ئاناڭغا ئالايساڭ كور بولۇر كۆزۈڭ

qiqak1219

	ئاناڭغا ئالايساڭ كور بولۇر كۆزۈڭ         ئەي يىگىت ئاناڭنىڭ بالىسى ئۆزۈڭ ،       ئاناڭغا تارتىپتۇ قاش بىلەن كۆزۈڭ ،       ئاناڭنىڭ ئاق سۈتى تومۇرلىرىڭدا ،       ئاناڭ بار نۇرانە ئالمىدەك يۈزۈڭ ،       ئاناڭسىز كۈلمەيدۇ بەخت يولتۇزۇڭ ،       ئاناڭسىز زۇلمەتلىك كېچە - كۈندۈزۈڭ .       ئويلاپ باق كىم سېنى تۇغۇپ چوڭ قىلدى ،       كىم ساڭا بىر ئۆمۈر بەردى مېھرىنى ،       كىم سېنىڭ بەختىڭنى قۇتلۇق ئوڭ قىلدى ،       كىم ساڭا قۇربانلىق قىلدى زېھنىنى ،       دەل ئاناڭ پۈتۈنلەي ئۇنۇتما ئۆزۈڭ ،       ئاناڭغا ئالايساڭ كور بۇلۇر كۆزۈڭ .       ئەرزىمەس ئىش ئۈچۈن قىلما ئاڭا دوق ،       ئەقلىڭنى تاپقاندا ئاناڭ بۇندا يوق ،       پۇشايمان ئىلكىدە تۆكسەڭمۇ ياشلار ،       جان ئانا دەپ قانچە يۈتساڭ ھەسرەت چوغ ،       تاپالماي قالىسەن قەبرىگە قاراپ ،       تىكلىگىن ئاناڭنى مەڭگۈ ئۈلگە - تۇغ .      ئەسلىدە شۇ ئاناڭ قامەتلىك ئىدى ،      ياش چاغدا كۆزلەردىن ئالار ئىدى ئوت ،      شىجائەت - غەيرەتلىك ئامەتلىك ئىدى ،      يار ئىدى قەدەمدە ئاڭا چەكسىز قۇت ،      سەن ئۇنى رەنجىتىپ سىلكىمە توۋلاپ ،      ئەيىبلەپ كۈن بويى ھوقۇشتەك ھۇۋلاپ  .      شۇ ئاناڭ چۆللەرنى بوستان ئەيلىگەن ،      بوستاندا بۇلبۇللار خەندان ئەيلىگەن ،      شۇ ئاناڭ ياراتقان جەننەتنى كۆپلەپ ،      شائىرلار يالقۇنلۇق داستان ئەيلىگەن ،      سەن شۇڭا بىر ئۆمۈر قىلمىساڭ ھۆرمەت ،      ياغدۇرار ئەل ساڭا ھەر قاچان نەپرەت .      بىل ئاناڭ يىغلىسا يىغلايدۇ جاھان ،      ئاناڭنىڭ كۆز يېشى بولار سەل - قىيان ،      ئاناڭنى قاقشاتساڭ ۋىجداننىڭ سوتى ،      سوتلايدۇ ئاقىۋەت ، بولىسەن ۋەيران ،      ئاناڭغا مۇلايىم بولسۇن گەپ - سۆزۈڭ ،      قاقشاتساڭ مۇقەررەر كور بولۇر كۆزۈڭ .        مەنبە : ئۈرۈمچى كەچلىك گېزىتى

ئاجايىپ

	سەن ئانامنىڭ بارىدا  ئانام جىنىم ئانام ياتار جايىم مەخمەلتى  ئانام جىنىم ئانام سەن ئانامدىن ئايرىلىپ  ئانام جىنىم ئانام ياتار جايىم داق قالدى  ئانام جىنىم ئانام بۇ ناخشىلار يوقاپ كەتتىغۇ  ئانىنىڭ ئورنىنى مەبەت ئىلۋاپ بارامدۇ ؟ تىمىڭىزغا رەھمەت.

axek13999649893

	ياشاپ كىتىڭ ئۇلۇغ اللە قولىڭىزغا دەرت بەمىسۇن

tuntaxvixi

	ئانىللىرىمىز ئامان بولسۇن

AHMATJAN0995

	ياشاڭ

bulak83

	ياخشى ئەسەرلەر يەنە مەيدانغا كەلگنىگە قاراپ خۇش بۇلۋاتىمە جۇمۇ

sirlikmalika

	تولىمۇ ئەھمىيەتلىك يېزىلىپ تۇ !!مۇشۇ شېئىرنى بىزنىڭ مەكتەپنىڭ تېمىغا چاپلاپ قويساق بولغۇدەك جۇمۇ!!

anatil3

	ھېلىغۇ ئانىغا ئالىيىش ئىكەن ئانامغا،،قىڭغىر قاراپمۇ باققان بالا ئەمەسمەن تىما ئىگىسىگە رەخمەت،،،،،،،،،

bugaltir

	ئانا ھاياتلىقنىڭ قۇياشى، مېھرى مۇھەببەتنىڭ بۇلىقى، سىرلار كانى، ئالەمنىڭ گۈلتاجى!              ئانا دېگەن بۇ سۆزنىڭ مەنىسى دېڭىز -ئوكيانلاردەك چوڭقۇر، ئالەم بوشلۇقىدەك كەڭ ، تاڭ قۇياشىدەك يارقىنكى، بۇنى تەرىپلەشكە تىل، يېزىشقا قەلەم ئاجىزلىق قىلىدۇ. ئىنسانلارنىڭ تۇنجى ئەجداتى ئادەم ئەلەيھىسالامنىڭ جۆرىسى ھەۋۋا ئانىدىن تارتىپ بارلىق ئىنسانلارنى تۇغۇپ ئۆستۈرۈشتىن ئىبارەت بىر ئۇلۇغ ۋەزىپىنى زىممىسىگە ئالغان.               ئالەمدىكى جىمى ئىنسانلار ئانىدىن تۇغۇلغان، ئانىدىن ئاق سۈت ئەمگەن، ئانىنىڭ(ئاتىنىڭ) پەرۋىشىدە چوڭ بولغان.                ئانا -  ئىنساننى پەرۋىش قىلغۇچى، ئەقلىنى تاكامۇللاشتۇرغۇچى تۇنجى ئىنسان . شۇ ۋەجىدىن بارلىق  شان -شەرەپ ۋە ئۇلۇغلۇق ئانىلارغا خاس. ئۇلۇغلۇقتا ئانىلارغا تەڭداش يەنە بىر ئىنسان تېپىلماس!

pah

	مۇنبەردىگەنگەمۇنداق تىمىلارنى يولىمامدۇ نەدە ئاقماس سەپسەپە يوللىغىچە تىمىڭىز ھەقىقەتەنمۇ بەك ئەھمىيەتلىك ئىكەن مۇھەببەتكە دۈم چۈشۈپ ئانسىنى ئۇنتۇپ قالغانلار سەل بولسىمۇ ۋىژدان ئازابى تارتا ئىسىل تىمالارنى ئايمىغايسىز