رۇبائىي ۋە پارچىلار (ئۆڭمەس)

ongmas

	رۇبائىي ۋە پارچىلار مەخمۇت ئاۋۇت (ئۆڭمەس) ھەقنى-ھەق دىيىشكە ئىرادەم پەۋەس، ساقتىغا خوشۇم يوق، قىلمايمەن ھەۋەس؛ كۆز بوياپ ياشاشنى خالىماس كۆڭلۈم، ئۈندىمە مېنى سەن، بولدى قىلغىن-بەس! ھاياتلىق يولۇڭدا مۈشكۈللەر تولا، شەيتاننىڭ دامىغا بولما مۇپتىلا؛ چاغلىماي كىرسەڭ گەر كۆڭۈل كەينىگە، قالىسەن پىنھانە، يالغۇز چۆلدىلا. ئالدامچى ئۇستىدۇر يالغان توقۇشقا، ماھىردۇر كۆز بوياپ چوتنى سوقۇشقا؛ ئازغىنا دەسمىينى قىلىپ ئۇ يەمچۈك، ئۈلگۈرەر ناداننى ئالداپ-ئۇتۇشقا. ھالالنىڭ مېھنىتى-جاپاسى باردۇر، ھارامنىڭ لەززىتى-تاماسى باردۇر؛ مېھنەتسىز راھەتنى قوغلاشساڭ ئەگەر، تېگىشلىك بەدىلى-جازاسى باردۇر. ھالاللاپ ياشىساڭ ئۆتۈسەن غەمسىز، بىل ئەمما بولمىغىن ئەقىلسىز-پەمسىز؛ ئەجىرنىڭ مېۋىسى شۇنچىدۇر شىرىن، ئۆتمۈسۇن كۈنلىرىڭ مىشچان بوپ تەمسىز. بىراۋنىڭ كۆڭلىگە بەرمىگىن ئازار، بىر ئېغىز يامان سۆز قىلار ئەلنى زار؛ گەپ-سۆزدە سىپايە،ئىلمىي بولمىساڭ، <<توڭ>>لىقىڭ يارىماس،ئەل سەندىن تازار. ئاتاڭنى ھۆرمەتلە -ئۇنىڭ ئوغلىسەن، ئاناڭنى قەدىرلە-ئۇنىڭ باغرىسەن؛ قاخشىتىپ ئۇلارنى،قارغىشىن ئارتساڭ، پۇشايمان ئىلكىدە ياقاڭ يىرتىسەن. ھاياسىز ياشاش ئۇ ھايۋاننىڭ ئىشى، ھاياسىزغا ياغىسۇ ئەلنىڭ قارغىسى؛ بولغاچ ئۇ شەيتانغا ھەمراھ،قول-چوماق، ئەخلاقۇ-ئىمانسىز كېتىدۇ بېشى. ئۆتمىسۇن كۈنلىرىڭ غەپلەتتە ھەرگىز، ئىلىمۇ-ئىرپاندىن قالدۇرغىن بىر ئىز؛ يەپ-ئىچىپ ئۇخلاش ئۇ ھايۋانغا خاستۇر، كەتمېگىن دۇنيادىن نامۇ-نىشانسىز. ئۆم-ئىناق ئائىلە گوياكى جەننەت، تاپىدۇ ھاياتمۇ چىن مەنا-قىممەت؛ ئەر-ئايال،پەرزەنتلەر ئۆتسە گەر ئىجىل، ئەۋلادتىن-ئەۋلادقا تاپىدۇ نۇسرەت. ئاقىلغا بىرلا سۆز بولۇر كۇپايە، نادانغا تاياق ھەق، سۆز بولۇر زايە؛ ناداننى ئاقىلغا ئۆزگەرتمەك قىيىن، بولمىغاچ ئۇنۈڭدا ئىنتىلىش-غايە. مەنبە : ئۆز ئىجادىيىتىم. يېزىلغان ۋاقى: 2012-يىل 13-سېنتەبىر

bayhenim

	ئىجادىيىتىڭىزگە بارىكاللا  .نۇرغۇن ئىشلارنى ياخشى قامچىلاش بوپتۇ بۇ

kaliptax

	bayhenim يوللىغان ۋاقتى  2012-9-14 11:25 AM ئىجادىيىتىڭىزگە بارىكاللا  .نۇرغۇن ئىشلارنى ياخشى قام ... ئوخشاش  قاراشتا .... (مەنمۇ شۇناق ئىنكاس يازماقچى ئىدىم شۇڭا مۇشۇۇنداق يازدىم بەزىبىرلەرنىڭ قالايمىقان ئىنكاس يازماسلىقى ئۈچۈن بۇ ئەسكەرتىش سۆزىنى يېزىپ قويدۇم )

Mejnuni

	ناھايتى ياخشى يېزىپسىز قولىڭىزغا دەت كەلمىسۇن........

bugaltir

	ھالاللاپ ياشىساڭ ئۆتۈسەن غەمسىز، بىل ئەمما بولمىغىن ئەقىلسىز-پەمسىز؛ ئەجىرنىڭ مېۋىسى شۇنچىدۇر شىرىن، ئۆتمۈسۇن كۈنلىرىڭ مىشچان بوپ تەمسىز. ماۋۇ بىر كۇبلىت بەك ياخشى چىقىپتۇ   ، رەھمەت   .

تېرەك

	قايتا-قايتا ئۇقۇدۇم، ياخشى يېزىپسىز،

jawzaa

	كىشىگە زوق بىرىدىغان شېئىركەن................

abdulahad7

	قولىڭىزغا دەت بەرمىسۇن،ياخشى يېزىپسز.

perixta

	ياخشى ئەسەركەن!

〓重新开始〓

	ياخشې  چېقېپ تۇ