يۇمۇر قىقى

زاغرا

	كونا بولسىمۇ خىلى قىزىقارلىق يۇمۇرلار ئىدى. بۇرۇن ساقلىۋالغاندىم.ساقلاۋىرىپ قاق بولۇپ قالاي دىدى. يوللىماي يەنە ساقلىسام نىم بوپ كىتەر دەپ ئەنسىرەپ يوللىۋەتتىم شۇ. قانداق قىلىمە؟ بەزىللىرىنى ئۆزەم يازغانتىم ئەينى چاغدا. ئۆزى يازغىنى شۇنچە ئەتىۋار بىلىنەمدۇ ئادەمگە؟ يۆل يۇمۇرغا قارىغاندا قۇرىغان يۇمۇر قىقى سەل ئىسسىق  دەيدىغۇ؟ يىزىچە قوغۇن -شاپاق يەپ سوغۇڭلار ئىشىپ كەتكەن بولسا تەڭشەپ قويار مىجەزىڭلارنى بىر كۈنى تورخانىدا ئولتۇراتتىم، يېنىمدا ئولتۇرغان بالىنىڭ كومپيۇتېرى قېتىپ قاپتىكەن قولىنى ئېگىز كۆتۈرگىنىچە ”مالىم!“ دەپ توۋلىماسمۇ تورخانىدىكىلەرنىڭ ھەممىسى جىمىپ كەتتۇق. ئالما سېتىۋالماقچى بولۇپ باققالدىن سورىدىم، كىلوسى قانچە؟ باققال: بىر يېرىم كوي. مەن: بەك قىممەتكەن ، بەش كويغا ئۈچ كىلو بولسا قانداق؟ باققال: ياق-ياق! ئالىي مەكتەپتىكى چېغىم ئىدى، بىر كۈنى ياتاقنىڭ تېلىفۇنى سايراپ قالدى، دوستۇم ئېلىپ ئاپاڭكەن دەپ ماڭا تەڭلىگەن ئىدى، تېلىفۇننى ئالغاچ ئادەت بويىچە ئۇنىڭدىن قىزمۇ-ئوغۇلمۇ؟ دەپ سوراپ ساپتىمەن، ئولتۇرغانلار كۈلۈپ يېتىپ قاپتۇ، شۇنىڭ بىلەن ئالىي مەكتەپنى پۈتتۈرگىچە بۇ گەپ پىشانەمدىن كەتمىدى. ئوتتۇرا مەكتەپتىكى چېغىم ئىدى، بىر كۈنى ئىككى ساۋاقدىشىم بىلەن ئۈچىمىز بىر كالا گۈشى ئۈگرىخانىسىغا كىردۇق، يېنىمدىكىسى خوجايىنغا قاراپ ”لياڭشۈي“(سوغۇق سۇ) دەپ توۋلىغان ئىدى، مەنمۇ تازا ئۇسساپتىكەنمەن ئىچىمدە نېمىشقا ئۈچەيلەن بولغاندىكىن ئۈچنى دېمەيدۇ دەپ ئاۋازىمنى ئۈللۈك قويىۋىتىپ ”سەنشۈي“ دەپتىمەن. ھەدەم بىلەن ئاياغ دوكىنىغا كىرگەنتۇق، ھەدەم بىر ئاياقنى پۇتىغا كىيىپ سىناپ باققاندىن كېيىن پىركازچىككا قاراپ خىيالىدا يوق ”كىلوسى قانچە“ دەپ سوراۋاتىدۇ. بىر قېتىم مائارىپ ئىدارىسىنىڭ باشلىقى مەكتىپىمىزگە كېلىپ ئەتىگەنلىك گىمناستىكىنى كۆزدىن كەچۈرگەنتى، گىمناستىكا تۈگىگەندە تەنتەربىيە ئوقۇتقۇچىمىز جىددىيلىشىپ كەتتىمۇ قانداق دەماللىققا ”تارقىلىڭلار“ دېگەن سۆزنى تاپالماي بىر ھازا تۇرۇپ كېتىپ ”چېكىنىڭلار!“ دەپ كوماندا بەردى . ماتېماتىكا ئوقۇتقۇچىمىز تاپشۇرۇق بەرگەن ئىدىم، ئىشلىيەلمىگەچكە ساۋاقدىشىمنىڭكىدىن كۆچۈرۈپ ئاران تەستە ئۈلگۈرتۇپ ئىشخانىغا يۈگۈرۈپ كىردىم ۋە مالىمغا قاراپ“ كۆچۈرۈپ بولدۇم!“ دەپ توۋلاپ ساپتىمەن. بىر كۈنى ياتاقتىكى بىرەيلەننى ئىزدەپ تېلىفۇن كەلدى، ئۇ يوق ئىدى، مەن بېرىپ تېلىفۇننى ئېلىپ ئۇنى ”يوق“ دېدىم ۋە كەينىدىنلا ”رەھمەت“ دەپ ساپتىمەن. ھازىرغىچە نېمىشقا شۇنداق دېگىنىمنى بىلمەيمەن. كىچىك چېغىم ئىدى، بىر كۈنى ھاممامنىڭ ئۆيىدە ئولتۇراتتىم ئۆيگە مېھمان كېلىپ قالدى، بۇ چاغدا ھامما ھاجەتكە ماڭغان بولۇپ جىددىيلا بېرىپ ئىشىكنى ئاچتىيۇ مېھمانلارغا قاراپ ”ئولتۇرغاچ تۇرۇڭلار، مەن ھاجەتكە بېرىپلا سىلەرگە چاي ئەكىرەي“. ئالىي مەكتەپتىكى چاغلار ئىدى، بىر كۈنى ياتاقتىكى بىرسى بىلەن تازا مۇنازىرىلىشىپ قالدىم، ئۇ تازا جىددىيلىشىپتىكەن، ئارىدا ”سەن مېنى بىلمەيدۇ دېمە، مەن ئۇنچىۋالا دۆت ئەمەس بولمىسام يا“ دېدىيۇ ئۆزىنىڭ نېمە دېگىنىنى بىلەلمەي ئاۋازى پەسلەپ كەتتى. ھەدەمنىڭ پۇل قاپچۇقى يۈتۈپ كەتتى، ئىچىدە پۇل ۋە مۇھىم كېنىشكىلەر بار ئىدى، ئۇ يول بويىنى ئىزدەپ تاپالمىغاندىن كېيىن ئەخلەت تۇڭىنىڭ يېنىغا كېلىپ ئۇ يەرنىمۇ تىتماسلاپ يەنىلا تاپالماي ئولتۇرۇپ يىغلامسىراشقا باشلىدى، تۇيۇقسىز ياشقا چوڭ بىر ئايال كېلىپ ھەدەمنىڭ بېشىنى سىلاپ مېھرىبانلىق بىلەن ”سىڭلىم، قورسىقىڭىز ئاچتى ھە“ دەپ بىر كوي پۇلنى ھەدەمنىڭ ئالدىغا تاشلاپ قويۇپ كېتىپ قالدى. ھەدەمنىڭ شۇ چاغدىكى چىراي ئىپادىسى تېخىچە كۆز ئالدىمدا. دەرس ۋاقتى ئىدى پارتىدىشىم ئۇخلاپ قاپتىكەن مۇئەللىم ئۇنى كۆرۈپ: ئۇخلاپ قالغان ئاۋۇ ساۋاقداش، سىز تۇرۇپ جاۋاپ بېرىڭ، دېگەن ئىدى پارتىدىشىم تېزلا ئويغاندى ۋە ئورنىدىن تۇرۇپ : كەچۈرۈڭ مۇئەللىم، مەن بىلمەيمەن……“دېدى. مۇئەللىم: ”ئەمدى دىققەت قىلىڭ، دەرس ۋاقتى ئۇخلاشقا بولمايدۇ، ئەمسە 53-نومۇر سىز جاۋاب بېرىڭ دىگەن ئىدى ئۇ يەنە ئورنىدىن تۇرۇپ ”كەچۈرۈڭ مۇئەللىم، مەن راس بىلمەيمەن“ ، مۇئەللىم يوقلىمىسىغا قاراپ ئېكىس ئېكىس سىز تۇرۇپ جاۋاپ بېرىڭ، يېنىمدىكىسى يەنە ئورنىدىن تۇرۇپ: مۇئەللىم، كەچۈرۈڭ، مەن بىلمەيدىكەنمەن. مۇئەللىم پىشانىسىگە ئۇرۇپ قۇيۇپ سورىدى: ئەدەبىيات پەن ۋەكىلى سىز تۇرۇپ جاۋاپ بېرىڭ، يېنىمدىكى بىچارە يەنە ئورنىدىن تۇرۇپ مۇئەللىمگە قاراپ بىچارىلەرچە تۇرۇپ كەتتى… يېڭى توي قىلغان بىر جۈپ ياش بىر-بىرىگە شۇنداق ۋەدىلەرنى بېرىشىپتۇ ”بۇندىن كېيىن ئەمدى مېنىڭ دېمەي بىزنىڭ دەيلى. بىر كۈنى يىگىت يۇيۇنغىلى كىرىپ كېتىپ خېلى ئۇزۇن چىقماپتۇ، ساقلاپ ئىچى پۇشقان قىز: قەدىرلىكىم، نېمە قىلىۋاتىسىز؟!، يىگىت: ساقىلىمىزنى ئېلىۋاتىمەن. بىر جۈپ ياش ئەر-ئايال بالىلىق بوپتۇ، ئاپىسى بالىسىغا كۈندە ”دادا، دادا“ دېيىشنى ئۈگىتىپتۇ، بۇنى كۆرگەن دادىسى ئايالىدىن سۈيۈنۈپ مېنىڭ ئايالىم نېمىدىگەن ياخشى، بالىمىزغا ئاۋال ”ئاپا“ دېيىشنى ئۈگەتمەي ”دادا“ دېيىشنى ئۆگىتىۋېتىپتۇ دەپ سۈيۈنۈپ كېتىپتۇ. بىر كۈنى يېرىم كېچىدە بالا يىغلاپ ”دادا، دادا“ دەپ توۋلاپتۇ، ئاپىسى دادىسىنى نوقۇپ تۇرۇپ: تېز تۇرۇڭ، بالا سىزنى چاقىرۋاتىدۇ“ دەپتۇ. دادىسى شۇ چاغدا ئاندىن ئىشنىڭ تىگى-تەكتىگە يېتىپتۇ. ئالىم مەكتەپتىكى چېغىمىز ئىدى، بىر كۈنى جىددىي قۇتقۇزۇش بىلىملىرىگە ئائىت دەرس ئۆتۈلدى، مۇئەللىم چۈشەندۈرۈپ: نەپىسى توختاپ قالغانلارنى سۈنئىي نەپەسلەندۈرگەندە كۆكرەكنى بەك چىڭ بېسىۋىتىشكە بولمايدۇ، چوقۇم2-3سانتىمىتىر ئەتىراپىدا بېسىش كېرەك، بولمىسا ئاسانلا كۆكرەك سۈڭىكىنى سۇندۇرۇۋىتىدىغان ئەھۋال كېلىپ چىقىدۇ. ئەمدى تۆۋەندىكى مىسالنى كۆرۈڭلار. ئۇ شۇلارنى دەپ كارىۋاتتىكى ئادەم مودىلىنىڭ كۆكرىكىنى بىرلا بېسىپ سۇندۇرۇپ قويدى. دۇنيادىكى ئەر كىشىلەرنىڭ ھەممىسى ئالدامچى، ئاياللار مەيلى چىرايلىق بولسۇن ياكى سەت بولسۇن ھەممىسى ئۇلارغا ئالدىنىدۇ. ئوخشىمايدىغىنى شۇكى، تەلەيلىك ئاياللار چوڭ ئالدامچىغا ئۇچىراپ ئۇنىڭغا بىر ئۆمۈر ئالدىنىپ ئۆتىدۇ. شور پىشانە ئاياللار بولسا بىرلا قېتىم ئالدىنىپ ئۆتۈپ كېتىدۇ ئىككى كىشى پاراڭلىشىپ قاپتۇ،بىرسىنىڭ 5بالىسى بار ئىكەن،يەنەبىرسىنىڭ بالسى يوق لىكىن ئورمانلىققا قارايدىكەن.باللىرنىڭ دەردىدىن جىق زېركىپكەتكەن بىرى دەپتۇ: -بالا باقماق ھەقىقەتەن بەك تەس -سىز بۇنداق دېگەن بىلەن ئورمانلىققا قارىماقمۇ ئاسان ئەمەس -سىز ئورمانلىققا قارىماق تەس دەۋاتىسىز،سىزنىڭ بىرەر تۈپ دەرىخىڭىز ھاراق ئېچىپ سىزگە ئىش تېرىپ بەردىمۇ؟ -ياق -بىرە ر تۈپ دەرىخىڭىز قىممار ئويناپ ئەل ئالدىدا نامىڭىزنى بۇلغىدىمۇ؟ -ياق -ئۇنداق بولسا سىز ئورمانلىققا قاراشنى تەس دېمەڭ. -مېنىڭ گېپىمنىمۇ ئاڭلاپ قويۇڭ،سىزنىڭ بىرەر بالىڭىزنى ئېشەك غاجىلاپ باققانمۇ؟ سەئۇدى ئەرەبىستان مىسسىرۋە شىنجاڭدىكى ئۈچ مەسچىتنىڭ ئىمامى پاراڭلىشىپ قاپتۇ،سۆزلەپ-سۆزلەپ گەپنىڭ تېمىسى مەسچىتكە چۈشكەن پۇلنى قانداق بىرتەرەپ قىلىشقا بېرىپ تاقىلىپتۇ.سەئۇدى ئەرەبىستاندىكى مەسچىتنىڭ ئىمامى دەپتۇ: -مەن يەرگە چوڭ بىر چەمبەرسىزىپ، مەسچىتكە چۈشكەن پۇلنى  ئاسمانغا ئاتىمەن،چەمبەر ئىچىگە چۈشكەنلىرىنى مەسچىتكە،چەمبەرسىرتىغا چۈشكەنلىرىنى ئۆزۈمنىڭ ئىشىغا  ئىشلىتىمەن. ئارقىدىن مىسسىردىكى مەسچىتنىڭ ئىمامى دەپتۇ: -مەن مەسچىتكە چۈشكەن پۇلنى يەرگە بىر تۈز سىزىق سىزىپ،ئاسمانغا ئاتىمەن،شىمالغا چۈشكەنلىرىنى مەسچىتكە،جەنۇبقا چۈشكەنلىرىنى ئۆزۈمنىڭ ئىشىغا ئىشلىتىمەن. ئەڭ ئاخىرىدا شىنجاڭدىكى مەسچىتنىڭ ئىمامى دەپتۇ: -مەن مەسچىتكە چۈشكەن پۇلنى ئاسمانغا قارىتىپ ئاتىمەن،يەرگە چۈشكەنلىرىنى ئۆزۈمنىڭ ئىشىغا ،ئاسماندا قالغانلىرىنى مەسچىتكە ئىشلىتىمەن ئۈچ ئەر كىشى  بىر يەرگە كېلىپ پاراڭلىشىپ قاپتۇ،گەپنىڭ تېمىسى ئۆز ئاياللىرىغا بېرىپ تاقىلىپتۇ. -مەن ئايالىمنىڭ كارۋىتىدىن بىر دانە ئامبۇرنى بايقاپ قالدىم،ئۇنىڭ چۇقۇم رېمۇنىتچى بىلەن چاتىقى بار. -مەن ئايالىمنىڭ كارۋىتى ئاستىدىن بىر ياغاچ كېسىدىغان ھەرە دىن بىرنى بايقاپ قالدىم ،ئۇنىڭ چۇقۇم ياغاچچى بىلەن چاتىقى بار. -مەن ئايالىمنىڭ كارۋىتى ئاستىدىن بىر چەۋەندازنى بايقاپ قالدىم،ئۇنىڭ چۇقۇم ئات بىلەن چاتىقى بار بىر توكىيۇدىن لوندونغا قاراپ ئۇچقان ئايروپىلان ئىچىدە بىر ياش يىگىت يېنىدا ئولتۇرغان ئوتتۇرا ياش بىر كىشىدىن سائەتنىڭ قانچە بولغانلىقىنى سوراپتۇ. -مەن سىزگە سائەتنىڭ قانچە بولغانلىقىنى دەپ بەرسەم بولمايدۇ،چۈنكى ئەگەر مەن سىز گە سائەتنىڭ قانچە بولغانلىقىنى دەپ بەرسەم،سىز ماڭا "رەھمەت"دەيسىز،مەن سىزگە "ھېچقىسى يوق"دەيمەن،شۇنداق قىلىپ بىز قىزغىن پاراڭلىشىپ كېتىمىز،لوندۇنغا بارغاندىن كىيىن سىز مېنى رەھمەت يۈزسىدىن تاماققا تەكلىپ قىلىسىز،مەن تاماقنى يەپ بۇلۇپ سىزنى ئۆيگە تەكلىپ قىلىمەن،شۇنداق قىلىپ سىز بىزنىڭ ئۆيگە بارىسىز،مەن ئايالىمغا تاماق ئىتىشنى بۇيرۇيمەن،بۇچاغدا سىز دېمەتلىك ياش قىزىم كىرىپ بىز بىلەن پاراڭلىشىدۇ،سىز قىزىمنى كۆرۈپ ئۇنىڭغا "سىزنى كۆرگەنلىكىمدىن بەك خوشالمەن"دەيسىز ،قىزىممۇ سىز گە شۇنداق دەيدۇ،شۇنداق قىلىپ سىلەر قىزغىن پاراڭلىشىپ كېتىسىلەر،تاماق يەپ بولغاندىن كىيىن سىرتنى بىللە ئايلانغىلى چىقماقچى بولسىلەر،مەن ئىلاجىسىز قۇشۇلىمەن.كىيىن قېشىمغا توي قىلماقچى بولۇپ كېلىسىلەر،مەن  قىزىمنى ھەرگىز سىزدەك سائىتى يوق بىر ئادەمگە بېرىشنى خالىمايمەن.شۇڭا سىزگە سائەتنىڭ قانچە بولغانلىقىنى دەپ بەرمەيمەن ئىككى كىشى بىر ۋېلسىپىتنى مىنىپ مېڭىپتۇ،ۋېلسىپىت مىنگۈچى بولسا ئەما ئىكەن،كەينىدە ئولتۇرغۇچى بولسا مېيىپ خەنزۇ يولداش ئىكەن،شۇڭا كەينىدە ئولتۇرغان كىشى مىنگۈچىگە يولنى كۆرسىتىپ بېرىدىكەن،شۇنداق قىلىپ بۇلار بىرلىكتە بىر ۋېلسىپىتنى مىنىپ ماڭىدىكەن،مېڭىپ مېڭىپ بىر ئازگالغا دۇچ كېلىپ قاپتۇ،كەينىدە ئولتۇرغان يولداش ئۆزىنى تۇتالماي"گوۋ گوۋ گوۋ(خەنزۇ تىلىدا ئازگال دېگەن مەنىدە)"دەپتۇ،بۇچاغدا ۋېلسىپىت مىنگەن ئادەم "ھالىي ھالىي ھالىي"دەپتۇ دە بۇلار ئازگالغا بىراقلا يىقىلىپ چۈشۈپتۇ.

rizwangul0995

	نىمانچە قىزقارلىق يۇمۇرلاردۇ بۇ ،ھاممىڭىزنىڭ ھاجەتكە بېرىپ چاي ئەپ كىلەي دىگەن گىپنى مىھمانلار قانداق ئويلاپ قالغاندۇ

نەپەس

	يومۇرلىرىڭىزغا رەخمەت  ....

bayhenim

	قەيەردىنمۇ تېپىپ دەيدىغانسىلەر بۇ يۇمۇرنى ھەيرانمەن سىزگىلام ئۇچۇرامدۇ ھەممە يۇمۇر زاغىر بوۋا.....................

زاغرا

	دەھشەت خاككىرلىق تېخنىكىسى (چاقچاق) - ئەسسىلامۇ ئەلەيكۇم مۇنبەردىكى خاككىرلىققا قىززىققۇچى ،..لىكىن ئۆگىنەلمەي يىغلاپ ئولتۇرغان يىغلاڭغۇ تورداشلىرىم نۇرغۇنلىرىڭلار ئىھتىمال خاككىرلىققى قىزىقىسىلەر ئەمما قانداق ئۆگىنىشنى بىلمەيسىلەر ھەقىچان ..مانا بۈگۈن سىلەرگە قانداق قىلىپ خاككىرلىق ئۆگىنىشنى  تەپسىلىي سۆزلەپ سىلەرنىڭ ئارزۇيۇڭلارنىڭ ئەمەلگە ئېشىشىغا ياردەم بىرىمەن ... ئەمىسە دەرىسىمنى باشلاي :    ھە راس بۇ ماقالە مىنىڭ نەچچە مىڭ قېتىملىق تەجرىبە ۋە سىناق قىلىش ئارقىلىق يەكۈنلەنگەن ۋە راستلىقى دەلىللەنگەن .مىنڭ قان تەر بەدىلىمگە كەلگەن قىممەتلىك مىۋەم ،شۇنىڭ ئۈچۈن ھەر قانداق بىر كىشىنىڭ مىنىڭ روخسىتىمىسىز كۆچۈرىشىگە ۋە ساقلىۋىلىشىغا رۇخسەت يوق .ئەگەر يەنە كىمكى بۇ ماقالەمنى ئۇقۇپ ھۆنەرلەرنى ئىگەللەپ بولغاندىن كىيىن يەنىلا مۇۋاپىقىيەتلىك ھالدا خاككىرلىقنى ئۆگىنەلمىسە مەن بۇ مەخپىي ماقالەمنى ئۇنىڭغا ھەقسىز سوۋغا قىلىمەن .   ھۆنەرنىڭ 1-  قانداق قىلىپ باشقىلارنىڭ كومپىيوتىرىنى قارا قىلىمىز (بۇنى خاككىرلىرىمىز 黑别人电脑 دەيدۇ.) 1.بىر تۇڭ قارا سىر ۋە سۈرتكۈچ سېتىۋالىمىز . 2.باشقىلارنىڭ ئۆيىگە بارىمىز (مېڭىپ بارسىڭىزمۇ ،ماشىنا ئولتۇرۇپ بارسىڭىزمۇ بولىدۇ ) 3.ئۇنىڭ ئۆيىدىكى كومپىيوتىرىنى قارا سىر بىلەن قاپقارا قىلىپ سىرلايمىز .ئەگەر سىز مۇۋاپىقىيەتلىك ئۇنىڭ كومپىيوتىرىنى قارا قىلالىغان بولسىڭىز ..سىزنى تەبرىكلەيمەن ..1- ھۆنەرنى ئۆگىنىپ بولدىڭىز . ھۆنەرنىڭ 2 -  قانداق قىلىپ باشقىلارنىڭ كومپىيوتىرىدا ئارقا ئىشىك ）后门（ۋە ياغاچ ئات (木马)قالدۇرۇپ قويىمىز ？ كۆپچىلىك بىلىسلەر ياغاچ ئات يەنى مۇما ئارقىلىق نۇمۇر ئوغورلىغىلى بولىدۇ . 1.ئويۇنچۇق دۇكىنىغا بېرىپ بىر دانە ياغاچ ،يەنە بەش خىل مىتال دۇكىنىغا بېرىپ بىر دانە ئۈشكە سېتىۋالىمىز . 2.باشقىلارنىڭ ئۆيىگە بارىمىز (مېڭىپ بارسىڭىزمۇ ،ماشىنا ئولتۇرۇپ بارسىڭىزمۇ بولىدۇ ) 。 3.ئۇنىڭ ئۆيىگە بارغاندىن كىيىن ئۈشكە ئارقىلىق ئۇنىڭ كومپىيوتىرىنىڭ ئاساسىي ئاپاراتىنىڭ كەينىدىن بىر دانە تۈشۈك ئاچىمىز ئاندىن ياغاچ ئاتنى ئىچىگە كىرگۈزىۋىتىمىز . ھۆنەر 3- قانداق قىلىپ باشقىلارنىڭ ھەرخىل مەخپىي نۇمۇرىغا ئېرىشىمىز ？ 1.تىنىچ ھالەتتە كەينىگە چۈشۈپ ئېرىشىش ئۇسۇلى :سىز بىر دەرەخنىڭ سىياقىدا ياسىنىپ تورخانىغا كىرىپ ئۇنىڭ كەينىدە جىم تۇرۇپ ئۇنىڭ مەخپىي نۇمۇرىنى كۆرىۋالىسىز . 2.ھەركەتلىك كەينىگە چۈشۈپ ئېرىشىش ئۇسۇلى :دوستىڭىزنىڭ ئۆيىگە مىھمان بولۇپ بارىسىز ،ئاندىن ئۇنىڭ كەينىدە تۇرۇپ مەخپىي نۇمۇر باسقاندا كۆرىۋالىسىز (تەلەپ :ئەستە تۇتۇش قابىليتىڭىز ۋە كۆرۈش قۇۋۋىتىڭىز چوقۇم ياخشى بولىشى كىرەك .تۆت كۆز ،كالۋالارنىڭ بۇ ئۇسۇلنى ئىشلىتىشىگە قارشى تۇرىمەن ) ھۆنەر 4-     كىچىكتىن باشلاش ئۇسۇلى بويىچە باشقىلارنىڭ ھېساۋات نۇمۇرى ۋە مەخپىي نۇمۇرىغا ئېرىشىش   1.خالىغان بىر مەخپىي نۇمۇرنى كىرگۈزىمىز .سىزگە aaaaa دىن باشلاشنى تەۋسىيە قىلىمەن .(توربەتنىڭ قائىدىسى بويىچە ئەڭ كىچىك ساندىن باشلايمىز ) 2.ئەگەر بولمىسا ئىككىنجى خىل ئۇسۇل aaaabدىن باشلاپ سىنايمىز . 3.ئەگەر بولمىسا ئۈچنجى خىل ئۇسۇل aaaac دىن باشلاپ سىنايمىز 4.ئەگەر يەنە بولمىسا سىز زىرىكمەي داۋاملىق .........دىن باشلاپ سىناپ بېقىڭ (ۋاقىت سەل كۆپرەك كىتىدۇ ياشىنىپ قالغان تورداشلىرىمىنىڭ بۇ ئۇسۇلنى مەشىق قىلماسلىقىنى تەۋسىيە قىلىمەن ). ھۆنەر  5- قانداق قىلىپ باشقىلارنىڭ مۇنبەر تورىنى پالەچ ھالغا چۈشۈرۈپ قويىمىز ؟قەدەم باسقۇچلىرى : 1.شۇ توربەتنىڭ بىكەت باشلىقى ۋە بارلىق باشقۇرغۇچىلىرىنى تىنىچ خالىي بىر جايغا تاماققا تەكلىپ قىلىمىز . 2.بارلىق دوستلىرىڭىز ۋە ئاەملىرىڭىزنى تاماققا تەكلىپ قىلغان قىلغان ئۇ تىنىچ خالىي جايغا ئېلىپ بارىسىز .(پىچاق ،كالتەك ،توقماق ،بولقا ،بازغانلارنى ئېلىپ بېرىشنى ئۇنتۇپ قالماڭ ) 3.پەرىزىمچە سىز قارشى تەرەپ بىلەن كۆرۈشكەندىن كىيىن ئۇ مۇنبەر تورى پۈتۈنلەي پالەچ ھالغا چۈشۈپ قالمىغان تەقدىردىمۇ چوقۇم يېرىم پالەچ بوپ قالدى .ئەگەر يەنە چۈشەنمىگەن بولسىڭىز 110 غا تىلىفۇن قىلىڭ مەنبە:ساقلىۋالغانلىرىم

سۈمەييە

	سىزنىڭ يۇمۇرلىرىڭىز ظۆزگىچە جۇمۇ , كۆرۈپ باقمىغان  ظاثلاپ باقمىغان يۇمۇرلارنى يوللايسىز كىتاۋىڭىزنى ظوغىرلىۋالايمىكى مەن ھى ھى ھى

ئايچىن

	قىززىقلىقىدا راستلا قاق بوپ كەتكەن يۇمۇرلەركەن بۇ ...

قۇندۇز

	يۇمۇر قېقىدىن كېيىن ماۋۇ يۇمۇر مىۋىسىمۇ ئوخشاپ كىتىپتۇ !!! ھا ھا ھا .......

tohtihan1

	راست قازاندا قورۇۋالغان گۆش قېقىدەكلا يۇمۇرلاركەن بۇ ...

janginam

	ھاھاھاھاھا............... كۈلۈپ بولالماي يىغلاپ كەتىتم