ســـــــەن كــېــتــىــــــپ...

شاتئاي

	مەن ئارقاڭدىن ساڭا تەلمۈرۈپ قاراپلا قالدىم،سىنى چاقىرغان يىغا ئارلاش ئاۋازىم جىمجىت تەبىئەت قوينىغا ئاستا-ئاستا سىڭىپ كەتتى... مەن بۇنىڭ ئويغانسىلا ھىچقانداق ئاسارىتى قالمايدىغان قابائەتلىك بىر چۈش بۇلىشىنى نەقەدەر ئۈمۈت قىلاتتىم__ھە! مەن ئېچىنىۋاتىمەن،يەردە قويغان ۋەدىللىرىڭ ئۈچۈن ئېچىنىۋاتىمەن. گۈللەر توزىدى،خازاڭلار ئاچچىق،ئىزغىرىن شامالدا ئۇچماقتا،ئەتراپ نىمە دىگەن غېرىپ ھە! سەن كەتتىڭ،ئايرىلىش ئالدىدا ئارقاڭغا قارىماستىن،ماڭا بىر ئېغىز "خوش" مۇ دىمەستىن جىمجىتلا كەتتىڭ. لىكىن بۇ بىر رىئاللىق،كىشى قەلبىنى چەكسىز لەرزىگە سېلىپ قىينايدىغان رىئاللىق ئىدى... كېچە،ئەللەر تاتلىق ئۇيقۇدا،پەقەت مەنلا بىر بۇلۇڭدا، قەلبىمنى تۈگىمەس ئازاپقا سېلىۋاتقان شۇ تاتلىق گۈزەل ئەسلىمىلەر قوينىدا خامۇش ئولتۇرماقتىمەن. ئويغاقمەن بۇ كېچە،ئۇيقىدىن بىدار، قەلبىمدە بىرلا ئوت كۆيىدۇ پىنھان. نە سەۋەپ بولىمەن بۇنچە خارۇ-زار، ئۆكۈنۈش ئېچىدە ئۆتىمەن ھامان. *                 *                  * بۇ بىر ،ئازاپقا مۇپتىلا قىلدىغان مۇھاببەت تارىخى. بۇ بىر جۇپ يۇرەكنىڭ ئۇنسىز نىدالىق مۇھاببەت تارىخى. سەن كېتىپ ئېرىشكەنلىرىم... سەن كېتىپ_مەن يالغۇز قالدىم،بۇ دەل مۇھەببەتتىكى يالغۇزلۇق،غىرىپلىق،ئازاپ. سەن كېتىپ_مەن نىمنىڭ مۇھەببەت،نىمنىڭ ئاشىقلىق،نىمنىڭ سۆيگۈ ئىكەنلىكنى بىلدىم. سەن كېتىپ_يالغۇز ياشاشنى بىلدىم. سەن كېتىپ_مۇھەببەت كوچىسىغا قايتا رەت قول بولمايمەن دەپ قەسەم بەردىم. سەن كېتىپ_مەن دۈشمەن كۈلكىسىگە قالدىم. سەن كېتىپ_مەن ھەممە ئىشەنىچ،باتۇرلۇقنى يوقاتتىم. سەن كېتىپ_يىغلاشنى ئۈگەندىم. سەن كېتىپ_شائىر بولدۇم. سەن كېتىپ_دۇنيانىڭ نە گۈزەللىكىنى،مۇھەببەتنىڭ نە مەنىسىنى چۈشنەلمەيدىغان بولۇپ قالدىم. سەن كېتىپ_ھەممە مەندىن يىراقلاشتى،ھەتتاكى دۇنيا مېنى ئۇنۇتتى. سەن كېتىپ_تىنى بەردەم،يۈرىكى مەجرۇھ ئاجىزغا ئايلاندىم . قېسقىسى،سەن كەتكەن ئاشۇ مېنۇت، مېنىڭ ھەممىنى يوقاتقان، ھەممىدىن ئۈمۈد ئۈزگەن،ھەممىدىن بىزار بولغان ۋاقتىم بولدى.خەير،ئامان بول،دېگىنىڭلا يادىمدا،ئوتتەك قۇلۇڭ بىلەن مۇزلىغان قولۇمنى تۇتۇپ خۇشلاشقىنىڭ يادىمدا،كۈلگەن مېھىرلىك كۆزلىرىڭ بىلەن،يىغلاپلا قالغان كۆزلىرىمغا قاراپ خۇشلاشقىنىڭ يادىمدا...«خۇش،ھە»دېمەك بەك ئاسانمۇ ؟يىغلاپ قالدىم مەن،بۇ ھالىمدىن ئازراق بولسىمۇ خەۋەردارمۇ سەن؟ئېيىتقىنە... ساڭا بۇنى سوۋغا قىلاي: قىلغىنىمنى بىلمىدىڭ، مېنى كۆزگە ئىلمىدىڭ. ئېيىتقىنە ئەي تاش يۈرەك، مەن تىكەن،سەن گۈلمىدىڭ!

uyghur05

	شۇڭا ئەڭ ياخشى چارە كەتكۈزمەسلىك

ئۆل

	ئادەم نىمگە كۆنمگەن ھەم كۆنمەيدۇ ..ئېشۋالغانلارغا يول ئوچۇق ...پەقەت بەي بەي كەتسەڭ كېتۋەر يارىم ، مىنىڭ نىمە پەرۋايىم ، چىن قەلبىمدىن ئەمەس ، ئېغىزدا دەيمەن بەي بەي ...

Jim

	كۆنۇپمۇ قالىدىكەنمىز ..........................

rahmansaykin

	مۇھاببەت____ تۈگىمەس تېما !

sirlikomak

	شاتئاي  ئوماق ، بۇكۈنلەرمۇ ئۆتۈپ كىتىدۇ، اللاھ  سەۋىر ئاتا  قىلسۇن!!!! تىمىڭىز بەك ئىسىل چىقىپتۇ.............

bayhenim

	ئاۋۇ ناخشى بىلەن تىمىڭىز بەك ماس كەپتۇ بىر خىل ھىسىياتتا بوپ قالدىمغۇ قولۇمدىكىنى ھەرگىزمۇ كەتكۈزۈپ قويمايمەن.............................

honzade

	ھاياتلىقتا كېلىش ۋە كېتىشتىن ساقلىنىش بەلكىم مۇمكىن بولمايدىغاندەكلا بىلىنىدۇ ماڭا... مانا... نەچچە يىللار ئىچىدىلا كىملەر كەتمىدى كىملەر كەلمىدى.....؟ كىملەردىن كەتتىم كىملەرگە كەلدىم....؟؟؟ ھايات دىگەن شۇنداق بىر ئەگرى -توقايلىق يولكەن. ئەسلىمىلەر ئاجايىپ تاتلىق ۋە ئاچچىق.... ...ئەنە، غەمسىز قەدەملەر بىلەن ھاياتلىقتىكى پۈتۈن خۇشاللىق خۇددى بۈگۈن يۈز بېرىدىغاندەك بىر يەرلەرگە كېتىۋاتقىنىمىز.... ... ئەنە، خۇددى ھاياتلىقتىكى پۈتۈن قايغۇلارنى بىزلا يۈكلىۋالغاندەك قەدەملىرىمىزنى ئاران يۆتكەپ سالپىيىپ كېلىۋاتقانلىرىمىز.... بىركۈن خۇشال بولۇپ دۇنيادىكى ئەڭ بەختلىك ھىسلارغا چۆمۈلۈشۈپ ھەممىنى ئۇنتۇشلىرىمىز، يەنە بىركۈنى بولسا........... ھەي قايسىبىرىنى دەپ بولايلۇق، بۇ ھاياتلىق ئاجايىپكەن! ئادەمنى تۇيدۇرماي ئاپىرىپ قىسماققا ئېلىپ بىر ئىزىدا چۆرگىلەيدىغان قىپ قويىدىكەن ھاياتلىقنىڭ بۇنداق ئاجايىپلىقىنى ياشقا چوڭ بولغانسىرى چۈشىنىپ بارىدىكەنمىز.... ئەمما چۈشەنگەننىڭ نىمە پايدىسى دەيسىز ئۇنىڭدىن چۈشەنمەيلا ئەسلىمە ئىچىدە ياشاپلا ئۆتكەنمۇ ياخشىكەن دەپ قالىدىكەنسىز بەزىدە، ئەمما چاتاق يېرى بارغانسېرى ئەسلىمە ئىچىدە ياشاش سىزگە ياراشمايدىغان بوپ قالىدىكەن ئەمەسما....

katran

	كۆزلىرىڭدىن تۆكۈلگەن مۇڭغا ئەگىشىپ يۈرۈپ كۆنۈپ قاپتىكەنمەن، ئەمما ئەمدى نىشانسىز قالغان يولۇچىدەك، يولۇمدىن ئېزىپ قالغاندەك ئىزگۈ ھېسلار قەلبىمنى ئاچچىق ئاچچىق ئەلەمگە قويماقتا. ئايرىلماسلىققا ۋەدە بەرگەن شۇ مىنۇتلار، سۆيگۈمىزنىڭ شاھىدى بولغان قۇياش ۋە خۇشپۇراق گۈللەر ۋىسالسىز سۆيگۈنىڭ پىراقىدا كۆيۈپ كەتكەندەك كۆرۈنمەكتە. كەلگۈسۈم ئۈچۈن قىلغان شىرىن خىياللىرىم، جۇد بوراننىڭ تەپتىدىن ئارامسىزلاندى. بەختىم ئۈچۈن تىككەن ئۈمۈدلۈك كۆزلىرىم تۈندە قالغان يىگانە ياپراقتەك سارغىيىپ، يامغۇر كەبى تۆكۈلىۋاتقان ھەسرەتلىك ياشلار بىلەن تولۇندى. بىلگىنكى ئەمدى سېنى كۈتمەيمەن، ئەمدى سۆيگۈ قەلەندەرى بولمايمەن، پەقەت ئويلايدىغىنىم بەخىتلىك بول نىگارىم، كۈنلەرنىڭ بىرىدە بەخىتكە چۆمۈلگىنىڭدە مەندەك بىر غېرىپنىڭ مەۋجۇتلىقىنى قايتا ئەسكە ئېلىپ قالماسلىقىڭنىلا تىلەيمەن...!!!

yasinawut

	كەتكەنلەرنىڭ كەينىدىن قاراپ قالدىڭ تەلمۈرۈپ ، تۇرسا بىراۋ  ئالدىڭدا  ساڭا  تەشنا  يالۋۇرۇپ ...                           شۇنداق ، بۇ جاھان شۇنداق جاھان ...