سىرىك (ساتىرا)

uqkuni

	سىرىك (ساتىرا) (ئۇچقۇنى) تام قوشنام كىلىپ قاقسا ئىشىك، سالامىنى ئېلىپ تەڭ ئىلىك. ھال-مۇڭ سوراپ كەلگەن چېغى دەپ، ئېچىپتىمەن ئىشىكنى ئتتىك. كىرگەن چاغدا شۇنچە مۇلايىم، ئىدى گويا ياۋاش قوي كىيىك. تەلەپپۇزى ئۆزگىرىپ بىر چاغ، ئەلپازى شىر جان ئالدى تىرىك. دەپ باشلىدى ئاكا يوللۇق مەن، كۆرۈپ نادان يېشىمنى كىچىك. بۇندىن كىيىن مەن ساڭا ئىگە، بىز قېرىنداش ھەممىدە شىرىك. چىرايلىقچە قوشۇلساڭ ياخشى، قوشۇلمىساڭ يەيسەن مۇش تېپىك. يات غەرەزدە بولساڭ زەررىچە، ساداقەتتە بولىسەن چىرىك. سىزىقىمدىن چىقما نىم دىسەم، تۇتما پەرز ئىماندىن زىرىك. ئۆلپەت بۇلۇپ ئىچەيلى شاراپ، تىلدا دىلدا بولسۇن تەڭ بىرلىك. ئىسمىڭ ئۇزۇن چاقىرماق تەسكەن، قىسقارتىپ دەي ئاڭلانسۇن تىتىك. تالا-تۈزگە چىقمىغىن ئەسلا، تۇرسا ياخشى ئىشىگىڭ ئىتىك. قىلما يامان گېپپىمنى ماختا، مىنى باققىن ساتساڭمۇ يىلىك. كۆڭۈل ئۆيۈڭ تۇرسۇن قاراڭغۇ، ياقما چىراغ ياندۇرۇپ پىلىك. ئال سىڭلىمنى چىڭىسۇن يىلتىز، مۇناسىۋەت بولمىغاي يىرىك. تەشەككۈر ئېيت نىجاتكارىڭمەن، شەكلەنمىگىن ئال ئۆلۈك بىلىك. بۇ تەلۋىگە تۇتۇلدۇم قانداق، بىچارىمەن ئاجىز بىر مىتىك. ئۆزۈم باشتا قىلماي ئىھتىيات، ھەق قىسمەتكە بولغىنىم مىلىك. تىلىم خوش-خوش دىلىم پوش شۇنداق، مەجبۇرىمەن ئويناشقا سىرىك. ئابلىكىم ئەركىن ئۇچقۇنى 2012.9.15

tuntaxvixi

	كىرگەن چاغدا شۇنچە مۇلايىم، ئىدى گويا ياۋاش قوي كىيىك. تەلەپپۇزى ئۆزگىرىپ بىر چاغ، ئەلپازى شىر جان ئالدى تىرىك. بۇ مىسرالا بەك جايىدا بوپتۇ،دىمىسىمۇ باشتىلا ئىشىكنى ئىچىپ بەرمەيدىغان گەپتى،ئەمدى پۇشايمان قىلغان بىلەنمۇ بىكا دە،ئىسىت...

1670154432

	anatil3 يوللىغان ۋاقتى  2012-9-16 10:45 AM ھا ھا ھا ھا ھا ساترانى ئوقۇپ شۇنداق كۆلۈپتىمەنكى،،،{:23: ... ئۇنداقمۇ ئەمەستۇ ئەمدى،يېزىلغاننىڭ ھەممىسى راست بۇلىشى ناتايىن،بىزلەرمۇ ئەسەر يازغاندا ئۇ يەر ،بۇ يەرلىرىنى ھەجىۋىلاشتۇرۇپ يېزىپمۇ قۇيىمىىزغۇ بەزىدە،لىكىن ساتىرا بەك ياخشى چىقىپتۇ .

oygak11111

	مەن ئوقۇسام راستەكلا تۇرۇدىغۇ.           بەك ياخشى چىقىپتۇ-ھە!

anwar1118

	مەنىسىنى چۈشەنمەي ئنكاس يىزۋاتامسىلە،ياكى مەن بەك چوڭقۇر ئويلاپ كەتتىممۇ؟

uqkuni

	سىرىك(ساتىرا) (ئۇچقۇنى) <2> تۇشۇپ بولدى بارنى ئۆيىگە، پۇل ئالمىدىم گاز توك سۈيىگە. ئات-ئىشەكتەك ئىشلىدىم ھارماي، يەم تەييارلاپ كالا-قويىگە. ئۆز يېغىمدا ئۆزۈمنى قورۇپ، ئوت قالايمەن ئۆزۈم گۆشىگە. مەن ئىشلەيمەن مائاشقا ئەمما، ئۇ خەجلەشنى ئالغان ھۆددىگە. ئۆزپۇلۇمدىن ھېيتلىق تارقىتار، تېخى ھىيتتا چىقىپ تۆرىگە. چۈشۈپ سۆرەت ئېلىپ سىنلارغا، ئىيتقىزىدۇ رەھمەت ئۆزىگە. گاھ ئاڭلايمەن پەستە قۇرۇق گەپ، چىقىۋېلىپ سۆزلەر ئۆگزىگە. پات-پات كىلىپ ئۈستى بېشىمنى، ئاختۇرىدۇ ھەم ئۆز مەيلىگە. گەر ياق دىسەم ئاسار قازناققا، نە ئامالىم ھەيۋە سۈرىگە. نىمىش قىلسام دوكلات قىلىمەن، ھەركەچلىكى ئۇنىڭ ئۈستىگە. خۇيى تۇتسا مىنىدۇ تېخى، ئوخشاپ قالدىم مەنغۇ تۈگىگە. ئىيت گەپ بارمۇ ھەي سولتەك دەيدۇ، ئىشەنمىسەم يالغان سۆزىگە. كەچۈرۈم سۇ ئاكاڭدىن تىز دەپ، ئايلىنىدۇ شۇئان بۆرىگە. قارالمايمەن ئالىيىپ ئاڭا، تېپەلمەيمەن ياكى كۆتىگە. بىر توپ چىۋىن قاۋان ئۇلاشقان، چۈنكى ئۇنىڭ شۇ ئەپ چۆرىگە. كوچا ئارلار كالتەك توخماقلىق، جىن كۆرۈنۈپ سايە كۆزىگە. گاھ سىقىدۇ قولۇمنى كۈلۈپ، يەر كولايمەن ئۆزۈم گۆرىگە. گاھ چالىمەن داپ غەجەك ساتار، يىتەلمەيدۇ ئەسلا قەدرىگە. يۇمۇر ئىيتسام كۈلۈپ تىللىدىڭ، دەيدۇ بىلمەي يېنىپ ئەكسىگە. سۈپۈرگىنى گىتتارقىپ مەجبۇر، ناخشا ئېيتتىم ئەبجەش كۈيىگە. ساراڭلىقتا ئۇچچچىغا يەتكەن، ئىش قىلىمەن قاراپ ئەپتىگە. كىم ئۇچراتتى مىنى ۋاي توۋا، بۇ جەمئىيەت جوھۇت گۇيىگە. ئابلىكىم ئەركىن ئۇچقۇنى 2012.9.16

tuntaxvixi

	ئىچىڭز  تازا توشۇپتىدە

oygak11111

	ھەي  قانداقمۇ قۇتۇلارسىز؟

uqkuni

	ئۇچقۇن (ئۇچقۇنى) مەن يالقۇندىن چاچرىغان ئۇچقۇن، مەن ئۆركەشلەر ياسىغان دولقۇن. مۇقەددەس جايىم تەكلىماكان، مەن باغرىدىن كۆكلىگەن يۇلغۇن. مەن خەلقىمگە تاشلىسام سايە، سوغۇقلارغا بولماستىن تۇتقۇن. تامچىلىسام ھەر دىلغا جىمجىت، ئوي-پىكىردىن چىقىرىپ بۇژغۇن. سوراقلىرىم نامەردكە سىرتماق، ئۈندەشلىرىم جەڭگىۋار جۇشقۇن. قەلىمىمنى چاخلىغان بوغدا، مىسرالىرىم ئويغاق شاش تۇيغۇن. بولسام دەيمەن ھارارەت مەشئەل، بىرلا ئارمان ئەمەستۇر نۇرغۇن. ئالسامتى شۇ دىل تۆرىدىن جاي، بولۇپ ئەلنىڭ شەرتىگە ئۇيغۇن. ئايلانغۇسى شۇ چاغدا بەلكىم، ئالەمچە زور يانغىنغا ئۇچقۇن. ئابلىكىم ئەركىن ئۇچقۇنى 2012.9.16