ياۋايى غەزەللىرى

yawayi

	غەزەللەر (1) دىلبىرىم ! كەلسەڭ بولاتتى مەن يىقىلماستىن بۇرۇن ، چىن –مۇھەببەت، سۆيگۈگە ھەسرەت قېتىلماستىن بۇرۇن . كۆزلىرىمدە لىققىدە ياش تەلمۈرۈپ ۋەسلىڭ تامان ، كەلگىنە ئوتلۇق كۈلۈپ ئەجەل ئېسىلماستىن بۇرۇن . كەلگىنە مەجنۇن كەبى  مەنمۇ رىيازەتلىك شۇ تاپ ، مەيلى كۈلمەن كۈللىرىم ھەريان چېچىلماستىن بۇرۇن . كەلگىنە ، مۇزدەك جىنازام ئالدىدا ماڭغىن ئۇزاپ ، ‹ رازى بول › دەپ قىل نىدا، قەبرەم يېپىلماستىن بۇرۇن ! . (2 ) ئەي رەپىق ! كۈلكەڭ ماڭا بىباھا رىغبەت ئىكەن ، ھەم شەرەپلەردىن تويۇنغان راۋۇرۇس ھۆرمەت ئىكەن . بىر قىيا باقماقلىقىڭ قەلبىمنى تىترەتسە ئەجەپ ، سېھرى –جادۇ سۆلكىتىڭ دولقۇنى شىددەت ئىكەن . شەرمى-خۇلقىڭدىن ئېچىلغان چىن ۋاپانىڭ گۇللىرى ، ئەھلى- ئىمان بىرلە قىلغان سۆزلىرىڭ شەربەت ئىكەن . بىھايا- ناكەس ئۈچۈن تەييار دىيانەت ئوقلىرىڭ ، ھەم ساياقلارغا ئېتىلغان نەپرىتىڭ ئىبرەت ئىكەن . بىل قىيامەتلىك مۇھەببەت تىن پۈتۈلگەن ئەھدىمىز ، سەن بىلەن بىرگە ياشاش مەن ئۈچۈن جەننەت ئىكەن !. 2012-يىل سىنتەبىر   قەشقەر

kaLGundi

	كىنايە ،مەجاز ، ئوخشىتىش ....قاتارلىق سۈپەتلەرنى قوللۇنۇپ تۇرۇپ غەزەل يازالايدىغانلار بولسا  بىر ئۇستاز تۇتۇپ ئۆگەنسەم بۇلاتتى. ماۋۇ غەزەلمۇ ئىسىل چىقىپتۇ.....

uyghur05

	غەزەل دىگەننى تىتىۋىتىدىكەنسىزغۇ

uyghur05

	kaLGundi يوللىغان ۋاقتى  2012-9-16 06:31 PM كىنايە ،مەجاز ، ئوخشىتىش ....قاتارلىق سۈپەتلەرنى قوللۇ ... مەجاز دىگەن نىمە دىگەن گەپ

kaLGundi

	uyghur05 يوللىغان ۋاقتى  2012-9-16 06:46 PM مەجاز دىگەن نىمە دىگەن گەپ ئوخشۇتۇش دىگەندەك سۆزلەر بىلەن بىرقاتاردا كىلىدۇ

uyghur05

	kaLGundi يوللىغان ۋاقتى  2012-9-16 06:49 PM ئوخشۇتۇش دىگەندەك سۆزلەر بىلەن بىرقاتاردا كىلىدۇ ئىستىلىستىكىلىق ۋاستىلەردىن ئوخشىتىش ، سۈپەتلەش ، مۇبالىغە ، جانلاندۇرۇش ، رىتورىك خىتاب ، رىتورىك سوراق دىگەنلەرنى بىلىمەن . لېكىن مەجاز  دەپ ئاڭلىماپتىكەنمەن .

kaLGundi

	uyghur05 يوللىغان ۋاقتى  2012-9-16 07:01 PM ئىستىلىستىكىلىق ۋاستىلەردىن ئوخشىتىش ، سۈپەتلەش ، مۇ ... مەجاز ئەلشىر نەۋائىنىڭ غەزەللىرىدە بەكراق ئىپادىلەنگەن. نەۋائىنىڭ غەزەلىرىنى ئۇقۇسىڭىز 90%پۇرسەت كىنايە ھەم مەجاز بار.

apirin

	سىزنىڭ شىېرلىرىڭىزنى مەن گىزىتتە كۆرگەن.... ئەشۇ ياۋايى سىز بولسىڭىزلا.  ياخشى غەزەل چىقىپتۇ.

yawayi

	3 سۆيۈم ئسيانى دەۋرەيدۇ  ئۇنىڭ سەھراسىدىن كەلدىم ، كى مەشرەپ ئىشقىنى ئوتلاپ  ئۆلۈم دەرياسىدىن كەلدىم . جۇنۇندەك چوللىرىم قالدى يىگانە لەھزىسى چاقناپ ، كىيىكتەك مەنزىلىم توڭلاپ  ئەجەل ئوقياسىدىن كەلدىم . ئەسىرمەن زۇلپىدا يارنىڭ  قاراقىم بەرگىدە شەبنەم ، تەبەسسۇم ياغسا ئېيتارمەن ھەرەم مەئۋاسىدىن كەلدىم . ۋۇجۇتلار  چاڭقىشى  زەمزەم  تىلەيدۇ  كەربالالىقتا ، ۋەتەندەك تاھىرى مەھكۇم يېتىم زوھراسىدىن كەلدىم .! 4 تەلمۈرۈپ ئىشقىڭدا ياندىم قىممىتىڭدىن ئەي مەلەك ، شەرمھايالىق، ئېتىقادلىق زىننىتىڭدىن ئەي مەلەك . ساڭا بولغان ئاشىنالىق جان قۇشۇمغا ئىمتىھان ، مەيلى بولسام تەركى دۇنيا ھۆرمىتىڭدىن ئەي مەلەك . پايە مەن تەققاسلىرىڭ زىممەمگە چۈشسە ناگىھان ، ئارمىغان ئەيلەپ دىلىمغا پۇرقىتىڭدىن ئەي مەلەك . زىكرى قىپ ئىسمىڭنى ۋەھدەت دەملىرى بولغاي ئادا ، بەلكى مەشرەپتەك ئادامەن قۇربىتىڭدىن ئەي مەلەك . 2012-يىل سىنتەبىر   قەشقەر

jawzaa

	kaLGundi يوللىغان ۋاقتى  2012-9-15 10:31 PM كىنايە ،مەجاز ، ئوخشىتىش ....قاتارلىق سۈپەتلەرنى قوللۇ ... مۇھەممەت سالىھ داموللا ھاجىمنى ئۇستاز تۇتسىڭىز بولغۇدەك .........ئۇ .ئادەم يازالايدۇ!