ئىبرەتلىك قىسسە

möljarli

	ئىبرەتلىك قىسسە ئەي قېرىنداش بۇ سۆزۈمگە قۇلاق سالغىن، بىر ئاجايىپ قىسسەلەردىن ئىبرەت ئالغىن . بۇ ۋاپاسىز دۇنيالارغا ئالدانماستىن، شۇ ئۆتكۈزگەن كۈنلىرىڭدىن ھىساپ ئالغىن. ئىككى دۇنيا مىزانىنى قولغا ئالغىن ، قىلىپ ئۆتكەن ئەمىلىڭنى ئۆلچەپ كۆرگىن. ئاخىرەتلىك بېسىپ كەتسە، تارازاڭنىڭ، شۇ تەرەپنى ئەڭ قىممەتلىك ئۆمۈر بىلگىن. مۆمىن بولساڭ بەش پەرىزنى ئادا قىلغىن، سەھەر تۇرغىن، شەيتانلاردىن جۇدا بولغىن. ھەر-بىر قىلغان ئىبادىتىڭ خالىس بولسۇن، ئىبادەتنىڭ  جەۋھەرلىرى دۇئا بىلگىن. — — — قىسسە قىلاي، غاپىل ئۆتكەن بىر ئازغۇندىن، يۈز ئادەمنىڭ جېنىنى ئالغان بىر قاتىلدىن. بىر كۈنلىرى ئۆز-ئۆمرىدىن قورىققان قاتىل، تەۋبە يۇلىنى بىلمەك بوپتۇ بىر دەرۋىشتىن. دەرۋىش دەپتۇ خۇدا ئۆتمەس سەن قاتىلدىن، يەر يۈتمەستە، دەرھال "يۇقال" ھۇزۇرىمدىن. بۇ سۆزلەرگە جىدىيالماي ئازغۇن قاتىل، ئۆلتۈرۈپتۇ دەرۋىشنىمۇ تۇرغان يەردىن . قاتىل بېرىپ سورىغانكەن بىر ئالىمدىن ، ئالىم دەپتۇ، پۇشمانمۇسەن قىلىمىشىڭدىن ؟ خۇدا ساتتار، خۇدا غاففار، ھەم مېھرىبان، ئەگەر بولساڭ چىن پۇشايمان قىلمىشىڭدىن- ئابىد بۇلۇپ تەۋبە قىلغىن، ئۆتمۈشىڭدىن . قاتىل بېرىپ ئورۇن ئەپتۇ پىنھان جايدىن ، كېچە كۈندۈز تەۋبە قىپتۇ قىلمىشىدىن. ساخاۋەت قىپ يولدىن ئۆتكەن كارۋانلارغا ، خىزمەت قىپتۇ، ئۆزۈر سوراپ  مەزلۇملاردىن . يىللار ئۆتۈپ ئەمىن بولماي تەشۋىشىدىن ، بايان قىپتۇ قىلغان تەۋبە-خەيرىسىدىن . ئالىم دەپتۇ، كۈچەت تىككىن يول ئۈستىگە ، مىۋە بەرسە، ئىجابەت بىل دۇئايىڭدىن . خۇرسەن بۇلۇپ ئالىم بەرگەن مەسلىھەتتىن ، باغ ياساپتۇ،  بىر چۆللۈككە ھەر كۈچەتتىن . يىللار بۇيى پەرۋىش قىلىپ ئىشلىسىمۇ ، بىخ چىقماپتۇ، ئۇ باغدىكى بىر كۈچەتتىن . ئالىم دەپتۇ، دۇئا ئالغىن كارۋانلاردىن ، سۈيۈڭ ئىچمەي قۇش ئۆتمىسۇن بۇ يوللاردىن . ئابىد چىقىپ ئولتۇرۇپتۇ يولنى تۇسۇپ ، ئاش-نان بېرىپ، دۇئا ئېلىپ، ئۆتكەنلەردىن . كېپتۇ بىركۈن، بىر يولوچى ئالدىراشتىن ، يولنى بۇشات، دەپ توۋلاپتۇ چۈشمەي ئاتتىن . ئابىد دەپتۇ، خەيرى قىلدىم بىر يەپ كېتىڭ . ھەققىمىزگە دۇئا قىلىڭ، مەغفىرەتتىن . ئاتلىق دەپتۇ، ئالدىراشمەن زۆرۈرەتتىن ، يولنى بۇشات، بىھاجەتمەن ساخاۋەتتىن . ئابىد يىغلاپ بۇ يولچىغا يالۋۇرۇپتۇ ، ئېشىم يىمەي كېتەرمۇ دەپ، خىجالەتتىن . يولچى دەپتۇ، سەن قاراقچى ئۇيالماستىن ، خەيرى قىپسەن ئەلنى ئالداپ ھارام ئاشتىن . ھىچ يىمەسمەن سەن قاتىلنىڭ ئاش-نېنىنى- دەپ ۋاقىراپ، راۋان بوپتۇ چۈشمەي ئاتتىن . بۇ ئابىدنىڭ قېنى قايناپ ھاقارەتتىن ، سۇغۇرۇپتۇ خەنجىرىنى كۆن-غىلاپتىن . ئاتقان ئىكەن خەنجىرىنى  شۇ ئاتلىققا- ، كۆز يۇمۇپتۇ يەرنى چىشلەپ، غۇلاپ ئاتتىن . ئابىد يىغلاپ، پۇشمان بۇلۇپ، قىلمىشىدىن ، يىللار بۇيى قىلغان خەيرى-تەۋبىسىدىن . غەم-پۇشايمان گىريانىدا باققا كىرسە ، ئېچىلىپتۇ گۈل-چىچەكلەر ھەر كۈچەتتىن . غەمكىن ئابىد ھاڭ-تاڭ بۇلۇپ قورىققىنىدىن ، بىلمەك بوپتۇ بۇ ئىشلارنى  ئول ئالىمدىن . ئابىد دەپتۇ، مەن ئۆلتۈردۈم  يۇزبىر كىشى، سەۋەپ نېمە ؟ گۈل ئېچىلدى ھەر كۈچەتتىن ؟. ئالىم دەپتۇ، مەلۇمات بەر شۇ ئاتلىقتىن ، خەۋەر بەرگىن، ئات-ئىگەرى ھەميانىدىن . دەپتۇ ئابىد، تېپىلغىنى ئۈشبۇ مەكتۇب، چىقتى بۇ خەت، ئۇ ئاتلىقنىڭ ھەميانىدىن . ئالىم ئېچىپ خەتنى ئۇقۇپ ئالدىرەشتىن ، ساقاللىرى تىتىرەپتۇ  دەر-غەزەپتىن . ئالىم ئېيتىپ، ئۆلتۈرگىنىڭ بىر خائىنكەن ، يېزىلغىنى، مەخپىيەتلىك بۇ ۋەتەننىڭ . ئۆلتۈرۈپسەن ئول ئاتلىقنى دەر-غەزەپتىن ، ئامان قەپتۇ شول سەۋەپلىك ئەل ئاپەتتىن . "مەۋلامىزنى" خۇرسەن قىلغاچ  مەزكۇر ئىشىڭ - ئېچىلىپتۇ گۈل-چىچەكلەر ھەر كۆچەتتىن-. بىشارەتتۇر، قىلغان تەۋبەڭ  ئىجابەتتىن !!!. مۆلجەرلى               2008-8-17

مەلىكە

	ھەقىقەتەن ياخشى قىسسە ئىكەن، ھەر بىر مۇسۇلمان بولغۇچى گۇناھىنى ھاياتلىقىدا تۆۋبە قىلىۋالسا ئەڭ ئەۋزىلى شۇ، ئاللاھ مىھرىباندۇر.

bayhenim

	ئاللاھ ھەقىيقەتەنمۇ بەندىلىرىگە مېھرىباندۇ ھەر قانچە گۇناھ ئۆتكۈزسەكمۇ چىن قەلبىمىزدىن تەۋبە قىلساق ئاللاھ كەچۈرۈدۇ .بىراق بىز بەك غەپلەتتە ياشاۋاتىمىز ئىبادەتنىمۇ كوڭۈلدىكىدەك قىلماي دۇنيا ئىشلىرىغا مەشغۇل بۇلىۋاتىمىز ئۇلۇغ ئاللاھ بىزنى كەچۈرگىن گۇناھلىرىمىزنى مەغفىرەت قىلغىن .ئامىن

qog

	ئەي قېرىنداش بۇ سۆزۈمگە قۇلاق سالغىن، بىر ئاجايىپ قىسسەلەردىن ئىبرەت ئالغىن . بۇ ۋاپاسىز دۇنيالارغا ئالدانماستىن، شۇ ئۆتكۈزگەن كۈنلىرىڭدىن ھىساپ ئالغىن. خۇدايىم بۇيرىسا چوقۇم ئالىمىز بۇ ھىسابنى.ئاللاھ شۇ كۈنلەرگىچە ئۆمرۈمنى ئۇزۇن قىلغايلا.

bugaltir

	ئۆلۈم دېگەننى ئاللاھ بىزگە ئىبرەت ئېلىش ئۈچۈن بېرىدۇ . بۇ ئالەمنىڭ ھادىسىلىرىدىن ۋە ئۆتمۈش ۋەقەلىرىدىن تەجرىبە ھاسىل قىلىپ ئىبرەت ئېلىش لازىم.

basut

	ئىبرەتلىك ياخشى قىسسىكەن،رەھمەت سىزگە.

سېرداش

	مەزمۇنى بەكلاچوڭقۇركەن،ھەربىرىمىزنىڭ ئىبرەت ئىلىشىغا،ئويلۇنىشىغائەرزىدىكەن،رەھمەت سىز گە،.

jawzaa

	خاتالىشىش ھەممە ئادەمدە بولىدۇ ئەمما گۇناھىنى تونۇماسلىق ئىغىر جىنايەت........... ئاللاھ خاتالىق ئۆتكۈزمىگۈچىلەرنى ئەمەس خاتالىق ئۆتكۈزسىمۇ خاتالىقىنى تونۇپ تەۋبە قىلغۇچىلارنى ياخشى كۆرىدۇ........بۇ ھەقتە ئايەت ۋەھە ھەدىس كەلگەن!

abdulahad7

	بەك ياخشى يېزىپسىز،                                                                                                                 ئادەم بىلەن شەيتان گۇنا ئۆتكۈزدى،ئادەم ئاللا نىڭ رەخمىتىدىن ئۈمۈتۋار بولدى،.ئاللا ئۇنى كەچۈردى، شەيتان ئاللا نىڭ رەخمىتىدىن ئۈمۈتۋار بولمىدى،شۇڭا ئاللا ئۇنى رەخمىتىدىن يىراق قىلدى، دىمەك ئاللا نىڭ رەخمىتىدىن ئۇمۈتسىزلىنىش نىڭ ئوزى بىر گۇنا ئىش.

abdulahad7

	خاتالىشىش ھەممە ئادەمدە بولىدۇ ئەمما گۇناھىنى تونۇماسلىق ئىغىر جىنايەت........... ئاللاھ خاتالىق ئۆتكۈزمىگۈچىلەرنى ئەمەس خاتالىق ئۆتكۈزسىمۇ خاتالىقىنى تونۇپ تەۋبە قىلغۇچىلارنى ياخشى كۆرىدۇ........بۇ ھەقتە ئايەت ۋەھە ھەدىس كەلگەن!                                                                                                                                                                                                                                                                                               ناھايىتى توغرا دەيسىز!!!