ئەقىللىق ئاياللار ئائىلىۋىي بەختنى قانداق يارىتىدۇ

bugaltir

	ئەقىللىق ئاياللار ئائىلىۋىي بەختنى قانداق يارىتىدۇ ئاياللار ئائىلىنىڭ بەختىنى بەرپا قىلغۇچى ئۇلۇغ شەخس. ئۇلار ئۆزلىرىنىڭ چېچەن- چىۋەرلىكى، چەكسىز مېھىر- مۇھەببىتى ۋە ئىللىق چېھرى ۋە ئەقىل- پاراسىتى بىلەن ئائىلە ئەزالىرىغا خۇشاللىق بېغىشلىغۇچىلاردۇر.   كۆپ جەھەتلەردە ئوخشايدىغان ئايرىم جەھەتلەردە پەرقلىنىدىغان ئاياللار. تويدىن كېيىن تۇرمۇش ئادىتى، خاراكتېرى، قىزىقىشى ئوخشاش بولمىغان ئىككى ئادەم بىرلىكتە تۇرمۇش كەچۈرىدۇ، ئەگەر ئايال ئېرىنى ئۆزىنىڭ ئۆلچىمى بويىچە ئۆزگەرتمەكچى بولسا، ناھايىتى ئېنىقكى، بۇ ئېرىنىڭ نارازىلىقى ۋە بىزار بولۇشىنى كەلتۈرۈپ چىقىرىدۇ. چوڭ ئىشلاردە بىرلىككە كېلىپ، كىچىك ئىشلاردا پەرقنى ساقلاپ قالغاندىلا ئاندىن بۇ ئائىلە ئىناق بولىدۇ.         ئۆزىگە بولغان ئىشەنچىنى يوقاتمىغان ئايال. ئىشەنچ ئەسلىدىنلا بىرخىل سېھرى كۈچ. ئەگەردە سىز ئۆزىڭىزنى ئۆزىڭىز ئېتىراپ قىلسىڭىز، ئۇنداقتا باشقىلارنىڭ ئېتىراپ قىلىشىغا ئېرىشەلەيسىز. ئۆزىگە ئىشىنىش تاشقى كۆرۈنۈشتىلا ئىپادىلىنىشتىن باشقا، يەنە ئۈزلۈكسىز ھالدا بىلىم ئاشۇرۇش، ساپانى يۇقىرى كۆتۈرۈش، پەزىلەتلىك بولۇش قاتارلىقلاردىمۇ ئۆز ئىپادىسىنى تاپىدۇ.      ئائىلىسىدىكىلەرنى سۆيۈش بىلەن ئۆزىنىمۇ سۆيەلەيدىغان ئايال. ئاياللارنىڭ تويدىن كېيىن ئېرىنى، بالىلىرىنى سۆيۈش تەبئىي ئىش، لېكىن بۇنىڭلىق بىلەن ئۆزىنى ئۇنتۇپ قېلىشقا بولمايدۇ. ئۆزىنى قەدىرلىگەنلىك ئەمەلىيەتتە ئائىلىنى قەدىرلىگەنلىك. چوڭ ئىشلارغا ئالدىراپ قالمايدىغان، كىچىك ئىشلاردا ھېسابلىشىپ كەتمەيدىغان ئايال. تويدىن كىيىن ئەر-خوتۇن ئىككىيلەننىڭ پىكرىنىڭ بىردەك بولماسلىقى دائىم بولىدىغان ئەھۋال. چوڭ ئىشلاردا پىرىنسىپنى تەكىتلەش، ھودۇقۇپ كەتمەسلىك،كىچىك ئىشلاردا ئەڭ ياخشىسى بەك ھېسابلىشىپ كەتمەسلىك كېرەك. ئەگەر ھەمىشە كىچىككىنە ئشلاردىمۇ جاڭجاڭلاشسا ۋاقىت ئۆتكەنسىرى مۇناسىۋەتنىڭ جىددىيلىشىنى،ھېسسىياتىڭ سۇسلىشىنى كەلتۈرۈپ چىقىرىدۇ.     بەلگىلىك دەرىجىدە ئائىلىنى باشقۇرۇش ئىقتىدارىغا ئىگە ئايال. ئائىلىنى ياخشى باشقۇرۇش ئۈچۈن بەلگىلىك ئائىلە باشقۇرۇش ئىقتىدارىنىڭ بولۇشى زۆرۈر. ئاياللار بىر مۇنەۋۋەر«غوجىدار»بولۇشنى ئۆگىنىۋېلىشى كېرەك. ئائىلە مەيلى قانچىلىك ياخشى خاتىرجەم تەرەققىي قىلىۋاتقان بولسىمۇ، ئاياللار يەنىلا مۇھىم رولىنى جارى قىلدۇرىشى كېرەك. ئەر-خوتۇننىڭ قوش شەمشەردەك ماسلىشىشى بولسا بىر مۇكەممەل ماسلىشىشتۇر. توي قىلغان ئاياللار ئائىلە باشقۇرۇشقا دائىر بىلىملەرنى كۆپرەك ئىگەللەپ، ئۆزىنى ئازادە، خۇشال ئائىلە ئىشلىرىنى ماھىرلىق بىلەن بىر تەرەپ قىلىپ،غەم-قايغۇدا چارىسىز قېلىشتىن كۆڭۈل پاراكەندىچىلىكىدىن ساقلىنىش كېرەك.          ئۆزىنىڭ قىزىقىش، ھەۋىسىنى ساقلاپ قالغان ئايال. ئاياللار توي قىلغاندىن كېيىنمۇ ئۆزىنىڭ مەلۇم جەھەتتىكى قىزىقىشىنى ساقلاپ قالغىنى ياخشى، بولمىسا ئۇلاردا ئائىلىگە كەلگەن كىچىككىنە كۆڭۈلسىزلىك سەۋەبىدىن ناھايىتى ئاسانلا ئۈمىدسىزلىنىش، ئىچى سىقىلىش يۈز بېرىدۇ. تويدىن كىيىن ئاياللار ئۆزىنىڭ نورمال دوستلۇق چەمبىرىكىنى ھاسىل قىلىش كېرەك. كېلىش مەنبەسى:شىنجاڭ خەلق رادىيو ئىستانسىسى تورى http://www.radioxj.com/n16846c27.aspx

ئۆل

	يەنە ئۆزىنمۇ ئۆزگىنمۇ چۈشنەلەيدىغان ئايال

qiqakkiz

	ئۈزلۈكسىز ئۆگىنىپ ، بىلىم دائىرسىنى كەڭەيتىپ ،  ھەرقانداق ئىشتا بالىلىرىغا ئۈلگە بۇلالايدىغان ئايال . مەن ئاساسىي جەھەتتىن  بۇ تىمىغا چۈشىدىكەنمەن .

quxtikiakku

	مەن تىخىمۇ تىرىشسام بولغىدەك. چۇنكى دۇنيادا مۇكەممەل نەرسە بولمىغاندەك، نۇخسانلاردىن خالى بولالماق  تولىمۇ تەس.

akaxx

tarimlih

	بەك ئەقىللىق ئايال بەخىتلىك بۇلۇشى ناتايىن ، ئىنتايىن ئەخلاقلىق ئايال بەخىتلىك بۇلۇشى ئەقىللىق ئايالدىن يۇقۇرى بۇلۇدۇ ،

bugaltir

	ئاياللار توغرۇلۇق دانالارنىڭ ھېكمەتلىرى             ئايال-پېقىرلىققا قارشى پاسىبان.          ئەرلەر بەدەن بولسا، ئاياللار جاندۇر.          بىر ئايالنىڭ يالغۇز ئۆز ئېرىنىلا بەخىتلىك قىلىش بۇرچى بار.          ئايالنىڭ بايلىقى ئېرىنىڭ مۇھەببىتى. l         ئاياللارنىڭ مىيىغىدا كۈلۈشى قانچىلىك يېقىملىق بولسا، ئۇلارنىڭ قاقاقلاپ كۈلۈشى شۇنچىلىق يېقىمسىز.          بىر كىشىنىڭ ئۆيىدە تەدبىرلىك ۋە تەربىيىلىك ئايالى بولمىسا، ئۇنىڭ ھالى قورقۇنچلۇقتۇر.          ئىنسانلارنىڭ سائادىتى ئاياللار قولىدىن باشلىنىدۇ.          ئاياللارنىڭ ئەڭ ھۆرمەتلىكى ئەڭ قانائەتچان بولغىنىدۇر.          دۇنيادا ئەڭ بەخىتسىز كىشىلەر – تەربىيىلىك ئايال بىلەن تەربىيىلىك پەرزەنتلەردىن مەھرۇم بولغانلار.          گۈزەللىكى بىلەن ماختانغۇچى ئايال ھەقىقىي گۈزەل ئەمەس، بەلكى ياخشى تەربىيە كۆرگەن ئايال ئىسمى-جىسمىغا لايىق گۈزەلدۇر.          پاك ئايالنىڭ ئىپلاس خىزمەتچىسى بولماس.          كۆڭۈللۈك تۇرمۇش ياخشى خۇلقلىق ئايالدىن ھاسىل بولىدۇ.          تەكەببۇرلۇق – كىشىلەر ئۈچۈن، بولۇپمۇ ئاياللار ئۈچۈن يامان ئادەت.          بالىلىرىنى كۆرۈپ، ئانىسىنىڭ تەربىيىسى ۋە ئاڭ سەۋىيىسىنى بىلگىلى بولىدۇ.

bugaltir

	تەربىيىلىك ئايال تەربىيىلىك ئايال ھەردائىم قانائەتچان بولىدۇ. قانائەت دېگىنىمىز، ئۆزى ئېرىشكەن رىزىققا قانائەت قىلماق دېگەنلىكتۇر. بۇ، ئەرلەر ئۈچۈنمۇ، ئاياللار ئۈچۈنمۇ ئەڭ ئالىي بىر سۈپەت. قانائەت بىر بايلىقتۇركى، ئۇ ھېچقاچان كېمەيمەيدۇ. ئۆزىنىڭ رىزىق-نېسىۋىسىگە رازى بولمىغان كىشى ئالەمچە بايلىقى بولسىمۇ، ھەرگىز قانائەت قىلمايدۇ. دېمەك، قانائەتسىزلىك ئادەم بالىسىغا يېپىشقان بىر كېسەللىكتۇركى، بۇنىڭ تۈپەيلىدىن قانائەتسىزلىك كېسەللىكىگە مۇپتىلا بولغان كىشى ئاخىرەتنىڭ توغرا يولىدىن چەتنەپ، تۇرمۇشنىڭ كۆپلىگەن مۇشەققەتلىرىگە مۇپتىلا بولىدۇ. قانائەتسىز كىشىنىڭ ھاجىتى تولا ۋە ئاچ كۆزلىكى چەكسىز. ئۇ ئۆز مەقسىتىگە يېتىش ئۈچۈن، دائىم سەمىمىيەتسىزلىك قىلىدۇ. شۇڭا ئاياللارغا نىسبەتەن ئەرلەرنىڭ قولىدا بار ئىقتىسادىغا قانائەت قىلىش لازىم. ئەگەر ئادەم بالىسى ھەرقانداق چاغدا ئۆزىدىن بىچارە ھالەتتىكى كىشىلەرنى كۆرۈپ تۇرسا ھەم ئۇلارنىڭ تېخىمۇ بىچارە ئەھۋالغا چۈشۈپ قېلىشىنى خىيالىغا كەلتۈرسە، ئەلۋەتتە ئۆزىدە بارغا قانائەت قىلغۇسى. قولغا كەلگەن ئىقتىسادنى كۆڭۈل قويۇپ مۇۋاپىق سەرپ قىلغان كىشى ئۆزىنىڭ تىرىكچىلىكىگە ھەم رازى بولىدۇ. «تەن ساقلىق زور بايلىق» دېگەننى ئۇنتۇماسلىق كېرەك. مەنبە   :   تور

TáwpéK0903

	ياخشى تىما بوپتۇ !!!

alemdarapandem

	ياخشى تىما بوپتۇ. (بىركىشىنىڭ قانداق ئۇتۇق قازانغىنىنى سورماي،قانداق خوتۇن ئالغىنىنى سوراش كىرىك)