شىنجاڭنىڭ ئون داڭلىق مىللىي كىيىم–كېچەك ماركىسى باھالاندى

bugaltir

	شىنجاڭنىڭ ئون داڭلىق مىللىي كىيىم–كېچەك ماركىسى باھالاندى شىنجاڭ ئۇيغۇر ئاپتونوم رايونلۇق خەلق ھۆكۈمىتى، سانائەت ۋە ئۇچۇرلاشتۇرۇش مىنىستىرلىقى، جۇڭگو توقۇمىچىلىق سانائىتى بىرلەشمىسى بىرلىكتە ئۇيۇشتۇرغان «ھەر خىل مىللەتلەر، رەڭگارەڭ مودا كىيىملەر» باش تېما قىلىنغان تۇنجى نۆۋەتلىك ئاسىيا – ياۋروپا «يىپەك يولى» كىيىم-كېچەك بايرىمى بەش كۈن داۋاملىشىپ، 11-سېنتەبىر كەچتە ئۈرۈمچىدە مۇۋەپپەقىيەتلىك ئاياغلاشتى. شىنجاڭ ئۇيغۇر ئاپتونوم رايونلۇق پارتكوم دائىمىي كومىتېتىنىڭ ئەزاسى ئەركىنجان تۇراخۇن، شىنجاڭ ئۇيغۇر ئاپتونوم رايونلۇق خەلق قۇرۇلتىيى دائىمىي كومىتېتىنىڭ مۇئاۋىن مۇدىرى مۇتەللىپ قاسىم يېپىلىش مۇراسىمىغا قاتناشتى. بۇ بايرامغا قازاقىستان، تۈركىيە، مالايشىيا قاتارلىق دۆلەتلەر، مەملىكەت ئىچىدىكى داڭلىق كىيىم-كېچەك كارخانىلىرى ۋە شىنجاڭنىڭ مىللىي كىيىم – كېچەك كارخانىلىرىدىن بولۇپ جەمئىي 322 كارخانا قاتنىشىپ، يېڭى پاسون، يېڭى مودىدىكى كىيىم-كېچەكلىرىنى كۆرگەزمە قىلدى. بۇ بايرامدا يەنە 20 مەيدان كىيىم – كېچەك مودا كۆرسىتىش نومۇرى ئورۇنلاندى. ئاسىيا – ياۋروپا كىيىم – كېچەك ھەمكارلىق مۇنبىرى ئۆتكۈزۈلۈپ، جۇڭگو شىنجاڭ بىلەن ئوتتۇرا ئاسىيا ئەللىرىدىكى كىيىم – كېچەك كارخانىلىرىنىڭ بۇنىڭدىن كېيىنكى ھەمكارلىق ۋە ئالماشتۇرۇشىنى كۈچەيتىش قاتارلىق مەسىلىلەر مۇھاكىمە قىلىندى. شىنجاڭ 2 – نۆۋەتلىك ئاياللارنىڭ چېۋەر قوللاردا ماھارەت كۆرسىتىش مۇسابىقىسى ئۆتكۈزۈلۈپ، شىنجاڭدىكى ھەر مىللەت ئاياللارنىڭ ئەقىل – پاراسىتى ۋە چېۋەر قوللىرىدا ئىشلەنگەن توقۇلما ۋە كەشتە بۇيۇملىرى نامايان قىلىندى. بۇ نۆۋەتلىك كىيىم-كېچەك بايرىمىدا «ئىلچى» ، «ئەلتاجى» ، «شىن تيەنسەي» ، «تاسبۇلاق»، «مارىياننا»، «باشئەگىم»، «مىنەۋەر»، «گۈزەل»، «چىمەن»، «يىپەك يولى» قاتارلىق ئون ماركا شىنجاڭنىڭ ئون داڭلىق مىللىي كىيىم – كېچەك ماركىسى بولۇپ باھالاندى. ئۈرۈمچىلىك ما چىڭجى بىلەن خوتەنلىك روزىنساخان تاشتۆمۈر شىنجاڭ 2-نۆۋەتلىك ئاياللارنىڭ چېۋەر قوللاردا ماھارەت كۆرسىتىش مۇسابىقىسىنىڭ كەشتىچىلىك تۈرى ۋە ئىلمە توقۇلما تۈرىدە ئايرىم-ئايرىم 1- دەرىجىلىك مۇكاپاتقا ئېرىشىپ مۇكاپاتلاندى، بۇ ئىككى ماھىرغا ئاپتونوم رايونىمىزنىڭ «ھۈنەر-سەنئەت ئۇستىسى» دېگەن نام بېرىلدى. ياڭ جيەنشاڭ بىلەن گۈلنارخان مەترېيىم كەسپىي تېخنىكا ماھارىتى كۆرسىتىشتە مۇنەۋۋەر ماھىر مۇكاپاتىغا ئېرىشتى، بۇ ئىككى ماھىرغا ئاپتونوم رايوننىڭ «كەسپىي تېخنىكا ماھىرى » دېگەن نام بېرىلدى. بۇنىڭدىن باشقا، ئەڭ ياخشى يايما بېزەش مۇكاپاتى، ئەڭ ياخشى تەشكىللەش مۇكاپاتىغا ئېرىشكەن ئورۇن ۋە كارخانىلار مۇكاپاتلاندى. مەنبە   :     جۇڭگو ئۇيغۇرچە رادىيو تورى http://www.uycnr.com/xwzx/lwxj/201209/t20120914_382923.html

alipbay

	مىللى كارخانىللىرىمىزنىڭ روناق تىپىشى ئۇچۇن ھەسسە قوشايلى!

KaLGuSi

	مۇتىۋەر ، مىراس دىگەنلەردىن ئەسەرمۇ يوق ، ئۇلار ئۇخلاپ قالغانمىدۇ

زامانى

	پىتنە تېرىغىنىم ئەمەس. كىچىككىنە نارازىلىقمنى بىلدۈرۈپ قوياي .ئۇيغۇردىن مودىل چىقمىغان ،ئاۋۇ ئۇيغۇرنىڭ كىيمى ‹‹ئېلچى›› 10 مۇنەۋەر كىيىم -كىچەك ماركىسىغا كىرىپتۇ،  تەبرىكلەيمەن.

ALDIRAX

	مەن سادا ، مۆتىۋەر ، كامال ماركىسىنى داڭلىق ماركا دەپ ئويلايتىم .  ئۇلار زاپەر ئوخشايدۇ ھە.

ئۆل

	سالاپىتڭىزىنىڭ نامايەندىسى مۆتۋەر كىيىملىرى

بەرگى

	ئاڭلاپ باقمىغان كىيىملەرنىڭ ماركىللىرىمۇ باركەن ، بىلدىغىنىم 3-4 تال ئىكەن . زاماننىڭ كەينىدە قالمىغاندىمەن ، مىللى كارخانچىلار تولۇق قاتناشمىدىمۇ نىمە بۇ مۇسابىقىگە

joda☠

	سەلتەنەت،مۆتىۋەر،كامال،يايىلون،مىراس. يىڭى ئەسەرنىڭ جۇلاسى ئىلچى كىيىم-كېچەكلىرى...

mozat

	بېلۋالدېم،داڭلىق ماركىغۇ دەپ قارغانلىرىم دېن  ئەسەرمۇ يوققۇ،

tarimlih

	چىمەن كىيىملىرىنىىڭ  10نىڭ ئىچىگە كىرگەنلىگىنى كۈرۈپ خوشال بولدۇم   چىمەن ماركىسىنى ئاقسۇ شەھەرىدە بىلمەيدىقانلار بولمىسا كېرەك ، چىمەنگۈل ئۆز ئىسىمنى ماركا قىلىپ قوللىنىپ ، ئاددى تىككۈچىدىن كارخانچىغا  ئايلىنىپتۇ ، بۇ ئاياللارنىڭ كىيىمىنى تىكىدىقان، ئاقسۇدىكى  بىر  كىيىم تىكىش دۇكىنى ئىدى  ، غەلبە  ساقلاپ تۇرغانلارغا ئەمەس ، تىرىشقانلارغا  مەنسۈپ ،