقلار، نەدىن پەيدا بوپ قالدى ئارىمىزدا مۇنداقلار، بىزدىن شۇنى كۈتكەنمۇ،ئەخلاق سۆيەر ئەجدادلار، پاك مۇھەببەت سۆيگۈنى خارلايدىغان<<قۇشقاچلار>>. يىگىتلەر ئوقۇۋاتقان قىزلارنى قوغلاشماڭلار يىگىتلەر، بۇدۇشقاقتەك پېشىگە چاپلاشماڭلار يىگىتلەر. چوڭ بولدۇڭلار يۈگەنسىز،كۈندە قېچىپ مەكتەپتىن، بىلىم ئالسۇن بۇ قىزلار،پۇتلاشماڭلار يىگىتلەر. يەتمىدىڭلار مەرىپەت،پەن-بىلىمنىڭ قەدرىگە، تۆت-بەش تەڭگە پۇل تېپىپ تاقلاشماڭلار يىگىتلەر. ئالداپ ساددا قىزلارنى شېرىن سۆزدە ئازدۇرۇپ، <<سىز گۈزەل>>دەپ يالغاندىن ماختاشماڭلار يىگىتلەر. ئاشىقلىقتىن گەپ ئېچىپ،دەرستىن بۆلۈپ زېھنىنى، قىزچاقلارنىڭ بەختىگە چوت چاپماڭلار يىگىتلەر. <<پۇلدار بىز>>دەپ دام سېلىپ،سانتانانى پىرقىرىتىپ، كەلگۈسىنى قولتۇقلاپ ئەپ قاچماڭلار يىگىتلەر. نادان يۈرۈپ تاپقان پۇل،ۋاقىتلىقتۇر بەرىبىر، ئۆزۈڭلارنى قىزلارغا داڭلاشماڭلار يىگىتلەر. تالاي قىزنىڭ ئۈمىدى-تەلىيىنى كاج قىلىپ، <<سىزنى تۈنجى سۆيدۈم>>دەپ ئالداشماڭلار يىگىتلەر. ياشلىق قايتا كەلمەيدۇ،زەپەر قۇچقاي بۇ قىزلار، تەقدىرىنى مايمۇندەك ئويناتماڭلار يىگىتلەر. سىلەر بىلەن تۈگىگەي بىلىمسىزلىك-نادانلىق، زەيدە قالغان تۆمۈردەك،داتلاشماڭلار يىگىتلەر. ئاپتور:ئابدۇۋەلى راخمان(ھەققانىي)

ap~qilam

	ئابدۇۋەلى راخمان ئاكام مۇشۇ مۇنبەردە باغۇ ؟ سىز شۇمۇ يا  ،قۇچقاچلار دېگەن ساتىرا ناھايىتى ياخشى چىقىپتۇ

tax1

	ap~qilam يوللىغان ۋاقتى  2012-9-16 10:35 PM ئابدۇۋەلى راخمان ئاكام مۇشۇ مۇنبەردە باغۇ ؟ سىز شۇمۇ ي ... مەن ئەمەس. ئابدۇۋەلى ئاكىمىز بار. مەن بۇ ئاكىمىزنىڭ شېئىرلىرىنى بەك ياقتۇرىمەن. شۇڭا يوللاپ قويدىم.

patkak

	ajiringiz ga  axkalla yahxi yizipsez

tatinqak

	شۇ  قۇچقاچلار -زە

saparbay

	«قۇچقاچلار» ئوبدان قامچىلىنىپتۇ !

arkenkaxka

	tax1 يوللىغان ۋاقتى  2012-9-16 10:37 PM مەن ئەمەس. ئابدۇۋەلى ئاكىمىز بار. مەن بۇ ئاكىمىزنىڭ شې ... ئۆزىڭىزنىڭ شېئرلىرى بولسا پات-پات يوللاپ قويسىڭىز بوپتىكەن . سىزنىڭ شېئرلىرىڭىزنى مەن ياقتۇرۇپ ئوقۇيتىم. مەقسىتىمنى توغرا چۈشىنەرسىز ئەپەندىم.

tax1

	arkenkaxka يوللىغان ۋاقتى  2012-9-16 10:49 PM ئۆزىڭىزنىڭ شېئرلىرى بولسا پات-پات يوللاپ قويسىڭىز بو ... خۇدايىم بۇيرىسا، پات ئارىدا ئالدىرىشچىلىقتىن قۇتۇلىمەن. شۇ چاغدا ئىمكانىيەتنىڭ بارىچە ئۆزۈمنىڭ يازمىلىرىنى يوللاپ تۇرىمەن.

arkenkaxka

	tax1 يوللىغان ۋاقتى  2012-9-16 10:50 PM خۇدايىم بۇيرىسا، پات ئارىدا ئالدىرىشچىلىقتىن قۇتۇلى ... يازمىلىرىڭىزنى كۈتىمەن، قەلىمىڭىز ھارمىغاي.

قۇندۇز

	ئۇچرىغان «قۇشقاچلار»  غا  «دان»  بېرىۋەرگەن «مەرد» ئەرلىرىمىز، «مەرد » يىگىتلىرىمىز،  سىلەرنى « سا » دەيلىمۇ يا « جا » دەيلىمۇ ؟  ( گەپ ئىگىسىگە بېرىپ تەگسۇن. ) شۇلارغا ئاۋۋال  «دان » بەرگىنى شۇ «مەرد» لىرىمىزغۇ دەيمەن............