ئىككى شىېر (بۇلاق ئوغلى)

bulak110

	تار جاھان تۇردىقارى ئابلىز پېتىشقانتۇق بىر ئانىنىڭ قورسىقىغا، نىچۈن ئەمدى پېتىشمايمىز كەڭ جاھانغا. شۇنچە ئويلاپ يىتەلمىدىم سەۋەبى نىمە، ئۇرۇشۇشقا كەلگەنمىتۇق بۇ جاھانغا. بىر-بىرىگە تۇققان تۇرۇپ ياتلىشىمىز، ئۇنىڭكىنى بۇنىڭغا دەپ داتلىشىمىز. بۇ ئۆتكۈنچى تۆت كۈنلۈك ئالەمدىمۇ، نىمە ئۈچۈن يېغىرمىزنى تاتلىشىمىز. ھېيت ئايەم بولدى بىزگە نەزىرگە ئوخشاش، يادىمىزدىن چىقىپ كەتتى يۇققاننى يوقلاش. خوشياقمىدى ئەسلا تۇپراق بېشىنى يوقلاش، ھەممە ئەلنىڭ غېمى پەقەت قوساقنى توقلاش. ئۆلگەنلەرنىڭ كەينىدىن يىغلاپ قاقشايمىز، كىتىپ بىر يىل بولمايلا ئۇنى تاشلايمىز. ئويلىمايمىز ئۆلگەنلەر كىردۇ نەگە، كۆنۈپ قالغان شۇ ئادەت غەيۋەت باشلايمىز. 2011.5بۇلاقسۇ توۋا دەيمەن تۇردىقارى ئابلىز توۋا دەيمەن دۇنيادىكى ھايات يولىدا، بىرى ئوڭدا بىرى دۈمدە مەينىڭ كويىدا. بىرى چەكدە يۈتۈپ تتۈن ئاچچىق تاماكا، بىرى ئاققا پۇل تاپالماي يۈرەر تالادا. توۋا دەيمەن بەزىللىرى يۈرىيدۇ ئۆيسىز، بەزىلىرى يۈرىيدۇ سۇسىز تاماقسىز. كۆر ناكەس ھاكاۋۇر بەگزادىلەرنى، بىرەر ۋاخمۇ ئۆتمەيدۇ ئېسىل غىزاسىز. توۋا دەيمەن ئىشرەتكە چاپىدىكەن ئۇلار، تەستە تاپقان پۇلىنى چاچىدىكەن ئۇلار. سوراپ كەلسە تىلەمچى سەدىقەتاماق، قاراپ قويماي كەينىگە قاچىدىكەن ئۇلار. 2011.5بۇلاقسۇ مەنبە:ئۆزۈم

bayhenim

	ئىككىلا شىئېرىڭىزنىڭ ماناسى شۇنچىلىك چوڭقۇر مەزمۇنلۇق چىقىپتۇ تېخىمۇ تىرىشىڭ.مەنمۇ شۇنداق ئويلاپ قالىمەن ھېلىمۇ ئانىمىزنىڭ قورسىقىغا پېتىپتىكەنمىز دەپ، دۇنياغا پاتماي ياشاۋاتىمىز نۇرغۇنلىرىمىز .كىبىرلىك مەنمەنلىك دۇنيانى قاپلاپ كەتتى .....................

somrugh

	ياخشي يېزىپسىز رەھمەت ！

tax1

	ئىلگىرى يازغان بۇ شېئىرىمنى ئاپتورغا سوۋغا قىلاي: يۈرەك بۇنىڭ ئۈچۈن يىغلايدۇ (مۇخەممەس) ئىشەندۇققۇ بەزىدە باخشى،داخان، رەمچىگە، ئايانماستىن بارنى تۆكتۇق يۈزسىز قېرى دەللىگە، ئاچچىق ساۋاق بەردى ھايات يەتمەك بولساق پەللىگە، كىسەل تارتساق سەۋەپ قىلماي،گۇناھ ئارتتۇق تەڭرىگە، ئەجەپ موھتاج بولۇپ قالدۇق«قوتورلۇق»تىن رەندىگە. نېمە بولدى بىلمىدىم، تۇققان تۇرۇپ ياتلاشتۇق، بىرىمىزنى بىرىمىز چاقتۇق ياكى دادلاشتۇق، يېنىپ ھەسەت ئوتلىرى كۆرەلمىدۇق، قەستلەشتۇق، شۇ سەۋەپتىن ئۆزگىلەر ئالدىدا ھەم پەستلەشتۇق، ئادىمىيلىك،غۇرۇرنى قويىۋەتتۇق رەنىگە. قان-قېرىنداش مىراس دەپ ، خوراز كەبى چوقۇشتۇق، كۆكلەپ قالسا بىراۋلار ئۈستىدىن گەپ توقۇشتۇق، چوڭ ئىشلارغا كۆز يۇمۇپ ،كىچىك ئىشقا سوقۇشتۇق، قالدى مىللىي ئەنئەنە،«غەرب»بىلەن تۇنۇشتۇق، شەرمىي-ھايا ئەخلەقنى تۇتىۋەتتۇق رەندىگە. ئۆگەندۇق بىز تاماكۇ، خىروئىنغا ھەم ئاققا، چىلىشىپمۇ قالدۇق ھەم چىۋىن كەبى ھاراققا، مەستلىك بىلەن تۇتۇلدۇق نەچچە قېتىم تاياققا، ھەم بەزىدە كىرىمىز نامۇۋاپىق ياتاققا، شۇڭا نۇرغۇن كىسەلنىڭ قۇلى بولدۇق مەيلىگە. بىللە بولساق تۆت خوتۇن رېستۇراندا ئولتۇردۇق، قايسى كىيىملەر مودا بولدى ، قايسى قالدى ئۇقتۇردۇق، «باش كۆتۈرمەي»چاچلارنى بۈدرە قىلدۇق، كەستۈردۇق، پېتىپ قالماي يولغا دەپ چىنە پىش خىش ياتقۇزدۇق، ئايلىنالماي قالدۇق بىز ئەۋلات ئۈچۈن ئۈلگىگە. باشلىق بولساق شۇ ھامان ،ئاشتى خورەك -خۇيىمىز، بىرى كېلىپ يالۋۇرسا،بولۇپ كېتەر «توي»ىمىز، «غوجام»كەلسە تەكشۈرۈپ، قوزا- پاقلان سويىمىز، خىزمەتنى كۆپ «پەردازلاپ» ھەم ئۇلارغا سۇنىمىز، شۇ سەۋەپتىن«غوجام»لار يەتمەس خەلق دەردىگە. ئەمەلدىنمۇ ئايرىلدىڭ ئۆتكۈزگەچكە جىنايەت، يوقاپ كەتتى ئارىدىن ئادىللىق ھەم دىيانەت، كىرىپ قالدى زامانغا باشقىچە بىر قىياپەت، بۇنداق ماڭساق تىز كېلەر بىزگە ئاپەت ، قىيامەت، ئالدىغىلا ماڭغانلار باقماس بىر رەت كەينىگە. تېخى قورقماي يۈرىمىز،بىزدە بارغۇ «مۇقام»دەپ، «ئېشەك بولسا يوقمىدى ھەم ئۇنىڭغا توقام»دەپ، خەقلەر ئۇچتى كۆكلەردە، ئاينى مېنىڭ «ئۇۋام»دەپ، بىز يۈرىمىز لەغمەنگە تەييار مانا«چوكام»دەپ، شۇ سەۋەپتىن يېتەلمەي قالدۇق ئېگىز پەللىگە.

tax1

	بۇندىن كېيىن «شىېر» ئەمەس «شېئىر» دەپ قوللانغايسىز.

bulak110

	رەھمەت دوستۇم بەك قالتىش يېزىپسىز تولۇقلىما مەزمۇن (2013-10-16 08:13 PM):